ແລກປ່ຽນສິລະປະວັດທະນະທຳຂອງບັນດາສາສະໜາ


...

    

ກົມສາສະໜາ ສູນກາງ ແນວລາວສ້າງຊາດ (ສນຊ) ຈັດພິທີພົບປະແລກປ່ຽນສິລະ ປະວັດທະນະທຳຂອງບັນດາ ສາສະໜາຕ່າງໆຂຶ້ນໃນວັນທີ 28 ພະຈິກຜ່ານມານີ້ ທີ່ ສນຊ ໂດຍເປັນກຽດເຂົ້າຮ່ວມຂອງ ທ່ານ ໄຊສົມພອນ ພົມວິຫານ ກຳມະການກົມການເມືອງສູນ ກາງພັກ ປະທານສູນກາງແນວ ລາວສ້າງຊາດ, ມີບັນດາທ່ານ ຮອງປະທານ ສນຊ, ມີຄອບ ຄົວການນຳພັກ-ລັດ, ມີບັນດາ ແຂກຖືກເຊີນຈາກກະຊວງ ພາຍໃນ, ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ, ກຳມາທິການບັນດາເຜົ່າຂອງ ສະພາແຫ່ງຊາດ, ແນວລາວ ສ້າງຊາດ ນະຄອນຫຼວງວຽງ ຈັນ, ແຂວງວຽງຈັນ, ແຂວງບໍລິ ຄຳໄຊ ພ້ອມດ້ວຍອົງການສາສະໜາ ຕ່າງໆໃນ ແລະ ພາກສ່ວນກ່ຽວ ຂ້ອງເຂົ້າຮ່ວມ. ໃນພິທີ, ທ່ານ ໄຊສົມ ພອນ ພົມວິຫານ ໄດ້ຫວນຄືນ ມູນເຊື້ອການເຕີບໃຫຍ່ຂະ ຫຍາຍຕົວຂອງພັກປະຊາຊົນ ປະຕິວັດລາວ ໂດຍຫຍໍ້, ບັນ ດາສະພາບການຂອງໂລກ ແລະ ພາກພື້ນ ທີ່ເປັນສິ່ງອຳ ນວຍ ແລະ ທ້າທາຍທີ່ເປັນອຸ ປະສັກ ໃນການພັດທະນາປະ ເທດຊາດ, ພ້ອມນີ້ ທ່ານໄດ້ ຍົກບາງເນື້ອໃນທີ່ເປັນມະຕິ ກອງປະຊຸມໃຫຍ່ ຄັ້ງທີ X ຂອງ ພັກ, ຜ່ານຜົນງານທີ່ພົ້ນເດັ່ນ ຂອງອົງການແນວລາວສ້າງ ຊາດ ໃນໄລຍະຜ່ານມາໂດຍ ສັງເຂບ ເປັນຕົ້ນແມ່ນໄດ້ເສີມ ຂະຫຍາຍບົດບາດໃນການ ເຕົ້າໂຮມຄວາມສາມັກຄີເປັນ ປຶກແຜ່ນຂອງປະຊາຊົນບັນດາ ເຜົ່າ, ຊັ້ນຄົນ, ສາສະໜາ, ເພດ-ໄວ ພ້ອມທັງຄົນເຊື້ອ ຊາດລາວທີ່ດຳລົງຊີວິດຢູ່ຕ່າງ ປະເທດ ແລະ ຄົນຕ່າງປະເທດ ທີ່ອາໄສຢູ່ ສປປ ລາວ, ເສີມ ຂະຫຍາຍມູນເຊື້ອສາມັກຄີ ປອງດອງ, ເຕົ້າໂຮມປຸກລະດົມ ມະຫາຊົນເຂົ້າໃນການປະກອບ ສ່ວນປົກປັກຮັກສາ ແລະ ສ້າງ ສາພັດທະນາປະເທດຊາດ. ພ້ອມກັນນີ້ ທ່ານຍັງໄດ້ ຮຽກຮ້ອງໃຫ້ບັນດາແຂກຖືກ ເຊີນ, ພາກສ່ວນທີ່ກ່ຽວຂ້ອງ, ສາສະໜາຕ່າງໆ ຈົ່ງຖືໂອກາດ ນີ້ ສົນທະນາແລກປ່ຽນຄຳຄິດ ຄຳເຫັນນຳກັນຢ່າງມີປະຊາທິ ປະໄຕ, ສ້າງຄວາມເຂົ້າໃຈເປັນ ເອກະພາບ ແລະ ຮັກແພງກັນ, ຄວາມແຕກຕ່າງດ້ານການເຊື່ອ ຖືຈະບໍ່ເປັນກຳແພງຂວາງກັ້ນ ຄວາມເປັນພີ່ນ້ອງ, ຄວາມຮັກ ເຊື້ອແພງຊາດ, ຮັກບ້ານເກີດ ເມືອງນອນຂອງພວກເຮົາ ແລະ ຄວາມແຕກຕ່າງດ້ານ ການເຊື່ອຖືນີ້ ຈະເປັນພື້ນຖານ ແຫ່ງຄວາມສວຍສົດງົດງາມ ດັ່ງດອກໄມ້ທີ່ມີຫຼາຍສີສັນປະ ດັບປະເທດຊາດເຮົາໃຫ້ຮຸ່ງ ເຮືອງສີວິໄລ. ຈາກນັ້ນ ໃນພິທີ ຍັງໄດ້ມີກິດຈະກຳຕ່າງໆເຊັ່ນ: ບັນດາສາສະໜາຕ່າງໆ ໄດ້ລະ ນຶກເຖິງບຸນຄຸນຂອງບັນດາ ທ່ານຜູ້ນຳພັກ-ລັດ, ນັກວິລະ ຊົນ ແລະ ນັກຮົບປະຕິວັດ ທີ່ ໄດ້ລ່ວງລັບໄປແລ້ວທີ່ໄດ້ເສຍ ສະຫຼະເລືອດເນື້ອ ເພື່ອຕໍ່ສູ້ປົດ ປ່ອຍຊາດຂອງພວກເຮົາ. ພ້ອມ ທັງອວຍພອນ ແລະ ມອບກະ ຕ່າດອກໄມ້ໃຫ້ປະທານ ແລະ ຄະນະນຳ ສນຊ. ຈາກນັ້ນ ກໍ ໄດ້ຮັບຊົມການສະແດງສິລະ ປະ-ວັນນະຄະດີ, ຊົມຮູບພາບ ການເຄື່ອນໄຫວຂອງແຕ່ລະ ສາສະໜາ ເພື່ອແລກປ່ຽນສີ ສັນບັນຍາກາດຂອງແຕ່ລະສາ ສະໜາຢ່າງຄຶກຄື້ນ, ມ່ວນຊື່ນ ແລະ ຖ່າຍຮູບຮ່ວມກັບການ ນຳ ສນຊ ຕື່ມອີກ. ພິທີພົບປະແລກປ່ຽນສິ ລະປະ ວັດທະນະທຳ ຂອງບັນ ດາສາສະໜາຕ່າງໆຄັ້ງນີ້ ເປັນ ຄັ້ງທຳອິດທີ່ບໍ່ເຄີຍມີມາ ແລະ ເພື່ອເປັນການສ້າງຂະບວນ ການຂ່ຳນັບຮັບຕ້ອນວັນຊາດ ທີ 2 ທັນວາ ຄົບຮອບ 42 ປີ ອີກດ້ວຍ. (ຂ່າວ: ສນຊ)