ກອງປະຊຸມຄະນະປະຈຳ ສນຊ ເປີດກວ້າງ ຄັ້ງທີ 3 ສະໄໝທີ X


...

05.11.2018 7:56     

   ກອງປະຊຸມຄະນະປະຈຳ ສູນກາງແນວລາວສ້າງຊາດ (ສນຊ) ເປີດກວ້າງ ຄັ້ງທີ 3 ສະໄໝທີ X ໄດ້ເປີດຂຶ້ນຢ່າງເປັນທາງການໃນວັນທີ 16 ຕຸລານີ້ ທີ່ຫ້ອງປະ-ຊຸມໃຫຍ່ສູນກາງແນວລາວສ້າງຊາດ ໂດຍພາຍໃຕ້ການເປັນປະທານຂອງ ສະຫາຍ ໄຊສົມພອນ ພົມວິ ຫານ ກຳມະການກົມການ ເມືອງສູນກາງພັກ ປະທານ ສູນກາງແນວລາວສ້າງຊາດ, ມີບັນດາຮອງປະທານສູນກາງແນວລາວສ້າງຊາດ, ປະທານແນວລາວສ້າງຊາດແຂວງ, ນະ ຄອນຫຼວງວຽງຈັນ, ຄະນະກໍາມະການສູນກາງແນວສ້າງຊາດ ແລະ ແຂກຖືກເຊີນເຂົ້າຮ່ວມ ກອງປະຊຸມຄັ້ງນີ້, ໄດ້ຮັບຟັງບົດລາຍງານການເຄື່ອນ ໄຫວຊີ້ນຳນຳພາ ຂອງຄະນະປະຈຳສູນກາງແນວລາວສ້າງຊາດ ໄລຍະ 1 ປີ ຜ່ານມາ ( 10/ 2017-10/2018) ແລະ ທິດທາງແຜນການເຄື່ອນໄຫວ ໃນ ຕໍ່ໜ້າ(10/2018-10/2019) ສະ-ເໜີໂດຍ ສະຫາຍ ຄຳໃບ ດຳລັດ ກຳມະການສູນກາງພັກ ຮອງປະທານສູນກາງແນວລາວສ້າງຊາດ ໄດ້ຍົກໃຫ້ເຫັນບາງຜົນງານທີ່ພົ້ນເດັ່ນ ຊຶ່ງໃນໄລຍະ 1 ປີຜ່ານມາ ຄະນະປະຈຳສູນກາງແນວລາວສ້າງຊາດ ໄດ້ເອົາໃຈໃສ່ສຶກສາອົບ ຮົມການເມືອງແນວຄິດ ໃຫ້ແກ່ສະມາຊິກພັກພະນັກງານ ແລະ ປະຊາຊົນບັນດາເຜົ່າຢູ່ອ້ອມຂ້າງສູນກາງ ແລະ ທ້ອງ ຖິ່ນຕ່າງໆ ໃນຂອບເຂດທົ່ວປະ ເທດເປັນປົກ-ກະຕິ ແລະ ດ້ວຍຫຼາຍຮູບການທີ່ເໝາະສົມ ເປັນ ຕົ້ນການພົບປະໂອ້ລົມ, ຈັດປາ ຖະກະຖາເລົ່າມູນເຊື້ອຂອງພັກ, ຂອງຊາດ, ຂອງແນວລາວສ້າງຊາດ, ອົງການຈັດຕັ້ງມະ ຫາຊົນ,ຊີວິດການເຄື່ອນໄຫວຂອງຜູ້ນຳ ແລະ ວຽກງານອື່ນໆ ຊຶ່ງໄດ້ເຮັດໃຫ້ຖັນແຖວສະມາ ຊິກພັກພະນັກງານຕະຫຼອດຮອດປະຊາຊົນບັນດາເຜົ່າມີຄວາມສະຫງົບ, ມີຄວາມໝັກແໜ້ນທາງດ້ານການເມືອງ, ມີສະຕິຕໍ່ການຈັດຕັ້ງ ແລະ ປະຕິບັດວຽກງານ ແລະ ເຂົ້າຮ່ວມຂະບວນການຕ່າງໆ ດ້ວຍ ຄວາມຮັບຜິດຊອບສູງ, ກອງປະຊຸມຈະໄດ້ດຳເນີນເປັນເວ ລາ 2 ວັນ ຈຶ່ງຈະສຳ-ເລັດ ບັນ ດາຜູ້ເຂົ້າຮ່ວມຍັງຈະໄດ້ຮັບຟັງການປະກອບຄຳຄິດຄຳເຫັນຈາກຜູ້ຕາງໜ້າແນວລາວສ້າງຊາດ ແຂວງບໍ່ແກ້ວ ກ່ຽວກັບການເຕົ້າໂຮມຄວາມສາມັກຄີປະຊາຊົນບັນດາເຜົ່າພາຍໃນ ແຂວງ, ຜູ້ຕາງໜ້າແນວລາວສ້າງຊາດແຂວງໄຊສົມ ບູນ ກ່ຽວກັບການສ້າງຄອບຄົວ ແລະ ບ້ານສາມັກຄີປອງດອງ ຢູ່ເມືອງ ລ້ອງຊານ , ຜູ້ຕາງໜ້າ ແນວລາວສ້າງຊາດ ແຂວງອັດຕະປື ກ່ຽວກັບການປະກອບສ່ວນຂອງແນວລາວສ້າງຊາດ ແຂວງໃນການປະກອບສ່ວນຊ່ວຍເຫຼືອປະ ຊາຊົນທີ່ໄດ້ຮັບຜົນກະທົບ ກໍ ລະນີຄູກັ້ນນຳ້ຂອງເຂື່ອນເຊປຽນເຊນຳ້ນ້ອຍແຕກ ຢູ່ເມືອງ ສະໜາມໄຊ, ຜ່ານຮ່າງບົດປະ ກອບຄຳຄິດເຫັນຂອງແນວລາວສ້າງຊາດ ຕໍ່ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ VIII, ຜ່ານບົດແນະນຳ ວ່າດ້ວຍການກະກຽມ ແລະ ດໍາເນີນກອງປະ ຊຸມໃຫຍ່ຂອງແນວລາວສ້າງຊາດ ແຂວງ ນະຄອນຫຼວງວຽງຈັນ, ເມືອງ ແລະ ບ້ານ, ລາຍ ງານຜົນສຳເລັດການປັບປຸງ ກົດໝາຍວ່າດ້ວຍແນວລາວ ສ້າງຊາດ ສະບັບປັບປຸງ, ໃນ ນັ້ນ ບັນດາຜູ້ແທນທີ່ເຂົ້າຮ່ວມກອງປະຊຸມໄດ້ຍັງປະກອບຄຳຄິດຄຳເຫັນໃສ່ຮ່າງເນື້ອໃນຂອງບົດລາຍງານດັ່ງກ່າວແນໃສ່ ເພື່ອກ້າວໄປໃນການຈັດຕັ້ງປະຕິບັດໃຫ້ ມີຜົນ ສຳ-ເລັດເປັນກ້າວໆ, ພ້ອມນັ້ນຍັງໄດ້ຮັບຟັງການໂອ້ລົມຂອງສະຫາຍ ໄຊສົມພອນ ພົມວິຫານ ເພື່ອເປັນເຂັມຊີ້ທິດເຍື່ອງທາງວຽກງານແນວລາວສ້າງຊາດໃນຕໍ່ໜ້າຕື່ມອີກ. (ຂ່າວ: ສຳນານ)