ພັກໄດ້ນຳພາ ຂຽນໜ້າປະຫວັດສາດຍຸກໃໝ່ ທີ່ສະຫງ່າລາສີ ໃຫ້ແກ່ປະເທດຊາດເຮົາ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 24/03/2020 09:47:51 ຈຳ​ນວນ​​ຢ້ຽມ​ຊົມ 443 ຄັ້ງ

   ການ​ກຳເນີດ​ເກີດ​ຂຶ້ນ​ຂອງ​ພັກ​ເຮົາ​ແມ່ນ​ຂີດ​ໝາຍ​ອັນ​ສຳຄັນ​ຍິ່ງ ແລະ ເປັນ​ບາດ​ລ້ຽວ​ປະຫວັດສາດ​ຂອງ​ການ​ປະຕິວັດ​ປະເທດ​ເຮົາ ຊຶ່ງ​ນັບ​ແຕ່​ນັ້ນ​ມາ​ຂະບວນ​ການ​ຮັກ​ຊາດ​ຂອງ​ປະຊາຊົນ​ເຮົາ ໄດ້​ກ້າວ​ຂຶ້ນ​ສູ່​ຄຸນ​ນະ​ພາບ​ໃໝ່​ ແລະ​ເປັນ​ເສັ້ນທາງ​ອັນ​ສະຫວ່າງ​ສະໄຫວ​ພາ​ຊາດ​ລາວ​ກ້າວ​ໄປ​ສູ່​ຄວາມ​ເປັນ​ເອກະລາດ​ແຫ່ງ​ຊາດ ຍາດ​ເອົາ​ຄວາມ​ເປັນ ອິດ​ສະຫຼະ​ພາບ​ຫຼຸດ​ພົ້ນ​ອອກ​ຈາກ​ຄວາມ​ເປັນ​ຂ້ອຍ​ຂ້າ​ມ້າ​ໃຊ້ຂອງ​ພວກ​ຈັກກະພັດ​ຜູ້​ຮຸກ​ຮານ​ນັບ​ເປັນ​ເວ​ລາຫຼາຍ​ຮ້ອຍ​ປີ ເຮັດ​ໃຫ້​ປະຊາຊົນ​ລາວ​ບັນດາເຜົ່າ ສຳເລັດ​ພາລະກິດ​ປົດປ່ອຍ​ຊາດ, ສະຖາປະນາ ສປປ ລາວ​ຂຶ້ນ ຍາດ​ເອົາ​ຜົນສຳເລັດ​ໃນການຮຳບາດແຜສົງຄາມ​ປົກ​ປັກ​ຮັກສາ ແລະ ສ້າງສາ​ປະເທດ​ຊາດ ຕາມ​ແນວທາງ​ປ່ຽນແປງ​ໃໝ່, ຊີວິດ​ການ​ເປັນ​ຢູ່​ຂອງ​ປະຊາຊົນ​ບັນດາເຜົ່າ​ໄດ້​ຮັບ​ການ​ປັບປຸງ ແລະ ຍົກ​ລະດັບ​ດີ​ຂຶ້ນ​ຢ່າງ​ບໍ່​ຢຸດ​ຢັ້ງ ບົດບາດ​ອິດ​ທິ​ພົນ​ຂອງ​ຊາດ​ລາວ​ເຮົາ​ໄດ້​ສູງ​ເດັ່ນ​ຂຶ້ນ​ໃນ​ເວທີ​ສາ​ກົນ. ພັກ​ໄດ້​ນຳພາ​ຂຽນ​ໜ້າ​ປະຫວັດສາດ​ຍຸກ​ໃໝ່​ທີ່​ສະຫງ່າ​ລາສີ​ໃຫ້​ແກ່​ປະເທດ​ຊາດ​ເຮົາ.
   ຕະຫຼອດ​ໄລຍະ​ສະພາ​ແຫ່ງ​ຊາດ ຊຸດ​ທີ 8 ກໍຄື​ໄລຍະ​ແຫ່ງ​ການ​ຜັນ​ຂະຫຍາຍມະຕິ​ກອງ​ປະຊຸມ​ໃຫຍ່​ ຄັ້ງ​ທີ X ຂອງ​ພັກ ຄະນະ​ບໍລິຫານ​ງານ​ພັກ​ສະພາ​ແຫ່ງ​ຊາດ ໄດ້​ຕັ້ງໜ້າ​ປະຕິບັດ​ພາລະ​ບົດບາດ​ສິດ​ໜ້າທີ່​ຂອງ​ຕົນ ແລະ ສາມາດ​ຍາດ​ໄດ້ຜົນ​ງານ​ຫຼາຍ​ດ້ານ, ສັງ​ລວມ​ແລ້ວ​ຕະຫຼອດ​ໄລຍະ 4 ປີຜ່ານມາ ສະພາ​ແຫ່ງ​ຊາດ​ໄດ້​ເປີດ​ກອງ​ປະຊຸມ​ສະໄໝ​ສາມັນ​ຂອງ​ຕົນ​ແລ້ວ 8 ເທື່ອ, ໃນ​ນັ້ນ ດ້ານ​ນິຕິບັນຍັດ ສາມາດ​ຮັບຮອງ​ເອົາ​ການ​ສ້າງ ແລະ ປັບປຸງ​ກົດໝາຍ​ໄດ້​ທັງ​ໝົດ 82 ສະບັບ ໃນ​ນັ້ນ​ກົດໝາຍ​ສ້າງ​ໃໝ່ 38 ສະບັບ, ພິຈາລະນາ​ການ​ໃຫ້​ສັດຕະຍາບັນ​ສົນທິສັນຍາ ແລະ ສັນຍາ​ສາກົນ, ການ​ຕີ​ຄວາມ​ໝາຍ ແລະ ອະທິບາຍ​ກົດໝາຍ​ຈຳນວນ​ໜຶ່ງ ໄດ້​ເອົາໃຈໃສ່​ປະ ສານ​ສົມທົບ​ກັບ​ພາກສ່ວນ​ກ່ຽວ ຂ້ອງ​ໃນ​ການຈັດຕັ້ງ​ໂຄສະນາ​ ເຜີຍແຜ່​ກົດໝາຍ​ໄດ້​ຢ່າງ​ກວ້າງ ຂວາງ ສອດຄ່ອງ​ກັບ​ແຕ່​ລະ​ກຸ່ມ​ເປົ້າ​ໝາຍ.
ການ​ພິຈາລະນາ​ບັນຫາ​ສຳຄັນ​ຂອງ​ຊາດ ໄດ້​ຍົກ​ສູງ​ຄວາມ​ຮັບຜິດຊອບ​ໃນ​ການ​ຄົ້ນຄວ້າ​ວິໄຈ​ບັນຫາ​ຕ່າງໆ ເພື່ອ​ໃຫ້​ກອງ​ປະຊຸມ​ສະພາ​ແຫ່ງ​ຊາດ, ກອງ​ປະຊຸມ​ຄະນະ​ປະຈຳ​ໄດ້​ພິຈາລະນາ​ບັນຫາ​ສຳຄັນ​ພື້ນຖານ​ຕ່າງໆ ເປັນຕົ້ນ​ແມ່ນ
   - ໄດ້​ເລືອກ​ຕັ້ງ​ເອົາ ແລະ ພິຈາລະນາ​ຮັບຮອງ​ສະເໜີ​ແຕ່ງ ຕັ້ງ​ການ​ນຳ​ຂັ້ນ​ສູງ​ຂອງ​ສະພາ​ແຫ່ງ​ຊາດ, ຂອງ​ລັດຖະບານ, ອົງການ​ກວດ​ສອບ​ແຫ່ງ​ລັດ, ອົງການ​ໄອ​ຍະ​ການ ແລະສານ ​ປະຊາຊົນ​ສູງ​ສຸດ; ໄດ້​ພິຈາລະ ນາ​ຮັບຮອງ​ເອົາ​ບົດ​ລາຍ​ງານ​ກ່ຽວ​ກັບ​ວິໄສ​ທັດ​ຮອດ​ປີ 2030, ຍຸດທະສາດ​ຮອດ​ປີ 2025 ແລະ ທິດ​ທາງ​ແຜນການ 5 ປີ ຂອງ​ສະພາ​ແຫ່ງ​ຊາດ ຊຸດ​ທີ 8.
   ເພື່ອ​ກະກຽມ​ໃຫ້​ແກ່​ກອງ​ປະຊຸມ​ໃຫຍ່ ຄັ້ງ​ທີ XI ຂອງ​ພັກ ຄະນະ​ບໍລິຫານ​ງານ​ພັກ​ສະພາ​ແຫ່ງ​ຊາດ ກໍຄື​ຄະນະ​ພັກ​ແຕ່​ລະ​ຂັ້ນ, ສະມາຊິກ​ພັກ​ແຕ່ລະຄົນ ຈະ​ໄດ້​ສືບຕໍ່​ຈັດ​ຕັ້ງ​ປະຕິບັດ​ບາງ​ວຽກ​ງານ​ຈຸດ​ສຸມ​ຕາມ​ພາລະ​ບົດບາດ​ສິດ​ໜ້າທີ່​ຄື​ດັ່ງນີ້:
1. ສືບຕໍ່​ເຮັດ​ວຽກ​ງານ​ສຶກສາ​ອົບ​ຮົມ​ການເມືອງ​ນຳພາ​ແນວ​ຄິດ ໃຫ້​ແກ່​ຖັນ​ແຖວ​ພະ ນັກງານ​ສະມາຊິກ​ພັກ​ໃຫ້​ເລິກ ຊຶ່ງ​ທົ່ວ​ເຖິງ​ກວ່າ​ເກົ່າ, ຈັດຕັ້ງ ​ເຜີ