ລັດຖະບານ ສປປ ລາວ ປະດັບຫຼຽນກາມິດຕະພາບໃຫ້ແກ່ທ່ານທູດອິນໂດເນເຊຍ


...

    

ໃນວັນທີ 24 ພະຈິກຜ່ານ ມານີ້ ທີ່ກະຊວງການຕ່າງປະ ເທດ, ທ່ານ ສະເຫຼີມໄຊ ກົມມະສິດ ລັດຖະມົນຕີກະ ຊວງການຕ່າງປະເທດ ແຫ່ງ ສາທາລະນະລັດ ປະຊາທິ ປະໄຕ ປະຊາຊົນລາວ ໄດ້ ຕ້ອນຮັບການເຂົ້າຢ້ຽມອຳລາ ຂອງທ່ານ ອິຣມາວັນ ເອມິຣ ວິດສນັນດາຣ (Irmawan Emir Wisnandar) ເອກອັກ ຄະລັດຖະທູດ ວິສາມັນຜູ້ມີອຳ ນາດເຕັມ ແຫ່ງ ສາທາລະນະ ລັດອິນໂດເນເຊຍ ປະຈຳ ສປປ ລາວ, ໃນໂອກາດທີ່ທ່ານໄດ້ ສຳເລັດການປະຕິບັດໜ້າທີ່ ການທູດຢູ່ ສປປ ລາວ, ພ້ອມ ທັງໄດ້ຕາງໜ້າໃຫ້ລັດຖະບານ ແຫ່ງ ສປປ ລາວ ປະດັບຫຼຽນ ກາມິດຕະພາບ ໃຫ້ແກ່ທ່ານ ເອກອັກຄະລັດຖະທູດອິນໂດ ເນເຊຍ, ເພື່ອເປັນການຊົມ ເຊີຍ ແລະ ຍ້ອງຍໍສັນລະເສີນ ຕໍ່ຜົນງານໃນການປະກອບ ສ່ວນຂອງທ່ານທູດ ເຂົ້າໃນ ການເສີມຂະຫຍາຍສາຍພົວ ພັນມິດຕະພາບ ແລະ ການ ຮ່ວມມືອັນດີລະຫວ່າງສອງປະ ເທດໃຫ້ນັບມື້ໄດ້ຮັບການເສີມ ຂະຫຍາຍຂຶ້ນເລື້ອຍໆ. ໃນໂອກາດດັ່ງກ່າວ, ທ່ານ ລັດຖະມົນຕີ ສະເຫຼີມໄຊ ກົມ ມະສິດ ໄດ້ສະແດງຄວາມຊົມ ເຊີຍ ແລະ ຕີລາຄາສູງຕໍ່ຜົນ ງານຂອງທ່ານເອກອັກຄະລັດ ຖະທູດອິນໂດເນເຊຍ ທີ່ໄດ້ ເອົາໃຈໃສ່ເຄື່ອນໄຫວວຽກງານ ການທູດຢ່າງຫ້າວຫັນ ໃນການ ຊຸກຍູ້ການແລກປ່ຽນຢ້ຽມຢາມ ຊຶ່ງກັນ ແລະ ກັນຂອງຄະນະ ຜູ້ແທນຂັ້ນສູງຢ່າງເປັນປົກກະ ຕິ, ຊຸກຍູ້ໃຫ້ມີການຮ່ວມມືດ້ານ ການຄ້າ-ການລົງທຶນ ລະຫວ່າງ ນັກທຸລະກິດສອງປະເທດໃຫ້ ຫຼາຍຂຶ້ນ. ພິເສດປີ 2017 ນີ້ ເປັນປີແຫ່ງການສະເຫຼີມສະ ຫຼອງວັນສ້າງຕັ້ງສາຍພົວພັນ ການທູດລາວ-ອິນໂດເນເຊຍ ຄົບຮອບ 60 ປີ (30/8/1957- 30/8/2017) ສອງປະເທດໄດ້ ຮ່ວມກັນຈັດກິດຈະກຳ ແລະ ການເຄື່ອນໄຫວຕ່າງໆເຊັ່ນ: ການຈັດງານການຄ້າ ແລະ ການທ່ອງທ່ຽວ, ການແລກປ່ຽນ ທາງດ້ານວັດທະນະທຳ, ການ ຈັດສຳມະນາກ່ຽວກັບການພົວ ພັນສອງຝ່າຍ, ງານວາງສະ ແດງຮູບພາບ, ກິດຈະກຳກອງ ທຶນ ເພື່ອການສຸກົນ, ການຈັບ ຄູ່ຮ່ວມທຸລະກິດ ແລະ ງານລ້ຽງ ສະເຫຼີມສະຫຼອງວັນສ້າງຕັ້ງ ສາຍພົວພັນການທູດລາວ-ອິນ ໂດເນເຊຍ ຄົບຮອບ 60 ປີໃນ ເດືອນຕຸລາທີ່ຜ່ານມາ ລວມທັງ ການສະໜັບສະໜູນຊຶ່ງກັນ ແລະ ກັນໃນຂອບສອງຝ່າຍ ແລະ ຫຼາຍຝ່າຍ ໃນເວທີພາກ ພື້ນ ແລະ ສາກົນ ຊຶ່ງເປັນການ ເສີມຂະຫຍາຍສາຍພົວພັນມິດ ຕະພາບ ແລະ ການຮ່ວມມືອັນ ດີຂອງສອງປະເທດ ຕະຫຼອດ ໄລຍະຜ່ານມານັ້ນ ໃຫ້ນັບມື້ ໄດ້ຮັບການຍົກລະດັບຂຶ້ນເປັນ ກ້າວໆ. ພ້ອມດຽວກັນນີ້ ທ່ານ ສະເຫຼີມໄຊ ກົມມະສິດ ໄດ້ສະ ແດງຄວາມຂອບໃຈຕໍ່ລັດຖະ ບານອິນໂດເນເຊຍ ທີ່ໄດ້ໃຫ້ ທຶນການສຶກສາແກ່ ສປປ ລາວ ແລະ ສະໜັບສະໜູນເງິນຊ່ວຍ ເຫຼືອ ຈຳນວນ 1 ລ້ານໂດລາແກ່ ສປປ ລາວ ເພື່ອປະກອບສ່ວນ ເຂົ້າໃນການເປັນປະທານຈັດ ກອງປະຊຸມສຸດຍອດອາຊຽນ ຄັ້ງທີ 28 ແລະ 29 ແລະ ກອງ ປະຊຸມສຸດຍອດອື່ນໆທີ່ກ່ຽວ ຂ້ອງ ທີ່ນະຄອນຫຼວງວຽງຈັນ ໃນປີ 2016 ຜ່ານມາ ຈົນໄດ້ ຮັບຜົນສຳເລັດອັນຈົບງາມ. ໃນ ຕອນທ້າຍ, ທ່ານລັດຖະມົນຕີ ສະເຫຼີມໄຊ ກົມມະສິດ ໄດ້ ອວຍພອນໃຫ້ທ່ານທູດ ຈົ່ງເດີນ ທາງກັບຄືນປະເທດດ້ວຍຄວາມ ສະຫວັດດີພາບ ແລະ ປະສົບ ຜົນສຳເລັດໃນການປະຕິບັດ ໜ້າທີ່ອັນໃໝ່ຂອງທ່ານ. ທ່ານທູດ ກໍໄດ້ສະແດງ ຄວາມຂອບໃຈເປັນຢ່າງສູງຕໍ່ ລັດຖະບານ ແລະ ປະຊາຊົນ ລາວ ກໍຄືກະຊວງການຕ່າງປະ ເທດ ແຫ່ງ ສປປ ລາວ ທີ່ໄດ້ ໃຫ້ການຮ່ວມມື, ສະໜັບສະ ໜູນຊ່ວຍເຫຼືອ ແລະ ອຳນວຍ ຄວາມສະດວດເປັນຢ່າງດີ ຕະ ຫຼອດໄລຍະການປະຕິບັດໜ້າ ທີ່ການທູດຢູ່ ສປປ ລາວ ໃນ ຄັ້ງນີ້ ຈົນໄດ້ຮັບຜົນສຳເລັດອັນ ຈົບງາມ. ໃນພິທີປະດັບຫຼຽນ ກາມິດຕະພາບດັ່ງກ່າວ, ທ່ານ ທູດຍັງໄດ້ສະແດງຄວາມປິຕິ ຍິນດີ ແລະ ຂອບໃຈຕໍ່ລັດຖະ ບານ ແຫ່ງ ສປປ ລາວ ທີ່ໄດ້ ຍ້ອງຍໍຊົມເຊີຍຜົນງານຂອງ ຕົນ ຊຶ່ງຈະເປັນສັນຍາລັກທີ່ດີ ໃນການຊຸກຍູ້ສົ່ງເສີມການພົວ ພັນ ແລະ ການຮ່ວມມືສອງ ຝ່າຍໃນຕໍ່ໜ້າ.