ກອງປະຊຸມສະໄໝສາມັນ ເທື່ອທີ 7 ຂອງສະພາ ປະຊາຊົນນະຄອນຫຼວງ ພິຈາລະນາຫຼາຍບັນຫາ


...

25.07.2019 8:55     

   ກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນນະຄອນຫຼວງວຽງຈັນ ຊຸດທີ I ໄດ້ເປີດຂຶ້ນຢ່າງເປັນທາງການ ໃນວັນທີ 24 ກໍລະກົດ 2019 ທີ່ຫ້ອງວ່າການປົກຄອງນະຄອນຫຼວງວຽງຈັນ ໂດຍການເປັນປະທານຂອງທ່ານ ອານຸພາບ ຕຸນາລົມ ປະທານສະພາປະຊາຊົນນະ ຄອນຫຼວງວຽງຈັນ ໂດຍການ ເຂົ້າຮ່ວມຂອງທ່ານ ສິນລະວົງ ຄຸດໄພທູນ ເຈົ້າຄອງນະ ຄອນຫຼວງວຽງຈັນ ພ້ອມດ້ວຍຫົວໜ້າພະແນກການອ້ອມຂ້າງ ແລະ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 1. ທ່ານ ອານຸພາບ ຕຸນາລົມ ກ່າວວ່າ: ກອງປະຊຸມຄັ້ງນີ້ ຈະສຸມໃສ່ຄົ້ນຄວ້າພິຈາລະນາ ແລະ ຮັບຮອງເອົາບັນຫາສຳຄັນ ພື້ນຖານຂອງນະຄອນຫຼວງວຽງຈັນດັ່ງນີ້: ພິຈາລະນາ ແລະ ຮັບຮອງເອົາບົດລາຍງານຂອງອົງການປົກຄອງກ່ຽວກັບການຈັດຕັ້ງປະ ຕິບັດແຜນພັດທະນາເສດຖະ ກິດ-ສັງຄົມ ແຜນງົບປະມານແຫ່ງລັດ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2019 ແລະ ສະເໜີດັດ ແກ້ງົບປະມານ 6 ເດືອນທ້າຍປີ 2019 ຂອງນະຄອນຫຼວງວຽງຈັນ, ພິຈາລະນາ ແລະ ຮັບຮອງເອົາການສະເໜີແຕ່ງຕັ້ງສະມາ ຊິກອົງການປົກຄອງຕາມການ ສະເໜີຂອງທ່ານເຈົ້າຄອງນະ ຄອນຫຼວງວຽງຈັນ, ພິຈາລະ ນາ ແລະ ຮັບຮອງເອົາການສະ ເໜີແຕ່ງຕັ້ງທ່ານຫົວໜ້າອົງ ການໄອຍະການປະຊາຊົນນະ ຄອນຫຼວງວຽງຈັນ ຕາມການສະເໜີຂອງຄະນະປະຈຳສະພາປະຊາຊົນນະຄອນຫຼວງວຽງຈັນ, ພິຈາລະນາ ແລະ ຮັບຮອງເອົາບົດລາຍງານການຈັດຕັ້ງປະຕິບັດແຜນການເຄື່ອນໄຫວວຽກງານ ແຕ່ກອງປະຊຸມສະ ໄໝສາມັນເທື່ອທີ 6 ຫາ ເທື່ອທີ 7 ຂອງຄະນະປະຈຳສະພາປະຊາຊົນນະຄອນຫຼວງວຽງຈັນ, ຮັບຟັງການລາຍງານຄືນການຈັດຕັ້ງປະຕິບັດມະຕິກອງປະຊຸມສະໄໝສາມັນເທື່ອທີ 6 ສະບັບເລກທີ 008/ສປນວ ລົງວັນທີ 28 ມັງກອນ 2019 ວ່າດ້ວຍການຮັບຮອງເອົາບົດຊີ້ແຈງຂອງອົງການໄອຍະການປະຊາຊົນ, ສານປະຊາຊົນ, ພະແນກຍຸຕິທຳ ແລະ ກອງບັນຊາການ ປກສ ນະຄອນຫຼວງວຽງຈັນ. ຮັບຟັງການລາຍງານການຊີ້ແຈງບັນຫາສຳຄັນ ແລະ ພົ້ນເດັ່ນເຊັ່ນ: ການແກ້ໄຂບັນຫາຂໍ້ຂັດແຍ້ງທີ່ດິນ, ຄວາມຄືບໜ້າຂອງການປະຕິບັດໂຄງການການຊົດເຊີຍທີ່ດິນ ແລະ ສິ່ງປຸກສ້າງໃຫ້ແກ່ປະຊາຊົນທີ່ຖືກຜົນກະທົບຄື: ໂຄງການກໍ່ສ້າງເສັ້ນທາງດ່ວນນະຄອນຫຼວງວຽງຈັນ ຫາ ບໍ່ເຕ່ນ, ໄລຍະທີ 1 ນະຄອນຫຼວງວຽງຈັນ ຫາ ວັງວຽງ ແຂວງວຽງຈັນ, ໂຄງການກໍ່ສ້າງເສັ້ນທາງດອນນົກຂຸ້ມຫາ 450 ປີ ຂອງບໍລິສັດນໍ້າທາກໍ່ສ້າງຂົວທາງ, ໂຄງການກໍ່ສ້າງມະຫາວິທະຍາໄລ ວິທະຍາສາດສຸຂະພາບຂອງກະຊວງສາທາ ລະນະສຸກ, ໂຄງການກໍ່ສ້າງສະ ໜາມກ໋ອບລ່ອງແທັງຂອງບໍລິ ສັດລົງທຶນວຽງຈັນ ແລະ ອະ ສັງຫາລິມະຊັບ, ການຄຸ້ມຄອງ ແລະ ອະນຸຍາດໃຫ້ນັກລົງທຶນຕ່າງປະເທດລົງທຶນປູກກ້ວຍຢູ່ໃນນະຄອນຫຼວງເຊັ່ນ: ຢູ່ເມືອງໄຊທານີ, ນາຊາຍທອງ, ສັງທອງ ແລະ ເມືອງປາກງື່ມ, ບັນ ຫາໄຟເຍືອງທາງຕາມແຕ່ລະເສັ້ນທາງ ບັນຫານໍ້າເປື້ອນທີ່ໄຫຼລົງຮ່ອງແຊງສົ່ງກິ່ນເໝັນແກ່ປະຊາຊົນທີ່ອາໄສຢູ່ໃກ້ຄຽງ, ການຕິດຕາມກວດກາການຈັດ ຕັ້ງປະຕິບັດຄຳສັ່ງຕ່າງໆຂອງ ອົງການໄອຍະການນະຄອນ ຫຼວງວຽງຈັນທີ່ໄດ້ອອກໄປແລ້ວມີຄືແນວໃດ, ການຄຸ້ມຄອງກອງທຶນບຳບັດຜູ້ຕິດຢາເສບຕິດ ແລະ ການຄຸ້ມຄອງຜູ້ຖືກຫາ ແລະ ນັກໂທດຢູ່ຄ້າຍຄຸມຂັງ-ດັດສ້າງນະຄອນຫຼວງວຽງຈັນ. (ຂ່າວ-ພາບ : ສຸກສາຄອນ)