ການນຳຂັ້ນສູງໂອ້ລົມພາກທຸລະກິດ


...

    

ກອງປະຊຸມພົບປະລະ ຫວ່າງພາກລັດ ແລະ ພາກທຸ ລະກິດໄດ້ຈັດຂຶ້ນໃນວັນທີ 26 ຕຸລານີ້ ໂດຍມີຜູ້ແທນເຂົ້າຮ່ວມ ຈາກພາກລັດ, ພາກທຸລະກິດ ຈາກທົ່ວປະເທດເຂົ້າຮ່ວມ ຫຼາຍກວ່າ 500 ທ່ານ. ກອງປະຊຸມໄດ້ຮັບຟັງ ແລະ ເຊື່ອມຊຶມມະຕິຂອງກອງ ປະຊຸມຄະນະບໍລິຫານງານສູນ ກາງພັກຄັ້ງທີ X ແລະ ແຜນການ ພັດທະນາເສດຖະກິດ - ສັງຄົມ ຄັ້ງທີ 8 ແຕ່ປີ 2016 ເຖິງປີ 2020 ຈາກທ່ານ ຄຳພັນ ພົມ ມະທັດ ກຳມະການກົມການ ເມືອງສູນກາງພັກ, ເລຂາທິການ ສູນກາງພັກ, ຫົວໜ້າຫ້ອງວ່າ ການສູນກາງພັກ ຊຶ່ງຍົກໃຫ້ເຫັນ ເຖິງຄວາມສຳຄັນຕໍ່ພາກທຸລະ ກິດ ໃນໂຄງປະກອບຂອງເສດ ຖະກິດຂອງຊາດ ແລະ ເຫັນຄວາມ ສຳຄັນໃນການບຸກທະລຸເພື່ອ ປ່ຽນແປງລະບອບການຄຸ້ມ ຄອງມະຫາພາກໄປສູ່ການຄຸ້ມ ຄອງທີ່ສົ່ງເສີມການຜະລິດ ແຫ່ງຊາດໄປຕາມເສດຖະກິດ ຕະຫຼາດ ແລະ ມີຄວາມໂປ່ງໃສ. ກອງປະຊຸມ ໂດຍການ ເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນ ຕີໄດ້ສືບຕໍ່ປືກສາຫາລື ເພື່ອປັບ ປຸງສະພາບແວດລ້ອມຂອງ ການດຳເນີນທຸລະກິດ ຢູ່ ສປປ ລາວ ໃຫ້ດີຂຶ້ນ. ພາກທຸລະກິດ ທ່ານ ອຸເດດ ສຸວັນນະວົງ ປະ ທານສະພາການຄ້າ ແລະ ອຸດ ສາຫະກຳ (ສຄອ) ແຫ່ງຊາດ ລາວ ໄດ້ລາຍງານສະພາບ ການດຳເນີນທຸລະກິດໃນປັດ ຈຸບັນຢູ່ ສປປ ລາວ ແລະ ໄດ້ ລາຍງານ 4 ວຽກງານຈຸດສູມ ທີ່ ສຄອ ແຫ່ງຊາດລາວ ເພື່ອ ສ້າງຄວາມເຂັ້ມແຂງໃຫ້ພາກ ທຸລະກິດ ແລະ ສະເໜີ 6 ຂໍ້ ໃຫ້ພາກລັດຖະບານໄດ້ຄົ້ນ ຄ້ວາພິຈາລະນາ ໂດຍສະເພາະ ແມ່ນ ( 1 ) ນະໂຍບາຍສົ່ງເສີມ ທຸລະກິດຂະໜາດນ້ອຍ ແລະ ກາງ, (2 ) ການເສີມສ້າງຄວາມ ເຂັ້ມແຂງຂອງສະພາການຄ້າ ແລະ ອຸດສາຫະກຳ, ສະມາຄົມ ແລະ ກຸ່ມທຸລະກິດ, (3) ການ ປັບປຸງກົນໄກການສ້າງຕັ້ງວິສາ ຫະກິດ ໃຫ້ກະທັດຮັດໃຊ້ເວລາ ນ້ອຍແຕ່ເພີ່ມກົນໄກການກວດ ກາຕິດຕາມການເຄື່ອນໄຫວ ຂອງວິສາຫະກິດຢ່າງເປັນລະ ບົບ, (4) ການກວດກາຄືນ ແລະ ລົບລ້າງຄຳສັ່ງທີ່ທັບຊ້ອນ ລະຫວ່າງສູນກາງ-ທ້ອງຖິ່ນ, ລະຫວ່າງແຕ່ລະຂະແໜ່ງການ ຂອງລັດ, ລະຫວ່າງຄຳສັ່ງເກົ່າ ແລະ ຄຳສັ່ງໃໝ່ທີ່ສະກັດກັ້ນ ການເຄື່ອນຍ້າຍຈໍລະຈອນສິນ ຄ້າ ແລະ ການດຳເນີນທຸລະກິດ, (5) ການໃຫ້ການຍ້ອງຍໍ ແລະ ການມອບລາງວັນໃຫ້ວິສາຫະ ກິດດີເດັ່ນ, SME ດີເດັ່ນ, ຜູ້ລົງ ທຶນຕ່າງປະເທດດີເດັ່ນຢ່າງ ເປັນທາງການ ເພື່ອເພີ່ມທະວີ ທັດສະນະແຂ່ງຂັນໃນວົງທຸລະ ກິດ ຢູ່ ສປປ ລາວ ແລະ (6) ການ ນຳໃຊ້ hotline ຂອງບັນດາ ກະຊວງໃຫ້ໄດ້ດີກວ່າເກົ່າ. ນອກຈາກນັ້ນ ໄດ້ມີການ ມອບລາງວັນທຸລະກິດ SMEs ດີເດັ່ນຂອງສະພາການຄ້າ ແລະ ອຸດສາຫະກຳແຫ່ງຊາດ ລາວ ປະຈຳປີ 2017 ເພື່ອ ເປັນກຳລັງໃຈໃຫ້ແກ່ຜູ້ທີ່ມີຜົນ ງານດີເດັ່ນ ໄດ້ສືບຕໍ່ສ້າງຜົນ ງານຂອງຕົນໃຫ້ດີຂຶ້ນກວ່າ ເກົ່າ ພ້ອມຮັບຟັງການໂອ້ລົມ ຂອງທ່ານຮອງນາຍົກລັດຖະ ມົນຕີ. (ຂ່າວ-ພາບ: ສຸກສາຄອນ)