ຫົວ​ຂໍ້ : ພະແນກອຸດສາຫະກຳ-ການຄ້າ ແຂວງສະຫວັນນະເຂດ ດຳເນີນກອງປະຊຸມໃຫຍ່

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 26/03/2020 09:53:21 ຈຳ​ນວນ​ຜູ້​ເຂົ້າ​ຢ້ຽມ​ຊົມ 480 ຄັ້ງ

   ບັນ­ດາ​ຄະ­ນະ​ພັກ​ຮາກ​ຖານ ແລະ​ ສະ­ມາ­ຊິກ​ພັກ​ພາຍ​ໃນພະ ​ແນ​ກ​ອຸດ­ສາ­ຫະ­ກຳ  ແລະ  ​ການ ​ຄ້າ​ແຂວງ​ສະ­ຫວັນ​ນະ​ເຂດ  ພ້ອມ​ດ້ວຍ​ແຂກ​ຖືກ​ເຊີນ​ໄດ້​ເຂົ້າ​ຮ່ວມ​ກອງ​ປະ­ຊຸມ​ໃຫຍ່​ ຄັ້ງ​ທີ III ຄະ ­ນະ​ພັກ​ຮາກ​ຖານ​ພະ​ແນ​ກ​ອຸດ ­ສາ­ຫະ­ກຳ ແລະ ​ການ​ຄ້າ​ແຂວງ​ ຫວ່າງ​ແລ້ວນີ້  ເຂົ້າ​ຮ່ວມ​ເປັນ​ປະ ­ທານ ໂດຍສະ­ຫາຍ   ທ່ອນ​ແກ້ວ  ພຸດ​ທະ​ໄກ​ຍະ​ລາດ   ຄະນະປະ ­ຈຳ​ພັກ​ແຂວງ   ຮອງເຈົ້າແຂວງ​ສະ­ຫວັນ​ນະ​ເຂດ  ພ້ອມ​ດ້ວຍ​ຄະ­ນະ​ຈັດ​ຕັ້ງ​ແຂວງ ແລະ​ ຄະ ­ນະ​ພັກ​ຮາກ​ຖານ​ພະ​ແນກເຂົ້າ​ຮ່ວມ.
   ພາຍ­ຫຼັງ​ກ່າວ​ເປີດ​ກອງ​ປະ­ ຊຸມ​ຢ່າງ​ເປັນ​ທາງ​ການ​ແລ້ວ, ສະ­ ຫາຍ ສີ­ວິ­ໄລ ວິ­ໄລ​ສັກ ຄະນະພັກ​ຮາກ​ຖານ ຫົວ­ໜ້າຂະແໜງ ­ການ​ຄ້າ​ແຂວງກໍໄດ້​ຜ່ານ​ບົດລາຍ​ງານ ​ການ­ເມືອງ​ພາກ I ແລະ II ຊຶ່ງ​ມີ​ເນື້ອ​ໃນ​ບາງຕອນສະຫາຍ​ໃຫ້​ຮູ້​ວ່າ:  ຮາກ​ຖານ​ພັກພະແນ​ກ​ອຸດ ­ສາ­ຫະ­ກຳ  ແລະ​  ການຄ້າແຂວງ ສະຫວັນນະເຂດ ໄດ້​ຖືກ​ສ້າງ ­ຕັ້ງ​ຂຶ້ນ​ໃນວັນທີ 30 ມີ­ນາ 2011 ຜ່ານ​ມາ,   ພາ­ລະ​ບົດບາດ ແລະ ໜ້າ­ທີ່​ການເມືອງຕົ້ນຕໍແມ່ນ ເປັນເສນາທິການໃຫ້ແກ່​ອົງຄະ​ ນະ​ພັກ​ແຂວງ  ໃນ​ການ​ຊີ້​ນຳ- ນຳ­ພາ​ຄົ້ນ­ຄວ້າເຊື່ອມຊຶມຈັດ ຕັ້ງ ຜັນຂະຫຍາຍບັນດາແນວ­ທາງ​ນະ­ໂຍ­ບາຍ,  ນິ­ຕິ​ກຳ​ຂອງພັກ ແລະ​ ລະ­ບຽບກົດໝາຍຂອງ​ລັດ​ໃຫ້​ແກ່​ສະ​ມາຊິກພັກ-​ພະ­ນັກ ­ງານໄດ້​ຮັບ​ຮູ້​ເຂົ້າໃຈເປັນ​ເອ­ກະ​ພາບ​ໃນ​ການ­ຈັດ­ຕັ້ງ​ປະຕິ­ບັດ ແລະ ​ຮູ້ໝູນ​ໃຊ້​ເຂົ້າ​ໃນວຽກ ງານ ຕົວຈິງ. ຮາກຖານພັກ​ພະ​ແນ​ກ​ອຸດ­ສາ­ຫະ­ກຳ  ແລະ​ ການຄ້າແຂວງ ສະຫວັນ​ນະ​ເຂດມີ 8  ໜ່ວຍ ພັກອ້ອມ​ຂ້າງຂຶ້ນກັບ ແລະ ​ມີ​ຈຳນວນສະມາຊິກພັກ  ທັງ​ໝົດ 70 ສະຫາຍ  ຍິງ 18 ສະຫາຍ, ຊີ້​ນຳ-ນຳ­ພາ ​ ໃນວຽກງານ​ດ້ານ​ຕ່າງໆເຊັ່ນ:  ວຽກ​ງານ​ກວດກາ​ລັດ,  ວຽກ​ງານ​ແຜນ­ການ  ແລະ ​ການ​ຮ່ວມ​ມື, ວຽກ​ງານ​ອຸດ­ສາ ­ຫະ­ກຳ ແລະ​  ຫັດ­ຖະ­ກຳ, ວຽກ​ງານ​ການ​ຄ້າ​ພາຍ​ໃນ,   ວຽກງານ ​ທະ­ບຽນ ແລະ ​ວິ​ສາ​ຫະ​ກິດ, ວຽກ​ງານ​ນຳ​ເຂົ້າ ແລະ​ ສົ່ງ​ອອກ, ວຽກ​ງານ​ສົ່ງ­ເສີມ​ວິ​ສາ​ຫະ​ກິດ​ຂະໜາດ ​ນ້ອຍ ແລະ ​ກາງ​  ແລະ ​ວຽກງານ​ ການ​ຄ້າ.
   ກອງ​ປະ­ຊຸມ​ຄັ້ງ​ນີ້,  ບັນດາ​ ຜູ້​ແທນ​ສົມ­ບູນ​ຈຳ­ນວນ 62 ສະ ຫາຍ ຍິງ 18 ສະ­ຫາຍ  ໄດ້​ປ່ອນ​ບັດ​ຄັດ​ເລືອກ​ເອົາ​ຄະ­ນະ​ພັກຮາກ ຖານ​ຊຸດ​ໃໝ່   ຊຶ່ງຜົນປະກົດວ່າ: ສະ­ຫາຍ ໂພ​ສີ​ສ້ອຍ ກຸ​ທິ​ລາດ   ໄດ້​ຮັບ​ຄວາມ​ໄວ້​ວາງ­ໃຈ​ໃຫ້ເປັນ ​ເລ­ຂາ​ຄະ­ນະພັກຮາກ​ຖານ,  ສະ­ ຫາຍ  ວັນ​ແສງ  ແກ້ວ​ບຸນ​ພັນ   ເປັນ​ຮອງ​ເລ­ຂາ  ທັງ​ເປັນ​ປະທານ ​ກວດ­ກາ​ຮາກ​ຖານພັກ,  ສະ ­ຫາຍ  ເນ​ດ​ຄຳ  ສຸດທະລັກ, ສະ­ ຫາຍ  ແກ້ວວິ­ຈິດ ໄຂ​ຄຳພິ­ທູນ ແລະ ​ສະ­ຫາຍ  ຄາ​ລາໂຊ ຫຼຸຍ​ບົວ ທອງ   ເປັນ​ຄະ­ນະກຳມະການ ​ຮາກຖານພັກ​ພະແນ​ກອຸດ­ສາ ­ຫະ­ກຳ ແລະ ​ການຄ້າ​ແຂວງສະ­ ຫວັນນະເຂດ,  ນອກ​ນັ້ນ​ໃນກອງ ​ປະ­ຊຸມ​ຄັ້ງ​ນີ້ຍັງ​ໄດ້​ຕົກ­ລົງ​ເຫັນ​ດີ​ເລືອກ​ເອົາ​ຮອງ​ປະ­ທານ​ກວດ­ກາ​ສອງ​ສະ­ຫາຍ​ຄື:  ສະຫາຍ  ສີ​ທັດ​ຖະ​ພອນ ສະ­ຫວັນ ແລະ ​ສະ ­ຫາຍ  ແກ້ວອຸ­ດອນ   ສິດ­ທິ​ຊົນ  ເປັນ​ຮອງ​ປະ­ທານ​ກວດ­ກາ​ຮາກ​ຖານ​ພັກ.
 (ຂ່າວ-ພາບ​: ຕຸກໆ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110