ສະພາ ຈະພິຈາລະນາຮ່າງກົດໝາຍ16 ສະບັບ


...

    

ສະພາແຫ່ງຊາດກະກຽມ ບັນດາຮ່າງກົດໝາຍທີ່ຈະນຳ ເຂົ້າພິຈາລະນາ ໃນກອງປະ ຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII ທັງໝົດຈຳນວນ 16 ສະ ບັບ ໃນນັ້ນ ກົດໝາຍສ້າງໃໝ່ 9 ສະບັບ, ກົດໝາຍປັບປຸງ 7 ສະບັບ. ໃນວັນທີ 27 ຕຸລາຜ່ານ ມານີ້, ກອງປະຊຸມສະໄໝສາ ມັນເທື່ອທີ 4 ຂອງສະພາແຫ່ງ ຊາດ ຊຸດທີ VIII ພາຍໃຕ້ການ ເປັນປະທານຂອງທ່ານ ນາງ ປານີ ຢາທໍ່ຕູ້ ປະທານສະພາ ແຫ່ງຊາດ, ທ່ານ ແສງນວນ ໄຊຍະລາດ ຮອງປະທານສະພາ ແຫ່ງຊາດ ໄດ້ລາຍງານກ່ຽວກັບການຈັດຕັ້ງປະຕິບັດແຜນ ການເຄື່ອນໄຫວວຽກງານປະ ຈຳປີ 2017 ແລະ ທິດທາງ ແຜນການປະຈຳປີ 2018 ຂອງ ສະພາແຫ່ງຊາດໃຫ້ຮູ້ວ່າ: ຄະ ນະປະຈຳສະພາແຫ່ງຊາດໄດ້ ຜັນຂະຫຍາຍແຜນການລະ ອຽດ ຊຶ່ງກຳນົດແຜນສ້າງ ແລະ ປັບປຸງ ກົດໝາຍ ປະຈຳປີ 2017 ຈຳ ນວນທັງໝົດ 31 ສະບັບ ໃນ ນັ້ນ ສ້າງໃໝ່ຈຳນວນ 14 ສະ ບັບ, ສາມາດນຳເຂົ້າພິຈາລະ ນາຮັບຮອງ ໃນກອງປະຊຸມສະ ໄໝສາມັນເທື່ອທີ 3 ຂອງສະ ພາແຫ່ງຊາດ ຊຸດທີ VIII ທັງ ໝົດ 14 ສະບັບ; ຄຽງຄູ່ກັນນັ້ນ ກໍໄດ້ກະກຽມຮ່າງກົດໝາຍທີ່ ຈະນຳເຂົ້າພິຈາລະນາໃນກອງ ປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII ທັງໝົດຈຳນວນ 16 ສະ ບັບ ໃນນັ້ນ ກົດໝາຍສ້າງໃໝ່ 9 ສະບັບ, ກົດໝາຍປັບປຸງ 7 ສະບັບ. ສັງລວມແລ້ວ ປີ 2017 ຄາດຄະເນການສ້າງ ແລະ ປັບ ປຸງກົດໝາຍ ບັນລຸໄດ້ 94% ຂອງແຜນການປີ ທຽບໃສ່ແຜນ ການສ້າງ ແລະ ປັບປຸງກົດໝາຍ 5 ປີຂອງສະພາແຫ່ງຊາດ ຊຸດທີ VIII ບັນລຸໄດ້ 27,61%. ກອງປະຊຸມສະໄໝສາ ມັນເທື່ອທີ 4 ຂອງສະພາແຫ່ງ ຊຸດທີ VIII ຈະໄດ້ພິຈາລະນາ ແລະ ຮັບຮອງເອົາບັນຫາດັ່ງຕໍ່ ໄປນີ້: ຮັບຮອງເອົາການສ້າງ ແລະ ປັບປຸງກົດໝາຍຈຳນວນ 16 ສະບັບ ໃນນີ້ກົດໝາຍສ້າງໃໝ່ 9 ສະບັບ ແລະ ກົດໝາຍປັບປຸງ 7 ສະບັບ. ສຳລັບການເຄື່ອນໄຫວ ຂອງສະພາແຫ່ງຊາດ ໃນໄລ ຍະ 9 ເດືອນຜ່ານມາ ສະພາ ແຫ່ງຊາດໄດ້ເອົາໃຈໃສ່ຈັດຕັ້ງ ປະຕິເນື້ອໃນຕ່າງໆກ່ຽວກັບ ການຕິດຕາມກວດກາທີ່ໄດ້ກຳ ນົດໃນແຜນປະຈຳປີ, ໄດ້ຕິດ ຕາມກວດກາການປະຕິບັດລັດ ຖະທຳມະນູນ ແລະ ກົດໝາຍ ໃນຂົງເຂດຍຸຕິທຳ ໂດຍສຸມໃສ່ ຄົ້ນຄວ້າ, ພິຈາລະນາ, ແກ້ໄຂ ບັນດາຄຳຮ້ອງທຸກຂໍຄວາມ ເປັນທຳ ຕາມພາລະບົດບາດ ຂອງສະພາແຫ່ງຊາດ; ສະເພາະ ຢູ່ສູນກາງໄດ້ເອົາໃຈໃສ່ສືບຕໍ່ ຄົ້ນຄວ້າຄຳຮ້ອງຂໍຄວາມເປັນ ທຳທີ່ຍັງຄ້າງມາແຕ່ປີ 2016 ຈຳນວນ 325 ເລື່ອງ ແລະ ຄຳ ຮ້ອງເຂົ້າມາໃໝ່ປີ 2017 ຈຳ ນວນ 340 ເລື່ອງ ລວມທັງໝົດ 665 ເລື່ອງ, ມາຮອດປັດຈຸບັນ ສາມາດຄົ້ນຄວ້າພິຈາລະນາ, ແກ້ໄຂດ້ວຍຮູບການຕ່າງໆທັງ ໝົດຈຳນວນ 298 ເລື່ອງ ກວມ ເອົາ 44,81% ຂອງຄຳຮ້ອງຂໍ ຄວາມເປັນທຳທັງໝົດ, ປັດຈຸ ບັນກຳລັງສືບຕໍ່ຄົ້ນຄວ້າພິຈາ ລະນາຈຳນວນ 367 ເລື່ອງ ແລະ ເອົາໃຈໃສ່ໃຫ້ຄຳປຶກສາ ປະຊາຊົນຈຳນວນ 936 ເລື່ອງ. ຄາດໝາຍສູ້ຊົນປີ 2018 ແມ່ນ ສ້າງ ແລະ ປັບປຸງກົດ ໝາຍຈຳນວນ 26 ສະບັບ ໃນນີ້ ກົດໝາຍສ້າງໃໝ່ຈຳນວນ 11 ສະບັບ ແລະ ປັບປຸງກົດໝາຍ 15 ສະບັບ, ກວດກາຊຸກຍູ້ການ ອອກນິຕິກຳລຸ່ມກົດໝາຍຂອງ ພາກສ່ວນຕ່າງໆໃຫ້ບັນລຸຄາດ ໝາຍ; ຍົກສູງຄຸນນະພາບການ ຕົກລົງບັນຫາສຳຄັນຂອງຊາດ ຜ່ານກົນໄກສະພາແຫ່ງຊາດ, ຄະນະປະຈຳສະພາແຫ່ງຊາດ ໃຫ້ສອດຄ່ອງກັບລັດຖະທຳມະ ນູນ ແລະ ກົດໝາຍ, ຮັບປະກັນ ຜົນປະໂຫຍດລວມຂອງຊາດ, ປະຊາຊົນລາວບັນດາເຜົ່າ, ຮັບ ປະກັນເຮັດໃຫ້ປະເທດຊາດ ມີສະຖຽນລະພາບທາງດ້ານ ການເມືອງໜັກແໜ້ນ, ເສດຖະ ກິດມະຫາພາກມີຄວາມໝັ້ນ ທ່ຽງ, ສັງຄົມມີຄວາມສະຫງົບ, ປອດໄພ, ສີວິໄລ ແລະ ຍຸຕິທຳ; ຮັບປະກັນໃຫ້ຜົນການຕິດຕາມ ກວດກາຂອງສະພາແຫ່ງຊາດ, ຄະນະປະຈຳສະພາແຫ່ງຊາດ ໄດ້ຮັບການແກ້ໄຂຕາມກົດໝາຍ ແລະ ລະບຽບການໃຫ້ປະກົດ ຜົນເປັນຈິງ ນັບມື້ດີຂຶ້ນ ເພື່ອນຳເອົາປະເທດຊາດຫຼຸຸດພົ້ນອອກຈາກສະຖານະພາບປະເທດດ້ອຍພັດທະນາ ໃນປີ 2020. ຈາກນັ້ນ ທ່ານ ນາງ ຄຳຈັນ ພົມແສງສະຫວັນ ຮອງ ປະທານສູນກາງແນວລາວສ້າງ ຊາດກໍໄດ້ປະກອບຄວາມເຫັນ ຕໍ່ກອງປະຊຸມ ຊຶ່ງໄດ້ກ່າວບາງ ຕອນວ່າ: ເຖິງແມ່ນວ່າມີລັດຖະ ທຳມະນູນ, ມີກົດໝາຍຫຼາຍ ກ່ວາຮ້ອຍສະບັບແລ້ວກໍຕາມ ແຕ່ການຫັນແນວທາງນະໂຍ ບາຍມາເປັນກົດໝາຍ ເພື່ອຄຸ້ມ ຄອງການເຄື່ອນໄຫວຂອງລັດ - ສັງຄົມ ໃນປັດຈຸບັນ ເຫັນວ່າຍັງ ບໍ່ທັນພຽງພໍເທື່ອ, ການເຜີຍແຜ່ ກົດໝາຍຍັງບໍ່ທັນກວ້າງຂວາງ ບໍ່ເລິກເຊິ່ງ, ກົດໝາຍບໍ່ທັນກາຍ ເປັນຂອງສັງຄົມ, ພະນັກງານ - ລັດຖະກອນ, ທະຫານ, ຕຳ ຫຼວດ ແລະ ປະຊາຊົນຍັງຖືເບົາ, ສະຕິ ໃນການເຄົາລົບ ແລະ ການປະຕິບັດກົດໝາຍຍັງບໍ່ທັນ ສູງ, ສະພາບການລະເມີດລະ ບຽບ, ກົດໝາຍຍັງມີຫຼາຍ ແລະ ຍັງມີຢູ່ໃນທຸກຂົງເຂດວຽກງານ. ຫຼັງຈາກນັ້ນ ສສຊ ໄດ້ຜັດ ປ່ຽນກັນປະກອບຄຳຄິດຄຳເຫັນ ໃສ່ບົດລາຍງານການເຄື່ອນໄຫວ ວຽກງານດັ່ງກ່າວ ເພື່ອໃຫ້ສົມ ບູນ, ຄົບຖ້ວນ ແລະ ຖືກຕ້ອງ, ເປັນຕົ້ນແມ່ນ ລະບອບແບບ ແຜນວິທີເຮັດວຽກຍັງບໍ່ທັນໄດ້ ດີເທົ່າທີ່ຄວນ, ຢາກໃຫ້ເພີ່ມເວ ລາໃຫ້ກັບບັນດາ ສສຊ ໄດ້ປະ ກອບຄຳຄິດຄຳເຫັນຫຼາຍຂຶ້ນ ແລະ ໃຫ້ເພີ່ມເວລາໃຫ້ກັບພາກ ສ່ວນລັດຖະບານໄດ້ຊີ້ແຈງ ວຽກງານຢ່າງລະອຽດຈະແຈ້ງຕໍ່ ສສຊ. ນອກຈາກນີ້ ສສຊ ຍັງ ໄດ້ສະເໜີໃຫ້ພາກສ່ວນທີ່ກ່ຽວ ຂ້ອງເບິ່ງຄືນການຂຸດຄົ້ນແຮ່ ຂອງບໍລິສັດພູເບ້ຍມາຍນິງ ເພາະໄດ້ສົ່ງຜົນກະທົບຕໍ່ສິ່ງ ແວດລ້ອມກໍຄືຊີວິດການເປັນຢູ່ ຂອງປະຊາຊົນຈຳນວນ 368 ຫຼັງຄາເຮືອນ ແລະ ວຽກງານ ອື່ນໆ. (ຂ່າວ: ນ. ແສງຈັນ)