ເຊັນສັນຍາກໍ່ສ້າງສຳນັກງານຫຼັງໃໝ່ ສນຫລ


...

     ພິທີເຊັນສັນຍາໂຄງການກໍ່ສ້າງ ສຳນັກງານອາຄານ, ຫ້ອງການ ແລະ ເຮືອນຮັບແຂກ ພະນັກງານສະຫະພັນນັກຮົບ ເກົ່າແຫ່ງຊາດລາວ (ສນຫລ) ຫຼັງໃໝ່ ໄດ້ຈັດຂຶ້ນເມື່ອບໍ່ດົນມານີ້, ທີ່ສະຫະພັນດັ່ງກ່າວ ໂດຍການລົງນາມລະຫວ່າງ ທ່ານ ບຸນຍໍ ແພງແກ້ວ ຫົວໜ້າຫ້ອງການ ສນຫລ ແລະ ທ່ານ ນາງ ບຸນຮຽງ ຂັນຕິພົງສະຫວັນ ຕາງໜ້າອຳນວຍການບໍລິສັດ ວົງວິໄລກໍ່ສ້າງເຄຫາສະຖານ ແລະ ຂົວທາງຈຳກັດຜູ້ດຽວໂດຍ ຊ້ອງໜ້າທ່ານ ພົນຈັດຕະວາ ສົມພອນ ແກ້ວມີໄຊ ປະທານ ສະຫະພັນນັກຮົບເກົ່າແຫ່ງຊາດ ລາວ, ມີບັນດາແຂກຖືກເຊີນ ພ້ອມດ້ວຍພາກສ່ວນທີ່ກ່ຽວ ຂ້ອງທັງສອງຝ່າຍເຂົ້າຮ່ວມເປັນ ສັກຂີພິຍານ. ໂຄງການກໍ່ສ້າງສຳນັກງານ ອາຄານຫ້ອງການ ແລະ ເຮືອນ ຮັບແຂກພະນັກງານສະຫະພັນ ນັກຮົບເກົ່າແຫ່ງຊາດລາວ ຫຼັງ ໃໝ່ຕັ້ງຢູ່ດິນຈັດສັນຂອງລັດ ບ້ານຫ້ວຍຍາງ (ເຂດດົງໝາກ ຄາຍ) ເມືອງໄຊທານີນະຄອນ ຫຼວງວຽງຈັນ ລວມມີທັງໝົດ 173 ຕື້ກ່ວາກີບ ໃນເນື້ອທີ່ 20.000 ຕາແມັດ ຊຶ່ງ ຈະໃຊ້ເວ ລາກໍ່ສ້າງ 4 ປີ (2017-2021) ໃຫ້ສຳເລັດສຳລັບອາຄານສຳ ນັກງານຫ້ອງການດັ່ງກ່າວ ເປັນອາຄານ 5 ຊັ້ນ, ຂະໜາດ 84 x 27,5 ແມັດ, ສ່ວນອາ ຄານເຮືອນຮັບແຂກພະນັກ ງານເປັນອາຄານ 3 ຊັ້ນ, ຂະ ໜາດ 80 x 16,2 ແມັດ. (ຂ່າວ: ນ. ສະຫວັນຄຳ)