ກອງປະຊຸມຄົບຄະນະຂອງກຳມາທິການ ກົດໝາຍ ປະຈຳປີ 2016


...

     ກຳມາທິການກົດໝາຍ ສະພາແຫ່ງຊາດໄດ້ຈັດກອງປະ ຊຸມຄົບຄະນະ ປະຈຳປີ 2016 ແລະ ທິດທາງແຜນການຕໍ່ໜ້າ (2017-2020) ຂຶ້ນໃນວັນທີ 27 ກຸມພານີ້, ທີ່ຫ້ອງປະຊຸມ ສະພາແຫ່ງຊາດ ໂດຍມີທ່ານ ນາງ ສີໃສ ລືເດດມູນສອນ ຮອງປະທານສະພາແຫ່ງຊາດ, ທ່ານ ສາຍທອງ ແກ້ວດວງດີ ປະທານກຳມາທິການກົດໝາຍ ພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມ. ທ່ານ ສາຍທອງ ແກ້ວ ດວງດີ ໄດ້ຜ່ານບົດສະຫຼຸຸບການ ເຄື່ອນໄຫວວຽກງານປະຈຳປີ 2016 ແລະ ທິດທາງແຜນການ ຕໍ່ໜ້າ 2017-2020 ຊຶ່ງທ່ານ ໄດ້ຍົກໃຫ້ເຫັນຜົນງານດ້ານດີ ໃນໄລຍະ 1 ປີຜ່ານມາ, ກຳມາ ທິການກົດໝາຍ ສະພາແຫ່ງ ຊາດ ຊຸດທີ VIII ໄດ້ມີການຄຸ້ມ ຄອງບຸກຄະລາກອນຂອງຕົນ ເປັນຢ່າງດີ ເປັນຕົ້ນແມ່ນໄດ້ ສັບຊ້ອນ, ຈັດແບ່ງ, ເລື່ອນຕຳ ແໜ່ງໃຫ້ພະນັກງານພາຍໃນ ເພື່ອສັບຊ້ອນເຂົ້າໃນຕຳແໜ່ງ ງານຕ່າງໆ ໃຫ້ສອດຄ່ອງກັບ ຄວາມຮູ້ຄວາມສາມາດ ແລະ ວິຊາສະເພາະ, ສາມາດຕອບ ສະໜອງຄວາມຮຽກຮ້ອງຕ້ອງ ການຂອງໜ້າທີ່ການເມືອງໃນ ໄລຍະໃໝ່ ທັງຮັບປະກັນການ ເປັນເສນາທິການໃນການຈັດ ຕັ້ງປະຕິບັດໜ້າທີ່ວຽກງານຂອງ ກຳມາທິການກົດໝາຍ ໄດ້ຮັບ ຜົນສຳເລັດເປັນຢ່າງດີ. ສຳລັບ ແຜນການໃນຕໍ່ໜ້າ ແມ່ນສືບ ຕໍ່ຈັດຕັ້ງຜັນຂະຫຍາຍມະຕິກອງ ປະຊຸມໃຫຍ່ ຄັ້ງທີ X ຂອງພັກ, ແຜນການ 5 ປີຂອງສະພາແຫ່ງ ຊາດ ຊຸດທີ VIII, ແຜນການ ເຄື່ອນໄຫວຂອງວຽກງານກຳ ມາທິການໃຫ້ສຳເລັດ ແລະ ປະ ກົດຜົນເປັນຈິງ ແນໃສ່ປະຕິບັດ ບົດບາດການເປັນຕົວແທນແຫ່ງ ສິດອຳນາດ ແລະ ຜົນປະໂຫຍດ ຂອງປະຊາຊົນລາວບັນດາເຜົ່າ, ການສ້າງ ແລະ ປັບປຸງກົດໝາຍ, ການຕິດຕາມກວດກາ ແລະ ການ ພິຈາລະນາບັນຫາສຳຄັນຂອງ ຊາດໃຫ້ມີຄຸນນະພາບ, ເຊື່ອມ ຊຶມມະຕິກອງປະຊຸມໃຫຍ່ຄັ້ງທີ X ຂອງພັກ, ຮັບປະກັນການບັນລຸ 4 ຄາດ ໝາຍບຸກທະລຸຕາມທິດສ້າງ ລັດປົກຄອງດ້ວຍກົດໝາຍ ແລະ ວຽກງານອື່ນໆ. (ຂ່າວ: ນ.ແສງຈັນ)