ປະທານປະເທດ ລົງຢ້ຽມຢາມນາຍ ແລະ ພົນທະຫານ ກອງພັນໃຫຍ່ 11


...

    

ດ້ວຍຄວາມເປັນຫວ່ງເປັນໄຍຕໍ່ກົມກອງທະຫານ ທ່ານ ບຸນຍັງ ວໍລະຈິດ ເລຂາທິການ ໃຫຍ່ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປ ລາວ ໄດ້ລົງເຄື່ອນໄຫວ ຢ້ຽມຢາມນາຍ ແລະ ພົນທະຫານຢູ່ກອງພັນໃຫຍ່ 11, ເມື່ອວັນທີ 27 ພະຈິກຜ່ານມາ ຊຶ່ງໃຫ້ ກຽດຕ້ອນຮັບອັນອົບອຸ່ນຈາກ ທ່ານ ພົນໂທ ສຸວອນ ເລືອງບຸນມີ ກຳມະການສູນກາງພັກ ຮອງ ລັດຖະມົນຕີ ກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບ, ມີຄະນະພັກ - ຄະນະ ບັນຊາ, ພະນັກງານຫຼັກແຫຼ່ງກອງພັນໃຫຍ່ 11 ກອງທັບປະຊາຊົນລາວ. ໃນໂອກາດດັ່ງກ່າວ ທ່ານປະທານປະເທດໄດ້ຮັບຟັງ ການລາຍງານໂດຍຫຍໍ້ກ່ຽວ ກັບສະພາບການຂອງກົມກອງ ກ່ຽວກັບທີ່ຕັ້ງພາລະບົດບາດ ແລະ ໜ້າທີ່ການເມືອງ, ຈາກ ທ່ານພັນເອກ ບຸນສົງ ພິມມະວົງ ເລຂາຄະນະພັກ ຫົວໜ້າການ ເມືອງກອງພັນໃຫຍ່ 11, ກ່ຽວ ກັບການຈັດຕັ້ງປະຕິບັດວຽກ ງານຈຸດສຸມຂອງກົມກອງໂດຍ ສະເພາະແມ່ນຂົງເຂດວຽກ ງານການເມືອງ, ວຽກງານພັກ - ພະນັກງານໄດ້ພ້ອມກັນຈັດ ຕັ້ງປະຕິບັດຕາມມະຕິກອງປະ ຊຸມໃຫຍ່ ຄັ້ງທີ X ຂອງພັກກໍຄື ມະຕິກອງປະຊຸມໃຫຍ່ ຄັ້ງທີ 4 ຂອງຄະນະພັກກະຊວງປ້ອງ ກັນປະເທດ, ໄດ້ຖືສຳຄັນວຽກ ງານກໍ່ສ້າງຮາກຖານການ ເມືອງກັບປະຊາຊົນທີ່ກົມກອງ ຕັ້ງທັບໃຫ້ມີຄວາມສະຫງົບໜັກ ແໜ້ນເຂັ້ມແຂງ, ຖືເອົາແນວ ຄິດເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍ ຕົນເອງເປັນໄມ້ຫຼາວັດແທກ ຄຸນນະພາບຂອງພະນັກງານ ນັກຮົບ ໃນໂອກາດນີ້ ທ່ານປະ ທານປະເທດຍັງໄດ້ລົງພົບປະ, ໂອ້ລົມພະນັກງານ - ນັກຮົບ ທີ່ກຳລັງຝຶກແອບຮ່ຳຮຽນສິລະ ປະຍຸດທະວິທີ ແລະ ເບິ່ງການ ປູກພືດຜັກສວນຄົວບາງກົມ ກອງຈຳນວນໜຶ່ງ ໂດຍລວມ ແລ້ວເຫັນວ່າແຕ່ລະກົມກອງ ສາມາດເພິ່ງຕົນເອງທາງສະ ບຽງອາຫານ, ເບິ່ງລະບົບການ ປຸກສ້າງຕ່າງໆກໍມີຄວາມແໜ້ນ ໜາຖາວອນ ຕາມທິດຫັນກອງ ທັບເປັນທັນສະໄໝເທື່ອລະ ກ້າວ. ໂອກາດດຽວກັນນີ້ ທ່ານ ບຸນຍັງ ວໍລະຈິດ ປະທານປະ ເທດແຫ່ງ ສປປ ລາວ ກໍໄດ້ມີ ຄຳເຫັນໂອ້ລົມຕໍ່ ນາຍ ແລະ ພົນທະຫານ ເພື່ອຊີ້ທິດເຍືອງ ທາງໃຫ້ຄະນະນຳກອງທັບທຸກ ຂັ້ນຂອງກະຊວງກໍຄືຄະນະພັກ - ຄະນະບັນຊາກອງພັນໃຫຍ່ ດັ່ງກ່າວ ຊຶ່ງໄດ້ເນັ້ນໜັກໃຫ້ ຮັກສາມູນເຊື້ອອັນສະຫງ່າງາມ ຂອງກອງທັບປະຊາຊົນລາວ, ພ້ອມກັນເອົາໃຈໃສ່ຕໍ່ວຽກງານ ສຶກສາອົບຮົມການເມືອງແນວ ຄິດຖືເອົາວຽກງານດັ່ງກ່າວ ເປັນສຳຄັນພ້ອມ ທັງຈັດຕັ້ງສຶກ ສາອົບຮົມໃຫ້ທົ່ວເຖິງ, ເຮັດ ໃຫ້ເປັນລະບົບຕໍ່ເນື່ອງນຳເອົາ ລະບຽບກົດໝາຍເປັນຫຼັກ, ຕິດ ພັນກັບພຶດຕິກຳຕົວຈິງ, ໃນ ວຽກງານປ້ອງກັນຊາດ - ປ້ອງ ກັນຄວາມສະຫງົບ, ສຶກສາອົບ ຮົມພະນັກງານ - ນັກຮົບໃຫ້ມີ ສະຕິລະວັງຕົວກຽມພ້ອມຮັບ ຄຳສັ່ງປະຕິບັດໜ້າທີ່ຢູ່ທຸກເວ ລາ, ຕັດສິນໃຈເຮັດສຳເລັດໜ້າ ທີ່ຫັນລົງກໍ່ສ້າງຮາກຖານການ ເມືອງຕາມ 4 ເນື້ອໃນ 4 ຄາດ ໝາຍ, ຕາມຂອບເຂດທີ່ກົມ ກອງຮັບຜິດຊອບເປັນຢ່າງດີ. ໂອກາດດຽວກັນນີ້, ທ່ານປະ ທານປະເທດຍັງໄດ້ມອບເຄື່ອງ ຄອມພິວເຕີ ແລະ ເຄື່ອງກິລາ ຈຳນວນໜຶ່ງໃຫ້ກົມກອງດັ່ງ ກ່າວຕື່ມອີກ. (ຂ່າວ: ຈາກໜັງສືພິມ ກອງທັບປະຊາຊົນລາວ)