ທ່ານປະທານ ສນຊ ເຄື່ອນໄຫວຢ້ຽມຢາມ ເມືອງປາກງື່ມ


...

    

ທ່ານ ໄຊສົມພອນ ພົມວິ ຫານ ກຳມະການກົມການເມືອງ ສູນກາງພັກ ປະທານສູນກາງ ແນວລາວສ້າງຊາດ (ສນຊ) ພ້ອມຄະນະໄດ້ເຄື່ອນໄຫວຢ້ຽມ ຢາມ ແລະ ໂອ້ລົມປະຊາຊົນ ບ້ານທ່າຊ້າງ ເມືອງປາກງື່ມ ນະຄອນຫຼວງວຽງຈັນ ເມື່ອວັນ ທີ 28 ຕຸລາຜ່ານມານີ້ ທີ່ສະ ໂມສອນ ບ້ານດັ່ງ ກ່າວ ໂດຍມີ ປະທານແນວລາວສ້າງຊາດ ເມືອງ-ບ້ານ, ພໍ່ແມ່ປະຊາຊົນ ພ້ອມດ້ວຍພາກສ່ວນທີ່ກ່ຽວ ຂ້ອງເຂົ້າຮ່ວມຮັບຟັງ. ທ່ານປະທານ ສນຊ ໄດ້ ຮັບຟັງການລາຍງານສະພາບ ລວມ ຂອງບ້ານຈາກ ທ່ານ ທັດສະນີ ພິລາວົງ ນາຍບ້ານໆ ທ່າຊ້າງ ຊຶ່ງທ່ານໄດ້ໃຫ້ຮູ້ວ່າ: ບ້ານທ່າຊ້າງເປັນບ້ານໜຶ່ງຂອງ ເມືອງປາກງື່ມຫ່າງຈາກເທດ ສະບານ ເມືອງ 45 ກິໂລແມັດ ມີພົນ ລະເມືອງທັງໝົດ 857 ຄົນ ອາຊີບສ່ວນຫຼາຍຂອງປະຊາ ຊົນພາຍໃນບ້ານແມ່ນເປັນ ຊາວກະສິກອນໂດຍສະເພາະ ກຸ່ມປູກພືດຜັກອິນຊີ ຊຶ່ງເປັນ ກຸ່ມຜະລິດຕົວແບບ ປັດຈຸບັນ ມີສະມາຊິກ 81 ຄອບຄົວ, ມີເນື້ອທີ່ທຳການຜະລິດ 121 ເຮັກຕາ ສາມາດຕອບສະໜອງ ພືດຜັກອິນຊີປະເພດຕ່າງໆ ສະໜອງໃຫ້ນະຄອນຫຼວງ ວຽງຈັນ 5-6 ໂຕນຕໍ່ອາທິດ ແລະ ສາມາດ ສ້າງລາຍຮັບໄດ້ 40-50 ລ້ານກີບ ຊຶ່ງເຮັດໃຫ້ ລາຍຮັບຂອງສະມາຊິກເພີ່ມ ຂຶ້ນ ແລະ ນຳພາຄອບຄົວຫຼຸຸດ ພົ້ນອອກຈາກຄວາມທຸກຍາກ ໄດ້ ໂດຍພື້ນຖານນອກຈາກ ກຸ່ມປູກພືດຜັກອິນຊີແລ້ວຍັງ ມີກຸ່ມຫັດຖະກຳຕ່ຳຫູກຕື່ມອີກ. ໃນໂອກາດດັ່ງກ່າວ ທ່ານ ປະທານ ສນຊ ກໍໄດ້ສະແດງ ຄວາມຊົມເຊີຍຕໍ່ການບຸກບືນ ສູ້ຊົນຂອງປະຊາຊົນບ້ານທ່າ ຊ້າງ ຈົນເຮັດໃຫ້ກິດຈະການມີ ການເຕີບໃຫຍ່ຂະຫຍາຍຕົວ ແລະ ໄດ້ປະກອບສ່ວນດ້ານ ສະບຽງອາຫານໃຫ້ນະຄອນ ຫຼວງວຽງຈັນ, ບັນດາແຂວງທົ່ວ ປະເທດຊຶ່ງເປັນການປະກອບ ສ່ວນໃນການພັດທະນາເສດ ຖະກິດ-ສັງຄົມ ໄດ້ເປັນຢ່າງດີ, ພ້ອມນີ້ທ່ານຍັງຮຽກຮ້ອງໃຫ້ ກຸ່ມຜະລິດພືດຜັກອິນຊີສືບຕໍ່ ຂະຫຍາຍເນື້ອທີ່ການຜະລິດ ແລະ ຜົນຜະລິດໃຫ້ຫຼາຍຂຶ້ນ ຮັບປະກັນໄດ້ທັງຄຸນນະພາບ ແລະ ປະລິມານ ເພື່ອຕອບສະ ໜອງຄວາມຕ້ອງການຂອງຕະ ຫຼາດນັບມື້ນັບຫຼາຍຂຶ້ນ, ຈາກ ນັ້ນ ທ່ານຍັງໄດ້ຍົກໃຫ້ເຫັນ ເຖິງມູນເຊື້ອ, ພາລະບົດບາດ, ຄວາມສຳຄັນຂອງວຽກງານ ແນວລາວສ້າງຊາດ ໂດຍໄດ້ ເນັ້ນຫຼາຍບັນຫາໃຫ້ອຳນາດ ການປົກຄອງເມືອງ, ຄະນະກຳ ມະການແນວລາວສ້າງຊາດ ເມືອງ, ບ້ານ ແລະ ພາກສ່ວນ ທີ່ກ່ຽວຂ້ອງຈົ່ງເພີ່ມທະວີກ້ອນ ກຳລັງມະຫາສາມັກຄີທຸກຊົນ ເຜົ່າ, ຊັ້ນຄົນ, ສາສະໜາ, ເພດ, ໄວໃຫ້ໜັກແໜ້ນເຂັ້ມແຂງ ຄຽງ ຄູ່ກັນນັ້ນຕ້ອງຮັບປະກັນສະ ຖຽນລະພາບທາງດ້ານການ ເມືອງ, ຄວາມສະຫງົບສຸກຂອງ ສັງຄົມກໍຄືບ້ານ, ເອົາໃຈໃສ່ສົ່ງ ເສີມການສຶກສາຢູ່ຂັ້ນບ້ານໃຫ້ ມີຄຸນນະພາບ, ໂຄສະນາປຸກ ລະດົມ, ເຕົ້າໂຮມຄວາມສາມັກ ຄີຂອງປະຊາຊົນ, ເສີມຂະ ຫຍາຍສິດເປັນເຈົ້າຂອງປະຊາ ຊົນໃນການປະຕິບັດແນວທາງ ນະໂຍບາຍຂອງພັກ ແລະ ແຜນພັດທະນາເສດຖະກິດ-ສັງຄົມຂອງລັດ, ສືບຕໍ່ຮັກສາ ມູນເຊື້ອຄວາມດຸໝັ້ນ, ຂະ ຫຍັນທຳການຜະລິດ, ປຸກດົມ ຂົນຂວາຍສ້າງກອງທຶນພັດ ທະນາຂັ້ນບ້ານໃຫ້ເກີດດອກ ອອກຜົນ, ສົ່ງເສີມການຜະ ລິດໃຫ້ກາຍເປັນສິນຄ້າ ແລະ ແກ້ໄຂຄວາມທຸກຍາກຂອງພໍ່ ແມ່ປະຊາຊົນ ຕາມແນວທາງ ນະໂຍບາຍຂອງພັກ-ລັດ ວາງ ໄວ້, ຄຽງຄູ່ກັນນັ້ນຕ້ອງເອົາ ໃຈໃສ່ປະຕິບັດຄຳຂວັນ 6 ສ ຂອງນະຄອນຫຼວງ ວາງອອກ ໃຫ້ປະກົດຜົນເປັນຈິງ.