ມອບ-ຮັບໜ້າທີ່ເລຂາພັກ ເຈົ້ານະຄອນ- ຫຼວງພະບາງ


...

03.07.2019 9:34     

   ພິທີມອບ-ຮັບໜ້າທີ່ເລຂາພັກ ເຈົ້ານະຄອນ-ຫຼວງພະບາງ ລະຫວ່າງ ຜູ້ເກົ່າກັບຜູ້ໃໝ່. ໂດຍມີ ທ່ານ ຄຳຂັນ ຈັນທະວີສຸກ ກຳມະການສູນກາງພັກ ເລຂາພັກແຂວງເຈົ້າແຂວງຫຼວງພະບາງ ພ້ອມດ້ວຍການນຳຂອງ ແຂວງ, ນະຄອນ ແລະ ພະນັກ ງານກ່ຽວຂ້ອງເຂົ້າຮ່ວມ. ຊຶ່ງໄດ້ຈັດຂຶ້ນເມື່ອວັນທີ 1 ກໍລະກົດ ຜ່ານມາ ທີ່ສະໂມສອນຫ້ອງວ່າການປົກຄອງນະຄອນ-ຫຼວງພະບາງ. ທ່ານ ມອນໄຊ ລາວມົວຊົງ ກຳມະການປະຈຳພັກແຂວງ ຫົວໜ້າຄະນະຈັດຕັ້ງແຂວງ ໄດ້ຂຶ້ນຜ່ານມະຕິຕົກລົງຂອງຄະນະປະຈຳພັກແຂວງ ແລະ ຂໍ້ຕົກລົງຂອງທ່ານເຈົ້າແຂວງຫຼວງພະບາງ ວ່າດ້ວຍການຍົກ ຍ້າຍ ທ່ານ ສຸກັນ ບຸນຍົງ ກຳມະ ການປະຈຳພັກແຂວງ ເລຂາພັກນະຄອນ ເຈົ້ານະຄອນ - ຫຼວງພະບາງ ໄປຮັບໜ້າທີ່ໃໝ່ຢູ່ອົງການປົກຄອງແຂວງຫຼວງ ພະບາງ ແລະ ແຕ່ງຕັ້ງ ທ່ານ ຈັນສຸກ ພັນໂດລັກ ກຳມະການ ພັກແຂວງ ເປັນເລຂາພັກ ເຈົ້າ ນະຄອນ-ຫຼວງພະບາງ. ທ່ານ ຄຳຂັນ ຈັນທະວີສຸກ ໄດ້ມີຄຳເຫັນໂອ້ລົມ ແລະ ໄດ້ ເນັ້ນໃຫ້ເລຂາພັກ-ເຈົ້ານະຄອນ ຫຼວງພະບາງຜູ້ໃໝ່ ຈົ່ງສືບຕໍ່ປະຕິບັດໜ້າທີ່ວຽກງານດ້ວຍຄວາມຮັບຜິດຊອບ ຖືສຳຄັນ ຫຼັກການລວມສູນປະຊາທິປະໄຕ ເພື່ອເຮັດໃຫ້ວຽກງານຂອງຄະນະພັກ ອົງການປົກຄອງນະຄອນ- ຫຼວງພະບາງ ມີບາດກ້າວດີຂຶ້ນ. ໃນວັນດຽວກັນ ກໍໄດ້ມີການປະກາດ ຍົກຍ້າຍທ່ານ ສາຍສະໝອນ ສາລີວົງ ຮອງເລຂາພັກ ຮອງເຈົ້ານະຄອນ- ຫຼວງພະບາງ ໄປຮັບໜ້າທີ່ໃໝ່ ຢູ່ພະແນກພາຍໃນແຂວງຫຼວງພະບາງ ຕື່ມອີກ. (ຂ່າວ: ອາພຸດເດດ ບຸບຜາ)