ສະຫວັນນະເຂດ ເຜີຍແຜ່ມະຕິກອງປະຊຸມຄົບຄະນະ ບໍລິຫານງານຢ່າງທົ່ວເຖິງ

   ເພື່ອ​ເຮັດ​ໃຫ້ການ​ເຄື່ອນ​ໄຫວ​ວຽກ​ງານ​ກຳມະບານ​ຮອບ ດ້ານ ນັບ​ແຕ່​ຂັ້ນແຂວງລົງ​ຮອດ​ທ້ອງຖິ່ນ​ໃຫ້​ມີ​ຄວາມ​ເປັນ​ເອກະ​ພາບ​ກັນ​ທາງ​ດ້ານ​ເນື້ອ​ໃນ ແລະ ການຈັດຕັ້ງ​ປະຕິບັດ​ວຽກ​ງານ​ຢ່າງ​ມີ​ປະສິດ​ທິ​ຜົນ​ສູງ. ສະ ນັ້ນ, ສະຫະພັນ​ກຳມະບານ​ແຂວງ​ສະຫວັນ​ນະ​ເຂດ  ນຳ​ໂດຍ​ທ່ານ  ນາງ  ພົມມາ  ທອງ​ເພັງ ຮອງ​ປະ ທານ​ຄະນະ​ບໍລິຫານ​ງານສະຫະ ພັນ​ກຳມະບານ​ແຂວງ  ພ້ອມ​ ດ້ວຍ​ຂະແໜງການ​ທີ່ກ່ຽວຂ້ອງ ລົງ​ເຜີຍແຜ່​ມະຕິຂອງ​ກອງປະ ຊຸມ​ຄົບ​ຄະນະ​ບໍລິຫານ​ງານ​ສະ ຫະພັນ​ກຳມະບານ​ແຂວງ​ສະ ຫວັນ​ນະ​ເຂດ ຄັ້ງ​ທີີ 5 ສະໄໝທີ VII ຂຶ້ນ​ໃນ​ກາງ​ເດືອນມີນາ​ຜ່ານ​ມາ  ທີ່​ຫ້ອງ​ປະຊຸມ​ເມືອງ​ນອງ, ເມືອງ​ວິລະ​ບູ​ລີ ແລະ ດ່ານ​ສາກົນ​ແດນ​ສະຫວັນ ໂດຍ​ມີ​ຄະນະ​ພັກ, ຄະນະ​ປະທານ, ຄະນະ ກຳ ມະບານ​ຮາກຖານ ຕະຫຼອດ​ຮອດ​ສະມາຊິກ​ກຳມະບານ​ພາຍ​ໃນ​ເມືອງ ແລະ ຮາກ​ຖານ​ດັ່ງກ່າວ​ເຂົ້າ​ຮ່ວມ 142 ທ່ານ, ຍິງ 63 ທ່ານ.
    ໃນ​ກອງ​ປະຊຸມ​ແມ່ນ​ຍັງ​ໄດ້​ຮັບ​ຟັງການ​ຜ່ານ​ບົດ​ລາຍ​ງານ​ການເຄື່ອນໄຫວ​ວຽກງານ​ ກຳມະບານ ໃນ​ໄລຍະ 1  ປີຜ່ານ ມາ ຈາກ​ສະຫະພັນ​ກຳມະບານ​ເມືອງ​ນອງ,  ເມືອງ​ວິລະ​ບູ​ລີ ແລະ ກຳມະບານຮາກຖານດ່ານ​ ສາກົນ​ແດນ​ສະ​ຫວັນ. ຈາກ​ນັ້ນ, ກໍໄດ້​ຮັບ​ຟັງ​ການເຜີຍແຜ່​ມະຕິ​ຂອງ​ກອງ​ປະຊຸມ​ຄົບ​ຄະນະບໍ ລິຫານ​ງານ​ ຄັ້ງ​ທີ 5 ສະໄໝ​ທີ VII ໂດຍ​ທ່ານ ນາງ ພົມມາ ທອງ​ເພັງ  ເພື່ອ​ເປັນ​ບ່ອນ​ອີງ​ໃນ​ການເຄື່ອນໄຫວ​ວຽກ​ງານ​ກຳມະບານ​ຮອບດ້ານກໍຄື​ການ ຈັດຕັ້ງ​ປະຕິບັດ​ວຽກ​ງານ​ກອງ​ທຶນ ກຊທ ໃຫ້​ມີ​ປະສິດ​ທິ​ຜົນ​ສູງ​ຂຶ້ນ​ເທື່ອ​ລະ​ກ້າວ ນັບ​ແຕ່​ຂັ້ນ​ແຂວງ​ລົງ​ຮອດ​ທ້ອງຖິ່ນ ເປັນຕົ້ນ​ແມ່ນ​ມະຕິ​ໄດ້ເຫັນ​ດີ​ເປັນ​ເອກະ​ພາບ​ກັນ​ເພີ່ມ​ນະໂຍບາຍ​ເຈັບ ເປັນ, ຜ່າຕັດຈາກ​ເດີມເພີ່ມຂຶ້ນ 10% ພ້ອມ​ທັງ​ເພີ່ມ​ຂັ້ນ​ນະໂຍ ບາຍ​ດັ່ງກ່າວ​ຂຶ້ນ​ຕື່ມ​ອີກ 1 ຂັ້ນ ແລະ ນະໂຍບາຍ​ເສຍຊີວິດ ແມ່ນ​ຈະ​ໄດ້​ເພີ່ມ​ຂຶ້ນ​ຈາກ​ເດີ່ມ ສະເລ່ຍ 10,16% ພ້ອມ​ທັງ​ເພີ່ມ​ຂັ້ນ​ນະໂຍບາຍ​ຂອງ​ການ​ເສຍ​ຊີວິດ​ຂຶ້ນ​ອີກ 2 ຂັ້ນ ຕາມ​ອາຍຸ​ການ​ຂອງ​ສະມາຊິກ ໂດຍ​ຕ່ຳ​ສຸດ​ແມ່ນ 20 ລ້ານ​ກີບ ແລະ ສູງ​ສຸດ 48 ລ້ານ​ກີບ. ນອກ​ນີ້, ຍັງ​ໄດ້​ເຫັນ​ດີ​ເພີ່ມ​ນະໂຍບາຍ​ການ​ເກີດ​ອັກຄີ​ໄພ ຈາກ 1 ລ້ານ 5 ແສນ ກີບ​ໃນ​ເມື່ອ​ກ່ອນ ຂຶ້ນ​ມາ​ເປັນ 5 ລ້ານ​ກີບຕໍ່​ຄົນ​ຕໍ່​ຄັ້ງ ແລະ ອັນ​ອື່ນໆ​ທີ່​ສຳຄັນ​ອີກ​ຈຳ ນວນ​ໜຶ່ງ ສ່ວນ​ການຈັດຕັ້ງປະ ຕິ ບັດ​ບັນດາ​ນະໂຍບາຍ​ດັ່ງກ່າວ ແມ່ນ​ຈະ​ໄດ້​ເລີ່ມ​ແຕ່ວັນ​ທີ 1 ເມສາ ປີ 2020 ນີ້​ເປັນຕົ້ນ​ໄປ.
 (ຂ່າວ-ພາບ:  ວັນນະ​ເລດ ມະນີ​ວົງ)