ຍົກລະດັບຄວາມຮູ້ວຽກງານສະກັດກັ້ນ ແລະ ຕ້ານການສໍ້ລາດບັງຫຼວງ


...

    

   ເພື່ອເປັນການເພີ່ມທະວີ ຕໍ່ວຽກງານສະກັດກັ້ນ ແລະ ຕ້ານ ການສໍ້ລາດບັງຫຼວງໃຫ້ນັບມື້ ນັບມີຄວາມເຂັ້ມແຂງໃນວັນທີ 20 ກັນຍາ ນີ້ ຄະນະກວດກາ ສູນກາງພັກ, ອົງການກວດກາ ລັດຖະບານ ແລະ ອົງການຕ້ານ ການສໍ້ລາດບັງຫຼວງຂັ້ນສູນ ກາງ ໄດ້ຈັດຊຸດຝຶກອົບຮົມວຽກ ງານດັ່ງກ່າວ ຊຸດທີ I ປະຈຳປີ 2017 ຂຶ້ນທີ່ແຂວງຫຼວງພະບາງ ໂດຍການເປັນປະທານຂອງ ທ່ານ ວິໄລວັນ ບຸດດາຄຳ ຄະ ນະພັກ ຮອງປະທານຄະນະ ກວດກາສູນກາງພັກ, ອົງການ ກວດກາລັດຖະບານ ແລະ ອົງ ການຕ້ານການສໍ້ລາດບັງຫຼວງ ຂັ້ນສູນກາງ, ມີຄະນະປະຈຳ ພັກແຂວງ, ທ່ານ ອີລິກ ຮັກກາ ວິສ ຫົວໜ້າຝ່າຍບໍລິຫານສະ ຖາບັນຊ່ວຍເຫຼືອດ້ານກົດໝາຍ ທັງເປັນຜູ້ຕາງໜ້າສະຖານທູດ ລຸກຊຳບວກ ປະຈຳ ສປປ ລາວ ພະນັກງານກວດກາຈາກ 7 ແຂວງເຂົ້າຮ່ວມ.
ຊຸດອົບຮົມຄັ້ງນີ້ ແມ່ນການ ຮ່ວມມືລະຫວ່າງຄະນະກວດ ກາສູນກາງພັກ, ອົງການກວດ ກາລັດຖະບານ, ອົງການຕ້ານ ການສໍ້ລາດບັງຫຼວງຂັ້ນສູນກາງ ກັບສະຖານທູດລຸກຊຳບວກ ປະຈຳ ສປປ ລາວ ກໍຄືສະຖາ ບັນຊ່ວຍເຫຼືອດ້ານກົດໝາຍ, ລຸກຊຳບວກປະຈຳລາວ ແລະ ຄະນະກວດກາແຂວງຫຼວງພະ ບາງ ເພື່ອສືບຕໍ່ປະກອບສ່ວນ ເຂົ້າໃນການຍົກສູງຄວາມຮູ້ ຄວາມສາມາດດ້ານວຽກງານ ສະກັດກັ້ນ ແລະ ຕ້ານການສໍ້ ລາດບັງຫຼວງຂອງພະນັກງານ ກວດກາໃຫ້ນັບມື້ນັບສູງຂຶ້ນ, ເຫັນໄດ້ເຖິງຜົນຮ້າຍຄວາມອັນ ຕະລາຍຂອງການສໍ້ລາດບັງ ຫຼວງຢູ່ພາຍໃນປະເທດກໍຄື ພາກພື້ນສາກົນ, ທັງເປັນການ ຍົກລະດັບຄວາມຮັບຜິດຊອບ ຂອງທຸກພາກສ່ວນຂັ້ນສູນກາງ ແລະ ທ້ອງຖິ່ນໃນການເຄື່ອນ ໄຫວວຽກງານຕິດຕາມ, ກວດ ກາ ສະກັດກັ້ນ ແລະ ຕ້ານການ ສໍ້ລາດບັງຫຼວງຢ່າງມີປະສິດທິ ຜົນ ຊຶ່ງນັກສຳມະນາກອນທີ່ ເຂົ້າຮ່ວມຊຸດຝຶກອົບຮົມຄັ້ງນີ້ ຈະໄດ້ຮັບຟັງການບັນຍາຍ ຈາກບັນດານັກວິທະຍາກອນຜູ້ ທີ່ມີປະສົບການ ຂອງສະຖາ ບັນຊ່ວຍເຫຼືອດ້ານກົດໝາຍ ປະເທດລຸກຊຳບວກ ແລະ ຈາກ ຄະນະກວດກາສູນກາງພັກ, ອົງການກວດກາລັດຖະບານ ໃນນັ້ນ ຈະລົງເລິກບາງເນື້ອໃນ ກ່ຽວກັບ ຍຸດທະສາດວ່າດ້ວຍ ການຕ້ານການສໍ້ລາດບັງຫຼວງ ຮອດປີ 2020, ກ່ຽວກັບວຽກ ງານຕິດຕາມ, ກວດກາໂຄງ ການລົງທຶນຂອງລັດເລີ່ມແຕ່ ຫົວທີ, ຄວາມຮູ້ພື້ນຖານກ່ຽວ ກັບວຽກງານສະກັດກັ້ນ ແລະ ຕ້ານການສໍ້ລາດບັງຫຼວງ, ຄວາມຮູ້ພື້ນຖານກ່ຽວກັບວຽກ ງານສືບສວນ-ສອບສວນ ໃນ ຂົງເຂດວຽກງານສະກັດກັ້ນ ແລະ ຕ້ານການສໍ້ລາດບັງຫຼວງ, ສົນທິສັນຍາສະຫະປະຊາຊາດ ວ່າດ້ວຍການຕ້ານການສໍ້ລາດ ບັງຫຼວງ, ຄວາມພະຍາຍາມໃນ ການແກ້ໄຂບັນຫາການສໍ້ລາດ ບັງຫຼວງໃນພາກພື້ນ ແລະ ສາ ກົນ ແລະ ເອກະສານກ່ຽວກັບ ໂຄງຮ່າງການຈັດຕັ້ງຂອງອົງ ການກວດກາລັດຖະບານ ແລະ ອົງການຕ້ານການສໍ້ລາດບັງ ຫຼວງນັບແຕ່ສູນກາງຮອດທ້ອງຖິ່ນ.
ໂອກາດດັ່ງກ່າວນີ້ ທ່ານ ວິໄລວັນ ບຸດດາຄຳ ຍັງໄດ້ຮຽກ ຮ້ອງມາຍັງບັນດານັກວິທະຍາ ກອນຈົ່ງສຸມໃສ່ການບັນຍາຍ ແລະ ຖ່າຍທອດຄວາມຮູ້ປະ ສົບການຕົວຈິງ ໂດຍສະເພາະ ກ່ຽວກັບບົດຮຽນຂອງຕ່າງປະ ເທດ, ກ່ຽວກັບວິທີການຈັດຕັ້ງ ຜັນຂະຫຍາຍແຜນຍຸດທະ ສາດ, ກົດໝາຍ ແລະ ດຳລັດ ເຂົ້າສູ່ວຽກງານຕົວຈິງໃຫ້ຫຼາກ ຫຼາຍ, ອຸດົມສົມບູນ ແລະ ຮຽກຮ້ອງມາຍັງນັກສຳມະນາ ກອນທຸກທ່ານ ຈົ່ງເອົາໃຈໃສ່ ຕິດຕາມການບັນຍາຍຂອງ ອາຈານຢ່າງຈົດຈໍ່, ຕັ້ງຄຳຖາມ, ສົນທະນາແລກປ່ຽນບົດຮຽນ ຢ່າງເປັນຂະບວນຟົດຟື້ນ ແລະ ຮັບຜິດຊອບສູງ, ສາມາດເກັບ ກ່ຽວບົດຮຽນ ແລະ ປະສົບການ ໃໝ່ໆນຳໄປໝູນໃຊ້ເຂົ້າໃນ ວຽກງານຕົວຈິງຢູ່ທ້ອງຖິ່ນຕົນ.