ອົງຄະນະພັກກະຊວງ ຮສສ ດຳເນີນ ກອງປະຊຸມຄົບຄະນະເປີດກວ້າງ


...

01.08.2019 8:54     

   ກອງປະຊຸມຄົບຄະນະບໍລິຫານງານພັກເປີດກວ້າງຄັ້ງທີ 5 ສະໄໝທີ V ອົງຄະນະພັກກະຊວງ ແຮງງານ ແລະ ສະຫວັດດີການ-ສັງຄົມ (ຮສສ), ໄດ້ຈັດຂຶ້ນເມື່ອວັນທີ 31 ກໍລະກົດນີ້ ທີ່ກະຊວງ ແຮງງານ ແລະ ສະຫວັດດີການສັງຄົມ ພາຍໃຕ້ການເປັນປະທານຂອງທ່ານ ຄຳແພງ ໄຊສົມແພງ ກຳມະການສູນກາງພັກ ລັດຖະມົນຕີ ກະຊວງ ແຮງງານ ແລະ ສະຫວັດດີການສັງຄົມ ຊຶ່ງມີພະນັກງານການ ນຳອ້ອມຂ້າງກະຊວງ ເຂົ້າຮ່ວມຢ່າງພ້ອມພຽງ. ກອງປະຊຸມຄັ້ງນີ້ແມ່ນໄດ້ຜ່ານບົດສະຫຼຸບການຊີ້ນຳ ນຳພາວຽກງານຂອງອົງຄະນະພັກກະຊວງ ແຮງງານ ແລະ ສະຫວັດດີການສັງຄົມ ປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2019 ; ປະກອບຄຳຄິດເຫັນຕໍ່ບົດສະຫຼຸບການຊີ້ນຳ ນຳພາວຽກງານຂອງ ອົງຄະນະພັກ ຮສສ ແລະ ຄະນະບໍລິຫານງານພັກເປີດກອງປະຊຸມປຶກສາຫາລືກ່ຽວກັບບຸກຄະລາກອນທີ່ຈະປະກອບເຂົ້າໃນ 3 ອົງການຈັດຕັ້ງມະຫາຊົນ. ໃນໄລຍະ 6 ເດືອນຕົ້ນປີ ຜ່ານມາ ,ຄະນະພັກກະຊວງ ໄດ້ສືບຕໍ່ນຳພາບັນດາຄະນະໜ່ວຍພັກ ໃນການເຄື່ອນໄຫວວຽກງານການເມືອງແນວຄິດ ແລະ ການສ້າງໜ່ວຍພັກໃຫ້ປອດໃສ່,ເຂັ້ມແຂງ ແລະ ໜັກແໜ້ນ ຄຽງຄູ່ກັນນັ້ນ ຍັງມີບາງດ້ານພົບກັບຄວາມຫຍຸ້ງຍາກເປັນຕົ້ນ ດ້ານການພັດທະນາສືມືແຮງງານໃຫ້ກຳລັງແຮງງານລາວ,ການຈັດຫາງານ , ການຄຸ້ມຄອງແຮງງານ ແລະ ການແກ້ໄຂບັນຫາແຮງງານຕ່າງປະເທດຢູ່ລາວ ແລະ ແຮງງານລາວໄປເຮັດວຽກຢູ່ຕ່າງປະເທດ,ການຂະຫຍາຍອັດຕາປົກຄຸມປະກັນສັງຄົມ, ການຮັບບໍລິຈາກເລືອດ ແລະ ການສະໜອງເລືອດ, ການສຳຫຼວດ ແລະ ການກວດກູ້ລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ແຕ່ດ້ວຍຄວາມເອົາໃຈໃສ່ຊີ້ນຳ ນຳພາຂອງສູນກາງພັກ-ລັດຖະບານ ແລະ ຄວາມເປັນເຈົ້າການຂອງຄະນະພັກແຕ່ລະຂັ້ນ, ຄະນະນຳ ແລະ ພະນັກງານສະມາຊິກພັກໄດ້ສາມັກຄີເປັນເອກະພາບກັນຈັດຕັ້ງຜັນຂະຫຍາຍແລະ ປະຕິບັດແນວທາງນະໂຍບາຍຂອງພັກ - ລັດ ເປັນຕົ້ນແມ່ນກອງປະຊຸມໃຫ່ຍຄັ້ງທີ X ຂອງພັກ, ມະຕິກອງປະຊຸມໃຫ່ຍຄັ້ງທີ V ຂອງອົງຄະນະພັກກະຊວງ, ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ VIII ແລະ ແຜນພັດທະນາ ຮສສ 5 ປີ ຄັ້ງທີ IV ມີຜົນສຳເລັດທີ່ເປັນພື້ນຖານຫຼາຍດ້ານ ແລະ ມີບາງດ້ານປະຕິບັດໄດ້ລື່ນຄາດໝາຍ ແລະ ໃນຕອນທ້າຍຂອງປະກອງຊຸມ ທ່ານ ຄຳແພງ ໄຊສົມແພງ ຍັງໄດ້ໃຫ້ທິດຊີ້ນຳໃນການຈັດຕັ້ງປະຕິບັດວຽກງານໃນຕໍ່ໜ້າຕື່ມອີກ. (ຂ່າວ:ຕຸໄລເພັດ ພິມເມືອງ)