ກອງປະຊຸມວຽກງານ ຖວທ ທົ່ວປະເທດປະຈຳປີ


...

     ກອງປະຊຸມວຽກງານ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ທົ່ວປະເທດ (ຖວທ) ປະຈຳສົກປີ 2016 - 2017 ໄດ້ຈັດຂຶ້ນເມື່ອວັນທີ 30 ມັງກອນນີ້ ທີ່ຫໍວັດທະນະທຳ ແຫ່ງຊາດ ພາຍໃຕ້ ການເປັນ ປະທານຂອງທ່ານ ບໍ່ແສງຄຳ ວົງດາລາ ລັດຖະມົນຕີກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ມີຮອງບັນດາ ລັດຖະມົນຕີ, ຫົວໜ້າພະແນກ ຖວທ ແຂວງ, ນະຄອນຫຼວງ ແລະ ແຂກຖືກເຊີນເຂົ້າຮ່ວມ. ກອງປະຊຸມຄັ້ງນີ້ ໄດ້ສະ ຫຼຸຸບຕີລາຄາປະເມີນຜົນການ ຈັດຕັ້ງປະຕິບັດ ແຜນວຽກງານ ຖວທ ໃນ 1 ປີຜ່ານມາ (2015 - 2016), ໄລຍະຂ້າມຜ່ານ 3 ເດືອນທີ່ຜ່ານ ມາຢ່າງຖືກຕ້ອງແລະ ພາວະວິໄສ, ເຫັນໄດ້ຈຸດ ດີ ທີ່ຕ້ອງສືບຕໍ່ເສີມຂະຫຍາຍ, ຈຸດອ່ອນສິ່ງທ້າທາຍ ແລະ ເຫດຜົນທີ່ພາໃຫ້ມີຈຸດອ່ອນ, ພ້ອມກັນມີຄວາມເປັນເອກະ ພາບໃນການກຳນົດທິດທາງ ໃນການແກ້ໄຂບັນຫາ, ໃນນັ້ນ, ຈະໄດ້ພ້ອມກັນປຶກສາຫາລື ແຜນວຽກຈຸດສຸມໃນ 1 ປີ ຕໍ່ ໜ້າໃຫ້ຖີ່ຖ້ວນ ແລະ ມີຄວາມ ຮັບຜິດຊອບສູງ, ຕັດສິນໃຈສູ້ ຊົນຊຸກຍູ້ວຽກງານ ຖວທ ໃຫ້ມີ ການຫັນປ່ຽນ ທີ່ຕັ້ງໜ້າ ແລະ ດີຂຶ້ນກວ່າເກົ່າ ແນໃສ່ເຮັດໃຫ້ ການຈັດຕັ້ງປະຕິບັດແນວທາງ ທີ່ກຳນົດໄວ້ໃນມະຕິກອງປະ ຊຸມໃຫຍ່ຄັ້ງທີ IV ຂອງອົງຄະ ນະພັກກະຊວງ ຖວທ ແລະ ມະຕິກອງປະຊຸມໃຫຍ່ຄັ້ງທີ X ຂອງພັກ, ວິໄສທັດ 2030, ແຜນຍຸດທະສາດ 2025 ແລະ ແຜນພັດທະນາວຽກງານ ຖວທ 2016 - 2020 ທີ່ລັດຖະບານ ໄດ້ຮັບຮອງໃຫ້ມີຜົນສຳເລັດ ຕາມລະດັບຄາດໝາຍ ທັງນີ້ ກໍເພື່ອສ້າງ ພື້ນຖານອັນໜັກ ແໜ້ນໃຫ້ແກ່ການພັດທະນາ ວຽກງານ ຖວທ ໃນໄລຍະ 5 ປີ ຕໍ່ໜ້າໃຫ້ມີຜົນສຳເລັດຕາມວິ ໄສທັດ 2030 ຂອງວຽກງານ ຖວທ ໃຫ້ມີຄຸນນະພາບ, ມີບາດ ກ້າວບຸກທະລຸ, ຫັນເປັນ ອຸດສາ ຫະກຳທັນສະໄໝ, ປອດໄພ ແລະ ສົ່ງເສີມການມີສ່ວນຮ່ວມ ຂອງສັງຄົມເພື່ອຄວາມຍືນຍົງ. ກອງປະຊຸມໄດ້ດຳເນີນ ເປັນເວລາ 2 ວັນ ຈຶ່ງຈະສຳເລັດ ບັນດາຜູ້ເຂົ້າຮ່ວມຈະໄດ້ຮັບ ຟັງການ ສະຫຼຸຸບລາຍງານການ ຈັດຕັ້ງປະຕິບັດວຽກງານ ຖທວ ປະຈຳສົກປີ 2016 ແລະ ສະເໜີ ແຜນການວຽກງານ ຖວທ ປະ ຈຳສົກປີ 2017, ກອງປະຊຸມ ຍັງຈະໄດ້ພ້ອມກັນສົນທະນາ ແລກປ່ຽນ ຄຳຄິດຄຳເຫັນໃສ່ ວຽກງານດັ່ງກ່າວ ເພື່ອກ້າວ ໄປໃນການຈັດຕັ້ງປະຕິບັດໃຫ້ ມີຜົນສຳເລັດເປັນກ້າວໆ. (ຂ່າວ: ສຳນານ)