Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

penduduk yg bergabung masih Main Kian banyak hal daftar sbobet website bertarung toko online yang khususnya kepada bertaruh lapak online wara wiri Teranyar Karena kemudian sediakan

layanan kembali promosi-promosi yg mengunggut bola tangkas kepada membernya. Pastinya web bertarung toko online bolak-balik yg sudah menegakkan tatkala berulang sangatlah terpercaya.

ລັດຖະບານລາວ ປະດັບຫຼຽນກາມິດຕະພາບໃຫ້ທູດກຳປູເຈຍ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 25/03/2020 08:34:49 ຈຳ​ນວນ​​ຢ້ຽມ​ຊົມ 2118 ຄັ້ງ

  ລັດຖະບານ ແຫ່ງ ສປປ ລາວ ໄດ້​ປະດັບ​ຫຼຽນ​ກາ​ມິດຕະພາບ ໃຫ້​ແກ່ ທ່ານ ແຈງ ມານິດ (CHENG Manith)  ເອກ​ອັກ​ຄະ​ຣາ​ຊະ​ທູດ ແຫ່ງ ຣາ​ຊະ​ອານາຈັກ ກຳປູເຈຍ ປະຈຳ ສປປ ລາວ ໃນ​ໂອກາດ​ທີ່​ທ່ານ​ສໍາ​ເລັດ​ການ​ປະຕິບັດ​ໜ້າທີ່​ການ​ທູດຢູ່ ລາວ.ພິທີ​ປະດັບ​ຫຼຽນ​ດັ່ງກ່າວໄດ້​ມີ​ຂຶ້ນ​ໃນ​ວັນ​ທີ   23  ມີນາ​ນີ້   ທີ່​ກະຊວງ​ການ​ຕ່າງປະເທດ   ໂດຍ​ແມ່ນທ່ານ  ສະເຫຼີມ​ໄຊ  ກົມ​ມະ​ສິດ   ລັດຖະມົນຕີ​ກະຊວງ​ການ​ຕ່າງປະເທດ ຕາງໜ້າ​ໃຫ້​ລັດຖະບານ ແຫ່ງ ສປປ ລາວ ເປັນ​ຜູ້​ປະ​ດັບ.
  ທ່ານ  ແຈງ  ມານິດ  ໄດ້ຖືກ​ ແຕ່ງຕັ້ງ​ໃຫ້​ມາ​ດໍາ​ລົງ​ຕໍາ​ແໜ່ງ ​ເປັນເອກ​ອັກ​ຄະ​ຣາຊະ​ທູດ ແຫ່ງ ຣາ​ຊະ​ອານາຈັກ ກໍາ​ປູ​ເຈຍ ປະ​ຈໍາ ສປປ ລາວ ນັບຕັ້ງແຕ່​ ເດືອນ​ພຶດສະພາ 2017   ຊຶ່ງຕະຫຼອດ​ໄລຍະ​ເວລາຂອງການປະຕິບັດ​ໜ້າທີ່ທ່ານ​ໄດ້​ປະກອບສ່ວນ​ຢ່າງ​ຫ້າວຫັນ​ເຂົ້າ​ໃນ​ການ​ເສີມ​ຂະຫຍາຍ​ສາຍ​ພົວພັນ​ມິດຕະພາບ​ສອງ​ຝ່າຍ ລາວ​-ກໍາ​ປູ​ເຈຍ  ໃນ​ຖານະ​ເປັນ​ເພື່ອນ​ມິດ​ສະໜິດສະໜົມ,  ເປັນ​ບ້ານ​ໃກ້​ເຮືອນ​ຄຽງ,  ບ້ານ​ພີ່​ເມືອງ​ນ້ອງ, ບ້ານ​ແກ່ວ​ເມືອງ​ດອງ  ແລະ ການ​ຮ່ວມ​ມື​ມາ​ແຕ່​ບູຮານ​ນະ​ການ ລະຫວ່າງ ສອງ​ພັກ, ສອງ​ລັດ ແລະ ປະຊາຊົນ ສອງ​ຊາດ ລາວ​-ກໍາ​ປູ​ເຈຍ ໃຫ້​ນັບ​ມື້​ນັບ​ຂະຫຍາຍຕົວ​ຂຶ້ນ​ຢ່າງ​ບໍ່​ຢຸດ​ຢັ້ງ.
  ໃນ​ວັນ​ດຽວ​ກັນ, ທ່ານ​ເອກ​ອັກ​ຄະ​ຣາ​ຊະ​ທູດ ແຈງ ມານິດ ກໍ​ໄດ້​ເຂົ້າ​ຢ້ຽມ​ອໍາ​ລາທ່ານ​ລັດຖະມົນຕີ ສະເຫຼີມ​ໄຊ ກົມ​ມະ​ສິດ. ໃນ​ໂອກາດ​ນີ້, ທ່ານ​ລັດຖະມົນຕີ ສະເຫຼີມ​ໄຊ ກົມ​ມະ​ສິດ ກໍ​ໄດ້​ສະແດງ​ຄວາມ​ຊົມເຊີຍ ແລະ ຕີ​ລາຄາ​ສູງ ຕໍ່​ການ​ປະກອບສ່ວນ​ທີ່​ຫ້າວຫັນ​ຂອງທ່ານ​ເອກ​ອັກ​ຄະ​ຣາ​ຊະ​ທູດ ແຈງ ມານິດ ທີ່​ໄດ້​ສໍາເລັດການ​ປະຕິບັດ​ໜ້າທີ່​ການ​ທູດຢູ່ ສປປ ລາວ ດ້ວຍ​ຜົນ​ສໍາ​ເລັດ​ຢ່າງ​ຈົບງາມ  ໂດຍ​ສະເພາະ​ແມ່ນການ​ຮ່ວມ​ມື​ໃນ​ການ​ຊຸກຍູ້​ການ​ເຂົ້າ​ຮ່ວມ​ກອງ​ປະຊຸມ​ຄະ​ນະ​ກໍາ​ມາ​ທິ​ການ​ຮ່ວມ ວ່າ​ດ້ວຍ​ການ​ຮ່ວມ​ມື​ສອງ​ຝ່າຍ ລາວ​-ກໍາ​ປູ​ເຈຍ ຄັ້ງ​ທີ  13  ທີ່ນະຄອນຫຼວງ​ວຽງ​ຈັນ ໃນ​ເດືອນກຸມພາ 2019; ຊຸກຍູ້​ການ​ແລກປ່ຽນ​ການ​ຢ້ຽມຢາມ ລະຫວ່າງການ​ນໍາ​ຂັ້ນ​ສູງ​ຂອງ​ສອງ​ປະເທດ; ຊຸກຍູ້​ການ​ຍົກ​ລະດັບ​ການ​ພົວພັນ​ຮ່ວມ​ມື​ສອງ​ ຝ່າຍ​ຂຶ້ນ​ເປັນ​ຄູ່​ຮ່ວມຍຸດທະສາດ​ຮອບດ້ານ ແລະ ໝັ້ນຄົງ​ຍາວ​ນານ ໃນ​ປີ 2019; ຊຸກຍູ້​ການ​ຮ່ວມ​ມືລະຫວ່າງກະຊວງທີ່ກ່ຽວຂ້ອງ​ຂອງ​ສອງປະເທດໃຫ້​ຂະຫຍາຍຕົວ​ເຂົ້າ​ສູ່​ລວງ​ເລິກ​ລວງ​ກວ້າງ ຈົນ​ສາມາດ​ລົງ​ນາມ​ເອກະສານ​ຮ່ວມ​ກັນ 12 ສະບັບ ເປັນຕົ້ນ: ດ້ານ​ພະລັງງານ, ດ້ານ​ວັດ​ທະ​ນະ​ທໍາ ແລະ ສິລະ​ປະ​ກໍາ, ດ້ານ​ການ​ສຶກສາ, ດ້ານສາສະໜາ ແລະ ແຮງ​ງານ. ພິເສດ ແມ່ນ​ຖະແຫຼງການ​ຮ່ວມລະຫວ່າງສອງ​ລັດຖະບານລາວ ແລະ ກໍາ​ປູ​ເຈຍ. 
  ພ້ອມ​ດຽວ​ກັນ​ນັ້ນ, ທ່ານ ສະເຫຼີມ​ໄຊ ກົມ​ມະ​ສິດ ກໍ​ໄດ້​ຕາງໜ້າ​ໃຫ້​ລັດຖະບານ ແລະ ປະຊາຊົນ​ລາວສະແດງ​ຄວາມ​ຂອບໃຈ​ຢ່າງ​ຈິງ​ໃຈ​ຕໍ່ທ່ານ​ທູດ ແລະ ໂດຍ​ຜ່ານ​ທ່ານ​ທູດ ໄປ​ຍັງ​ລັດຖະບານ ແລະ ປະຊາ​ຊົນ​ກໍາ​ປູ​ເຈຍ  ທີ່ໄດ້ໃຫ້ການສະ ໜັບສະໜູນ ແລະ ການ​ຊ່ວຍເຫຼືອແກ່ ສປປ ລາວ ໃນ​ໄລຍະ​ຜ່ານ​ມາ, ອວຍ​ໄຊ​ໃຫ້​ພອນ​ແກ່​ທ່ານ​ທູດຈົ່ງ​ມີ​ສຸຂະພາບ​ເຂັ້ມ​ແຂງ, ມີ​ຄວາມ​ຜາ​ສຸກ, ປະສົບ​ຜົນ​ສໍາ​ເລັດ​ໃນ​ໜ້າທີ່​ອັນ​ໃໝ່​ທີ່​ມີ​ກຽດ​ສູງ​ສົ່ງ​ຂອງ​ທ່ານ​ທູດ ແລະ ເດີນທາງ​ກັບ​ຄືນ​ປະເທດ​ດ້ວຍ​ຄວາມ​ສະຫວັດດີ​ພາບ.
  ທ່ານ​ເອກ​ອັກ​ຄະ​ຣາ​ຊະ​ທູດ ແຈງ ມານິດ ກໍ​ໄດ້​ສະແດງ​ຄວາມ​ຂອບໃຈມາ​ຍັງທ່ານ ສະເຫຼີມ​ໄຊ ກົມ​ມະ​ສິດ ແລະ ລັດຖະບານ ແຫ່ງ ສປປ ລາວ ທີ່​ໄດ້​ໃຫ້ການ​ຮ່ວມ​ມື​ເປັນ​ຢ່າງ​ດີ​ຕະຫຼອດ​ໄລຍະ​ການ​ປະຕິບັດ​ໜ້າທີ່​ການ​ທູດ​ຂອງ​ຕົນ ຢູ່ ສປປ ລາວ  ອັນ​ໄດ້​ເຮັດ​ໃຫ້ການ​ປະຕິບັດ​ໜ້າທີ່​ການ​ທູດ​ຂອງ​ທ່ານ​ປະສົບ​ຜົນ​ສໍາ​ເລັດ​ໄດ້​ຢ່າງ​ຈົບ​ງາມ.(ຂ່າວ: ກະຊວງ​ການ​ຕ່າງປະເທດ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110