ກອງປະຊຸມລັດຖະບານ ປະຈຳເດືອນຕຸລາ ຈະພິຈາລະນາ 6 ບັນຫາສຳຄັນ


...

05.11.2018 7:47     

   ກອງປະຊຸມລັດຖະບານ ສະໄໝສາມັນ ປະຈຳເດືອນຕຸລາ 2018 ໄດ້ເປີດຂຶ້ນໃນວັນທີ 18 ຕຸລານີ້, ທີ່ສຳນັກງານນາຍົກລັດຖະມົນຕີ ພາຍໃຕ້ການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ ຄະນະລັດຖະບານ ແລະ ພາກສ່ວນ ກ່ຽວຂ້ອງເຂົ້າຮ່ວມ. ທ່ານນາຍົກລັດຖະມົນຕີ ກ່າວວ່າ: ກອງປະຊຸມລັດຖະບານສະໄໝສາມັນໃນຄັ້ງນີ້ ຈະປຶກສາຫາລືບາງວຽກງານສຳຄັນ ແລະ ພິຈາລະນາຮ່າງດຳລັດຈຳນວນໜຶ່ງ ດັ່ງນີ້: 1. ການຈັດຕັ້ງປະຕິບັດ ແຜນພັດທະນາເສດຖະກິດ - ສັງຄົມ, ແຜນງົບປະມານ ແລະ ແຜນເງິນຕາ ປະຈຳປີ 2018 ແລະ ທິດທາງແຜນການສຳລັບປີ 2019, ທິດທາງ ແລະ ແຜນການຊຸກຍູ້ ສົ່ງເສີມການຜະລິດລະດູແລ້ງ.2. ຜົນການສຳຫຼວດ, ສຶກ ສາຄົ້ນຄວ້າ ແລະ ວິເຄາະວິໄຈ ກ່ຽວກັບການສ້າງຕັ້ງ ແລະ ດຳເນີນງານຂອງເຂດເສດຖະກິດ ພິເສດ-ສະເພາະ, 3. ສະພາບການເກັບກຳ ແລະ ແກ້ໄຂຄຳສະເໜີຂອງສັງ ຄົມ ແລະ ການຄຸ້ມຄອງສື່ສັງ ຄົມອອນລາຍ, 4. ຮ່າງດຳລັດ ວ່າດ້ວຍການຈັດຕັ້ງປະຕິບັດແຜນແມ່ ບົດຈັດສັນທີ່ດີນແຫ່ງຊາດ, 5. ຮ່າງດຳລັດ ວ່າດ້ວຍຄວາມປອດໄພ ແລະ ສຸຂະພາບແຮງງານ, 6. ຮ່າງດຳລັດວ່າດ້ວຍ ການຄຸ້ມຄອງ ແລະ ການນຳ ໃຊ້ການຊ່ວຍເຫຼືອທາງການ. ກອງປະຊຸມຈະດຳເນີນ ໄປເປັນເວລາສອງວັນຈຶ່ງຈະປິດລົງ. (ຂ່າວ: ກົມປະສາຊຳພັນ)