ເພີ່ມທະວີວຽກງານການເມືອງແນວຄິດຂອງພັກໃນເງື່ອນໄຂໃໝ່

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 26/03/2020 09:52:19 ຈຳ​ນວນ​​ຢ້ຽມ​ຊົມ 490 ຄັ້ງ

    ວຽກ​ງານ​ການ​ເມືອງ​- ​ແນວ​ຄິດເປັນ​ຂະແໜງ​ວິທະຍາ ສາດ​ສັງຄົມ​ໜຶ່ງທີ່​ກະທົບ​ເຂົ້າ​ໃສ່​ພາກສ່ວນ​ບັນຊາ​ຂອງ​ຄົນ​ເຮົາ ຊຶ່ງ​ນັບ​ແຕ່​ມື້​ພັກ​ເຮົາ​ກໍາ ​ເນີ​ດ​ຂຶ້ນກໍໄດ້​ກໍາ​ນົດ​ທັດສະນະ ແລະ ຖື​ເອົາ​ວຽກ​ງານ​ການ​ເມືອງ​-​ແນວ​ຄິດ ເປັນ​ພາຫະນະ​ອັນ​ແຫຼມ​ຄົມ ເປັນ​ສ່ວນ​ປະກອບ​ໜຶ່ງທີ່​ສໍາ​ຄັນ​ໃນ​ການ​ກໍ່ສ້າງພັກ, ສ້າງ​ພະນັກງານ ແລະ ຖື​ວຽກ​ ງານ​ນີ້​ເປັນ​ໜ້າ​ທີ່​ສໍາ​ຄັນ​ພື້ນ ຖານ, ເປັນ​ວຽກ​ງານ​ກົກ, ເປັນ ​ວຽກ​ງານ ທີ່​ເຮັດ​ເປັນ​ປະ​ຈໍາ ແລະ ສອດ​ຫ້ອຍ​ໄປ​ທຸກ​ຂົງ ເຂດ​ວຽກ​ງານ ບໍ່​ວ່າ​ຈະ​ເຮັດວຽກ ​ໃດ​ກໍ່​ຕ້ອງ​ມີ​ການ​ນໍາ​ພາ​ການ​ເມືອງ​-​ແນວ​ຄິດ, ມີ​ການຊີ້​ ແຈງ​ອະທິບາຍ​ໃຫ້​ສັງຄົມ​ເຂົ້າ ໃຈ​ແຈ້ງ ເພື່ອ​ນໍາ​ໄປ​ຈັດ​ຕັ້ງປະ ຕິບັດ, ຍ້ອນ​ຄວາມ​ສໍາ​ຄັນ​ດັ່ງ ກ່າວ ພັກ​ເຮົາ​ຈຶ່ງ​ມີ​ມະຕິ​ກ່ຽວ​ກັບ​ວຽກ​ງານ​ການ​ເມືອງ​-​ແນວ​ຄິດ​ໃນ​ແຕ່​ລະ​ໄລຍະ​ຂອງ​ການ​ປະຕິວັດ​ເພື່ອ​ສຶກສາ​ອົບ​ຮົມ​ນໍາ​ພາ​ແນວ​ຄິດ​ໃນ​ທົ່ວ​ພັກ, ທົ່ວ​ກໍາ​ລັງ​ປະກອບ​ອາວຸດ ແລະ ທົ່ວ​ປວງ​ຊົນ​ເຂົ້າໃຈ ແລະ ກໍາ​ແໜ້ນ​ລະບົບ​ແນວ​ຄິດ​ຂອງ​ພັກ ເພື່ອ​ເຮັດ​ສໍາ​ເລັດ​ໜ້າທີ່​ການເມືອງ​ຂອງ​ຕົນ.
   ປະຕິບັດ​ມະຕິ​ກອງ​ປະຊຸມ​ໃຫຍ່ ຄັ້ງ​ທີ X ຂອງ​ພັກ, ສູນ​ກາງ​ພັກໄດ້​ສຸມ​ໃສ່​ຊີ້​ນໍາ-ນໍາ​ພາ​ວຽກ​ງານ​ການ​ເມືອງ​-​ແນວ​ຄິດ​ຢ່າງ​ໃກ້ຊິດ; ຄະນະ​ພັກ​-​ຄະນະ​ໂຄສະນາ​ອົບຮົມ​ຂັ້ນ​ຕ່າງໆ​ໃນ​ທົ່ວ​ປະເທດ ໄດ້​ເປັນ​ເຈົ້າ​ການຈັດຕັ້ງ​ປະຕິບັດ​ການ​ສຶກສາ​ອົບຮົມ​ການເມືອງ ແລະ ນໍາ​ພາ​ແນວ​ຄິດ ເຮັດ​ໃຫ້​ວຽກ​ງານ​ດັ່ງກ່າວ​ສອດ​ຫ້ອຍ​ຕິດ​ພັນ​ກັບ​ວຽກ​ງານ​ກໍ່ສ້າງ​ພັກ​-​ພະນັກງານ, ຂະບວນ​ປົກ​ປັກ​ຮັກສາ ແລະ ພັດທະນາ​ປະເທດ, ບັນດາ​ເນື້ອ​ໃນ ແລະ ວິ​ທີ​ດໍາ​ເນີນ​ວຽກ​ງານ​ການ​ເມືອງ​-​ແນວ​ຄິດ​ຂອງ​ພັກ​ເຮົາ ໄດ້​ຮັບ​ການ​ປັບປຸງ​ໃຫ້​ຕິດ​ແທດ​ກັບ​ໜ້າທີ່​ການເມືອງ ແລະ ສະພາບ​ການ​ທີ່​ພົ້ນ​ເດັ່ນ ໂດຍ​ເນັ້ນ​ໜັກ​ການ​ໂຄສະນາ, ອະທິບາຍ, ຊີ້​ແຈງ ແລະ ປຸກລະດົມ​ມະຫາຊົນ​ຈັດ​ຕັ້ງ​ປະຕິບັດ​ແນວທາງ​ຂອງ​ພັກ​ໃຫ້​ເກີດ​ຜົນ​ຕົວ​ຈິງ, ເຊີດ​ຊູ​ຄວາມ​ເປັນ​ແບບຢ່າງ​ຂອງ​ສະມາຊິກ​ພັກ​-​ພະນັກງານ, ຕ້ານ​ປະກົດ​ການ​ຫຍໍ້ທໍ້ ແລະ ທັບ​ມ້າງ​ທຸກ​ກົນອຸບາຍ​ຂອງ​ອິດ​ທິ​ກໍາ​ລັງ​ປໍ​ລະ​ປັກ ແລະ ກຸ່ມ​ຄົນ​ບໍ່​ດີ​ຢ່າງ​ທັນ​ການ.
   ຢືນ​ຢູ່​ຕໍ່ໜ້າ​ສະພາບການ ​ໃໝ່, ພວກ​ກຸ່ມ​ຄົນ​ບໍ່​ດີ ໄດ້​ເຄື່ອນ​ໄຫວ​ມ້າງ​ເພ​ທໍາ​ລາຍການ​ປະ ຕິວັດ​ໂລກ ແລະ ການ​ປະຕິວັດ​ເຮົາ​ໃນ​ທຸກ​ດ້ານ ລວມ​ທັງ​ການ​ທະຫານ, ການເມືອງ, ການ​ທູດ, ສົງຄາມ​ການ​ຄ້າ​-​ຄ່າ​ເງິນ, ສົງຄາມ​ໄຊ​ເບີ (AI), ສົງຄາມ ຊີວະ​ພາບ...ແລະ ຜ່ານ​ມາ​ທີ່​ເຫັນ​ເຕັມ​ຕາ​ແມ່ນ​ພວກ​ເຂົາ​ໄດ້​ກໍ່​ສົງຄາມ​ຈິດຕະວິທະຍາ​ທີ່​ຈະ​ຫັນປ່ຽນ​ຄົນ​ໃນ​ປະເທດ​ຕ່າງໆ (ມີ​ສີ​ສົ້ມ, ນໍ້າ​ໝາກກ້ຽງ, ດອກ​ມະ​ລິ, ລະ ດູ​ບານ​ໃໝ່...) ອັນ​ໄດ້​ເຮັດ​ໃຫ້​ຄົນ​ຫຼາຍ​ປະເທດ​ທີ່​ບໍ່​ມີ​ຈຸດ​ຢືນ​ຖືກຕ້ອງ  ໄດ້​ຖືກ​ທໍາ​ລາຍ ແລະ ປັດຈຸ​ບັນ​ຊຶ່ງ​ຢູ່​ໃນ​ໄລຍະ​ສະພາບ​ເສດຖະກິດ​ມີ​ຄວາມ​ຫຍຸ້ງຍາກ​ບວກ​ກັບ​ສະພາບ​ໄພ​ນໍ້າ​ຖ້ວມ​ໃນ​ປີ 2019 ແລະ ມີ​ເຫດການ​ພະຍາດ​ໄວ​ຣັດ​ສາຍ​ພັນ​ໃໝ່ ໂຄ​ວິດ-19 ກໍາ​ລັງ​ແຜ່​ລະບາດ​ເກືອບ ທຸກ​ພື້ນ​ທີ່​ຂອງ​ໂລກ ມັນ​ຍິ່ງ​ເລັ່ງ​ທວງ​ໃຫ້​ຄະນະ​ພັກ​-ອໍາ​ນາດ​ການ​ປົກຄອງ​ທຸກ​ຂັ້ນ, ພະນັກງານ, ທະຫານ, ຕໍາ​ຫຼວດ ແລະ ປະຊາຊົນ​ບັນ ດາເຜົ່າ ຈົ່ງ​ເພີ່ມ​ທະວີ​ການ​ນໍາ​ພາ​ການ​ເມືອງ​-​ແນວ​ຄິດ​ໃຫ້​ສູງ​ກວ່າ​ເວລາ​ໃດ​ໝົດ ແລະ ຕ້ອງ​ເຊື່ອ​ໝັ້ນ​ຕໍ່​ການ​ນໍາ​ພາ​ຂອງ​ພັກ ແລະ ລັດຖະ​ບານ​ເຮົາ; ພ້ອມ​ກັນ ຕີ​ຖອຍ​ປະກົດ​ການ​ຫຍໍ້ທໍ້, ການເຄື່ອນໄຫວ​ຂອງ​ພວກ​ຄົນ​ບໍ່​ດີ​ຜ່ານ​ສື່​ມວນ​ຊົນ​ຕ່າງໆ ໂດຍ​ສະເພາະ​ສື່​ສັງຄົມ​ອອນ​ລາຍ ຊຶ່ງ​ໃນ​ຂະນະ​ນີ້​ພວກ​ເຂົາ​ໄດ້​ອອກແຮງ​ສ້າງ​ຂ່າວ​ປອມ, ຂ່າວ​ບິດ​ເບືອນ ແລະ ໂຈມ​ຕີ​ການ​ນຳພາ​ຂອງ​ພັກ, ຂອງ​ລັດ ແລະ  ການ​ດໍາ​ລົງ​ຊີວິດ​ທີ່​ດີງາມ, ຄວາມ​ສະຫງົບ, ປອດ​ໄພ ແລະ ການ​ສ້າງສາ​ພັດທະນາ​ບ້ານ​ເມືອງ​ຂອງ​ປະຊາຊົນ​ເຮົາ.
   ເພື່ອ​ຮັບປະກັນ​ໃຫ້ປະ ເທດ​ຊາດ ສືບຕໍ່​ມີ​ສະຖຽນ​ລະ​ພາບ​ທາງ​ດ້ານ​ການເມືອງ​ຢ່າງ​ໜັກ​ແໜ້ນ  ແມ່ນ​ສືບຕໍ່​ເພີ່ມ​ທະວີ​ຖັນ​ແຖວ​ພະນັກ​ງານ​ເຮັດ​ວຽກ​ງານ​ການ​ເມືອງ​-​ແນວ​ຄິດ​ໃນ​ຫຼາຍ​ດ້ານ ໂດຍ​ບໍາ​ລຸງ​ຍົກ​ລະດັບ​ທາງ​ດ້ານ​ທິດ​ສະ​ດີ​-​ແນວທາງ ແລະ ວິຊາ​ສະເພາະ​ທັງ​ພາຍ​ໃນ ແລະ ຕ່າງປະເທດ, ມີ​ເຄື່ອງມື ແລະ ອຸປະກອນ​ຮັບ​ໃຊ້​ການ​ເຮັດ​ວຽກ​ງານ​ການ​ເມືອງ​-​ແນວ​ຄິດ ໃຫ້​ທັນ​ສະພາບ​ການ;  ກົນ​ໄກ, ການ​ປະສານ​ງານ ເພື່ອ​ຕິດ​ຕາມ​ກໍາ​ແໜ້ນ​ສະພາບ​ແນວ​ຄິດ​-​ຫາງ​ສຽງ​ສັງຄົມ ດໍາ​ເນີນ​ເປັນ​ປົກກະຕິ ແລະ ຮັບ​ຜົນ​ດີ, ການ​ແກ້​ໄຂ​ຫາງ​ສຽງ​ຖ້ອຍ​ທໍາ​ນອງ​ທີ່​ບໍ່​ດີ ກໍເຮັດ​ໄດ້​ວ່ອງໄວ​ທັນ​ການ ແລະ ຖືກ​ກັບ​ເປົ້າ​ໝາຍ​ກ່​ວາ​ເກົ່າ, ວຽກ​ງານ​ຄົ້ນ​ຄ້​ວາ​ທິດ​ສະ​ດີ ແລະ ສັງ​ລວມ​ພຶດຕິ​ກໍາ ເຖິງ​ວ່າ​ເງື່ອນໄຂ ແລະ ລະດັບ​ຄວາມ​ສາມາດ​ຍັງ​ຈໍາ​ກັດ​ຫຼາຍ​ດ້ານ ແຕ່​ດ້ວຍ​ຄວາມ​ບາກບັ່ນ​ພະຍາຍາມ​ຢ່າງ​ສຸດ​ຂີດ​ຈຶ່ງ​ສາມາດ​ຍາດ​ໄດ້ຜົນ​ງານ​ທີ່​ສໍາ​ຄັນ​ຫຼາຍ​ດ້ານ ໂດຍ ສະເພາະ​ໄດ້​ສະໜອງ​ພື້ນຖານ​ທິດ​ສະ​ດີ​ວິທະຍາສາດ​ໃຫ້​ແກ່​ການ​ວາງ​ແນວທາງ​ນະໂຍບາຍ​ຂອງ​ພັກ.
   ເຖິງ​ວ່າການ​ສຶກສາ​ອົບຮົມ​ການ​ເມືອງ​-​ແນວ​ຄິດ ໄດ້​ດໍາ​ເນີນ​ດ້ວຍ​ຫຼາຍ​ຮູບ​ການ ແລະ ຫຼາຍ​ລະດັບ, ແຕ່​ຄວາມ​ຮັບ​ຮູ້ ແລະ ເຂົ້າໃຈ​ຂອງ​ພະນັກງານ ແລະ ປະຊາຊົນ​ເຮົາ ຕໍ່​ແນວທາງ​ປ່ຽນແປງ​ໃໝ່​ຂອງ​ພັກ ຍັງ​ບໍ່​ທັນ​ເລິກເຊິ່ງ ເປັນຕົ້ນ​ບໍ່​ທັນ​ບຸກ​ທະລຸ ເພື່ອ​ຫັນປ່ຽນ​ດ້ານ​ແນວ​ຄິດ​ຈິນຕະນາການ​ຢ່າງ​ເລິກເຊິ່ງ​ເຖິງ​ຖອງ, ການ​ຫັນ​ເນື້ອ​ໃນ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ ກໍ​ຄື​ມະຕິ​ຕ່າງໆ​ເປັນ​ແຜນ​ງານ, ໂຄງການ​ລະອຽດ, ແທດເໝາະ​ກັບ​ຄວາມ​ສາມາດ ແລະ ທ່າແຮງ​ບົ່ມ​ຊ້ອນ​ຈໍາ​ນວນ​ໜຶ່ງ​ຍັງ​ຊັກ​ຊ້າ, ຄະນະ​ພັກ​-​ພະນັກງານ​ການ​ນໍາ​ຢູ່​ຫຼາຍ​ບ່ອນ​ຍັງ​ຖື​ເບົາ​ການ​ໂຄສະນາ​ເຜີຍແຜ່​ແນວທາງ ແລະ ມະຕິ​ຕ່າງໆ​ຂອງ​ພັກ, ຫຼາຍ​ບ່ອນ​ເຮັດ​ແບບ​ຜິວ​ເຜີນ​ບໍ່​ເລິກເຊິ່ງ, ການ​ສຶກສາ​ອົບຮົມ​ການເມືອງ​-​ແນວ​ຄິດ ຍັງ​ຂາດ​ລັກສະນະ​ຕໍ່​ສູ້​-ຕໍາ​ນິ​ວິຈານ, ສະມາຊິກ​ພັກ​-​ພະນັກງານ ຈໍາ​ນວນ​ໜຶ່ງ​ຂາດ​ຄວາມ​ເປັນ​ແບບຢ່າງ, ເສື່ອມ​ຖອຍ​ທາງ​ດ້ານ​ແນວ​ຄິດ ແລະ ອຸດົມ​ການ​ປະຕິວັດ, ເກີດ​ມີ​ແນວ​ຄິດ​ອາຍາ​ສິດ, ສວຍໂອກາດ, ສໍ້​ລາດ​ບັງ​ຫຼວງ, ສວຍ​ໃຊ້​ຖາ​ນະ​ຕໍາ​ແໜ່ງ, ຖື​ຜົນ​ປະໂຫຍ​ດ​ສ່ວນ​ຕົວ​ເໜືອ​ກ່​ວາ​ຂອງ​ຊາດ​-​ຂອງ​ປະຊາຊົນ, ມີ​ແນວ​ຄິດ​ຈຸ້ມ​ເຈື້ອ​ເຊື້ອສາຍ, ກຸ່ມ​ກ້ອນ​ພັກ​ພວກ, ລ່ວງ​ລະເມີດ​ລະບຽບ​ກົດໝາຍ ແລະ ສິດ​ເປັນ​ເຈົ້າ​ຂອງ​ປະຊາຊົນ, ຫຼິ້ນ​ກິນ​ຟຸມ​ເຟືອຍ, ເສລີ​ຊະຊາຍ, ບໍ່​ປະຢັດ ຊຶ່ງ​ເປັນ​ຜົນ​ສະທ້ອນ​ທາງ​ລົບ​ຕໍ່​ພາບ​ພົດ​ບົດບາດ​ອິດ​ທິ​ພົນ​ຂອງ​ພັກ​ເຮົາ ແລະ ບັນຫາ​ອື່ນໆ​ຈໍາ​ນວນ​ໜຶ່ງ.
  ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ X ຂອງ​ພັກ ຢັ້ງຢືນ​ວ່າ: ການ​ປັບປຸງ ແລະ ຍົກ​ສູງ​ຄຸນ​ນະພາ​ບວຽກ​ງານ​ແນວ​ຄິດ, ທິດສະ​ດີ ແມ່ນ​ບັນ​ຫາ​ສໍາ​ຄັນ​ທີ່​ມີ​ລັກສະນະ​ຍຸດທະສາດ, ທັງ​ແມ່ນ​ໜ້າທີ່​ອັນ​ຮີບ​ດ່ວນ​ໃນ​ຊຸມ​ປີ​ຕໍ່ໜ້າ ຊຶ່ງ​ກ່ອນ​ອື່ນ​ໝົດ​ແນໃສ່​ກໍ່ສ້າງ​ພາຍ​ໃນ​ພັກ​ໃຫ້​ມີ​ຄວາມ​​ເຂັ້ມ​ແຂງ, ໜັກ​ແໜ້ນ​ທາງ​ດ້ານ​ການເມືອງ, ແນວ​ຄິດ, ຮັບປະກັນ​ໃຫ້​ທົ່ວ​ພັກ​ຍາມ​ໃດ​ກໍ​ເປັນ​ຕົວ​ແທນ​ແຫ່ງ​ສະຕິປັນຍາ, ມານະ​ຈິດ​ປະຕິວັດ ແລະ ກຽດ​ສັກ​ສີ ພ້ອມ​ກັນ​ນັ້ນ ກໍກ້າວ​ໄປ​ເຖິງ​ເຮັດ​ໃຫ້​ລັດທິ​ມາກ​-​ເລ​ນິນ, ແນວ​ຄິດ ໄກສອນ ພົມວິຫານ ກາຍເປັນ​ພື້ນຖານ​ແຫ່ງ​ແນວ​ຄິດ ແລະ ການ​ກະ​ທໍາ​ຂອງ​ປະຊາຊົນ​ໃນ​ທົ່ວ​ສັງຄົມ ເຮັດ​ໃຫ້​ທົ່ວ​ສັງຄົມ​ເຮົາ​ມີ​ຄວາມ ຮັບ ​ຮູ້​ເຂົ້າໃຈ, ມີ​ຄວາມ​ເຊື່ອໝັ້ນ, ສະໜັບສະໜູນ ແລະ ຕື່ນຕົວ​ ປະຕິບັດ​ຢ່າງ​ຕັ້ງໜ້າຕໍ່ທຸກທັດ ສະນະ, ແນວທາງ​ນະໂຍບາຍ​ຂອງ​ພັກ ແລະ ລັດ​ເຮົາ.
    ໃນ​ຊຸມ​ປີ​ຕໍ່ໜ້າ​ນີ້ ສືບຕໍ່​ປ່ຽນແປງ​ໃໝ່​ດ້ານ​ເນື້ອ​ໃນ, ຮູບ​ການ ແລະ ຍົກ​ສູງ​ຄຸນ​ນະພາ​ບວຽກ​ງານ​ແນວ​ຄິດ, ຮໍ່າ​ຮຽນ​ທິດ​ສະ​ດີ​ມາກ​-​ເລ​ນິນ, ແນວທາງ, ທັດສະນະ​ຂອງ​ພັກ,    ນະໂຍບາຍ ແລະ ກົດໝາຍ​ຂອງ​ລັດ, ສຶກສາ​ອົບຮົມ​ມູນເຊື້ອ​ຮັກ​ຊາດ ແລະ ໂຄສະນາ​ປຸກ ລະດົມ​ປັດໄຈ​ໃໝ່, ຕົວ​ແບບ​ທີ່​ກ້າວໜ້າ, ບຸກຄົນ​ແບບ​ຢ່າງ​-​ວຽກ​ດີ​ຄົນ​ເດັ່ນ​ໃຫ້​ພະນັກ​ງານ​-​ສະມາຊິກ​ພັກ ແລະ ປະຊາຊົນ​ໄດ້​ຮຽນ​ຮູ້, ສ້າງ​ຂໍ້​ກໍາ​ນົດ​ໃຫ້​ສະມາຊິກ​ພັກ ມີ​ຄວາມ​ຮັບຜິດຊອບ​ຕໍ່​ວຽກ​ງານ​ແນວ​ຄິດ​ໂດຍ​ກົງ ເພື່ອ​ກໍາ​ແໜ້ນ​ຕີ​ລາຄາ​ສະພາບ​ແນວ​ຄິດ ແລະ ມີ​ວິທີ​ແກ້​ໄຂ​ທັນ​ເວລາ, ການ​ສຶກສາ​ອົບຮົມ​ການ​ເມືອງ​-​ແນວ​ຄິດ ຕິດ​ແໜ້ນ​ສອດ​ຫ້ອຍ​ໄປ​ນໍາ​ທຸກ​ວຽກ​ງານ​ຂອງ​ພັກ ແລະ ລັດ ເຮັດ​ໃຫ້​ພະນັກ​ງານ​ກໍາ​ແໜ້ນ​ແນວທາງ​ນະໂຍບາຍ, ມີ​ຄຸນ​ທາດ​ການເມືອງ ແລະ ມີ​ຄວາມ​ຮັບຜິດຊອບ​ສູງ​ໃນ​ການ​ປະຕິບັດ​ໜ້າທີ່, ມີ​ທັດສະນະ​ຄະຕິ ແລະ ໂລກະ​ທັດ​ວິທະ​ຍາ​ສາດ, ເປັນ​ເຈົ້າ​ການ​ໃນ​ການ​ປົກ​ປ້ອງ​ແນວທາງ ແລະ ອຸດົມ​ການ​ຂອງ​ພັກ, ຕີ​ຖອຍ ແລະ ຕອບ​ຕ້ານ​ສິ່ງ​ຫຍໍ້ທໍ້​ເສື່ອມ​ຊາມ​ຢູ່​ໃນ​ພັກ ແລະ ໃນ​ສັງຄົມ, ສືບຕໍ່​ປັບປຸງ​ວຽກ​ງານ​ໂຄສະນາ​ອົບຮົມ​ຂອງ​ພັກ​ໃຫ້​ມີ​ຄຸນ​ນະ​ພາບ, ເພີ່ມ​ທະວີ​ການ​ຍົກ​ລະດັບ​ຄວາມ​ສາມາດ​ຂອງ​ບັນດາ​ອົງ ການ​ເຮັດ​ວຽກ​ງານ​ແນວ​ຄິດ ຕິດ​ພັນ​ກັບ​ການ​ຍົກ​ສູງ​ຄວາມ​ສາ​ມາດ​ນໍາ​ພາ​-​ຊີ້​ນໍາ​ຂອງ​ຄະນະ​ພັກ​ຕໍ່​ວຽກ​ງານ​ແນວ​ຄິດ, ທິດ​ສະ​ດີ ໂດຍ​ສະເພາະ​ຄວາມ​ສາມາດ​ໃນ​ການ​ຄົ້ນ​ຄ້​ວາ, ກໍາ​ແໜ້ນ ແລະ ຫັນ​ເປັນ​ແຜນ​ກໍາ​ນົດ, ແຜນການ ແລະ ໂຄງການ​ຂອງ​ຂັ້ນ​ຕົນ ທັງ​ຈັດ​ຕັ້ງ​ປະຕິບັດ​ໃຫ້​ເກີດ​ຜົນ​ຕົວ​ຈິງ​ອີກ​ດ້ວຍ.

 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110