ຫົວໜ້າຄະນະພົວພັນຕ່າງປະເທດສູນກາງພັກ ຕ້ອນຮັບທູດກຳປູເຈຍ ອຳລາ


...

     ທ່ານ ນາງ ສູນທອນ ໄຊຍະຈັກ ກຳມະການສູນ ກາງພັກ ຫົວໜ້າຄະນະພົວ ພັນຕ່າງປະເທດສູນກາງພັກ ໄດ້ຕ້ອນຮັບການເຂົ້າຢ້ຽມອຳ ລາຂອງ ທ່ານ ເຮີດ ເສໄຣທົນ (Hos Sereythonh) ເອກອັກ ຄະລັດຖະທູດ ແຫ່ງ ຣາຊະອາ ນາຈັກກຳປູເຈຍ ປະຈຳ ສປປ ລາວ ໃນຕອນແລງຂອງວັນທີ 31 ມັງກອນຜ່ານມາ ທີ່ສຳນັກ ງານຄະນະພົວພັນຕ່າງປະເທດ ສູນກາງພັກ ໃນໂອກາດທີ່ສຳ ເລັດໜ້າທີ່ ການທູດຢູ່ ສປປ ລາວ. ໃນໂອກາດດັ່ງກ່າວ, ທ່ານ ນາງ ສູນທອນ ໄຊຍະຈັກ ໄດ້ ສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສຳເລັດ, ຜົນ ງານໃນການປະຕິບັດໜ້າທີ່ ການທູດຢູ່ ສປປ ລາວ ຂອງ ທ່ານ ເຮີດ ເສໄຣທົນ ອັນເປັນ ການປະກອບສ່ວນຢ່າງສຳຄັນ ເຂົ້າໃນການເສີມຂະຫຍາຍ ສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອອັນ ດີງາມລະຫວ່າງປະຊາຊົນສອງ ຊາດລາວ-ກຳປູເຈຍ ໃຫ້ນັບມື້ ນັບແຕກດອກອອກຜົນ; ທ່ານ ຫົວໜ້າຄະນະພົວພັນຕ່າງປະ ເທດສູນກາງພັກ ຍັງໄດ້ທົບ ທວນຄືນມູນເຊື້ອການພົວພັນ ລະຫວ່າງລາວ-ກຳປູເຈຍ ແລະ ສະແດງຄວາມເຊື່ອໝັ້ນວ່າ ທ່ານ ເຮີດ ເສໄຣທົນ ຈະສືບຕໍ່ ປະກອບສ່ວນເຂົ້າໃນການເພີ່ມ ພູນຄູນສ້າງສາຍພົວພັນມິດ ຕະພາບດັ່ງກ່າວໃຫ້ນັບມື້ນັບມີ ປະສິດທິຜົນ ພ້ອມທັງອວຍ ພອນໃຫ້ທ່ານທູດກຳປູເຈຍ ແລະ ຄອບຄົວມີພະລານາໄມ ສົມບູນ, ເດີນທາງກັບຄືນປະ ເທດດ້ວຍຄວາມສະຫວັດດີ ພາບ ແລະ ປະສົບຜົນສຳເລັດໃນ ໜ້າທີ່ວຽກງານໃໝ່ຂອງທ່ານ. ທ່ານ ເຮີດ ເສໄຣທົນ ໄດ້ ສະແດງຄວາມຂອບໃຈຢ່າງ ຈິງໃຈຕໍ່ຫົວໜ້າຄະນະພົວພັນ ຕ່າງປະເທດສູນກາງພັກຕໍ່ການ ຕ້ອນຮັບອັນອົບອຸ່ນ ພ້ອມທັງ ສະແດງຄວາມຂອບໃຈຕໍ່ພັກ, ລັດຖະບານ ສປປ ລາວເວົ້າ ລວມ, ເວົ້າສະເພາະຕໍ່ການນຳ ຂອງຄະນະພົວພັນຕ່າງປະ ເທດສູນກາງພັກ ທີ່ໄດ້ໃຫ້ການ ຮ່ວມມື, ຊ່ວຍເຫຼືອ ແລະ ອຳ ນວຍຄວາມສະດວກໃນການ ປະຕິບັດໜ້າທີ່ການທູດຂອງ ຕົນຕະຫຼອດໄລຍະ 4 ປີທີ່ຜ່ານ ມາຢູ່ ສປປ ລາວ ຈົນໄດ້ຮັບ ຜົນສຳເລັດຢ່າງຈົບງາມ. (ພາບ: ພູວຽງຄຳ)