ກອງ​ປະຊຸມ​ໃຫຍ່​ ຄັ້ງ​ທີ III ຂອງ​ໜ່ວຍ​ພັກ​ກົມ​ນະໂຍບາຍ​ຕໍ່​ຜູ້​ມີ​ຜົນງານ ພິການ ແລະ ອາຍຸ​ສູງ (ນຜພອ) ກະຊວງ​ແຮງ​ງານ​ສະຫວັດດີ​ການ​ສັງຄົມ(ຮສສ)ໄດ້​ຈັດ​ຂຶ້ນ​ເມື່ອບໍ່​ດົນ​ຜ່ານ​ມາ ​ທີ່​ເຮືອນ​ຮັບແຂກ​ກະຊວງ ຮສສ ໂດຍ​ເປັນ​ກຽດ​ເຂົ້າ​ຮ່ວມ​ຂອງ ສະຫາຍ ຄຳ​ແພງ ໄຊ​ສົມ​ແພງ ກຳມະການ​ສູນ​ກາງ​ພັກ ເລຂາ​ຄະນະ​ພັກ ລັດຖະມົນຕີ ກະ​ຊວງ​ຮສສ,ສະຫາຍ​ຄຳ​ປິງ ແສງ​ຕານ​ນະລາດ ເລຂາ​ໜ່ວຍ​ພັກ​ກົມ ນຜພອ ມີ​ບັນດາ​ສະຫາຍ​ສະມາຊິກ ແລະ​ແຂກ​ຖືກ​ເຊີນ​ເຂົ້າ​ຮ່ວມ.
   ສະຫາຍ ຄຳ​ປິງ ແສງ​ຕານ​ນະລາດ ໄດ້​ຜ່ານ​ຮ່າງ​ບົດ​ລາຍ​ງານ​ການເມືອງ​ຂອງ​ໜ່ວຍ​ພັກ ກົມ​ນະໂຍບາຍ​ຕໍ່​ຜູ້​ມີ​ຜົນງານ ພິການ ແລະ ຜູ້​ອາຍຸ​ສູງ ຊຶ່ງ​ໄດ້​ຕີ​ລາຄາ​ຜົນສຳເລັດ​ການ​ຊີ້​ນຳ​ນຳພາ​ຈັດ​ຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່​ໜ່ວຍ​ພັກ​ກົມ  ຄັ້ງ​ທີ II ໃນ​ໄລຍະ 5 ປີ (2015-2019)  ແລະ ສະເໜີທິດທາງ ແລະ ​ໜ້າທີ່​ຈຸດ​ສຸມ​ ໃນ 5 ປີ​ຕໍ່ ໜ້າ (ແຕ່​ປີ 2020-2024).ໃນ​ໄລຍະ​ຜ່ານ​ມາ​ໜ່ວຍ​ພັກ​ໄດ້​ເອົາໃຈໃສ່​ສ້າງ ແລະ​ ປະຕິບັດ​ແຜນການ​ສ້າງ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ ຜ່ານ​ການຈັດຕັ້ງ​ປະຕິບັດ​ສາມາດ​ປະຕິບັດ​ໄດ້​ຮ້ອຍ​ສ່ວນ​ຮ້ອຍ​ຂອງ​ແຜນການ ຈຶ່ງ​ໄດ້​ຮັບ​ການ ​ຢັ້ງຢືນ​ເປັນ​ໜ່ວຍ​ພັກ​ປອດ​ໄສ ເຂັ້ມ ແຂງ ແລະ ໜັກ​ແໜ້ນ 2 ຄັ້ງ ປີ (2015-2018).
ໃນ​ກອງ​ປະຊຸມ​ໄດ້​ປ່ອນ​ບັດ​ເລືອກ​ເອົາ​ຄະນະ​ຊຸດ​ໃໝ່ ໃນ​ນັ້ນ​ໄດ້​ເລືອກ​ຕັ້ງ ສະຫາຍ ສີສະ​ຫວາດ  ກົມ​ພົນ  ເປັນ​ເລ ຂາ​ໜ່ວຍ​ພັກ​ກົມ ນຜພອ ແລະ ສະຫາຍ ແສງ​ອາ​ລຸນ ຫຼວງ​ລາດ   ເປັນ​ປະທານ​ກວດ​ກາ.
   ໃນ​ກອງ​ປະຊຸມ​ໄດ້​ຮັບ​ຟັງ​ການ​ໂອ້​ລົມ​ຂອງ ສະຫາຍ ຄຳ​ແພງ ໄຊ​ສົມ​ແພງ ຊຶ່ງ​ກ່ອນອື່ນ ​ສະຫາຍ​ໄດ້​ສະແດງ​ຄວາມ​ຍ້ອງ ຍໍ​ຊົມເຊີຍ​ຕໍ່​ຜົນສຳເລັດ​ທີ່​ຄະນະ​ໜ່ວຍ​ພັກ ແລະ​ ສະມາຊິກ​ພັກ ພະນັກງານ​ຂອງ​ໜ່ວຍ​ພັກ​ທີ່​ຍາດ​ມາ​ໄດ້​ຕະຫຼອດ​ໄລຍະ 5 ປີ​ທີ່​ຜ່ານ​ມາ ແລະ  ເຊື່ອ​ໝັ້ນວ່າ ​ກອງ​ປະຊຸມ​ໃຫຍ່​ຄັ້ງ​ນີ້​ຈະ​ກາຍ ເປັນ​ບັ້ນ​ຊີວິດ​ການເມືອງ​ທີ່​ສຳ ຄັນເປັນ​ເຂັມ​ທິດ​ເຍືອງ​ທາງ​ໃຫ້​ແກ່​ໜ່ວຍ​ພັກ  ແລະ  ບັນດາສະ ມາຊິກ​ພັກ ພະນັກງານ ​ໃນ​ການ​ເພີ່ມ​ທະວີ​ບົດບາດ​ການນຳ ພາ ແລະ ພັດທະນາ​ວຽກ​ງານ​ນະໂຍບາຍ​ຕໍ່​ຜູ້​ມີ​ຜົນງານພິ ການ ແລະ ຜູ້​ອາຍຸ​ສູງໃຫ້​ເຕີບ​ໃຫຍ່​ຂະຫຍາຍຕົວ​ຢ່າງ​ບໍ່​ຢຸດ​ຢັ້ງ. (ຂ່າວ: ມະ​ລິ, ພາບ: ພູ​ວັນ)