ຈະມີຫຼາຍກິດຈະກຳ ຕ້ອນຮັບ ວັນແມ່ຍິງສາກົນ


...

     ເພື່ອເປັນການກະ ກຽມສະເຫຼີມສະຫຼອງວັນແມ່ ຍິງສາກົນ ວັນທີ 8/3/2017 ຄົບຮອບ 107 ປີ (8/3/1910-8/3/2017) ໃຫ້ເປັນຂະບວນ ຟົດຟື້ນ, ທ່ານ ນາງ ອິນລາວັນ ແກ້ວບຸນພັນ ກຳມະການສູນ ກາງພັກ ປະທານສູນກາງສະ ຫະພັນແມ່ຍິງລາວໄດ້ຖະແຫຼງ ຂ່າວຜ່ານສື່ມວນຊົນ ໃນວັນ ທີ 27 ກຸມພານີ້, ທີ່ສູນກາງສະ ຫະພັນແມ່ຍິງ ຊຶ່ງມີ ເນື້ອໃນ ບາງຕອນສຳຄັນວ່າ: ເພື່ອກະ ກຽມຄວາມພ້ອມໃຫ້ແກ່ການ ສະເຫຼີມສະຫຼອງວັນແມ່ຍິງສາ ກົນ ຄົບຮອບ 107 ປີ ໃນປີນີ້ ໃຫ້ເນື້ອໃນຄວາມໝາຍເລິກ ເຊິ່ງ ແລະ ເປັນຂະບວນກວ້າງ ຂວາງໃນທົ່ວປະເທດ, ຄະນະ ນຳສູນກາງສະຫະພັນແມ່ຍິງ ລາວໄດ້ສ້າງແຜນງານແຜນ ກິດຈະກຳລະອຽດດັ່ງນີ້: 1. ໄດ້ອອກແຈ້ງການເຖິງ ຄະນະບໍລິຫານງານ, ຄະນະ ປະທານສະຫະພັນແມ່ຍິງແຂວງ, ນະຄອນຫຼວງວຽງຈັນ, ກະຊວງ -ອົງການ ຂັ້ນສູນກາງ ສະບັບ ເລກທີ 067/ສສຍລ ລົງວັນທີ 16 ກຸມພາ 2017 ກ່ຽວກັບການ ສ້າງຂະບວນການ ແລະ ຈັດ ຕັ້ງ ສະເຫຼີມສະຫຼອງວັນແມ່ຍິງສາ ກົນ ຄົບຮອບ 107 ປີໃຫ້ມີເນື້ອ ໃນຄວາມໝາຍເລິກເຊິ່ງ ແລະ ຟົດຟື້ນ ຕິດພັນກັບການປະຕິ ບັດວຽກງານວິຊາສະເພາະຂອງ ຕົນເອງ. 2. ໄດ້ອອກຂໍ້ຕົກລົງແຕ່ງ ຕັ້ງຄະນະຮັບຜິດຊອບຈັດງານ ສະເຫຼີມສະຫຼອງວັນແມ່ຍິງສາ ກົນ ຄົບຮອບ 107 ປີ, ພາຍຫຼັງ ໄດ້ຮັບການແຕ່ງຕັ້ງ ແຕ່ລະອະ ນຸກຳມະການກໍ່ໄດ້ແບ່ງງານ, ແບ່ງຄວາມຮັບຜິດຊອບໃນ ການຫ້າງຫາກະກຽມຢ່າງຕັ້ງ ໜ້າ ແລະ ມີຜົນສຳເລັດທີ່ເປັນ ພື້ນຖານ. 3. ສ້າງກິດຈະກຳໂຄສະ ນາ, ຈັດປາຖະກະຖາຫວນຄືນ ປະຫວັດຄວາມເປັນມາຂອງວັນ ແມ່ຍິງສາກົນ ວັນທີ 8 ມີນາ ຕິດພັນກັບຂະບວນການລວມ ຂອງພັກ-ລັດ, ທົບທວນຜົນ ງານການເຄື່ອນໄຫວ 1 ປີຜ່ານ ມາ ແລະ ທິດທາງຕໍ່ໜ້າຂອງ ສະຫະພັນແມ່ຍິງແຕ່ລະຂັ້ນໂດຍ ຜ່ານ ພາຫະນະສື່ມວນຊົນໃຫ້ ກວ້າງຂວາງ ແລະ ເຂົ້າເຖິງທຸກ ກຸ່ມເປົ້າໝາຍ. 5. ຈັດກອງປະຊຸມສຳມະ ນາກ່ຽວກັບກົດໝາຍ, ສົນທິສັນ ຍາສາກົນທີ່ພົວພັນເຖິງການ ພັດທະນາ ແລະ ປົກປ້ອງສິດ ຜົນປະໂຫຍດອັນຊອບທຳຂອງ ແມ່ຍິງ, ກົດໝາຍພັດທະນາ ປົກປ້ອງແມ່ຍິງ, ການຈັດຕັ້ງ ປະຕິບັດຄຳຂວັນຂອງວັນແມ່ ຍິງສາກົນ ປະຈຳປີ 2017 ນີ້ ແມ່ນ "ການສ້າງຄວາມເຂັ້ມ ແຂງທາງດ້ານເສດຖະກິດໃຫ້ ແມ່ຍິງ, ຍຸກທີ່ມີການປ່ຽນແປງ ຂອງວຽກງານ". 6. ສ້າງຂະບວນການແຂ່ງ ຂັນສິລະປະວັນນະຄະດີ, ກິລາ ປະເພດຕ່າງໆ, ການວາງສະ ແດງຜະລິດຕະພັນກະສິກຳ- ຫັດຖະກຳ ຕາມຄວາມສາມາດ ແລະ ຈຸດພິເສດຕົວຈິງຂອງແຕ່ ລະທ້ອງຖິ່ນ ເພື່ອຊອກຫາບຸກ ຄົນ ແລະ ຄອບຄົວຕົວແບບ. 7. ສູນກາງສະຫະພັນແມ່ ຍິງລາວ ໄດ້ກະກຽມຂະບວນ ການຍ່າງ ເພື່ອສຸຂະພາບຄອບ ຄົວ ຄັ້ງທີ 2 ຊຶ່ງຈະໄດ້ຈັດຂຶ້ນ ໃນວັນທີ 4 ມີນາ 2017 ທີ່ ເດີ່ນພະທາດຫຼວງ ຊຶ່ງຄາດວ່າ ຈະໄດ້ຮັບການເຂົ້າຮ່ວມຈາກ ການນຳພັກ-ລັດ ແລະ ມວນ ຊົນທົ່ວນະຄອນຫຼວງວຽງຈັນ ເປັນຈຳນວນຫຼາຍ. ຈັດສຳມະນາ ໃນຫົວຂໍ້: "ການສ້າງຄວາມເຂັ້ມແຂງໃຫ້ ແມ່ຍິງດ້ານເສດຖະກິດ ແລະ ການປົກປັກຮັກສາສິ່ງແວດ ລ້ອມແບບຍືນຍົງ" ຊຶ່ງຈະໄດ້ ຈັດຂຶ້ນໃນວັນທີ 7 ມີນາ 2017 ທີ່ຫໍປະຊຸມແຫ່ງຊາດ. ໂດຍເຫັນໄດ້ຄວາມໝາຍ ຄວາມສຳຄັນຂອງວັນປະ ຫວັດ ສາດດັ່ງກ່າວ ຂ້າພະເຈົ້າຂໍຮຽກ ຮ້ອງມາຍັງສະຫະພັນແມ່ຍິງ ແຕ່ລະຂັ້ນໃນທົ່ວປະເທດຈົ່ງ ໄດ້ພ້ອມກັນຈັດຕັ້ງປະຕິບັດ ການສະເຫຼີມສະຫຼອງວັນແມ່ ຍິງສາກົນ ຄົບຮອບ107 ປີ ດ້ວຍ ຫຼາຍຮູບການ, ຫຼາຍວິທີທີ່ສອດ ຄ່ອງກັບແຕ່ລະກຸ່ມເປົ້າໝາຍ, ເປັນຕົ້ນຈັດປາຖະກະຖາຫວນ ຄືນປະຫວັດຄວາມເປັນມາ ຂອງວັນທີ 8 ມີນາ ຕິດພັນກັບ ການປະຕິບັດຄຳຂວັນ, ຂໍ້ແຂ່ງ ຂັນ ແລະ ແຜນພັດທະນາແມ່ ຍິງລາວ ( 8 ແຜນວຽກງານ 34 ໂຄງການ) ທີ່ໄດ້ກຳນົດ ໃນກອງ ປະຊຸມໃຫຍ່ຜູ້ແທນແມ່ຍິງລາວ ໃນທົ່ວປະເທດ ຄັ້ງທີ VII, ຕິດ ພັນກັບແຜນງານແຫ່ງຊາດ ເພື່ອ ຄວາມສະເໝີພາບຍິງ-ຊາຍ ຊຶ່ງລວມມີ 6 ແຜນງານ ແລະ ແຜນດຳເນີນງານແຫ່ງຊາດ, ວຽກງານແມ່ ແລະ ເດັກ ຊຶ່ງ ລວມມີ 5 ແຜນງານ, ຈັດສຳ ມະນາໃນຫົວຂໍ້ຕ່າງໆທີ່ຕິດພັນ ກັບວຽກງານແມ່ຍິງ, ໄປຄຽງຄູ່ ກັບການຈັດກິດຈະກຳແຂ່ງຂັນ ກິລາ, ຈັດວາງສະແດງຮູບພາບ ຜົນງານການເຄື່ອນໄຫວວຽກ ງານທີ່ພົ້ນເດັ່ນ, ການວາງສະ ແດງຜົນຜະລິດ ແລະ ສິນຄ້າ ກະສິກຳ-ຫັດຖະກຳຂອງກົມ ກອງ-ທ້ອງຖິ່ນ... ທັງໝົດນັ້ນ ເພື່ອເຮັດໃຫ້ ແມ່ຍິງມີຄວາມຮັບຮູ້ ແລະ ເຂົ້າ ໃຈ ພ້ອມທັງເປັນເຈົ້າການເຂົ້າ ຮ່ວມຂະບວນການພັດທະນາ ປະເທດຊາດ ແລະ ເສີມຂະ ຫຍາຍໄດ້ຄຸນລັກສະນະທີ່ເປັນ ມູນເຊື້ອອັນດີງາມຂອງແມ່ຍິງ ລາວ ເຂົ້າໃນການດຳລົງຊີວິດ ໃນເງື່ອນໄຂໃໝ່. ຂ້າພະເຈົ້າຫວັງເປັນຢ່າງ ຍິ່ງວ່າ: ທຸກພາກສ່ວນໃນສັງຄົມ ເວົ້າລວມ ເວົ້າສະເພາະສື່ມວນ ຊົນທີ່ເປັນກະບອກສຽງອັນແຫຼມ ຄົມຂອງພັກ-ລັດ ຈະຊ່ວຍເຫຼືອ ຂ້າພະເຈົ້າ ໃນການໂຄສະນາ ແນວທາງຂອງພັກ-ນະໂຍບາຍ ຂອງລັດ, ເວົ້າສະເພາະແນວ ທາງນະໂຍບາຍຕໍ່ການພັດທະ ນາ, ການສົ່ງເສີມຄວາມກ້າວ ໜ້າຂອງແມ່ຍິງ, ແຜນພັດທະ ນາແມ່ຍິງ ແນໃສ່ຄວາມສະເໝີ ພາບຍິງ-ຊາຍ ໃນຄອບຄົວ, ສັງ ຄົມ ແລະ ປະເທດຊາດ; ສືບຕໍ່ ນຳເອົາຜົນງານ, ຜົນສຳເລັດ ຮອບດ້ານ ແລະ ຂະບວນການ ຂອງແມ່ຍິງລາວເຜີຍແຜ່ຜ່ານ ພາຫະນະສື່ມວນຊົນຂອງທຸກ ພາກສ່ວນ; ຂ້າພະເຈົ້າເຊື່ອໝັ້ນ ວ່າ: ອົງການຈັດຕັ້ງພັກ-ລັດ, ເອກະຊົນ ແລະ ອົງການຈັດຕັ້ງ ສາກົນ ຈະສືບຕໍ່ໃຫ້ການຮ່ວມ ມື, ສະໜັບສະໜູນ ແລະ ເຂົ້າ ຮ່ວມ ໃນຂະບວນການສະຫຼອງ ວັນແມ່ຍິງສາກົນ ຄົບຮອບ 107 ປີ ໃຫ້ເປັນຂະບວນຟົດຟື້ນ ແລະ ກວ້າງຂວາງ. ນະໂອກາດອັນມີຄວາມ ສຳຄັນນີ້, ຂ້າພະເຈົ້າຕາງໜ້າ ໃຫ້ຄະນະບໍລິຫານງານສະຫະ ພັນແມ່ຍິງທຸກຂັ້ນ, ສະມາຊິກ ສະຫະພັນແມ່ຍິງ, ແມ່ຍິງລາວ ບັນດາເຜົ່າ ຂໍສະແດງຄວາມ ເຄົາລົບຮັກ ແລະ ຮູ້ບຸນຄຸນຢ່າງ ສູງຕໍ່ຜູ້ນຳພັກ, ສະພາແຫ່ງຊາດ ແລະ ລັດຖະບານ, ຊຶ່ງຍາມໃດ ກໍໄດ້ເອົາໃຈໃສ່ສ້າງທຸກເງື່ອນ ໄຂໃຫ້ແກ່ການເຕົ້າໂຮມຄວາມ ສາມັກຄີ, ສຶກສາອົບຮົມ, ບຳ ລຸງສ້າງແມ່ຍິງລາວບັນດາເຜົ່າ ໃຫ້ມີຄວາມເຕີບໃຫຍ່ຂະຫຍາຍ ຕົວ ໃນທຸກດ້ານ, ທັງສ້າງຄວາມ ເຊື່ອໝັ້ນ ແລະ ຖືຄວາມສຳຄັນ ຕໍ່ບົດບາດຂອງແມ່ຍິງ ໃນການ ເຂົ້າຮ່ວມປະຕິບັດໜ້າທີ່ປົກ ປັກຮັກສາ ແລະ ສ້າງສາປະ ເທດຊາດ. ຂໍຝາກຄຳອວຍພອນ ແລະ ຢື້ຢາມຖາມຂ່າວອັນສະໜິດສະ ໜົມຂອງຄະນະສະຫະພັນແມ່ ຍິງທຸກຂັ້ນ, ໄປເຖິງແມ່ຍິງລາວ ບັນດາເຜົ່າທົ່ວປະເທດ ຈົ່ງພ້ອມ ກັນຝຶກຝົນຫຼໍ່ຫຼອມຕົນເອງ, ຍົກ ສູງຄວາມຮູ້ຄວາມສາມາດບຸກ ໜ້າ ບືນຕົວ ປະກອບສ່ວນໃນ ການຈັດຕັ້ງປະຕິບັດແນວທາງ ນະໂຍບາຍຂອງພັກ, ແຜນພັດ ທະນາເສດຖະກິດ-ສັງຄົມຂອງ ລັດ, ແຜນພັດທະນາແມ່ຍິງລາວ ວາງອອກໃຫ້ສຳເລັດຜົນ. (ຂ່າວ: ມະລິ)