ສະຫາຍ ພັນຄຳ ວິພາວັນ ຕ້ອນຮັບຜູ້ແທນ ພັກກອມມູນິດຍີ່ປຸ່ນ


...

     ສະຫາຍ ພັນຄຳ ວິພາວັນ ກຳມະການກົມການ ເມືອງສູນກາງພັກ ຜູ້ປະຈຳ ການຄະນະເລຂາທິການສູນ ກາງພັກ ໄດ້ຕ້ອນຮັບການເຂົ້າ ຢ້ຽມຂ່ຳນັບຂອງຄະນະຜູ້ແທນ ພັກກອມມູນິດ ຍີ່ປຸ່ນ ນຳໂດຍ ສະຫາຍ ຢາຊູໂອະ ໂອກາຕະ ຮອງປະທານຄະນະກຳມະການ ບໍລິຫານງານສູນກາງພັກ ພ້ອມ ດ້ວຍຄະນະທີ່ມາເຄື່ອນໄຫວ ຢ້ຽມຢາມ ສປປ ລາວ ແຕ່ວັນ ທີ 24-26 ກຸມພາຜ່ານມາ. ໃນໂອກາດດັ່ງກ່າວ, ສະ ຫາຍ ພັນຄຳ ວິພາວັນ ໄດ້ສະ ແດງຄວາມຍິນດີຕ້ອນຮັບຢ່າງ ອົບອຸ່ນການມາຢ້ຽມຢາມລາວ ຂອງຄະນະຜູ້ແທນພັກກອມມູ ນິດ ຍີ່ປຸ່ນ ໃນຄັ້ງນີ້ ຊຶ່ງເປັນການ ປະກອບສ່ວນອັນສຳຄັນເຂົ້າ ໃນການເພີ່ມທະວີສາຍພົວພັນ ມິດຕະພາບ, ອັນເປັນມູນເຊື້ອ ລະຫວ່າງ ພັກ ປປ ລາວ ແລະ ພັກກອມມູນິດ ຍີ່ປຸ່ນ ກໍຄືປະ ຊາຊົນສອງຊາດ ລາວ-ຍີ່ປຸ່ນ; ສະຫາຍ ພັນຄຳ ວິພາວັນ ໄດ້ ແຈ້ງສະພາບການທີ່ພົ້ນເດັ່ນ ຂອງ ສປປ ລາວ ໃນໄລຍະມໍ່ໆ ມານີ້ໃຫ້ຄະນະຊາບ, ໂດຍສະ ເພາະແມ່ນການຈັດຕັ້ງປະຕິ ບັດມະຕິກອງປະຊຸມໃຫຍ່ ຄັ້ງ ທີ X ຂອງພັກ ແລະ ການຈັດ ຕັ້ງປະຕິບັດແຜນການພັດທະ ນາເສດຖະກິດ-ສັງຄົມແຫ່ງ ຊາດ 5 ປີ ຄັ້ງທີ 8; ຜົນສຳເລັດ ຂອງກອງປະຊຸມຄົບຄະນະຄັ້ງ ທີ 3 ສະໄໝທີ 10 ແລະ ຜົນ ສຳເລັດ ໃນການເປັນເຈົ້າພາບ ຈັດກອງປະຊຸມສຸດຍອດອາ ຊຽນ ຄັ້ງທີ 28 ແລະ 29, ພ້ອມ ທັງແລກປ່ຽນສະພາບການພາກ ພື້ນ ແລະ ສາກົນຈຳນວນໜຶ່ງ ທີ່ສອງຝ່າຍມີຄວາມສົນໃຈ. ສະຫາຍ ຜູ້ປະຈຳການຄະນະ ເລຂາທິການສູນກາງພັກໄດ້ສະ ແດງຄວາມຊົມເຊີຍຕໍ່ຜົນສຳເລັດກອງປະຊຸມໃຫຍ່ ຄັ້ງທີ 27 ຂອງພັກກອມມູນິດ ຍີ່ປຸ່ນ ທີ່ດຳເນີນໃນເດືອນມັງກອນ 2017 ຜ່ານມາ ແລະ ໄດ້ອວຍພອນ ໃຫ້ພັກກອມມູນິດ ຍີ່ປຸ່ນ ສືບຕໍ່ ມີຜົນສຳເລັດໃໝ່ ໃນການປະຕິ ບັດມະຕິຂອງກອງປະຊຸມໃຫຍ່ ດັ່ງກ່າວ, ໄດ້ຕີລາຄາສູງຕໍ່ສາຍ ພົວພັນມິດຕະພາບອັນເປັນມູນ ເຊື້ອ ລະຫວ່າງສອງພັກ ໃນໄລ ຍະທີ່ຜ່ານມາ. ສະຫາຍ ຢາຊູໂອະ ໂອ ກາຕະ ໄດ້ສະແດງຄວາມຂອບ ໃຈຕໍ່ ສະຫາຍ ພັນຄຳ ວິພາວັນ ທີ່ໄດ້ສະລະເວລາຕ້ອນຮັບຄະ ນະ ແລະ ໄດ້ແຈ້ງໃຫ້ຊາບສະ ພາບການພົ້ນເດັ່ນໃນຍີ່ປຸ່ນ ໂດຍ ສະເພາະແມ່ນຜົນສຳເລັດຂອງ ກອງປະຊຸມໃຫຍ່ ຄັ້ງທີ 27 ຂອງ ພັກກອມມູນິດຍີ່ປຸ່ນ ໃນເດືອນມັງກອນ 2017 ທີ່ຜ່ານມາ ແລະ ໄດ້ຕີລາສູງຕໍ່ການພົວພັນຮ່ວມ ມື ລະຫວ່າງ ພັກ ປປ ລາວ ແລະ ພັກກອມມູນິດ ຍີ່ປຸ່ນ ໃນໄລຍະ ທີ່ຜ່ານມາກໍຄື ໃນປັດຈຸບັນ ຊຶ່ງ ເປັນການປະກອບສ່ວນເຂົ້າ ໃນພາລະກິດສັນຕິພາບ, ມິດ ຕະພາບ ແລະ ການຮ່ວມມື ໃນ ພາກພື້ນ ແລະ ໃນໂລກ. ໃນວັນດຽວກັນ, ຄະນະຜູ້ ແທນພັກກອມມູນິດ ຍີ່ປຸ່ນ ຍັງ ໄດ້ພົບປະ ແລະ ແລກປ່ຽນຄຳ ຄິດເຫັນ ກັບ ສະຫາຍ ນາງ ສູນທອນ ໄຊຍະຈັກ ກຳມະ ການສູນກາງພັກ ຫົວໜ້າຄະ ນະພົວພັນຕ່າງປະເທດສູນກາງ ພັກ ແລະ ຢ້ຽມຢາມພື້ນຖານ ເສດຖະກິດ ແລະ ວັດທະນະ ທຳຈຳນວນໜຶ່ງຢູ່ນະຄອນຫຼວງ ວຽງຈັນ. (ຂ່າວ: ພົວພັນຕ່າງປະ ເທດ, ພາບ: ພູວຽງຄຳ)