ໜັງສືພິມ ປະຊາຊົນ

ຜູ້ນຳຫວຽດນາມ ຮຽກຮ້ອງໃຫ້ປະຕິບັດ 3 ຮອບປ້ອງກັນ COVID-19

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 25/03/2020 08:52:46 ຈຳນວນຢ້ຽມຊົມ 474 ຄັ້ງ

ວິທະຍຸກະຈາຍສຽງຫວຽດນາມລາຍງານວ່າ: ວັນທີ 23 ມີນາຜ່ານມາ, ຢູ່ນະຄອນຫຼວງຮ່່າໂນ້ຍ, ທ່ານ ຫງວຽນຊວັນຟຸກ ນາຍົກລັດຖະມົນຕີຫວຽດນາມ ໄດ້ເປັນປະທານກອງປະຊຸມຄະນະປະຈໍາລັດຖະບານ ກ່ຽວກັບວຽກງານປ້ອງກັນ, ສະກັດກັ້ນໂຣກລະບາດ COVID-19.
ທ່ານ ຫງວຽນຊວັນຟຸກ ເຕືອນວ່າ: ບັນດາເຂດແຍກຕົວລວມໝູ່ແມ່ນມີການສໍາຜັດລະຫວ່າງ ຜູ້ແຍກຕົວມາກ່ອນ ກັບ ຜູ້ແຍກຕົວມາໃໝ່ ຊຶ່ງອາດຈະພາໃຫ້ເກີດການຕິດແປດ ຕໍ່ກັນຢູ່ໃນເຂດດຽວກັນ ສະ ນັ້ນ, ທ່ານນາຍົກລັດຖະມົນຕີຫວຽດນາມ ຮຽກຮ້ອງໃຫ້ບັນດາກະຊວງ, ຂະແໜງການສະເໜີບັນດາມາດຕະການປ້ອງກັນ ແລະ ສະກັດກັ້ນໂຣກລະບາດຢ່າງຂ້ຽວຂາດກວ່າເກົ່າ. ທ່ານ ຫງວຽນຊວັນຟຸກ ກ່າວຕື່ມວ່າ: ພວກເຮົາຕ້ອງປະຕິບັດ 3 ຮອບໃຫ້ເປັນຢ່າງດີເຊັ່ນ: ຮອບໜຶ່ງ; ແມ່ນສືບຕໍ່ຄວບຄຸມການເຄື່ອນໄຫວເຂົ້າ - ອອກເມືອງໃຫ້ແໜ້ນແຟ້ນ, ເຂັ້ມງວດ ນັບທັງທາງບົກ, ທາງອາ ກາດ, ທາງນໍ້າ ແລະ ທາງລົດ ໄຟ ດ້ວຍບັນດາມາດຕະການ ກວດສຸຂະພາບຢ່າງເຄັ່ງຄັດ. ຮອບສອງ; ແມ່ນສືບຕໍ່ຈັດຕັ້ງການແຍກຕົວລວມໝູ່ໃຫ້ຖືກຕ້ອງຕາມຂໍ້ກໍານົດ ແລະ ປະຕິບັດຢ່າງຂ້ຽວຂາດກວ່າ ເກົ່າເຖິງຈະສິ້ນເປືອງເງິນທຶນ ກໍຕາມ. ຮອບສາມ; ແມ່ນຕ້ອງມີແບບວິທີແຍກຕົວພິເສດຢູ່ກັບບ່ອນພັກອາໄສຂອງຄອບ ຄົວ ຫຼື ສະຖານທີ່ຢູ່ໃກ້ການຕິດ ຕາມກວດກາຂອງຂະແໜງສາທາລະນະສຸກຕາມຂໍ້ກໍານົດຢ່າງແໜ້ນແຟ້ນ, ບໍ່ປະໃຫ້ແຜ່ລະບາດອອກສູ່ວົງຄະນາຍາດ. ຂ້າພະເຈົ້າເຕືອນວ່າ: ໄລຍະໃໝ່ນີ້, ຄວາມສ່ຽງແຜ່ລະບາດອອກສູ່ວົງຄະນາຍາດແມ່ນສູງທີ່ສຸດ. ສະນັ້ນ, ຕ້ອງມີມາດຕະການສະກັດກັ້ນຢ່າງແຂງແຮງ.