ຍ້ອນມີພັກນຳພາ ປະເທດຊາດ ຈຶ່ງໄດ້ຮັບ ການພັດທະນາ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 24/03/2020 09:49:13 ຈຳ​ນວນ​​ຢ້ຽມ​ຊົມ 449 ຄັ້ງ

ໂດຍ: ແສງ​ຈັນ

   ທ່ານ ພູຊຸນ ບຸນກອງ ເລ ຂາພັກໜ່ວຍບ້ານ ນາຍບ້ານ ໜອງສ້າງທໍ່ ເມືອງໄຊເສດຖາ ນະຄອນຫຼວງວຽງຈັນ ໄດ້ໃຫ້ ສໍາພາດວ່າ: ໜ່ວຍພັກບ້ານ ໜອງສ້າງທໍ່ຍາມໃດກໍຖືສຳຄັນການເຕົ້າໂຮມຄວາມສາມັກຄີເປັນປຶກແຜ່ນຢ່າງແໜ້ນແຟ້ນ ເຂົ້າໃນການສ້າງເສດຖະກິດ ກຸ້ມຕົນເອງ, ເພິ່ງຕົນເອງ ແລະ ສ້າງຄວາມເຂັ້ມແຂງໄປຄຽງຄູ່ ກັບການຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ໃນທົ່ວສັງຄົມ ເພື່ອສ້າງຄວາມ ສະດວກໃຫ້ປະຊາຊົນທໍາມາ ຫາກິນ, ສ້າງລາຍຮັບເຂົ້າຄອບ ຄົວສະເໝີມາ, ສະແດງໃຫ້ເຫັນ ວ່າໃນແຕ່ລະປີຊີວິດການເປັນ ຢູ່ຂອງປະຊາຊົນໄດ້ມີການພັດທະນາກ້າວຂຶ້ນເລື້ອຍໆ;  ໄດ້ປະຕິບັດໜ້າທີ່ວຽກງານ ຕາມ 4 ເນື້ອໃນ 4 ຄາດໝາຍ ຕາມພາລະໜ້າທີ່ຂອງບ້ານ ທັງເປັນໃຈກາງເຕົ້າໂຮມຄວາມ ສາມັກຄີ ພາຍໃນບ້ານ ແລະ ຍັງໄດ້ເອົາໃຈໃສ່ສຸມສະຕິປັນ ຍາ, ເຫື່ອແຮງ ເພື່ອນໍາພາປະຊາຊົນເຮັດສໍາເລັດໜ້າທີ່ໃນແຕ່ລະໄລຍະ,  ສ່ວນການຈັດ ຕັ້ງເຄື່ອນໄຫວແຕ່ລະໜ່ວຍງານ ຂອງບ້ານແມ່ນຕາມສິດ ແລະ ພາລະບົດບາດຂອງການບໍລິ ຫານ. ຄຽງຄູ່ກັນນີ້, ໜ່ວຍພັກ ບ້ານຍັງໄດ້ນໍາພາປັບປຸງແບບ ແຜນວິທີເຮັດວຽກຂອງອົງ ການຈັດຕັ້ງມະຫາຊົນໃຫ້ມີ ການເຄື່ອນໄຫວຢ່າງຖືກຕ້ອງ ຕາມສິດ ແລະ ພາລະບົດບາດ, ໜ້າທີ່ຂອງແຕ່ລະອົງການຈັດ ຕັ້ງ, ສົມທົບກັບຫ້ອງການເມືອງ, ຍົກລະດັບຄວາມຮູ້, ຄວາມສາ ມາດໃຫ້ແກ່ພະນັກງານ ເພື່ອຊີ້ ນໍາ-ນໍາພາ ຊຶ່ງສະແດງອອກບ້ານ ໄດ້ຮັບນາມມະຍົດເປັນບ້ານ ແບບຢ່າງດ້ານສາທາລະນະ ສຸກ, ບ້ານວັດທະນະທໍາ, ບ້ານ ແບບຢ່າງປະຕິບັດກົດໝາຍ, ບ້ານປອດຢາເສບຕິດ, ບ້ານ 3 ດີ ແລະ ບ້ານປ້ອງກັນຄວາມສະ ຫງົບໄວ້ໄດ້ຕະຫຼອດມາ.     
   ເນື່ອງໃນໂອກາດສະເຫຼີມ ສະຫຼອງວັນສ້າງຕັ້ງ ພັກປະ ຊາຊົນປະຕິວັດລາວ ຄົບຮອບ 65 ປີ, ຂໍໃຫ້ບັນດາທ່ານຜູ້ນໍາ ພັກ-ລັດທຸກໆ ທ່ານມີ ສຸຂະພາບ ເຂັ້ມແຂງ, ມີພະລານາໄມສົມ ບູນ, ສືບຕໍ່ຊີ້ນໍາ-ນໍາພາປວງຊົນ ລາວບັນດາເຜົ່າ ສ້າງສາ ແລະ ພັດທະນາປະເທດຊາດກ້າວ ຂຶ້ນຢ່າງບໍ່ຢຸດຢັ້ງ ແລະ ນໍາເອົາ ປະເທດຫຼຸດພົ້ນອອກຈາກສະ ຖານະຄວາມດ້ອຍພັດທະນາ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110