ກອງປະຊຸມສະໄໝສາມັນ ເທື່ອທີ 7 ຂອງສະພາ ປະຊາຊົນ ແຂວງສະຫວັນນະເຂດ


...

25.07.2019 8:56     

   ກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນແຂວງສະຫວັນນະເຂດ (ສພຂ) ຊຸດທີ I ໄດ້ເປີດຂຶ້ນໃນວັນທີ 22-25 ກໍລະກົດນີ້ ທີ່ຫໍວັດທະນະທຳໄກສອນ ພົມວິຫານ ໂດຍການເປັນປະທານຂອງທ່ານ ຄຳເຜີຍ ຜັນທະຈອນ ປະທານ ສພຂ ສະຫວັນນະເຂດ, ເຂົ້າຮ່ວມມີທ່ານ ແສງນວນ ໄຊຍະ ລາດ ຮອງປະທານສະພາແຫ່ງ ຊາດ, ທ່ານ ສັນຕິພາບ ພົມ ວິຫານ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໆສະຫວັນນະເຂດ ພ້ອມດ້ວຍບັນດາທ່ານ ສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງ, ກົງສຸນໃຫຍ່ ແຫ່ງ ສສ ຫວຽດນາມ ແລະ ກົງສຸນໃຫຍ່ ແຫ່ງ ຣາຊະອານາຈັກໄທ ທີ່ປະຈຳຢູ່ແຂວງ, ເຈົ້າເມືອງ-ຮອງ ເຈົ້າເມືອງ, ຫົວໜ້າພະແນກ ການ, ອົງການລັດທຽບເທົ່າພະແນກຂັ້ນແຂວງ, ອົງການຈັດຕັ້ງມະຫາຊົນ, ແນວລາວສ້າງຊາດແຂວງ, ບັນດາທ່ານຜູ້ນຳພັກ-ລັດ, ອະດີດການນຳຂອງແຂວງ ພ້ອມດ້ວຍແຂກຖືກເຊີນເຂົ້າຮ່ວມ. ພິທີເປີດກອງປະຊຸມ ທ່ານ ຄຳເຜີຍ ຜັນທະຈອນ ໄດ້ກ່າວວ່າ: ກອງປະຊຸມສະໄໝສາມັນເທື່ອທີ 7 ຂອງ ສພຂ ສະຫວັນນະເຂດ ຊຸດທີ I ໄດ້ດຳເນີນເປັນເວລາ 4 ວັນ ແຕ່ວັນທີ 22-25 ກໍລະກົດ 2019 ຄັ້ງນີ້ ໄດ້ ຮັບຟັງການລາຍງານ, ການພິຈາລະນາ ແລະ ຕົກລົງບັນຫາ ສຳຄັນຕ່າງໆຂອງແຂວງດັ່ງນີ້: ພິຈາລະນາ ແລະ ປະກອບຄຳ ເຫັນໃສ່ບົດລາຍງານຂອງທ່ານ ເຈົ້າແຂວງໆສະຫວັນນະເຂດ ກ່ຽວກັບສະພາບການພັດທະ ນາເສດຖະກິດ-ສັງຄົມ ໄລຍະ 5 ເດືອນ, ຄາດຄະເນ 6 ເດືອນຕົ້ນປີ ແລະ ທິດທາງແຜນການ ປະຈຳ 6 ເດືອນທ້າຍປີ 2019; ຮັບຟັງການລາຍງານຂອງຫົວ ໜ້າພະແນກການເງິນແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ເດືອນ, ຄາດຄະເນ 6 ເດືອນຕົ້ນປີ ແລະ ທິດທາງແຜນການ ປະຈຳ 6 ເດືອນທ້າຍປີ 2019; ການລາຍງານຈາກ ທ່ານຫົວໜ້າພະແນກອຸດສາ ຫະກຳ ແລະ ການຄ້າແຂວງກ່ຽວ ກັບມາດຕະການໃນການຄຸ້ມຄອງການຜະລິດຖ່ານດຳ ແລະ ມາດຕະການຕໍ່ການອອກອະ ນຸຍາດ ແລະ ການຄຸ້ມຄອງໂຮງ ງານຜະລິດຖ່ານຂາວໃນແຂວງສະຫວັນນະເຂດ, ການລາຍງານຈາກທ່ານຫົວໜ້າພະແນກ ແຮງງານ ແລະ ສະຫວັດດີການ ສັງຄົມແຂວງກ່ຽວກັບສະພາບ ການຄຸ້ມຄອງ ແລະ ເບີກຈ່າຍເງິນເດືອນໃຫ້ພະນັກງານບຳນານ, ພະນັກງານເສຍອົງຄະ ພາຍໃນແຂວງສະຫວັນນະເຂດ; ຮັບຟັງການລາຍງານຈາກຫົວໜ້າອົງການໄອຍະການປະ ຊາຊົນແຂວງ ກ່ຽວກັບການຕິດ ຕາມກວດກາການປະຕິບັດຄຳ ຕັດສິນຂອງສານ; ຮັບຟັງການລາຍງານຂອງປະທານສານປະຊາຊົນແຂວງ ກ່ຽວກັບການດຳເນີນຄະດີຂອງສານຂັ້ນຕົ້ນ ແລະ ຂັ້ນອຸທອນ; ຮັບຟັງການລາຍງານຈາກຫົວໜ້າກອງບັນ ຊາການ ປກສ ແຂວງກ່ຽວກັບ ການຈັດຕັ້ງປະຕິບັດຄຳສັ່ງ ຂອງທ່ານເຈົ້າແຂວງໆສະຫວັນນະເຂດ ສະບັບ ເລກທີ 0306/ຈຂ.ສຂ ລົງວັນທີ 5 ກຸມພາ 2018 ກ່ຽວກັບການເພີ່ມທະວີ ຄຸ້ມຄອງວຽກງານອາຊີບ-ພາ ຫະນະພິເສດ; ຮັບຟັງການລາຍ ງານຈາກຄະນະປະຈຳສະພາ ປະຊາຊົນແຂວງກ່ຽວກັບການ ຈັດຕັ້ງປະຕິບັດແຜນການເຄື່ອນ ໄຫວວຽກງານຂອງຄະນະປະຈຳສະພາປະຊາຊົນແຂວງ ແຕ່ກອງປະຊຸມສະໄໝສາມັນເທື່ອທີ 6 ຫາເທື່ອທີ 7 ແລະ ທິດທາງແຜນການແຕ່ກອງປະຊຸມສະໄໝສາມັນເທື່ອທີ 7 ຫາ ເທື່ອທີ 8 ຂອງສະພາປະຊາຊົນແຂວງ ຊຸດທີ I, ພິຈາລະນາ ແລະ ຮັບຮອງເອົາຂໍ້ຕົກລົງຂອງທ່ານເຈົ້າແຂວງໆສະຫວັນນະເຂດ ວ່າດ້ວຍການຄຸ້ມຄອງ ແລະ ປົກປັກຮັກສາເຂດສະຫງວນທາງຫຼວງ ພາຍໃນແຂວງສະຫວັນນະເຂດ, ພິ ຈາລະນາ ແລະ ຮັບຮອງເອົາການຍົກຍ້າຍ, ການແຕ່ງຕັ້ງບຸກ ຄະລາກອນຂອງອົງການປົກ ຄອງແຂວງ, ພິຈາລະນາ ແລະ ຮັບຮອງເອົາແຜນດັດແກ້ແຜນລາຍຮັບວິຊາການ 6 ເດືອນທ້າຍປີ 2019 ຂອງອົງການປົກ ຄອງແຂວງ, ພິຈາລະນາ ແລະ ຮັບຮອງເອົາມາດຕະການໃນການຄຸ້ມຄອງ ການຜະລິດຖ່ານດຳ ແລະ ມາດຕະການຕໍ່ການອອກອະນຸຍາດ ແລະ ການຄຸ້ມ ຄອງໂຮງງານຜະລິດຖ່ານຂາວ ພາຍໃນແຂວງສະຫວັນນະເຂດ. ພ້ອມນີ້ ກອງປະຊຸມຍັງ ໄດ້ຮັບຟັງການຊີ້ແຈງຈາກ ບັນດາພະແນກການຈຳນວນ ໜຶ່ງ ຫຼື ໃນປະເດັນທີ່ບັນດາທ່ານສະມາຊິກສະພາປະຊາຊົນແຂວງມີຄວາມສົນໃຈ ເພື່ອຮັບປະກັນການນຳເນີນກອງປະ ຊຸມບັນລຸຕາມຄາດໝາຍ ແລະ ມີຄຸນນະພາບນັ້ນ ທ່ານຍັງໄດ້ຮຽກຮ້ອງມາຍັງທຸກພາກສ່ວນ ທີ່ກ່ຽວຂ້ອງສືບຕໍ່ສະໜອງຂໍ້ມູນ ແລະ ໃຫ້ການຮ່ວມມືຕໍ່ບັນດາ ເນື້ອໃນທີ່ນຳເຂົ້າພິຈາລະ ນາ ໃນກອງປະຊຸມເທື່ອນີ້ ບັນ ດາທ່ານສະມາຊິກສະພາແຫ່ງຊາດປະຈຳເຂດເລືອກຕັ້ງທີ 13 ແລະ ສະມາຊິກສະພາປະຊາ ຊົນແຂວງ ຈົ່ງພ້ອມກັນເຊີດຊູ ຄວາມຮັບຜິດຊອບການເມືອງ ຂອງຕົນເຂົ້າໃນການຄົ້ນຄວ້າ, ປະກອບຄຳເຫັນພິຈາລະນາ ບັນຫາຕ່າງໆຢ່າງຖີ່ຖ້ວນ, ພາ ວະວິໄສບົນພື້ນຖານແນວທາງ ນະໂຍບາຍຂອງພັກ, ກົດໝາຍຂອງລັດ, ສະພາບຄວາມເປັນ ຈິງທາງດ້ານເສດຖະກິດ-ສັງ ຄົມ ພ້ອມທັງສະເໜີວິທີທາງແກ້ໄຂຕໍ່ອົງການປົກຄອງແຂວງ, ອົງການໄອຍະການປະຊາຊົນແຂວງ, ສານປະຊາຊົນແຂວງ ເພື່ອເຮັດໃຫ້ເນື້ອໃນທີ່ນຳເຂົ້າພິຈາລະນາ, ຮັບຮອງໃນຄັ້ງນີ້ມີຄຸນນະພາບ ແລະ ສາມາດນຳ ໄປຈັດຕັ້ງປະຕິບັດຢ່າງມີຜົນ ສັກສິດ. (ສອນສັກ ວັນວິໄຊ ແລະ ນາງ ລຳພອນ ຄຳມີຜົນ)