ອັດຕະປື ມອບ-ຮັບໜ້າທີ່ ເລຂາພັກແຂວງ-ເຈົ້າແຂວງ ຜູ້ເກົ່າ ແລະ ຜູ້ໃໝ່


...

    

ແຂວງອັດຕະປື ໄດ້ຈັດພິ ທີມອບ-ຮັບໜ້າທີ່ ເລຂາພັກ ແຂວງ ເຈົ້າແຂວງ ລະຫວ່າງຜູ້ ເກົ່າ ແລະ ຜູ້ໃໝ່ຂຶ້ນ ໃນວັນທີ 21 ພະຈິກຜ່ານມານີ້ ທີ່ຫໍປະ ຊຸມໃຫຍ່ຂອງແຂວງ ໂດຍໃຫ້ ກຽດເຂົ້າຮ່ວມຂອງສະຫາຍ ພັນຄຳ ວິພາວັນ ກຳມະການ ກົມການເມືອງສູນກາງພັກ ຜູ້ ປະຈຳການຄະນະເລຂາທິການ ສູນກາງພັກ ຮອງປະທານປະ ເທດ ແຫ່ງ ສປປ ລາວ, ມີບັນ ດາສະຫາຍໃນຄະນະປະຈຳ ພັກແຂວງ, ກຳມະການພັກ ແຂວງ, ບັນດາການນຳຂອງ ແຂວງ, ພ້ອມດ້ວຍພາກສ່ວນ ກ່ຽວຂ້ອງເຂົ້າຮ່ວມ. ໃນພິທີ, ສະຫາຍ ນາງ ບຸດສະດີ ທະນະເມືອງ ຫົວໜ້າ ກົມຄຸ້ມຄອງພະນັກງານ ຄະ ນະຈັດຕັ້ງສູນກາງພັກ ໄດ້ຂຶ້ນ ຜ່ານມະຕິຕົກລົງຂອງກົມການ ເມືອງສູນກາງພັກ ວ່າດ້ວຍ ການແຕ່ງຕັ້ງເລຂາຄະນະບໍລິ ຫານງານພັກແຂວງອັດຕະປື ແລະ ຜ່ານດຳລັດຂອງນາຍົກ ລັດຖະມົນຕີ ວ່າດ້ວຍການ ແຕ່ງຕັ້ງເຈົ້າແຂວງອັດຕະປື ຊຶ່ງ ໃນນີ້ ກົມການເມືອງສູນກາງ ພັກ ໄດ້ອອກຄຳສັ່ງຍົກຍ້າຍ ສະຫາຍ ນາມ ວິຍະເກດ ກຳມະການສູນກາງພັກ ເລຂາ ຄະນະບໍລິຫານງານພັກແຂວງ ອັດຕະປື ຜູ້ເກົ່າ ໄປຮັບໜ້າທີ່ ໃໝ່ຢູ່ສະພາວິທະຍາສາດສັງ ຄົມແຫ່ງຊາດ. ພ້ອມດຽວກັນ ກົມການເມືອງສູນກາງພັກ ກໍ ໄດ້ຕົກລົງແຕ່ງຕັ້ງ ສະຫາຍ ເລັດ ໄຊຍະພອນ ຮອງເລຂາ ຄະນະບໍລິຫານງານພັກແຂວງ ອັດຕະປື ເປັນເລຂາຄະນະບໍລິ ຫານງານພັກແຂວງອັດຕະປື ແລະ ດຳລັດຂອງນາຍົກລັດ ຖະມົນຕີ ວ່າດ້ວຍການແຕ່ງຕັ້ງ ສະຫາຍ ເລັດ ໄຊຍະພອນ ເປັນເຈົ້າແຂວງອັດຕະປືຜູ້ໃໝ່. ຈາກນັ້ນ ໃນພິທີກໍໄດ້ມີການ ເຊັນບົດບັນທຶກມອບ-ຮັບໜ້າ ທີ່ກັນລະຫວ່າງ ເລຂາຄະນະບໍ ລິຫານງານພັກແຂວງ ເຈົ້າ ແຂວງອັດຕະປື ຜູ້ເກົ່າ ແລະ ຜູ້ ໃໝ່ ຢ່າງເປັນທາງການ. ໂອກາດດັ່ງກ່າວ, ສະຫາຍ ພັນຄຳ ວິພາວັນ ກໍໄດ້ມີຄຳ ເຫັນໂອ້ລົມ ຊຶ່ງສະຫາຍໄດ້ ກ່າວວ່າ: ການສັບຊ້ອນພະນັກ ງານການນຳຂັ້ນສູງໃນຄັ້ງນີ້ ແມ່ນອີງໃສ່ຄວາມຮຽກຮ້ອງ ຕ້ອງການຂອງໜ້າທີ່ວຽກງານ ໃນໄລຍະໃໝ່. ນອກຈາກນັ້ນ ສະຫາຍ ກໍໄດ້ຮຽກຮ້ອງໃຫ້ເຈົ້າ ແຂວງຜູ້ໃໝ່ ຕ້ອງມີວິໄສທັດ ໃນການເບິ່ງບັນຫາ ເພີ່ມທະວີ ຄວາມສາມັກຄີເປັນເອກະພາບ ໃນການນຳພາເປັນໝູ່ຄະນະ ເສີມຂະຫຍາຍຈຸດດີ, ແກ້ໄຂ ຈຸດອ່ອນ ໃນການຄຸ້ມຄອງລັດ ຄຸ້ມຄອງເສດຖະກິດ-ສັງຄົມ ປັບປຸງແບບແຜນນຳພາ, ແບບ ແຜນດຳລົງຊີວິດ, ເປັນແບບ ຢ່າງແກ່ມະຫາຊົນ ສ້າງຄວາມ ເຊື່ອໝັ້ນ ແລະ ເສີມຂະຫຍາຍ ມູນເຊື້ອທີ່ດີຂອງແຂວງ ເພື່ອ ນຳພາ ແລະ ປຸກລະດົມກຳລັງ ແຮງຂອງສັງຄົມ ພ້ອມກັນສ້າງ ສາພັດທະນາແຂວງອັດຕະປື ເດີນໄປຂ້າງໜ້າດ້ວຍບາດກ້າວ ທີ່ໜັກແໜ້ນ. (ຂ່າວ: ອັດຕະປື)