ຜົນກອງປະຊຸມລັດຖະບານ ສະໄໝສາມັນ ປະຈຳເດືອນກຸມພາ


...

     ກອງປະຊຸມລັດຖະບານ ສະໄໝສາມັນປະຈຳເດືອນກຸມພາ ໄດ້ໄຂຂຶ້ນໃນວັນທີ 23 ແລະ ອັດລົງໃນວັນທີ 24 ກຸມພາ 2017, ພາຍໃຕ້ການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ. ກອງປະຊຸມລັດຖະບານຄັ້ງນີ້ ໄດ້ພ້ອມກັນສຸມໃສ່ປຶກສາຫາລື ແລະ ຕົກລົງຮັບຮອງໃນດ້ານ ຫຼັກການຕໍ່ບັນດາເອກະສານສຳຄັນຈຳນວນໜຶ່ງດັ່ງນີ້:1. ຮ່າງກົດໝາຍວ່າດ້ວຍ ນ້ຳ ແລະ ຊັບພະຍາກອນແຫຼ່ງ ນ້ຳສະບັບປັບປຸງ; 2. ຮ່າງກົດໝາຍວ່າດ້ວຍ ການປົກປ້ອງອຸດສາຫະກຳ ພາຍໃນ; 3. ຜົນການຈັດຕັ້ງປະຕິ ບັດຄຳສັ່ງສະບັບເລກທີ 15/ນຍ, ລົງວັນທີ 13 ພຶດສະພາ 2016 ວ່າດ້ວຍການເພີ່ມທະວີ ຄວາມເຂັ້ມງວດໃນການຄຸ້ມ ຄອງ ແລະ ການກວດກາການ ຂຸດຄົ້ນໄມ້, ການເຄື່ອນຍ້າຍ ໄມ້ ແລະ ທຸລະກິດໄມ້; 4. ບົດລາຍງານການຈັດ ຕັ້ງປະຕິບັດງົບປະມານ 3 ເດືອນຂ້າມຜ່ານ, ການຈັດຕັ້ງ ປະຕິບັດງົບປະມານເດືອນມັງ ກອນ 2017 ແລະ ແຜນການ ຈັດຕັ້ງປະຕິບັດງົບປະມານ ເດືອນມີນາ, ເດືອນເມສາ ປີ 2017. 5. ບົດລາຍງານກ່ຽວກັບ ແຜນການພັດທະນາວິສາຫະ ກິດຂະໜາດນ້ອຍ ແລະ ຂະ ໜາດກາງ; 6. ຮ່າງຍຸດທະສາດວຽກ ງານການຈົດທະບຽນ ແລະ ສະຖິຕິພົນລະເມືອງ (2016- 2025); 7. ບົດລາຍງານກ່ຽວກັບ ໂຄງການກໍ່ສ້າງທາງດ່ວນເສັ້ນ ຄູ່ຂະໜານຖະໜົນໄກສອນ ພົມວິຫານ ຕິດພັນກັບໂຄງ ການສ້າງເຂດພັດທະນາດອກ ຈຳປາ; 8. ບົດລາຍງານກ່ຽວກັບ ຜົນຂອງກອງປະຊຸມ ຄັ້ງທີ 39 ຂອງຄະນະກຳມະການຮ່ວມມື ທະວີພາຄີລະຫວ່າງລັດຖະ ບານລາວ ແລະ ຫວຽດນາມ ປະຈຳປີ 2017; 9. ຮ່າງດຳລັດວ່າດ້ວຍຢາ ປາບສັດຕູພືດສະບັບປັບປຸງ; 10. ຮ່າງດຳລັດວ່າດ້ວຍ ກອງທຶນສ້າງ ແລະ ພັດທະນາ ສີມືແຮງງານ; 11. ບົດລາຍງານກ່ຽວກັບ ບັນຫາຢາເສບຕິດ; ຕໍ່ກັບຮ່າງກົດໝາຍ ວ່າດ້ວຍນ້ຳ ແລະ ຊັບພະຍາ ກອນແຫຼ່ງນ້ຳສະບັບປັບປຸງ, ກອງປະຊຸມໄດ້ຊີ້ນຳໃຫ້ບັນດາ ພາກສ່ວນທີ່ກ່ຽວຂ້ອງ ນຳໄປ ປັບປຸງຕື່ມຕາມການປະກອບ ຄຳຄິດຄຳເຫັນຂອງສະມາຊິກ ລັດຖະບານ ເປັນຕົ້ນແມ່ນເອົາ ໃຈໃສ່ປັບປຸງເນື້ອໃນ, ບັນດາ ຄຳສັບ, ສຳນວນທີ່ກຳນົດໃນ ບາງໝວດບາງມາດຕາ, ຊື່ຂອງ ກົດໝາຍ ແລະ ອື່ນໆ ເພື່ອ ເຮັດໃຫ້ຮ່າງກົດໝາຍດັ່ງກ່າວມີ ເນື້ອໃນຄົບຖ້ວນຊັດເຈນ, ຈະ ແຈ້ງ, ຮັດກຸມ ແລະ ບໍ່ຄັດກັບ ບັນດານິຕິກຳອື່ນໆ ທີ່ໄດ້ປະ ກາດໃຊ້ແລ້ວ ເພື່ອນຳສະເໜີ ສະພາແຫ່ງຊາດ ພິຈາລະນາ ຮັບຮອງເອົາໃນກອງປະຊຸມສະ ໄໝສາມັນເທື່ອທີ 3 ໃນເດືອນ ເມສາ 2017 ນີ້. ສຳລັບຮ່າງກົດໝາຍ ວ່າ ດ້ວຍການປົກປ້ອງອຸດສາຫະ ກຳພາຍໃນ, ເນື່ອງຈາກຂໍ້ມູນ ແລະ ເນື້ອໃນຍັງບໍ່ຄົບຖ້ວນ ຈຶ່ງ ມອບໃຫ້ພາກສ່ວນທີ່ກ່ຽວຂ້ອງ ຄົ້ນຄວ້າຄືນໃຫ້ລະອຽດແລ້ວ ນຳມາສະເໜີຜ່ານກອງປະຊຸມ ລັດຖະບານ. ກ່ຽວກັບບົດລາຍງານ ຂອງຄະນະສະເພາະກິດກ່ຽວ ກັບຜົນການຈັດຕັ້ງປະຕິບັດຄຳ ສັ່ງສະບັບເລກທີ 15/ນຍ, ລົງ ວັນທີ 13 ພຶດສະພາ 2016 ວ່າດ້ວຍການເພີ່ມທະວີຄວາມ ເຂັ້ມງວດໃນການຄຸ້ມຄອງ ແລະ ການກວດກາການຂຸດ ຄົ້ນໄມ້, ການເຄື່ອນຍ້າຍໄມ້ ແລະ ທຸລະກິດໄມ້. ເຫັນດີເປັນ ເອກະພາບຕໍ່ຜົນງານ, ດ້ານດີ, ດ້ານອ່ອນ ໃນການຈັດຕັ້ງປະຕິ ບັດຄຳສັ່ງເລກທີ 15/ນຍ, ຊົມ ເຊີຍຂະແໜງການ, ອຳນາດການ ປົກຄອງທ້ອງຖິ່ນ ແລະ ປະຊາ ຊົນບັນດາເຜົ່າ ທີ່ໄດ້ຕັ້ງໜ້າປະ ຕິບັດຄຳສັ່ງດັ່ງກ່າວ, ກອງປະ ຊຸມຊີ້ນຳໃຫ້ທຸກຂະແໜງການ ແລະ ທ້ອງຖິ່ນເອົາໃຈໃສ່ປະຕິ ບັດບາງວຽກງານຮີບດ່ວນດັ່ງນີ້: (1). ເຫັນດີໃຫ້ຄະນະສະ ເພາະກິດຕາມຂໍ້ຕົກລົງເລກທີ 40/ນຍ, ລົງວັນທີ 02 ມີຖຸນາ 2016 ສືບຕໍ່ປະຕິບັດໜ້າທີ່ ຂອງຕົນຕື່ມ ຈົນໝົດປີ 2017 ຈຶ່ງສະຫຼຸຸບຕີລາຄາລວມສະ ພາບການກວດກາ ແລະ ຕິດ ຕາມການຈັດຕັ້ງປະຕິບັດຄຳ ສັ່ງເລກທີ 15/ນຍ ໃນຂອບ ເຂດທົ່ວປະເທດ, ແຕ່ໃຫ້ເພີ່ມ ກຳລັງແຮງເຂົ້າຕື່ມ ເປັນຕົ້ນ ແມ່ນປັບປຸງບຸກຄະລາກອນ ແລະ ປັບປຸງພາລະບົດບາດ ໃຫ້ຖືກກັບຕົວຈິງ ໂດຍມີການ ສ້າງແຜນດຳເນີນງານ ແລະ ແບ່ງວຽກງານພາຍໃນຄະນະ ສະເພາະກິດໃຫ້ລະອຽດຊັດ ເຈນ. (2). ໃຫ້ຄະນະສະເພາະ ກິດ ສືບຕໍ່ຊອກໃຫ້ເຫັນໄດ້ຜູ້ ກະທຳຜິດ ແລະ ຜູ້ສົມຮູ້ຮ່ວມ ຄິດໃຫ້ການຮ່ວມມືໃນການລັກ ລອບຂຸດຄົ້ນໄມ້ ແລະ ສົ່ງອອກ ໄມ້ ທີ່ຂັດກັບກົດໝາຍ ແລະ ລະບຽບການກ່ຽວກັບປ່າໄມ້ ມາລົງໂທດຕາມລະບຽບກົດ ໝາຍຢ່າງເຂັ້ມງວດ, ການລົງ ໂທດນັ້ນ ບໍ່ສະເພາະແຕ່ພະ ນັກງານຂອງລັດ, ແຕ່ຕ້ອງລວມ ທັງຜູ້ປະກອບການທີ່ກະທຳ ຜິດ ກໍຕ້ອງລົງໂທດຕາມກົດ ໝາຍຢ່າງເຂັ້ມງວດ. (3). ໃຫ້ກະຊວງອຸດສາ ຫະກຳ ແລະ ການຄ້າເປັນເຈົ້າ ການ ປັບປຸງຄະນະຮັບຜິດຊອບ ຈັດຕັ້ງປະມູນຊື້-ຂາຍໄມ້ ທີ່ຢຶດ ເປັນຂອງລັດແລ້ວ ໂດຍມອບ ໃຫ້ຮອງລັດຖະມົນຕີກະຊວງ ອຸດສາຫະກຳ ແລະ ການຄ້າ ເປັນຫົວໜ້າຄະນະ ແລະ ປະ ກອບດ້ວຍຜູ້ຕາງໜ້າຈາກກະ ຊວງການເງິນ, ກະຊວງກະສິ ກຳ ແລະ ປ່າໄມ້ ແລະ ບັນດາ ພະແນກການທີ່ກ່ຽວຂ້ອງຢູ່ແຕ່ ລະທ້ອງຖິ່ນ ເພື່ອຈັດຕັ້ງການ ປະມູນຊື້-ຂາຍໄມ້ ໃນຂອບ ເຂດທົ່ວປະເທດໃຫ້ສຳເລັດ ໂດຍໄວ. ພ້ອມກັນນັ້ນ ກໍຕ້ອງ ຄົ້ນຄວ້າກົນໄກ ແລະ ມາດຕະ ການໃນການປະມູນຊື້-ຂາຍ ໄມ້ໃຫ້ດີ ແລະ ມີປະສິດທິຜົນ. (4). ສຳລັບໄມ້ທີ່ຍັງບໍ່ທັນ ໄດ້ເອົາລົງຈາກລົດ ແລະ ຍັງ ບໍ່ທັນໄດ້ກວດກາຂຶ້ນບັນຊີໄມ້ ນັ້ນ ແມ່ນມອບໃຫ້ຄະນະສະ ເພາະກິດ ສືບຕໍ່ສົມທົບກັບອົງ ການປົກຄອງທ້ອງຖິ່ນ ແລະ ຜູ້ ປະກອບການ ເພື່ອເອົາໄມ້ລົງ ຈາກລົດແລ້ວຂຶ້ນບັນຊີ ແລະ ກວດກາແຫຼ່ງທີ່ມາຂອງໄມ້ໃຫ້ ລະອຽດຄັກແນ່ ແລະ ໃຫ້ສຳ ເລັດຕາມກຳນົດເວລາທີ່ລະບຸ ໄວ້ໃນບົດບັນທຶກລະຫວ່າງຄະ ນະສະເພາະກິດສູນກາງ ແລະ ແຂວງທີ່ກ່ຽວຂ້ອງ, ຖ້າຜູ້ປະ ກອບການບໍ່ໃຫ້ການຮ່ວມມື ແມ່ນໃຫ້ຢຶດໄມ້ຈຳນວນດັ່ງ ກ່າວເປັນຂອງລັດ. (5). ໃຫ້ກະຊວງອຸດສາ ຫະກຳ ແລະ ການຄ້າ ເປັນເຈົ້າ ການສົມທົບກັບກະຊວງກະສິ ກຳ ແລະ ປ່າໄມ້, ທ້ອງຖິ່ນ ແລະ ພາກສ່ວນທີ່ກ່ຽວຂ້ອງສືບຕໍ່ຍຸບ ເລີກໂຮງງານປຸງແຕ່ງໄມ້ທີ່ຕັ້ງ ຢູ່ໃນເຂດປ່າສະຫງວນຈຳນວນ 16 ແຫ່ງໃຫ້ສຳເລັດພາຍໃນ ເດືອນກຸມພາ 2017 ນີ້. (6). ໃຫ້ກະຊວງອຸດສາ ຫະກຳ ແລະ ການຄ້າ ສືບຕໍ່ຊີ້ ນຳ ແລະ ຊຸກຍູ້ການສົ່ງອອກ ໄມ້ປອກ ແລະ ໄມ້ຝານທີ່ຍັງ ຕົກຄ້າງ ຈຳນວນ 2.418 ແມັດກ້ອນ ເພື່ອສົ່ງອອກໃຫ້ສຳ ເລັດໂດຍໄວ. (7). ມອບໃຫ້ກະຊວງກະ ສິກຳ ແລະ ປ່າໄມ້ ສົມທົບກັບ ກະຊວງອຸດສາຫະກຳ ແລະ ການຄ້າ ລົງສົມທົບກັບແຂວງ ອັດຕະປື ເພື່ອດຳເນີນການ ກວດກາໃຫ້ລະອຽດກ່ຽວກັບ ໄມ້ເສຍຫາຍ ແລະ ໄມ້ໄຟໄໝ້ ຈຳນວນ 8.705 ແມັດກ້ອນ ແລ້ວລາຍງານລັດຖະບານ. (8). ສຳລັບໄມ້ຜ່ານຈຳ ນວນ 2.910,161 ໂຕນ (ໄມ້ ຂະຍຸງ ຈຳນວນ 1.681,476 ໂຕນ, ໄມ້ປະດົງ ຈຳນວນ 923,685 ໂຕນ ແລະ ໄມ້ດູ່ ຈຳນວນ 305 ໂຕນ) ຢູ່ແຂວງ ສະຫວັນນະເຂດ ແລະ ໄມ້ທີ່ ບໍ່ມີເອກະສານ ຊຶ່ງເປັນໄມ້ທີ່ ນອນໃນບ້ວງເຮັດທົດລອງຈຳ ນວນ 7.783,421 ແມັດ ກ້ອນ ແລະ 3.718,800 ໂຕນ ຢູ່ແຂວງສາລະວັນ ແມ່ນມອບ ໃຫ້ກະຊວງອຸດສາຫະກຳ ແລະ ການຄ້າ ສົມທົບກັບພາກສ່ວນ ທີ່ກ່ຽວຂ້ອງອອກແຈ້ງການໃຫ້ ຜູ້ປະກອບການຖອກພັນທະ ຕາມກຳນົດເວລາທີ່ລະບຸໄວ້ ໃນບົດບັນທຶກລະຫວ່າງຄະນະ ສະເພາະກິດສູນກາງ ແລະ ແຂວງທີ່ກ່ຽວຂ້ອງ ເພື່ອໃຫ້ສາ ມາດນຳໄປປຸງແຕ່ງ, ຖ້າຜູ້ປະ ກອບການ ຫາກບໍ່ມາຖອກພັນ ທະຕາມກຳນົດເວລາ ແມ່ນໃຫ້ ຢຶດໄມ້ຈຳນວນດັ່ງກ່າວມາເປັນ ຂອງລັດ. (9). ສຳລັບໄມ້ທີ່ຜູ້ປະ ກອບການເກັບຊື້ນຳປະຊາຊົນ ຢູ່ແຂວງຄຳມ່ວນ ຊຶ່ງເປັນໄມ້ ທີ່ບໍ່ມີການອະນຸມັດ ແລະ ມີ ແຫຼ່ງທີ່ມາບໍ່ຖືກຕ້ອງຈຳນວນ 8.063,887 ແມັດກ້ອນ ແມ່ນ ມອບໃຫ້ແຂວງຄຳມ່ວນ ອອກ ຂໍ້ຕົກລົງອາຍັດໄມ້ຈຳນວນດັ່ງ ກ່າວມາເປັນຂອງລັດ. (10). ໃຫ້ກະຊວງກະສິກຳ ແລະ ປ່າໄມ້, ກະຊວງການເງິນ ແລະ ກະຊວງອຸດສາຫະກຳ ແລະ ການຄ້າ ສົມທົບກັບອົງ ການປົກຄອງທ້ອງຖິ່ນດຳເນີນ ການກວດກາ, ປັບປຸງໜ່ວຍ ງານ, ຂະແໜງການສາຍຕັ້ງ ຂອງຕົນຢູ່ທ້ອງຖິ່ນທີ່ຮັບຜິດ ຊອບວຽກງານຄຸ້ມຄອງປ່າໄມ້, ທຸລະກິດໄມ້ ແລະ ພະນັກງານປະຈຳຢູ່ດ່ານພາສີໃຫ້ປະຕິບັດໜ້າທີ່ຂອງຕົນຢ່າງເຂັ້ມງວດ ເພື່ອບໍ່ໃຫ້ມີການສວຍໂອກາດ ຫາຜົນປະໂຫຍດແກ່ຕົນເອງ ແລະ ຝ່າຝືນກົດໝາຍ ແລະ ລະ ບຽບການ ຖ້າກວດເຫັນການ ລະເມີດ ແລະ ການກະທຳຜິດ ຕ້ອງໄດ້ລົງວິໄນ ແລະ ລົງໂທດ ຕາມລະບຽບກົດໝາຍ. ໃຫ້ກະ ຊວງກ່ຽວຂ້ອງ ແລະ ທ້ອງຖິ່ນ ປັບປຸງກົນໄກການປະສານງານ ໃຫ້ເປັນລະບົບ, ວ່ອງໄວ ແລະ ຊັດເຈນກ່ວາເກົ່າ. (11). ໃຫ້ຄະນະສະເພາະ ກິດ ສືບຕໍ່ກວດກາ ແລະ ເກັບ ກຳຂໍ້ມູນໃຫ້ລະອຽດຊັດເຈນ ກ່ຽວກັບດ່ານທີ່ມີການອະນຸມັດ ໃຫ້ສົ່ງໄມ້ອອກໄປຕ່າງປະເທດ ມີດ່ານໃດແດ່? ແລະ ພາກສ່ວນ ໃດ? ແລະ ພະນັກງານຜູ້ໃດເປັນ ຜູ້ອະນຸມັດໃຫ້ສົ່ງອອກ, ພະນັກ ງານຂອງລັດທີ່ໃຫ້ການຮ່ວມມື ແລະ ສົມຮູ້ຮ່ວມຄິດກັບຜູ້ປະ ກອບການທີ່ລັກລອບສົ່ງອອກ ໃຫ້ສືບຕໍ່ຄົ້ນຄວ້າຢ່າງຈິງຈັງ ແລະ ສະຫຼຸຸບສັງລວມລາຍງານລັດ ຖະບານ ຕາມເວລາອັນຄວນ. ສຳລັບບົດລາຍງານກ່ຽວ ກັບການຈັດຕັ້ງປະຕິບັດງົບປະ ມານ 3 ເດືອນຂ້າມຜ່ານ, ການ ຈັດຕັ້ງປະຕິບັດງົບປະມານເດືອນມັງກອນ 2017 ແລະ ແຜນການຈັດຕັ້ງປະຕິບັດງົບ ປະມານ ເດືອນມີນາ, ເດືອນເມສາ ປີ 2017. ກອງປະຊຸມໄດ້ຊີ້ນຳໃຫ້ບັນດາພາກສ່ວນ ທີ່ ກ່ຽວຂ້ອງນຳໄປປັບປຸງຕື່ມຕາມການປະກອບຄຳຄິດຄຳເຫັນ ຂອງສະມາຊິກລັດຖະບານ, ເປັນຕົ້ນຕ້ອງສຶກສາຄົ້ນຄວ້າ ແລະ ວິໄຈຄືນ ບັນດາມາດຕະ ການຈັດເກັບລາຍຮັບທີ່ຜ່ານ ມາ, ຄົບຖ້ວນແລ້ວບໍ?, ບັນດາ ຫົວໜ່ວຍທຸລະກິດຕ້ອງຖືບັນ ຊີ, ນຳໃຊ້ລະບົບທີ່ທັນສະໄໝ ເຂົ້າໃນການຈັດເກັບລາຍຮັບ, ລົງເລິກກວດກາຄືນບັນດາຖານ ລາຍຮັບຕ່າງໆຄົບຖ້ວນແລ້ວບໍ?, ອັດທຸກຊ່ອງຫວ່າງການ ຮົ່ວໄຫຼຂອງງົບປະມານ ເມື່ອ ພົບເຫັນບັນຫາ ໂດຍສະເພາະ ຄວາມບໍ່ໂປ່ງໃສ ຕ້ອງຮີບຮ້ອນ ແກ້ໄຂທັນທີ ໂດຍບໍ່ລໍຖ້າ. ພ້ອມ ດຽວກັນນີ້ ຕ້ອງເອົາໃຈໃສ່ຊຸກຍູ້ການເກັບລາຍຮັບຢູ່ທ້ອງຖິ່ນ. ໄປຄຽງຄູ່ກັບການຈັດຕັ້ງປະຕິ ບັດມາດຕະການປະຢັດ ແລະ ຕ້ານການຟຸມເຟືອຍ, ກວດກາ ຄືນບັນຊີຈຳນວນພົນຕົວຈິງໃນ ຂະແໜງການຕ່າງໆ, ເປັນຕົ້ນ ຂະແໜງການສຶກສາ, ສາທາ ລະນະສຸກ, ຂະແໜງປ້ອງກັນ ຊາດ-ປ້ອງກັນຄວາມສະຫງົບ. ບົດລາຍງານກ່ຽວກັບແຜນ ການພັດທະນາວິສາຫະກິດຂະ ໜາດນ້ອຍ ແລະ ຂະໜາດກາງ. ຕໍ່ກັບບົດລາຍງານດັ່ງກ່າວ, ກອງ ປະຊຸມເຫັນດີໃຫ້ພາກສ່ວນທີ່ ກ່ຽວຂ້ອງ ນຳໄປປັບປຸງຄືນ, ແລ້ວ ນຳສະເໜີຂໍຄຳເຫັນຈາກກອງ ປະຊຸມກົມການເມືອງສູນກາງ ພັກ, ກອງປະຊຸມຄົບຄະນະບໍ ລິຫານງານສູນກາງພັກ ພາຍ ຫຼັງມີຄຳເຫັນແລ້ວ ຈາກນັ້ນລັດ ຖະບານຈະສະເໜີໃຫ້ສະພາ ແຫ່ງຊາດພິຈາລະນາຮັບຮອງ; ສຳຄັນພາຍຫຼັງທີ່ປະກາດໃຊ້ ແລ້ວ ຕ້ອງສາມາດປະຕິບັດໄດ້, ມີການຈັດລຽງບຸລິມະສິດໃນ ການຈັດຕັ້ງປະຕິບັດ, ກົນໄກ ແລະ ມາດຕະການຕົວຈິງໃຫ້ ລະອຽດ, ຈະແຈ້ງ, ເບິ່ງຄືນ 7 ນະໂຍບາຍຊຸກຍູ້ສົ່ງເສີມວິສາ ຫະກິດຂະໜາດນ້ອຍ ແລະ ຂະ ໜາດກາງທີ່ກຳນົດອອກ, ເປັນ ຕົ້ນນະໂຍບາຍສົ່ງເສີມການ ເພີ່ມຜະລິດຕະພາບ, ເຕັກໂນ ໂລຊີ ແລະ ນະວັດຕະກຳຈະ ເຮັດຫຍັງແດ່, ນະໂຍບາຍສົ່ງ ເສີມການເຂົ້າເຖິງແຫຼ່ງທຶນຂອງ ຈຸລະວິສາຫະກິດຈະກຳນົດອັດ ຕາດອກເບ້ຍເງິນກູ້, ໄລຍະເວ ລາ ໃນການຊຳລະຊະສາງ, ການ ຄ້ຳປະກັນ ຫຼື ການຕະຫຼາດຈະ ມີການຊ່ວຍເຫຼືອຄືແນວໃດ?. ພ້ອມດຽວກັນນັ້ນ ຕ້ອງເອົາໃຈ ໃສ່ສ້າງຄົນໃຫ້ຮູ້ຈັກປະກອບ ອາຊີບ ເພື່ອມີວຽກເຮັດງານທຳ ໃນນັ້ນ ບັນດາໂຮງຮຽນ, ສູນ ຝຶກອົບຮົມຕ່າງໆ ຕ້ອງກຳນົດ ຫຼັກສູດການຮຽນການສອນ ເພື່ອ ເຮັດໃຫ້ສັງຄົມມາຮຽນວິຊີບຫຼາຍຂຶ້ນກ່ວາເກົ່າ ທັງນີ້ກໍເພື່ອ ຕອບສະໜອງກັບຄວາມຮຽກຮ້ອງ ຕ້ອງການຂອງການພັດທະນາ. ຮ່າງຍຸດທະສາດ ວຽກງານ ການຈົດທະບຽນ ແລະ ສະຖິຕິພົນລະເມືອງ (2016-2025), ກອງປະຊຸມໄດ້ຊີ້ນຳໃຫ້ພາກ ສ່ວນທີ່ກ່ຽວຂ້ອງນຳໄປປັບປຸງຕື່ມ ຕາມຄຳເຫັນຂອງສະມາ ຊິກລັດຖະບານ, ເປັນຕົ້ນເອົາ ໃຈໃສ່ປັບປຸງບັນດາເນື້ອໃນ ແລະ ຄຳສັບຕ່າງໆ, ກຳນົດບັນ ດາຄາດໝາຍ, ວິໄສທັດ ແລະ ຍຸດທະສາດຕ່າງໆໃຫ້ຈະແຈ້ງ ໂດຍມອບໃຫ້ກະຊວງພາຍໃນ ເປັນຜູ້ຄຸ້ມຄອງ ແລະ ເປັນໃຈ ກາງປະສານງານກັບພາກສ່ວນ ຕ່າງໆ ໃນຂອບເຂດທົ່ວປະເທດ ໂດຍມີກອງເລຂາສັງກັດຢູ່ກະ ຊວງພາຍໃນ. ພ້ອມດຽວກັນນີ້ ແມ່ນໃຫ້ນຳໃຊ້ເຕັກນິກ ແລະ ກົນໄກຕ່າງໆ ເພື່ອຫັນເປັນທັນ ສະໄໝ. ກ່ຽວກັບບົດລາຍງານໂຄງ ການກໍ່ສ້າງທາງດ່ວນ, ເສັ້ນຄູ່ ຂະໜານຖະໜົນ ໄກສອນ ພົມ ວິຫານ ຕິດພັນກັບໂຄງການ ສ້າງເຂດພັດທະນາດອກຈຳປາ. ຕໍ່ບົດລາຍງານດັ່ງກ່າວ, ກອງປະຊຸມເຫັນດີໃຫ້ພາກສ່ວນທີ່ກ່ຽວຂ້ອງ ນຳໄປປັບປຸງຕື່ມ ຕາມຄຳເຫັນຂອງສະມາຊິກ ລັດຖະບານ, ເປັນຕົ້ນແຜນການ ກໍ່ສ້າງໂຄງການດັ່ງກ່າວຕ້ອງ ໄປຕາມການວາງແຜນລວມ ໂດຍໃຫ້ເອົາໃຈໃສ່ຈັດຕັ້ງປະຕິ ບັດໃຫ້ຖືກຕ້ອງຕາມການວາງ ຜັງເມືອງ, ສຶກສາຄົ້ນຄວ້າຮູບ ແບບຂອງການລົງທຶນ, ເອົາໃຈ ໃສ່ເຈລະຈາເງື່ອນໄຂຕ່າງໆ ໂດຍສະເພາະທຶນກູ້ຢືມ, ໄລ ຍະໃນການຊຳລະຊະສາງລວມ ທັງເອົາໃຈໃສ່ແກ້ໄຂບັນຫາ ການຊົດເຊີຍໃຫ້ປະຊາຊົນໃຫ້ ດີ ເພື່ອບໍ່ໃຫ້ມີຜົນກະທົບຕາມ ມາ. ພ້ອມດຽວກັນນີ້ໃຫ້ເອົາໃຈ ໃສ່ຈັດສັນສະຖານທີ່ຈອດລົດ, ກຳນົດໂມງເວລາໃນການເຂົ້າ- ອອກຂອງນັກຮຽນ, ສຳນັກງານ -ອົງການຕ່າງໆໃຫ້ຊັດເຈນ, ຄຸ້ມ ຄອງການນຳເຂົ້າລົດ ເພື່ອຫຼຸຸດ ຜ່ອນຄວາມແອອັດໃນການ ສັນຈອນຕາມທ້ອງຖະໜົນ. ກ່ຽວກັບວຽກງານຈຸດສຸມ ໃນເດືອນມີນາ 2017 ທ່ານນາຍົກລັດຖະມົນຕີ ໄດ້ຊີ້ນຳໃຫ້ສະມາຊິກລັດຖະ ບານ ຈົ່ງນຳເອົາເນື້ອໃນຈິດໃຈ ທີ່ໄດ້ຕົກລົງເປັນເອກະພາບ ໃນກອງປະຊຸມຄັ້ງນີ້ ໄປຈັດຕັ້ງ ຜັນຂະຫຍາຍ, ພ້ອມກັນນີ້ໃຫ້ ສຸມໃສ່ຈັດຕັ້ງປະຕິບັດວຽກງານ ຈຸດສຸມຈຳນວນໜຶ່ງໃນເດືອນ ມີນາ 2017 ດັ່ງນີ້: 1. ກ່ອນອື່ນໝົດແມ່ນສືບ ຕໍ່ເອົາໃຈໃສ່ວຽກງານຮັກສາ ຄວາມສະຫງົບ, ສະຖຽນລະ ພາບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍໃນສັງຄົມ ໂດຍສືບຕໍ່ຕິດຕາມ ແລະ ສະກັດກັ້ນ ໜໍ່ແໜງທີ່ເປັນ ຄວາມສ່ຽງ ແລະ ຫຼໍ່ແຫຼມ, ເປັນ ຕົ້ນແມ່ນການເຄື່ອນໄຫວຂອງ ກຸ່ມຄົນບໍ່ດີ, ບັນຫາຢາເສບຕິດ, ການສວຍໃຊ້ສື່ສັງຄົມອອນ ລາຍ ເພື່ອປັ່ນປ່ວນສັງຄົມ, ທັບ ຖົມໂຈມຕີ ແລະ ແບ່ງແຍກປະ ຊາຊົນອອກຈາກລັດຖະບານ ແລະ ບັນຫາອື່ນໆທີ່ກົດໜ່ວງ ຖ່ວງດຶງ ແລະ ສ້າງຄວາມຫຍຸ້ງ ຍາກໃຫ້ແກ່ການພັດທະນາຂອງ ພວກເຮົາ. 2. ສຸມໃສ່ການແກ້ໄຂບັນ ຫາເສດຖະກິດ, ໃນນັ້ນ ບັນຫາ ສຳຄັນແມ່ນການປັບປຸງກົນໄກ, ວິທີການ ແລະ ປະສິດທິຜົນ ໃນການເກັບລາຍຮັບງົບປະ ມານ ແລະ ການຄຸ້ມຄອງລາຍ ຈ່າຍໃຫ້ຮັດກຸມ, ຄຽງຄູ່ກັບການ ປັບປຸງ ແລະ ຊຸກຍູ້ການຜະລິດ ທຸລະກິດ, ການຜະລິດເປັນສິນ ຄ້າ, ການສົ່ງເສີມການລົງທຶນ ແລະ ການຈັດຕັ້ງປະຕິບັດໂຄງ ການລົງທຶນຂະໜາດໃຫຍ່ໃຫ້ ມີປະສິດທິຜົນ. ກ່ຽວກັບບັນຫາ ນີ້, ລັດຖະບານຈະໄດ້ຈັດກອງປະ ຊຸມສະເພາະຮ່ວມກັບຄະນະເສດຖະກິດ ເພື່ອປຶກສາຫາລືກັນ. 3. ຮີບຮ້ອນຈັດຕັ້ງປະຕິ ບັດກົນໄກການບໍລິການຜ່ານ ປະຕູດຽວໃຫ້ໄວ ເພື່ອປະຕິບັດ ກົດໝາຍ ວ່າດ້ວຍສົ່ງເສີມການ ລົງທຶນ ສະບັບປັບປຸງ ແລະ ເພື່ອ ກະຕຸກຊຸກຍູ້ການລົງທຶນ ທັງພາຍ ໃນ ແລະ ຕ່າງປະເທດ. ພ້ອມ ດຽວກັນກໍໃຫ້ເອົາໃຈໃສ່ຕິດ ຕາມ, ອຳນວຍຄວາມສະດວກ ແລະ ແກ້ໄຂບັນຫາທີ່ເປັນຂອດ ອຸດຕັນ ແລະ ຖ່ວງດຶງການ ເຄື່ອນໄຫວທຸລະກິດໃຫ້ມີປະ ສິດທິຜົນ ບົນພື້ນຖານຕາມກົດ ໝາຍ ແລະ ລະບຽບການ. 4. ປະສານສົມທົບກັບພາກ ສ່ວນທີ່ກ່ຽວຂ້ອງຂອງ ສສ ຫວຽດ ນາມ ເພື່ອຮີບຮ້ອນຊຸກຍູ້ການ ຈັດຕັ້ງປະຕິບັດຜົນຂອງກອງ ປະຊຸມຄະນະກຳມະການຮ່ວມ ມື ລາວ-ຫວຽດນາມ ຄັ້ງທີ 39 ໃນຕົ້ນເດືອນນີ້ໃຫ້ມີຄວາມຄືບ ໜ້າໂດຍໄວ. ຫຼາຍໂຄງການທີ່ ສອງຝ່າຍໄດ້ຕົກລົງເປັນເອ ກະພາບ ໃນກອງປະຊຸມຄັ້ງນີ້ມີ ລັກສະນະຍຸດທະສາດ, ເປັນ ຕົ້ນແມ່ນໂຄງການພັດທະນາຢູ່ ແຂວງໄຊສົມບູນ, ໂຄງການ ທາງດ່ວນ ວຽງຈັນ-ຮ່າໂນ້ຍ, ໂຄງ ການທ່າເຮືອວຸ່ງອ່າງ, ແຜນພັດ ທະນາຊັບພະຍາກອນມະນຸດ ແລະ ອື່ນໆ ຊຶ່ງລ້ວນແຕ່ຈະປະ ກອບສ່ວນໃຫ້ແກ່ການພັດທະ ນາເສດຖະກິດ-ສັງຄົມ ແລະ ການປະຕິບັດຍຸດທະສາດ, ການ ປ້ອງກັນຊາດ-ປ້ອງກັນຄວາມສະຫງົບ ທັງໃນສະເພາະໜ້າ ແລະ ຍາວນານ. 5. ສືບຕໍ່ຊຸກຍູ້ການຈັດຕັ້ງ ປະຕິບັດຄຳສັ່ງ ເລກທີ 15/ນຍ ໂດຍມອບໃຫ້ຄະນະສະເພາະ ກິດທີ່ໄດ້ແຕ່ງຕັ້ງຕາມຂໍ້ຕົກລົງ ເລກທີ 40/ນຍ ສືບຕໍ່ປະຕິບັດ ພາລະບົດບາດຂອງຕົນ ພ້ອມ ນີ້ກໍໃຫ້ທຸກພາກສ່ວນທັງສູນກາງ ແລະ ທ້ອງຖິ່ນໃຫ້ການຮ່ວມໄມ້ -ຮ່ວມມື ແລະ ປະຕິບັດຄຳສັ່ງ ດັ່ງກ່າວຢ່າງເຂັ້ມງວດ ພ້ອມ ທັງຄົ້ນຄວ້າ. ສ່ວນລາຍລະອຽດ ໄດ້ມີແຈ້ງການ. 6. ສືບຕໍ່ເອົາໃຈໃສ່ຕິດຕາມ ສະພາບການປ່ຽນແປງດິນຟ້າ ອາກາດ ເພື່ອແຈ້ງເຕືອນປະ ຊາຊົນ ແລະ ກະກຽມຮັບມືຢ່າງ ຮອບຄອບ ແລະ ທັນການຕໍ່ ໄພພິບັດທຳມະຊາດທີ່ອາດຈະ ເກີດຂຶ້ນ. ພ້ອມດຽວກັນກໍແຈ້ງ ເຕືອນໃຫ້ປະຊາຊົນມີສະຕິ ແລະ ເພີ່ມຄວາມລະມັດລະວັງ ຕໍ່ອັກຄີໄພ ຊຶ່ງອາດຈະເກີດຂຶ້ນ ໃນລະດູແລ້ງ. 7. ສົມທົບກັບອຳນາດການ ປົກຄອງທ້ອງຖິ່ນ ເພື່ອແກ້ໄຂ ບັນຫາທາງດ້ານເສດຖະກິດ- ສັງຄົມທີ່ມີລັກສະນະພົ້ນເດັ່ນ, ມີຜົນກະທົບຫຼາຍ ແລະ ຮຽກ ຮ້ອງໃຫ້ສູນກາງກໍຄືຂະແໜງ ການທີ່ກ່ຽວຂ້ອງທີ່ມີຄວາມເຂັ້ມ ແຂງດ້ານວິຊາການເຂົ້າຮ່ວມ ແກ້ໄຂ, ເປັນຕົ້ນບັນຫາປາຕາຍ ຢູ່ແຂວງບໍ່ແກ້ວ, ການໄກ່ເກ່ຍ ເວນຄືນທີ່ດິນທີ່ຕິດພັນກັບການກໍ່ສ້າງໂຄງການລົດໄຟຢູ່ ບັນດາແຂວງພາກເໜືອ, ການ ແກ້ໄຂບັນຫາທີ່ຢູ່ອາໄສ ແລະ ເຂດເຮັດການຜະລິດຂອງປະ ຊາຊົນທີ່ຕິດພັນກັບໂຄງການ ເຂື່ອນໄຟຟ້າຢູ່ແຂວງບໍລິຄຳໄຊ ແລະ ອື່ນໆ. 8. ສືບຕໍ່ເຝົ້າລະວັງພະຍາດ ໄຂ້ເລືອດອອກ, ໄຂ້ຫວັດສັດ ປີກ ແລະ ປ້ອງກັນພະຍາດສັດ ທີ່ອາດເກີດຂຶ້ນຕາມລະດູການ, ເປັນຕົ້ນພະຍາດເຕົ້າໂຮມເລືອດ ງົວ-ຄວາຍ, ພະຍາດປາກເປື່ອຍ ລົງເລັບ, ພະຍາດທ້ອງເບັງແບ້, ສືບຕໍ່ຕິດຕາມ ແລະ ໝາຍຈຸດວາງໄຂຂອງຕັກແຕນຢູ່ແຂວງ ຫຼວງພະບາງ, ຫົວພັນ, ຜົ້ງສາ ລີ, ອຸດົມໄຊ ແລະ ແຂວງຊຽງ ຂວາງ ເພື່ອເປັນຂໍ້ມູນ ໃນການ ກະກຽມປາບຕັກແຕນອ່ອນ ໂດຍໃຫ້ພະນັກງານວິຊາການ ລົງຊ່ວຍທ້ອງຖິ່ນ. 9. ຮີບຮ້ອນປັບປຸງບົດສະ ຫຼຸຸບຕີລາຄາສະພາບການຜັນ ຂະຫຍາຍມະຕິຂອງກອງປະ ຊຸມໃຫຍ່ ຄັ້ງທີ X ຂອງພັກກໍຄື ຜົນຂອງການປະຕິບັດວຽກງານ ຂອງລັດຖະບານ ໃນໄລຍະ 6 ເດືອນທີ່ຜ່ານມາ ແລະ ທິດທາງ ແຜນການໃນຕໍ່ໜ້າ, ນະໂຍບາຍ ທີ່ດິນ ແລະ ນະໂຍບາຍສົ່ງເສີມ ທຸລະກິດຂະໜາດນ້ອຍ ແລະ ຂະໜາດກາງ ເພື່ອກະກຽມລາຍ ງານຕໍ່ກອງປະຊຸມຄົບຄະນະ ບໍລິຫານງານສູນກາງພັກ ໃນເດືອນມີນາ. 10. ສືບຕໍ່ຕິດຕາມ, ຕີລາ ຄາ ແລະ ວິເຄາະ ວິໄຈ ສະພາບ ພົ້ນເດັ່ນ ແລະ ການຜັນແປຂອງ ສະພາບທາງດ້ານການເມືອງ, ເສດຖະກິດ-ສັງຄົມຂອງຕ່າງ ປະເທດ, ພາກພື້ນ ແລະ ສາ ກົນທີ່ອາດມີຜົນກະທົບຕໍ່ການພັດທະນາເສດຖະກິດ-ສັງຄົມຂອງປະເທດເຮົາ. ທ້າຍນີ້, ຂໍຮຽກຮ້ອງມາຍັງ ພະນັກງານ, ສະມາຊິກພັກ, ລັດ ຖະກອນ, ກຳມະກອນ, ນັກຮຽນ ຮູ້ປັນຍາຊົນ, ປະຊາຊົນບັນດາເຜົ່າ, ຊັ້ນຄົນຕ່າງໆ, ຊາວຕ່າງດ້າວ ບໍ່ມີສັນຊາດທີ່ດຳລົງຊີວິດ ຢູ່ລາວ, ນັກທຸລະກິດພາກລັດ ແລະ ເອກະຊົນ ລວມທັງນັກທຸ ລະກິດຕ່າງປະເທດທີ່ມາລົງທຶນ ຢູ່ລາວ ຈົ່ງພ້ອມກັນເຊີດຊູນ້ຳ ໃຈເປັນເຈົ້າປະເທດຊາດ, ສາ ມັກຄີເປັນຈິດໜຶ່ງໃຈດຽວ, ເດັດ ດ່ຽວຜ່ານຜ່າອຸປະສັກຕ່າງໆ, ສູ້ຊົນເຂົ້າຮ່ວມຈັດຕັ້ງປະຕິບັດ ວຽກງານສຳຄັນຕ່າງໆທີ່ລັດຖະ ບານວາງອອກໃຫ້ປະກົດຜົນເປັນຈິງ ເພື່ອຜົນປະໂຫຍດຂອງ ຊາດ, ຂອງປະຊາຊົນ ແລະ ຂອງ ພວກເຮົາໝົດທຸກຄົນ.