ໜັງສືພິມ ປະຊາຊົນ

ປກສ ນະຄອນຫຼວງ ປະກາດການແຕ່ງຕັ້ງ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 25/03/2020 08:23:11 ຈຳນວນຢ້ຽມຊົມ 896 ຄັ້ງ

ກອງບັນຊາການປ້ອງກັນຄວາມສະຫງົບ (ປກສ) ນະຄອນຫຼວງວຽງຈັນ ໄດ້ຈັດ ພິທີປະກາດການແຕ່ງຕັ້ງຮັກ ສາການຫົວໜ້າກອງບັນຊາການ ປກສ ນະຄອນຫຼວງ ຂຶ້ນເມື່ອບໍ່ດົນຜ່ານມາ ທີ່ ປກສ ນະ ຄອນຫຼວງວຽງຈັນ ໂດຍການ ເປັນກຽດເຂົ້າຮ່ວມຂອງສະຫາຍ ພົນໂທ ວິໄລ ຫຼ້າຄໍາຟອງ ຄະ ນະເລຂາທິການສູນກາງພັກ ລັດຖະມົນຕີກະຊວງ ປກສ; ມີບັນດາສະຫາຍພະນັກງານ ນັກຮົບເຂົ້າຮ່ວມ.

ທ່ານ ພັນເອກ ຄອນສະຫວັນ ສົມພາໄຊ ຫົວໜ້າກົມຈັດຕັ້ງພະນັກງານກົມໃຫຍ່ ການເມືອງ ປກສ ໄດ້ຜ່ານຂໍ້ຕົກ ລົງ ສະບັບເລກທີ 654/ປກສ ນະຄອນຫຼວງວຽງຈັນ, ລົງວັນທີ 17 ມີນາ 2020 ວ່າດ້ວຍການແຕ່ງຕັ້ງນາຍຕຳຫຼວດທີ່ຂຶ້ນກັບ ກອງບັນຊາການ ປກສ ນະຄອນ ຫຼວງວຽງຈັນ, ແຕ່ງຕັ້ງທ່ານ ພັນໂທ ສຸກພະຈັນ ບຸດດາຄໍາ ຮັກສາການຫົວໜ້າກອງບັນຊາການ ປກສ ນະຄອນຫຼວງວຽງຈັນ, ສ່ວນຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ ເພື່ອເປັນການປັບປຸງກົງຈັກການຈັດຕັ້ງຂອງກອງບັນຊາການ ປກສ ນະ ຄອນຫຼວງວຽງຈັນຢູ່ແຕ່ລະຂັ້ນ ໃຫ້ປອດໃສ, ເຂັ້ມແຂງ, ໜັກ ແໜ້ນ ແລະ ສາມາດຕອບສະ ໜອງກັບຄວາມຮຽກຮ້ອງຕ້ອງ ການຂອງໜ້າທີ່ການເມືອງ ໃນໄລຍະໃໝ່. (ຂ່າວ: ຍຸພິນ)