ທ່ານ ຈັນສີ ໂພສີຄຳ ເນັ້ນຫຼາຍບັນຫາໃຫ້ແຂວງສາລະວັນເອົາໃຈໃສ່


...

05.11.2018 8:00     

   ທ່ານ ຈັນສີ ໂພສີຄຳ ກຳ ມະການກົມການເມືອງສູນກາງ ພັກ ເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງ ພັກໄດ້ມີຄຳເຫັນໂອ້ລົມ ແລະ ເນັ້ນໃຫ້ສາລະວັນຕ້ອງເອົາໃຈ ໃສ່ຫຼາຍດ້ານ ຊຶ່ງກ່ອນອື່ນ ທ່ານ ໄດ້ຍ້ອງຍໍຊົມເຊີຍການນຳຂອງແຂວງສາລະວັນທີ່ໄດ້ມີຄວາມອົດທົນເອົາໃຈໃສ່ ແລະ ຕັດສິນໃຈສູງໃນການຈັດຕັ້ງປະຕິບັດວຽກງານຈົນມີຜົນສຳເລັດຫຼາຍດ້ານຕາມແນວທາງຂອງພັກມອບໝາຍໃຫ້ ຊຶ່ງທ່ານໄດ້ເນັ້ນໃຫ້ແຂວງສາລະວັນເອົາໃຈໃສ່ຄື: ວຽກງານປ້ອງກັນຊາດ-ປ້ອງກັນຄວາມຫງົບຕ້ອງເຮັດໃຫ້ໄດ້ ພ້ອມທັງຕ້ານປະກົດການຫຍໍ້ທໍ້ຕ່າງໆທີ່ເກີດຂຶ້ນໃນສັງຄົມ, ເອົາ ໃຈໃສ່ການຈັດເກັບລາຍຮັບ-ຄຸ້ມຄອງລາຍຈ່າຍໃຫ້ຖືກຕ້ອງຕາມລະບຽບຫຼັກການວິໄນຂອງການເງິນ, ຊຸກຍູ້ຂະບວນການຜະລິດຂອງປະຊາຊົນໃຫ້ເປັນຂະບວນພົດຟື້ນກວ້າງຂວາງ ແລະ ມີຄຸນນະພາບ. ນອກ ນັ້ນກໍແມ່ນວຽກງານພັກ-ພະ ນັກງານ, ວຽກງານພັກແມ່ນມີຄວາມສຳຄັນຫຼາຍ ເພາະວ່າທຸກໆວຽກແມ່ນພັກເປັນຜູ້ກຳອຳນາດ, ເປັນຜູ້ນຳພາ, ເປັນຜູ້ ຜັນຂະຫຍາຍ ແລະ ເປັນຜູ້ຈັດ ຕັ້ງປະຕິບັດ, ພ້ອມນັ້ນກໍໄດ້ ເນັ້ນໃຫ້ແຂວງສາລະວັນເອົາໃຈ ໃສ່ສືບຕໍ່ຜັນຂະຫຍາຍວຽກງານປັບປຸງປົວແປງພັກໃນແຕ່ລະຂັ້ນໃຫ້ເລິກເຊິ່ງເຖິງຖອງພ້ອມທັງແກ້ໄຂຈຸດອ່ອນ ແລະຂໍ້ຄົງຄ້າງໃຫ້ໄດ້, ສືບຕໍ່ປະຕິ ບັດຄຳສັ່ງເລກທີ 01/ກມສພ ວ່າດ້ວຍການສ້າງໜ່ວຍພັກປອດໃສເຂັ້ມແຂງໜັກແໜ້ນໃຫ້ໄດ້, ພ້ອມນັ້ນທ່ານກໍໄດ້ມີຄຳເຫັນກ່ຽວກັບການຈັດຕັ້ງປະ ຕິບັດກອງປະຊຸມໃຫຍ່ຂອງພັກໃນແຕ່ລະຂັ້ນ, ການຈັດຕັ້ງປະຕິບັດ, ການກຳນົດຈຸດປະສົງອື່ນໆ, ວຽກງານບັນຈຸສັບຊ້ອນເຄື່ອນຍ້າຍພະນັກງານ ແລະ ວຽກງານການກຳນົດພະນັກ ງານນຳພາຄຸ້ມຄອງໃນແຕ່ລະ ຂັ້ນຕ້ອງເຮັດໃຫ້ໄດ້ ແລະ ມີຄຸນະພາບໃນການຈັດຕັ້ງປະຕິ ບັດວຽກງານໃນຕໍ່ໜ້າຕາມແນວ ທາງຂອງພັກ. ໃນໂອກາດນີ້ ທ່ານ ສີສຸວັນ ວົງຈອມສີ ກຳມະການສູນກາງພັກ ເລຂາພັກແຂວງເຈົ້າ ແຂວງໆສາລະວັນກໍໄດ້ລາຍງານສະພາບການໂດຍຫຍໍ້ ເປັນຕົ້ນແມ່ນວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານຂົງເຂດວັດທະນະທຳ -ສັງຄົມ, ວຽກງານຂົງເຂດພັກ-ພະນັກງານ ແລະວຽກງານຂົງເຂດເສດຖະກິດ ຊຶ່ງມີການຂະຫຍາຍຕົວໃນລະດັບ 7,5% ລາຍຮັບສະເລ່ຍຕໍ່ຫົວຄົນ 11 ລ້ານກວ່າກີບ, ໄດ້ປຸກລະດົມຂົນຂວາຍແຫຼ່ງທຶນທັງພາຍ ໃນ ແລະ ຕ່າງປະເທດໄດ້ທັງໝົດ 651,99 ຕື້ກີບ ເທົ່າກັບ 53,83% ຂອງແຜນປີ, ທຶນລັດປະຕິບັດໄດ້ 62,36 ຕື້ກີບ ເທົ່າກັບ 84,81% ຂອງແຜນປີ, ທຶນເອກະຊົນພາຍໃນ-ຕ່າງປະເທດປະຕິບັດໄດ້ 434,79 ຕື້ກີບ ເທົ່າກັບ 49,82%, ທຶນທະນະຄານປະຕິບັດໄດ້ 62,77 ຕື້ກີບ ເທົ່າກັບ 87,47% ຂອງແຜນປີ, ທຶນຊ່ວຍເຫຼືອ-ກູ້ຢືມປະຕິບັດໄດ້ 26,70 ຕື້ກີບ ເທົ່າກັບ 24,66% ຂອງແຜນປີ ແລະ ທຶນປະຊາຊົນ ປະຕິບັດໄດ້ 65,37 ຕື້ກີບ ເທົ່າກັບ 76,91% ຂອງແຜນປີ, ດ້ານການຈັດເກັບລາຍຮັບເຂົ້າງົບປະມານມາຮອດວັນທີ 20 ເດືອນກັນຍາປະຕິບັດໄດ້ 122,76 ຕື້ກີບ ເທົ່າກັບ 59,91% ຂອງແຜນປີ ແລະ ລາຍຈ່າຍປະຕິບັດໄດ້ 305,67 ຕື້ກີບ ເທົ່າກັບ 69,35% ຂອງແຜນປີ ຊຶ່ງພິທີດັ່ງກ່າວໄດ້ມີຂຶ້ນໃນວັນທີ 11 ເດືອນຕຸລາ ຜ່ານມາ ຢູ່ສະໂມສອນຂອງແຂວງສາລະວັນ ໃຫ້ກຽດເຂົ້າຮ່ວມມີທ່ານ ຮອງເລຂາພັກແຂວງ, ຮອງເຈົ້າແຂວງ, ຄະນະປະຈຳພັກແຂວງ, ຫົວໜ້າພະແນກການ, ຮອງພະແນກການຕ່າງໆອ້ອມຂ້າງແຂວງ, , ເຈົ້າເມືອງ, ຮອງເຈົ້າເມືອງໃນ 8 ເມືອງ, ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. (ພາບ-ຂ່າວ: ສິດຕາ ເພັດວົງສາ)