ຫົວ​ຂໍ້ : ຫົວເຫວີຍ ມອບເຄື່ອງຊ່ວຍເຫຼືອກະຊວງສາທາລະນະສຸກ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 26/03/2020 09:59:45 ຈຳ​ນວນ​ຜູ້​ເຂົ້າ​ຢ້ຽມ​ຊົມ 156 ຄັ້ງ

ບໍລິສັດ ຫົວເຫວີຍ ເຕັກ ໂນໂລຊີ(ລາວ) ຈໍາກັດຜູ້ດຽວ ໄດ້ມອບລະບົບວີດີໂອຄອນ ເຟີເຣັນເພື່ອການແພດທີ່ທັນ ສະໄໝ (Huawei Telemedicine Video Conferencing Solution) ມູນຄ່າ 500 ລ້ານກີບ ໃຫ້ແກ່ ກະຊວງ ສາທາລະນະສຸກ ແລະ ໂຮງໝໍ 150ຕຽງເພື່ອໃຫ້ແພດໝໍນຳໃຊ້ ເຂົ້າໃນການປ້ອງກັນ.ຄວບຄຸມ ແລະ ແກ້ໄຂການລະບາດຂອງ ພະຍາດໂຄວິດ-19, ປັບປຸງ ປະສິດທິພາບຂອງການປ້ອງ ກັນການແຜ່ລະບາດ ແລະ ຫຼຸດ ຄວາມສ່ຽງຂອງການຕິດເຊື້ອ ສຳລັບບຸກຄະລາກອນທາງການ ແພດ. ພິທີມອບ-ຮັບ ໄດ້ມີຂຶ້ນ ໃນວັນທີ24 ມີນານີ້ທີ່ກະຊວງ ສາທາລະນະສຸກ ລະຫວ່າງ ທ່ານ ຫູເຫວີ່ຍຫົວ ປະທານ ບໍລິສັດຫົວເຫວີຍ ປະຈຳລາວ ເປັນຜູ້ກ່າວມອບ ແລະ ທ່ານ ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ ເປັນ ຜູ້ຮັບ.ທັງນີ້ ເມື່ອວັນທີ24 ມີນາຜ່ານມາ ສປປ ລາວ ໄດ້ ຢັ້ງຢືນວ່າ ກວດພົບຜູ້ຕິດເຊື້ອ 2 ກໍລະນີ,ລວມທັ ງກ ານຫຼັ່ ງ ໄຫຼຂອ ງ ແຮງງານລາວທີ່ໄປເຮັດວຽກ ຢູ່ປະເທດເພື່ອນບ້ານ, ເຮັດ ໃຫ້ສປປ ລາວ ມີຄວາມສ່ຽງ ສູງທີ່ອາດຈະມີຜູ້ຕິດເຊື້ອເພີ່ມ ຂຶ້ນ. ດ່ັງນັ້ນ, ໜ່ວຍງານດ້ານ ສາທາລະນະສຸກ ແລະ ສະຖາ ບັນການແພດ ຈຳເປັນຕ້ອງ ມີລະບົບວີດີໂອການປະຊຸມ ທາງໄກຢ່າງເລັ່ງດ່ວນ ເພື່ອ ສະໜັບສະໜູນການເຮັດວຽກ ຮ່ວມກັນໃນແຕ່ລະຂົງເຂດ. ທ່ານ ບຸນກອງ ສີຫາວົງ ກ່າວວ່າ:ຫົວເຫວີຍໄດ້ສະໜອງ ອຸປະກອນ CloudLink ຂອງ ຫົວເຫວີຍໃຫ້ແກ່ກະຊວງສາທາ ລະນະສຸກ ແລະ ໂຮງໝໍ ເພື່ອ ຊ່ວຍໃນການຈັດກອງປະຊຸມ ທາງໄກແບບອອນລາຍ ຊຶ່ງເປັນ ການຕິດຕໍ່ສື່ສານອີກຊ່ອງທາງ ລະຫວ່າງທີມຜູ້ຊ່ຽວຊານຂອງ ກະຊວງສາທາລະນະສຸກ ແລະ ໂຮງໝໍ ເພື່ອປັບປຸງປະສິດທິ ພາບຂອງການປ້ອງກັນ,ສະກັດ ກັ້ນການແຜ່ລະບາດ ລວມທັງ ການປິ່ນປົວຜູ້ຕິດເຊື້ອ ແລະ ປະຢັດເວລາໃນການເຮັດວຽກ. ກ າ ນ ຊ່ ວ ຍ ເ ຫຼື ອ ຂ ອ ງ ຫົວເຫວີຍ ໃນຄັ້ງນີ້ມີມູນຄ່າ ລວມປະມານ 500 ລ້ານກີບ ຊຶ່ງປະກອບດ້ວຍອຸປະກອນ ການປະຊຸມທາງໄກທີ່ສະໜັບ ສະໜູນດ້ານເຕັກນິກຈາກແພັດ ຟອມ Huawei CloudLink. ໃນເວລາບໍ່ຮອດໜຶ່ງອາທິດທີມ ງານໂຄງການຂອງ ຫົວເຫວີຍໄດ້ຕິດຕັ້ງອຸປະກອນ ແລະ ທົດ ສອບການໃຊ້ງານໃນແຕ່ລະສະ ຖານທີ່ທັງໝົດ. ນອກຈາກນີ້ຫົວເຫວີຍ ວາງແຜນທີ່ຈະໃຊ້ແພັດຟອມ ການເຮັດວຽກຮ່ວມກັນຂອງ ລະບົບກ້ອນເມກ(ຄຣາວ)ເພື່ອ ຊ່ວຍໃຫ້ກະຊວງສາທາລະນະ ສຸກ ແລະ ຜູ້ຊ່ຽວຊານດ້ານການ ແພດໂຮງໝໍ 150 ຕຽງ ແລະ ໂຮງໝໍອື່ນໆ ເພື່ອແລກປ່ຽນຂໍ້ ມູນການວິເຄາະ. ທ່ານ ຫູເຫວີ່ຍຫົວ ປະ ທານບໍລິສັດຫົວເຫວີຍ ປະຈຳ ລາວກ່າວວ່າ:ລັດຖະບານແຫ່ງ ສປປ ລາວ ໄດ້ສະໜັບສະໜູນ ຫົວເຫວີຍໃນການດຳເນີນທຸ ລະກິດຢູ່ ສປປ ລາວ ຈົນປະ ສົບຜົນສຳເລັດຢ່າງຕໍ່ເນື່ອງ ຕະຫຼອດ 20 ປີຜ່ານມາ, ໃນ ໄລຍະເວລາທີ່ເກີດການລະ ບາດຂອງພະຍາດໂຄວິດ-19 ຫົວເຫວີຍ ຈຶ່ງປະກອບສ່ວນ ສະໜັບສະໜູນແພດໝໍໃນການ ປ້ອງກັນ, ຄວບຄຸມການລະ ບາດຂອງພະຍາດດັ່ງກ່າວ ຊຶ່ງ ສະແດງໃຫ້ເຫັນວ່າ ຫົວເຫວີຍ ມີຄວາມຮັບຜິດຊອບຕໍ່ສັງຄົມ ໃນທ້ອງຖິ່ນຢ່າງຈິງຈັງ ແລະ ສະໜັບສະໜູນການຕໍ່ສູ້ກັບ ໂຣກລະບາດ. (ຂ່າວ: ຫົວເຫວີຍ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110