ລາວ-ຫວຽດນາມ ເພີ່ມທະວີການຮ່ວມມື ດ້ານວິທະຍຸ


...

    

ກອງປະຊຸມພົບປະສອງ ຝ່າຍລະຫວ່າງວິທະຍຸກະຈາຍ ສຽງແຫ່ງຊາດລາວ ແລະ ວິທະ ຍຸກະຈາຍສຽງຫວຽດນາມ ໄດ້ ຈັດຂຶ້ນເມື່ອວັນທີ 20 ພະຈິກນີ້ ທີ່ໂຮງແຮມເມືອງແທັງ ນະ ຄອນຫຼວງວຽງຈັນ ຝ່າຍລາວ ນຳໂດຍ ທ່ານ ບໍ່ແສງຄຳ ວົງ ດາລາ ກຳມະການສູນກາງພັກ ລັດຖະມົນຕີກະຊວງຖະແຫຼງ ຂ່າວ, ວັດທະນະທຳ ແລະ ທ່ອງທ່ຽວ (ຖວທ), ຝ່າຍຫວຽດ ນາມນຳໂດຍ ທ່ານ ຫງວຽນ ເຖ ກີ ກຳມະການສູນກາງພັກກອມ ມູນິດຫວຽດນາມ ຜູ້ອຳນວຍ ການໃຫຍ່ວິທະຍຸຫວຽດນາມ. ການພົບປະກັນຄັ້ງນີ້ ສອງຝ່າຍໄດ້ທົບທວນຄືນການ ຈັດຕັ້ງປະຕິບັດສັນຍາການ ຮ່ວມມືກັນ ໃນໄລຍະຜ່ານມາ ໂດຍສອງ ຝ່າຍ ໄດ້ມີການແລກປ່ຽນ ການຢ້ຽມຢາມຄະນະນຳ ແລະ ວິຊາການ, ແລກປ່ຽນນັກຂ່າວ ເພື່ອເກັບກຳຂ່າວເຫດການ ສຳຄັນທີ່ເກີດຂຶ້ນຢູ່ທັງສອງ ປະເທດ, ແລກປ່ຽນທາງດ້ານ ເຕັກນິກ, ວິທະຍຸຫວຽດນາມ ໄດ້ໃຫ້ການຊ່ວຍເຫຼືອຝຶກອົບ ຮົມວິຊາການ, ໃຫ້ຄຳປຶກສາ ແລະ ແກ້ໄຂບັນຫາທີ່ຂັດຂ້ອງ ດ້ານເຕັກນິກໃຫ້ແກ່ວິທະ ຍຸກະຈາຍສຽງແຫ່ງຊາດລາວ ຫຼາຍຄັ້ງ, ຜ່ານການຈັດຕັ້ງ ປະຕິບັດການຮ່ວມມືກັນຜ່ານ ມາແມ່ນມີໝາກຜົນຢ່າງຫຼວງ ຫຼາຍ. ໃນໂອກາດດັ່ງກ່າວ ວິ ທະຍຸກະຈາຍສຽງແຫ່ງຊາດ ລາວ ໄດ້ສະເໜີຕໍ່ວິທະຍຸກະ ຈາຍສຽງຫວຽດນາມ ສືບຕໍ່ ຊ່ວຍຍົກລະດັບຄວາມຮູ້ ຄວາມ ສາມາດຂອງພະນັກງານວິຊາ ການບັນນາທິການ ແລະ ເຕັກ ນິກ ອັນສຳຄັນແມ່ນຢາກສ້າງ ຊ່ຽວຊານດ້ານເຕັກນິກທີ່ຊຳ ນານງານ ເພື່ອຕິດຕາມກວດ ກາສ້ອມແປງອຸປະກອນໃນ ຂອບເຂດທົ່ວປະເທດ, ສະເໜີ ໃຫ້ຫວຽດນາມຊ່ວຍຄົ້ນຄວ້າ ສ້າງລະບົບອຸປະກອນຜະລິດ ລາຍການ ແລະ ອອກອາກາດ ໃຫ້ໄດ້ມາດຕະຖານ ແລະ ເຄື່ອງສົ່ງເອັຟເອັມ 103.7 mhz ແລະ ອື່ນໆ.