ກອງປະຊຸມຄະນະພັກເປີດກວ້າງ ສນຊ ຄັ້ງທີ 2 ສະໄໝທີ 4


...

    

ສູນກາງແນວລາວສ້າງ ຊາດ (ສນຊ) ໄດ້ຈັດກອງປະ ຊຸມຄະນະພັກເປີດກວ້າງ ຄັ້ງທີ 2 ສະໄໝທີ 4 ຂຶ້ນໃນວັນທີ 21 ພະຈິກນີ້ ທີ່ຫ້ອງປະຊຸມໃຫຍ່ ສນຊ ໂດຍການເປັນປະທານ ຂອງ ສະຫາຍ ໄຊສົມພອນ ພົມວິຫານ ກຳມະການກົມ ການເມືອງສູນກາງພັກ ເລຂາ ຄະນະພັກ ປະທານສູນກາງ ແນວລາວສ້າງຊາດ, ມີບັນດາ ສະຫາຍຄະນະປະຈຳພັກ, ບັນ ດາສະຫາຍເລຂາ ຮອງເລຂາ ໜ່ວຍພັກ ສະມາຊິກພັກອາວຸ ໂສ, ພະນັກງານປະຕິວັດບຳ ນານ, ອະດີດຄະນະພັກສູນ ກາງແນວລາວຮັກຊາດ ພ້ອມ ດ້ວຍບັນດາສະມາຊິກພັກສົມ ບູນ ແລະ ສຳຮອງເຂົ້າຮ່ວມ. ກອງປະຊຸມຄັ້ງນີ້ ແມ່ນ ເພື່ອສະຫຼຸຸບຕີລາຄາຄືນການ ນຳພາຂອງຄະນະພັກ ສນຊ ໃນໄລຍະ 6 ເດືອນທີ່ຜ່ານມາ ແລະ ວາງທິດທາງແຜນການ ຕໍ່ໜ້າ ພ້ອມທັງຮັບຟັງການປະ ກອບຄຳເຫັນກ່ຽວກັບການນຳ ພາຂອງຄະນະພັກຂອງອົງ ການຈັດຕັ້ງມະຫາຊົນ ແລະ ການຕິດຕາມຊຸກຍູ້ແຜນການ ສ້າງໜ່ວຍພັກເຂັ້ມແຂງຮູ້ນຳ ພາຮອບດ້ານຂອງຄະນະກວດ ກາສູນກາງແນວລາວສ້າງຊາດ, ຮັບຟັງບົດລາຍງານຂອງກົມ ຈັດຕັ້ງ ແລະ ພະນັກງານກ່ຽວ ກັບວຽກງານການກໍ່ສ້າງພັກ- ພະນັກງານ ແລະ ປຶກສາຫາລື ວຽກງານສຳຄັນອື່ນໆຈຳນວນ ໜຶ່ງ. (ຂ່າວ: ສະຫວັນຄຳ)