ສະເຫຼີມສະຫຼອງ ວັນສ້າງຕັ້ງ ສມປຊ ຄົບຮອບ 22 ປີ


...

     ພິທີສະເຫຼີມສະຫຼອງ ວັນສ້າງຕັ້ງສະຖາບັນການເມືອງ ການປົກຄອງແຫ່ງຊາດ (ສມປຊ) ຄົບຮອບ 22 ປີ (27/2/1995-27/2/2017) ແລະ ພິທີຍ້ອງຍໍ ຜົນງານ 20 ປີແຫ່ງການພັດ ທະນາ ສມປຊ ໄດ້ຈັດຂຶ້ນໃນ ວັນທີ 27 ກຸມພານີ້ ທີ່ສະຖາ ບັນດັ່ງກ່າວ ໂດຍເປັນກຽດເຂົ້າ ຮ່ວມຂອງທ່ານ ທອງສະລິດ ມັງໜໍ່ເມກ ຫົວໜ້າສະຖາບັນ ການເມືອງ ແລະ ການປົກຄອງ ແຫ່ງຊາດເຂົ້າຮ່ວມ. ທ່ານ ອຸບົນ ມະຫາໄຊ ຮອງຫົວໜ້າ ສະຖາບັນການເມືອງ ແລະ ການປົກຄອງແຫ່ງຊາດໄດ້ລາຍ ງານໃຫ້ຮູ້ວ່າ: ສມປຊ ໄດ້ຮັບ ການສ້າງຕັ້ງຂຶ້ນໃນວັນທີ 27 ກຸມພາປີ 1995 ໂດຍໂຮມເອົາ ໂຮງຮຽນຊັ້ນສູງຂອງສູນກາງ ພັກກັບໂຮງຮຽນການປົກຄອງ ແລະ ຄຸ້ມຄອງແຫ່ງຊາດເຂົ້າ ກັນ, ໜ້າທີ່ການເມືອງໃນໄລ ຍະນີ້ແມ່ນສຸມໃສ່ບຳລຸງກໍ່ສ້າງ ພະນັກງານການນຳ ແລະ ພະ ນັກງານຄຸ້ມຄອງທັງລະບົບຊັ້ນ ສູງ ແລະ ປະລິນຍາຕີການເມືອງ ແລະ ການປົກຄອງຢ່າງເປັນລະ ບົບ, ເອົາການຄົ້ນຄວ້າທິດສະດີ ແລະ ສະຫຼຸຸບພຶດຕິກຳຕິດພັນ ກັບການຮຽນ-ການສອນເທື່ອ ລະກ້າວ, ໃນປີ 2005 ມານີ້ ທຸກກະຊວງ ແລະ ອົງການຈັດ ຕັ້ງພັກ-ລັດໄດ້ເອົາໃຈໃສ່ການ ຝຶກອົບຮົມພະນັກງານຂອງຕົນ ຫຼາຍຂຶ້ນສາມາດຈັດຕັ້ງຝຶກອົບ ຮົມໄດ້ທັງໝົດ 137 ຊຸດ, ມີຜູ້ ເຂົ້າຮ່ວມທັງໝົດ 6.447 ຄົນ, ຍິງ 2.071 ຄົນ, ໃນເວລາສ້າງ ຕັ້ງ ສມປຊ ຂຶ້ນທຳອິດມີພຽງແຕ່ 4 ໜ່ວຍງານ ຂັ້ນກົມ ແລະ ທຽບ ເທົ່າກົມ, ມີພະນັກງານ ແລະ ຄູ-ອາຈານທັງໝົດ 87 ຄົນ, ຍິງ 43 ຄົນ, ໃນນັ້ນ ມີຄູ-ອາຈານ 30 ຄົນ, ມາເຖິງປັດຈຸບັນມີ 10 ໜ່ວຍງານຂັ້ນກົມ ແລະ ທຽບ ເທົ່າ ແລະ 38 ພະແນກ ແລະ 2 ໜ່ວຍງານທີ່ຂຶ້ນກັບ, ມີພະ ນັກງານ-ລັດຖະກອນທັງໝົດ 251 ຄົນ, ຍິງ 107 ຄົນ, ໃນ ນັ້ນມີຄູ-ອາຈານ 134 ຄົນ, ຍິງ 52 ຄົນ, ມາຮອດປັດຈຸບັນນີ້ ມີຕຳລາຮຽນທັງໝົດ 222 ກວ່າ ຊະນິດ (ເຫັ້ຼມ) ແລະ ໃນພິທີ ດັ່ງກ່າວ ຍັງໄດ້ປະດັບຫຼຽນໄຊ ແຮງງານຊັ້ນ I, II, III, ຫຼຽນກາ ແຮງງານ, ໃບຍ້ອງຍໍລັດຖະ ບານ ແລະ ໃບຍ້ອງຍໍ ສມປຊ ຊຶ່ງປະກອບມີຄື: ຫຼຽນໄຊແຮງ ງານ ຊັ້ນ I ຈຳນວນ 16 ຄົນ, ຍິງ 3 ຄົນ ແລະ 4 ກົມກອງ; ຫຼຽນໄຊແຮງງານ ຊັ້ນ II ຈຳ ນວນ 14 ຄົນ, ຍິງ 3 ຄົນ ແລະ 4 ກົມກອງ; ຫຼຽນໄຊແຮງງານຊັ້ນ III ຈຳນວນ 17 ຄົນ, ຍິງ 6 ຄົນ ແລະ 3 ກົມກອງ; ຫຼຽນກາແຮງ ງານ ຈຳນວນ 29 ຄົນ, ຍິງ 11 ຄົນ, ໃບຍ້ອງຍໍລັດຖະບານ 38 ຄົນ, ຍິງ 18 ຄົນ ແລະ ໃບຍ້ອງ ຍໍ ສມປຊ ຈຳນວນ 28 ຄົນ, ຍິງ 8 ຄົນ ແລະ ໃຫ້ກຽດປະດັບ ຫຼຽນໂດຍ ທ່ານ ທອງສະລິດ ມັງໜໍ່ເມກ.