ຮອງນາຍົກ ຊຸກຍູ້ການຈັດເກັບລາຍຮັບທີ່ບໍ່ແກ້ວ


...

     ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນ ຕີກະຊວງການເງິນ ພ້ອມດ້ວຍຄະນະໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງບໍ່ແກ້ວ ເມື່ອບໍ່ດົນມານີ້, ໂດຍມີທ່ານ ຄຳພັນ ເຜີຍຍະວົງ ເຈົ້າແຂວງບໍ່ແກ້ວ ພ້ອມດ້ວຍການນຳແຂວງ, ເມືອງ ແລະ ພະແນກການຕ່າງໆອ້ອມຂ້າງແຂວງ ໃຫ້ການຕ້ອນຮັບ. ໃນໂອກາດນີ້, ທ່ານ ສຸວັນທອງ ບົວລາລີ ຫົວໜ້າພະແນກ ການເງິນແຂວງ ໄດ້ລາຍງານຕໍ່ທ່ານຮອງນາຍົກ ກ່ຽວກັບສະພາບລວມຂອງຂະແໜງການເງິນແຂວງ ໂດຍສະເພາະສະພາບການຈັດຕັ້ງປະຕິບັດແຜນ ງົບປະມານ ສົກປີ 2015-2016, ສາມເດືອນຂ້າມຜ່ານ ແລະ ການຈັດຕັ້ງປະຕິບັດເດືອນ 1-2/2017 ແລະ ແຜນງົບປະ ມານປີ 2017 ມີຄື: ດ້ານລາຍ ຮັບ ສົກປີ 2015-2016 ແຜນ ການປີ 309 ຕື້ກ່ວາກີບ, ປະຕິ ບັດຮອດວັນທີ 30 ກັນຍາ 2016 ເທົ່າກັບ 231 ຕື້ກ່ວາ ກີບ ເທົ່າກັບ 75% ຂອງແຜນ ການປີ ທຽບໃສ່ໄລຍະດຽວກັນ ຂອງປີຜ່ານມາ ເພີ່ມຂຶ້ນ 30% ໃນນີ້ ລາຍຮັບຂອງສູນກາງປະ ຕິບັດຢູ່ທ້ອງຖິ່ນແຜນການປີ 192 ຕື້ກ່ວາກີບ, ປະຕິບັດໄດ້ 135 ຕື້ກ່ວາກີບ, ທຽບກັບ 70% ຂອງແຜນການປີ, ທຽບ ໃສ່ໄລຍະດຽວກັນຂອງປີຜ່ານ ມາຫຼຸຸດລົງ 6%. ລາຍຮັບທ້ອງຖິ່ນຂອງ ແຂວງແຜນການປີ 117 ຕື້ກ່ວາ ກີບ ປະຕິບັດໄດ້ 95 ຕື້ກ່ວາ ກີບ ເທົ່າກັບ 81,81% ຂອງ ແຜນການປີ ທຽບໃສ່ໄລຍະ ດຽວກັນຂອງປີຜ່ານມາຫຼຸຸດລົງ 5%, ດ້ານລາຍຈ່າຍແຜນການ ປີ 280 ຕື້ກ່ວາກີບ, ໂຕເລກ ອະນຸມັດ 277 ຕື້ກ່ວາກີບ, ຈ່າຍ ຕົວຈິງຜ່ານລະບົບຄັງເງິນປະ ຕິບັດໄດ້ 271 ຕື້ກ່ວາກີບ ເທົ່າ ກັບ 96,87% ຂອງແຜນການ ປີ, ຄ້າງຈ່າຍຕາມໂຕເລກອະນຸ ມັດ 5,5 ຕື້ກ່ວາກີບທີ່ຈະສືບຕໍ່ ຈ່າຍ ໃນປີ 2017. ການຈັດຕັ້ງປະຕິບັດແຜນ ງົບປະມານເດືອນ 1-2 ຮອດ ວັນທີ 13 ກຸມພາ 2017 ດ້ານ ລາຍຮັບ ແຜນການປີ 2017 ລວມທັງລາຍຮັບສູນກາງ ແລະ ທ້ອງຖິ່ນ 266 ຕື້ກ່ວາກີບ, ປະ ຕິບັດໄດ້ 23 ຕື້ກ່ວາກີບ ເທົ່າ ກັບ 8,63% ຂອງແຜນການ ປີ, ໃນນີ້ ລາຍຮັບສູນກາງແຜນ ການ 174 ຕື້ກ່ວາກີບ ປະຕິບັດ ໄດ້ 19 ຕື້ກ່ວາກີບ ເທົ່າກັບ 10,94% ຂອງແຜນການປີ, ລາຍຮັບທ້ອງຖິ່ນແຜນການປີ ເທົ່າກັບ 92 ຕື້ກີບ, ປະຕິບັດໄດ້ 3,91 ຕື້ກ່ວາກີບ ເທົ່າກັບ 4,25% ຂອງແຜນການປີ ຖ້າ ທຽບໃສ່ແຜນການສູ້ຊົນຂອງ ແຂວງ ປີ 2017 ຈຳນວນ 101 ຕື້ກ່ວາກີບ ປະຕິບັດໄດ້ 3,8% ຂອງແຜນສູ້ຊົນຂອງແຂວງ. ດ້ານລາຍຈ່າຍແຜນການ ປີ 2017 ເທົ່າກັບ 303 ຕື້ກ່ວາ ກີບ ປະຕິບັດໄດ້ເທົ່າກັບ 8 ຕື້ ກ່ວາກີບ ເທົ່າກັບ 2,86% ຂອງ ແຜນການປີ, ສ່ວນເງິນເດືອນ ແມ່ນຈ່າຍຮອດເດືອນມັງກອນ 2017. ໃນໂອກາດດັ່ງກ່າວ, ທ່ານ ສົມດີ ດວງດີ ຍັງໄດ້ມີຄຳເຫັນ ຕື່ມ ເພື່ອໃຫ້ແຂວງ ນຳໄປຈັດ ຕັັ້ງປະຕິບັດ ໂດຍໄດ້ແນະນຳ ວ່າ: ບັນຫາເສດຖະກິດ ແລະ ການປະຕິບັດແຜນງົບປະມານ ບັນຫາສິນຄ້າຈຳນວນໜຶ່ງແມ່ນ ຍັງບໍ່ທັນເພີ່ມຂຶ້ນເຊັ່ນ: ລາຄາ ນ້ຳມັນເຊື້ອໄຟ, ແຮ່ທາດ, ລາ ຄາສິນຄ້າກະສິກຳທີ່ເປັນທ່າ ແຮງຂອງປະເທດກໍຄືທ້ອງຖິ່ນ ຍັງຕ່ຳຢູ່, ກະທົບເຖິງການເກັບ ພາສີອາກອນ ແລະ ລາຍຮັບ ງົບປະມານຈຳນວນໜຶ່ງ, ການ ເງິນງົບປະມານຍັງມີຄວາມຫຍຸ້ງ ຍາກ, ຢາກໃຫ້ມີການຫັນປ່ຽນ ໃໝ່, ດ້ານງົບປະມານທາງດ້ານ ລາຍຮັບໃຫ້ກ້າວຂຶ້ນ, ສ້າງ ຄວາມເຂັ້ມແຂງໃຫ້ຕົນເອງ ກຸ້ມຕົນເອງເປັນກ້າວໆ; ເອົາໃຈ ໃສ່ຄຳສັ່ງ ເລກທີ 40 ຂອງນາ ຍົກລັດຖະມົນຕີ ໃນການສຳ ຫຼວດຖານລາຍຮັບຄືນໃໝ່, ແກ້ ໄຂການນຳເຂົ້າລົດທີ່ບໍ່ຖືກຕ້ອງ, ຄຸ້ມຄອງການນຳເຂົ້ານ້ຳມັນເຊື້ອ ໄຟ ແລະ ການຄຸ້ມຄອງໄມ້ ແລະ ບັນຫາອື່ນໆທີ່ເປັນປະໂຫຍດ ໃຫ້ແກ່ການເກັບລາຍຮັບເຂົ້າງົບປະມານຢ່າງມີປະສິດທິຜົນ. (ຂ່າວ: ວິໄນ ແສງປະເສີດ)