ພາຍໃຕ້ການນຳພາຂອງພັກປະຊາຊົນ ປະຕິວັດລາວ ສວຊ ໄດ້ຮັບການພັດທະນາຢ່າງບໍ່ຢຸດຢັ້ງ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 24/03/2020 09:50:10 ຈຳ​ນວນ​​ຢ້ຽມ​ຊົມ 448 ຄັ້ງ

   ທ່ານ ໄມ່​ສິງ ຈັນ​ບຸດ​ດີ ຄະ​ນະ​ພັກ ກະ​ຊວງ ຖວ​ທ ເລຂາ​ໜ່ວຍ​ພັກ​ສະ​ຖາ​ບັນ​ວິຈິດ​ສິນ​ແຫ່ງ​ຊາດ  ຫົວໜ້າ​ສະ​ຖາ​ບັນ​ວິຈິດ​ສິນແຫ່ງ​ຊາດ (ສວຊ) ທັງ​ເປັນ​ປະທານ​ສະມາຄົມ​ວິຈິດ​ສິນ​ລາວ ໄດ້​ໃຫ້​ສໍາ​ພາດ​ຕໍ່​ນັກ​ຂ່າວ​ໜັງສືພິມ​ປະຊາຊົນ ເນື່ອງ​ໃນ​ໂອກາດ​ວັນ​ສ້າງຕັ້ງ ພັກ ປປ ລາວ ຄົບຮອບ 65 ປີ ວ່າ: ທ່າມກາງ​ບັນຍາກາດ​ທົ່ວ​ພັກ​ທົ່ວ​ປວງ​ຊົນ​ລາວ​ທັງ​ຊາດ​ກໍາ​ລັງ​ເບີກບານ​ມ່ວນຊື່ນ​​ ສະເຫຼີມສະຫຼອງ​ວັນສໍາ​ຄັນ​ຕ່າງໆ​ຂອງ​ພັກ, ຂອງ​ຊາດ ປີ 2020 ກໍ​ຄື​ວັນ​ສ້າງຕັ້ງ ພັກ​ ປປ ​ລາວ​  ຄົບຮອບ 65  ປີໃນຂົງ ເຂດ​ວຽກ​ງານ​ສະ​ຖາບັນ​ວິຈິດ​ສິນ​ແຫ່ງ​ຊາດ​ກໍ​ໄດ້​ມີ​ຂະບວນ​ການ​ແຂ່ງຂັນ​ສ້າງ​ຜົນງານຕິດ ພັນ​ກັບ​ວຽກ​ງານ​ວິຊາ​ສະເພາະ​ທີ່​ມີ​ລັກສະນະ​ຊາດ, ວິທະຍາສາດ ແລະ ມະຫາ​ຊົນຢ່າງ​ເປັນຂະ​ ບວນ. ​    ໃນ​ດ້ານ​ວິ​ຊາ​ສະ​ເພາະ ​ກ່ອນ​ປົດ​ປ່ອຍ​ແມ່ນໄດ້​ດໍາເນີນ ​ການ​ຮຽນ​-​ການ​ສອນ ຢູ່​ໂຮງ ຮຽນ​ສິລະ​ປະ​ກໍາ​ລາວ (ວຽງ​ຈັນ) ແລະ ເຂດ​ປົດ​ປ່ອຍ​ຖານ​ທີ່​ໝັ້ນ​ຂອງການ​ປະຕິວັດ​ລາວ ເພື່ອ​ຮັບ​ໃຊ້​ໜ້າທີ່​ການເມືອງ​ເຊັ່ນ: ແຕ້ມ​ປ້າຍ​ໂຄສະນາ​ປຸກລະດົມ​ຂະບວນ​ການ​ຕໍ່ສູ້ ແລະ ຂະບວນ​ການ​ຮັກ​ຊາດ, ມາ​ຮອດ​ປີ 1975 ໄດ້​ ເຕົ້າໂຮມ​ສອງ​ບ່ອນ​ເຂົ້າກັນ​ເປັນ​ໂຮງຮຽນ​ກໍ​ຄື​ໂຮງຮຽນ​ວິຈິດ​ສິນ​ຢູ່​ເຂດ​ປົດ​ປ່ອຍ ແລະ ໂຮງຮຽນ​ສິລະ​ປະ​ກໍາ​ລາວ ໂດຍ​ມີ​ການ​ພັດທະນາ​ຫຼັກສູດ ມີ​ການ​ຮຽນ​-​ການສອນ​ໃນ​ລະດັບ​ຊັ້ນ​ຕົ້ນ, ຊັ້ນ​ກາງໃນ​ເມື່ອ​ກ່ອນ. ໃນ​ປີ 2000 ໄດ້​ປັບປຸງ​ຫຼັກສູດ​ສ້າງ​ຫຼັກສູດລະ ດັບ​ປະລິນຍາ​ຕີ ແລະ ​ໄດ້​ຍົກ​ຖານະ​ເປັນ​ສະ​ຖາ​ບັນ​ວິຈິດ​ສິນ​ແຫ່ງ​ຊາດ ທີ່​ມີ​ບົດບາດ​ໃນ​ການ​ຮຽນ​-​ການສອນ ໃນ​ລະດັບ​ເປັນສະ​ຖາ​ບັນ​ສຶກສາ​ຊັ້ນ​ສູງ, ຊັ້ນ​ກາງ, ອະ​ນຸ​ປະລິນຍາ​ຕີ ແລະ ປະລິນຍາ​ຕີ; ປັດຈຸບັນ​ສະ​ຖາ​ບັນ​ແມ່ນມີ​ນັກ​ສຶກສາ​ຈົບ​ໄປ​ແມ່ນ 14 ຮຸ່ນ, ແຕ່​ລະ​ຮຸ່ນ​ຈະ​ມີ​ນັກ​ສຶກສາ​ຮຽນ​ຈົບ​ບໍ່​ຫຼຸດ 30 ຄົນ ກໍ​ຖື​ວ່າ​ຜະລິດ​ນັກ​ວິຊາ​ການ​ອອກ​ຮັບ​ໃຊ້​ສັງຄົມ​ສ້າງ​ເສດຖະກິດ, ທາງ​ດ້ານ​ສັງ​ຄົມ ​- ​ວັດ​ທະ​ນະ​ທໍາ ໂດຍ​ສະເພາະ​ແມ່ນ​ວຽກ​ງານປະດັບ​ປະດາ​ວັດ​ວາ ​ສາສະໜາ ເອີ້ນ​ວ່າ: ພຸດ​ທະ​ສິມ ກໍ​ນັບ​ມື້​ນັບ​ຂະຫຍາຍຕົວ ແລະ ສ່ວນ​ໜຶ່ງ​ປະກອບການ​ທຸລະ​ກິດ​ຂອງ​ຕົນ​ເອງ. ສິ່ງ​ທີ່​ພົ້ນ​ເດັ່ນ​ໃນ​ວຽກ​ງານ​ສະ​ຖາ​ບັນ​ໃນ​ແຕ່​ລະ​ໄລຍະ​ທີ່​ຜ່ານ​ມາ, ແມ່ນ​ມີ​ຫຼາຍຜົນງານ​ທີ່​ພົ້ນ​ເດັ່ນ​ເປັນຕົ້ນ ນອກຈາກ​ການ​ປັບປຸງ​ ແລະ​ ສ້າງ​ຫຼັກສູດ​ປະລິນຍາ​ຕີ​ແລ້ວ, ມາ​ເຖິງ​ປີ 2017 ໄດ້​ສໍາ​ເລັດ​ການ​ສ້າງ​ຫຼັກສູດ​ປະລິນຍາ​ໂທ ແລະ ເປີດ​ຮຽນ​ເປີດ​ສອນ​ລະດັບ​ປະລິນຍາ​ໂທ​ວິຈິດ​ສິນ ສາຂາ​ບໍລິ​ຫານ​ຄຸ້ມ​ຄອງ​ສິລະ​ປະ ແລະ ວັດ​ທະ​ນະ​ທໍາ ເປັນ​ແຫ່ງ​ທໍາ​ອິດ​ພາຍ​ໃນ​ປະເທດ, ສະເພາະ​ສາຂາ​ທາງດ້ານ​ສິ ລະ​ປະ​ວິຈິດ​ສິນ; ພ້ອມ​ນີ້​ໃນ​ສະ​ຖາ​ບັນ​ກໍ​ໄດ້​ສົ່ງເສີມ​ຄູ​-ອາ​ຈານ​-​ພະນັກງານ ໄປ​ສຶກສາ​ໃນ​ລະດັບ​ປະລິນ​ຍາ​ໂທ, ປະລິນຍາ​ເອກ​ຢູ່​ຕ່າງປະເທດ​ເປັນ​ປະ​ຈໍາ. ມີ​ການ​ພົວພັນ​ຮ່ວມ​ມື​ກັບ​ສາກົນ​ກັບ​ບັນດາ​ມະຫາ​ວິທະ​ຍາ​ໄລ​ວິຈິດ​ສິນ​ໃນ​ບັນດາ​ປະເທດ​ອາ​ຊຽນ ແລກປ່ຽນ​ການ​ຮຽນ-​ການສອນ​ທາງ​ດ້ານ​ຫຼັກສູດ ເພື່ອ​ນໍາ​ເອົາ​ຄວາມຮູ້​ຕ່າງໆ​ມາ​ພັດທະນາ​ສະ​ຖາ​ບັນ​ພວກ​ເຮົາ​ໃຫ້​ມີ​ຄວາມ​ກ້າວໜ້າ; ດ້ານ​ພື້ນຖານ​ໂຄງ​ຮ່າງ​ຕຶກ​ອາຄານ​ໄດ້​ຮັບການ​ພັດທະນາ ກ່ອນ​ໜ້າ​ນີ້​ອາຄານ​ຮຽນ​ແມ່ນ​ມີ​ໜ້ອຍ​ຫຼາຍ ປັດຈຸ​ບັນ​ແມ່ນ​ເປັນ​ຕຶກ​ອາຄານ​ສີ່​ຊັ້ນ​ທີ່​ທັນ​ສະໄໝ ຊຶ່ງ​ເລີ່ມ​ການ​ກໍ່ສ້າງ​ໃນ​ປີ 2014 ສໍາ​ເລັດ​ປີ 2015.  
   ໃນ​ໂອກາດ​ວັນ​ສ້າງຕັ້ງ​ພັກ​ປະຊາຊົນ​ ປະຕິວັດ​ລາວ ຄົບຮອບ 65 ປີ, ວັນ​ສ້າງຕັ້ງ ສປປ ລາວ ຄົບ ຮອບ 45 ປີ ແລະ ວັນ​ເກີດ​ປະທານ ໄກ ສອນ ພົມວິຫານ ຄົບຮອບ 100 ປີ ຜູ້​ນໍາ​ທີ່​ແສນເຄົາລົບ​ຮັກ, ຮຽກຮ້ອງ​ເຖິງ​ບັນດາສະ ຫາຍ​ສະ​ມາຊິກ​ພັກ​ທີ່​ມີ​ຕໍາ​ແໜ່​ງນໍາ​ພາ  ພະນັກງານ​ບໍລິ ຫານ, ພະນັກງານ​ວິຊາ​ການ ພະນັກ​ງານ​ບໍາ​ນານ, ຜູ້​ຊົງ​ຄຸນ​ວຸ​ດທິທຸກ​ຖ້ວນ​ໜ້າ ຈົ່ງ​ຕັ້ງໜ້າ​ເສີມ​ຂະຫຍາຍ​ຍົກ​ສູງ​ຄວາມ ຮັບຜິດຊອບ​ພາລະ​ບົດບາດ​ໜ້າທີ່​ຂອງ​ສະມາຊິກພັກ ເພື່ອ​ຮັບ​ໃຊ້​ໜ້າທີ່​ການເມືອງ​ໃນ​ໄລ ຍະ​ໃໝ່ ເພາະວ່າ​ໃນ​ໄລ ຍະ​ໃໝ່​ເປັນ​ໄລຍະ​ທີ່​ມີ​ວິທະຍາສາດ ເຕັກ​ໂນໂລ​ຊີ​ທີ່​ທັນ​ສະ​ໄໝ ດັ່ງ ນັ້ນ​ສະມາຊິກ​ພັກ​ຜູ້​ຊີ້​ນໍາ-ນໍາ​ພາ ກໍ​ຕ້ອງ​ມີ​ຄວາມ​ຮູ້​ຄວາມ ສາມາດ​ທີ່​ສູງ​ເພື່ອ​ຮັບ​ປະກັນ​ຕໍ່ໜ້າ​ທີ່​ສົມ​ຄູ່​ກັບ​ຕໍາ​ແໜ່ງ​ຕົນ​ເອງ ເຮັດ​ແນວໃດ​ໃຫ້​ພັກ​ຂອງ​ພວກ​ເຮົາ​ເປັນ​ພັກ​ທີ່ປອດ​ໃສ ເຂັ້ມແຂງ ແລະ ໜັກ​ແໜ້ນ ເຊື່ອ​ໝັ້ນ​ຕໍ່​ອຸດົມ​ການ​ຂອງພັກ ປປ ລາວ; ຂໍ​ສະແດງ​ຄວາມ​ຮູ້ບຸນ ຄຸນ​ຕໍ່​ການ​ນໍາ​ພັກ​-​ລັດ ທີ່​ໄດ້​ສ້າງ​ຄຸນ​ປະໂຫຍດ​ອັນ​ລໍ້າ​ຄ່າ​ນໍາ​ພາ​ປະເທດ​ຊາດ​ຂອງ​ພວກ​ເຮົາ​ໄດ້​ຮັບ​ການ​ສ້າງສາ​ພັດທະ​ນາ ມີ​ຄວາມ​ຈະເລີນ ມີ​ຄວາມ​ຮັ່ງມີ ປະຊາຊົນ​ມີ​ຄວາມ​ຜາ​ສຸກ ກິນ​ອີ່ມ​ນຸ່ງ​ອຸ່ນ ປະເທດມີສະ ຖຽນລະ​ພາບ, ​ສັງຄົມ​ມີ​ຄວາມ ​ສະຫງົບ​ປອດ​ໄພ ເປັນ​ທໍາ ເຮັດ​ໃຫ້​ພວກ​ເຮົາ​ມີ​ຢູ່​ມີ​ກິນ​ທຸກ​ວັນ​ນີ້, ອວຍພອນ​ເຖິງ​ບັນດາ​ການ​ນໍາພັກ​-ລັດ​ ທຸກ​ທ່ານຈົ່ງ​ມີ​ແຕ່​ສຸຂະພາບເຂັ້ມແຂງ ມີ​ພະ​ລານາ ​ໄມ​ສົມບູນ ມີ​ຄວາມສຸກ​ຄວາມ​ຈະເລີນ ປະສົບ​ຜົນ​ສໍາ​ເລັດ​ໃນ​ພາລະກິດ​ການ​ນໍາພາ ຂອງ​ພັກ ນໍາ​ພາ​ປະເທດ​ຊາດ​ກ້າວ​ຂຶ້ນ​ສັງຄົມ​ນິຍົມ ນໍາ​ພາ​ຫຼຸດ​ພົ້ນ​ຈາກ​ຄວາມ​ເປັນ​ປະເທດ​ດ້ອຍ​ພັດທະນາ ແຕ່​ນີ້​ຮອດ​ປີ 2025.

 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110