ກອງປະຊຸມຄົບຄະນະບໍລິຫານງານ ສສຍລ ຄັ້ງທີ 4 ສະໄໝທີ VII


...

05.11.2018 7:58     

   ກອງປະຊຸມຄົບຄະນະບໍລິຫານງານສູນກາງສະຫະ ພັນແມ່ຍິງລາວ (ສສຍລ) ຄັ້ງທີ 4 ສະໄໝ ທີ VII ໄດ້ເປີດຂຶ້ນ ແລະ ປິດລົງຢ່າງເປັນທາງການ ໃນວັນທີ 12 ຕຸລາ ຜ່ານມາ ທີ່ຖໍ້າຊ້າງລອດ ເມືອງວຽງໄຊ ແຂວງຫົວພັນ ພາຍໃຕ້ການເປັນປະທານຂອງທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ ໂດຍການເຂົ້າຮ່ວມຂອງທ່ານ ວັນໄຊ ແພງຊຸມມາ ກຳມະການສູນກາງພັກ ເຈົ້າແຂວງໆຫົວພັນ, ພ້ອມດ້ວຍ ບັນດາທ່ານຄະນະປະທານສູນກາງສະຫະພັນແມ່ຍິງລາວ, ຄະນະບໍລິຫານງານສູນກາງສະຫະພັນແມ່ຍິງລາວສະໄໝທີ VII, ປະທານ-ຮອງປະທານສະຫະພັນແມ່ຍິງແຂວງ, ກະ ຊວງ, ອົງການ ແລະ ພາກສ່ວນ ທີ່ກ່ຽວຂ້ອງເຂົ້າຮ່ວມ. ກອງປະຊຸມຄັ້ງນີ້ ເປັນ ເຫດການທີ່ມີຄວາມສຳຄັນ ຍິ່ງ ຕໍ່ຊີວິດການເມືອງຂອງສະຫະ ພັນແມ່ຍິງລາວໃນການສືບຕໍ່ ຊີ້ນຳ-ນຳພາການເຄື່ອນໄຫວ ວຽກງານສະຫະພັນແມ່ຍິງໃນ ຕໍ່ໜ້າ ຊຶ່ງກອງປະຊຸມໄດ້ລົງ ມະຕິຮັບຮອງເອົາບົດສະຫຼຸບຕີລາຄາການເຄື່ອນໄຫວວຽກງານຂອງສະຫະພັນແມ່ຍິງ ລາວ ໃນໄລຍະ 9 ເດືອນ, ຄາດ ຄະເນ 3 ເດືອນທ້າຍປີ 2018 ແລະ ທິດທາງແຜນການປະຈໍາປີ 2019, ບົດສະຫຼຸບການຈັດ ຕັ້ງຜັນຂະຫຍາຍມະຕິກອງ ປະຊຸມຄົບຄະນະບໍລິຫານງານສູນກາງສະຫະພັນແມ່ຍິງລາວຄັ້ງທີ 3 ສະໄໝທີ VII, ບົດສໍາຫຼວດການນຳພາຂອງຄະນະບໍລິຫານງານ ສສຍລ ຄັ້ງທີ 4 ສະໄໝທີ VII, ຮ່າງໂຄງຮ່າງລາຍ ງານການເມືອງ ແລະ ຮ່າງທິດ ທາງແຜນການ 5 ປີ (2021- 2025) ຂອງສະຫະພັນແມ່ຍິງ ລາວ, ການກະກຽມບຸກຄະລະ ກອນເພດຍິງເຂົ້າໃນກອງປະ ຊຸມອົງຄະນະພັກ ແລະ ສະຫະ ພັນແມ່ຍິງ 3 ຂັ້ນ, ສະຫຼຸບກາງສະໄໝວຽກງານສົ່ງເສີມຄວາມກ້າວໜ້າ, ຄວາມສະເໝີພາບ ຍິງ-ຊາຍ, ແມ່-ເດັກ ແລະ ລຶບ ລ້າງການໃຊ້ຄວາມຮຸນແຮງຕໍ່ ແມ່ຍິງ-ເດັກ ແລະ ແຜນການ ຕໍ່ໜ້າ, ຜ່ານຮ່າງບົດສະຫຼຸບປະ ເມີນກາງສະໄໝ-ໂຄງການຈຸດ ສຸມທ້າຍສະໄໝ ແລະ ຮ່າງ ແຜນພັດທະນາແມ່ຍິງລາວ 5 ປີ. ພ້ອມກັນນັ້ນ, ຜູ້ແທນກອງປະຊຸມຍັງໄດ້ຄົ້ນຄວ້າ ແລະ ຮັບຮອງເອົາວຽກງານຈຸດສຸມ 3 ເດືອນທ້າຍປີ 2018 ແລະ ທິດທາງແຜນການເຄື່ອນໄຫວ ວຽກງານຂອງສະຫະພັນແມ່ ຍິງລາວ ປະຈຳປີ 2019 ຊຶ່ງປະ ກອບດ້ວຍ 14 ຄາດໝາຍເປັນ ຕົ້ນແມ່ນຊຸກຍູ້ຜັນຂະຫຍາຍມະຕິກອງປະຊຸມຄົບຄະນະບໍລິຫານງານສູນກາງສະຫະ ພັນແມ່ຍິງລາວ ຄັ້ງທີ 4 ສະໄໝທີ VII ແລະ ມະຕິກອງປະຊຸມກ່ຽວກັບການສ້າງພະນັກງານນຳພາ-ຄຸ້ມຄອງເພດຍິງຄັ້ງ ທີ II ເພື່ອກະກຽມບຸກຄະລາ ກອນໃຫ້ແກ່ກອງປະຊຸມອົງ ຄະນະພັກ 3 ຂັ້ນ ແລະ ສືບຕໍ່ຈັດກອງປະຊຸມໃຫຍ່ສະຫະ ພັນແມ່ຍິງແຕ່ລະຂັ້ນໃຫ້ສຳ ເລັດຕາມຄາດໝາຍທີ່ວາງໄວ້; ສືບຕໍ່ສຶກສາອົບຮົມການເມືອງແນວຄິດໃຫ້ສະມາຊິກແມ່ຍິງ ແລະ ແມ່ຍິງລາວບັນດາເຜົ່າ; ສືບຕໍ່ຊຸກຍູ້ສະຫະພັນແມ່ຍິງນະຄອນຫຼວງວຽງຈັນ, ບັນດາແຂວງ, ກະຊວງ-ອົງການ ສ້າງພະນັກງານນຳພາ-ຄຸ້ມຄອງເພດຍິງ ກະກຽມກອງປະຊຸມໃຫຍ່ຂອງພັກ 3 ຂັ້ນ; ຜ່ານຮ່າງກົດລະບຽບຂອງສະຫະພັນແມ່ຍິງລາວສະບັບປັບປຸງ, ຜ່ານຮ່າງເນື້ອໃນຄຳຂວັນ ແລະ ຂໍ້ແຂ່ງຂັນ 3 ດີ ຂອງສະຫະພັນແມ່ຍິງລາວ, ຜ່ານຮ່າງໂຄງຮ່າງບົດລາຍງານ ແລະ ທິດທາງພັດທະນາແມ່ຍິງລາວ 5 ປີ (2021-2025), ຜັນຂະ ຫຍາຍວຽກງານ 3 ສ້າງຕິດພັນກັບ 3 ດີ ຫັນລົງຮາກຖານ, ຊຸກ ຍູ້ຕິດຕາມການສ້າງຄອບຄົວ ແລະ ບ້ານແມ່ຍິງ 3 ດີ ຕິດພັນກັບການສ້າງບ້ານພັດທະນາຕາມ ທິດ 3 ສ້າງເຂົ້າສູ່ລວງເລິກໃຫ້ປະກົດຜົນເປັນຈິງ, ຊຸກຍູ້ຂະບວນການຈັດຕັ້ງປະຕິບັດຄຳຂວັນ ແລະ ຂໍ້ແຂ່ງຂັນ 3 ດີ ຂອງສະຫະພັນແມ່ຍິງ ໄລຍະ ທີ II ປີ 2018-2019, ປະເມີນ ບ້ານແມ່ຍິງ 3 ດີ ຕິດພັນກັບ ການສ້າງບ້ານພັດທະນາຕາມ ທິດສາມສ້າງກັບບ້ານປະຕິບັດ ສິດຄວາມສະເໝີພາບຍິງ- ຊາຍ, ສົ່ງເສີມ ແລະ ພັດທະນາ ເດັກປາສະຈາກການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ ເປັນເອກະພາບໃນການລົງຈັດຕັ້ງປະຕິບັດຕົວຈິງ, ຂະຫຍາຍຕາໜ່າງການໃຫ້ຄຳປຶກສາໃຫ້ໄດ້ສອງແຂວງ, ຫັນວິສາຫະກິດ ຝ້າຍລາວເປັນສູນຝຶກອົບຮົມຫັດຖະກຳຕໍ່າຜ້າໄໝລາວ, ຊຸກຍູ້ການຈັດຕັ້ງປະຕິບັດເປົ້າ ໝາຍການພັດທະນາແບບຍືນຍົງ, ສືບຕໍ່ຜັນຂະຫຍາຍການພົວ ພັນຮ່ວມມືກັບຕ່າງປະເທດ ຕາມແນວທາງນະໂຍບາຍຂອງພັກ ແລະ ພາລະບົດບາດໜ້າທີ່ຂອງສູນກາງສະຫະພັນແມ່ຍິງ ແລະ ທ້ອງຖິ່ນ, ດຳເນີນການຕິດຕາມກວດກາວຽກງານ ຮອບ ດ້ານຂອງສະຫະພັນແມ່ຍິງແຕ່ລະຂັ້ນ. (ຂ່າວ-ພາບ: ໄອແກ້ວ)