ພາລະກິດປະຕິວັດຂອງຊາວໜຸ່ມລາວ ຍາມໃດກໍຕິດພັນກັບພາລະກິດປະຕິວັດ ຂອງ ພັກ ປປ ລາວ ແບບກາຍອິນຊີ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 27/03/2020 09:04:22 ຈຳ​ນວນ​​ຢ້ຽມ​ຊົມ 476 ຄັ້ງ

   (ຄຳ​ເຫັນ​ຂອງ​ທ່ານ ອາ​ລຸນ​ໄຊ ສູນ​ນະ​ລາດ ກຳ​ມະ​ການ​ສຳ​ຮອງ​ສູ​ນ​ກາງ​ພັກ ເລ​ຂາ​ຄະ​ນະ​ບໍ​ລິ​ຫານ​ງານ​ສູນ​ກາງ​ຊາວໜຸ່ມ ປ​ປ ລາວ ຕໍ່​ວັນ​ສ້າງ​ຕັ້ງ​ພັກ ປ​ປ ລາວ ຄົບ​ຮອບ 65 ປີ)

   ຕະຫຼອດ​ໄລຍະ  65  ປີ ແຫ່ງ​ການ​ເຕີບ​ໃຫຍ່​ຂະຫຍາຍ ຕົວ​ຢ່າງ​ສະຫງ່າ​ງາມ​ຂອງ​ພັກ ປປ ລາວ ໄດ້​ກາຍເປັນ​ຂີດ​ໝາຍ​ທາງ​ດ້ານ​ປະຫວັດສາດ​ອັນ​ສໍາ​ຄັນ​ຂອງ​ຄົນ​ລາວ​ອາດ​ຫານ, ຊາດ​ລາວ​ວິລະ​ຊົນ​ທີ່​ໄດ້​ເຮັດ​ສໍາ​ເລັດ​ໜ້າທີ່ ອັນ​ມີ​ກຽດ​ສະຫງ່າ​ກໍຄື​ນໍາ​ພາ​ເຮັດ​ສໍາ​ເລັດ​ພາລະກິດ​ຕໍ່ສູ້​ປົດ​ປ່ອຍ​ຊາດ, ສະຖາປະນາ​ ສາທາລະນະ​ລັດ ປະຊາທິປະໄຕ  ປະຊາຊົນ​ລາວ, ປົກ​ປັກ​ຮັກສາ, ສ້າງສາ​ປະເທດ​ຊາດ ແລະ ດໍາ​ເນີນ​ພາລະກິດ​ປ່ຽນແປງ​ໃໝ່​ດ້ວຍ​ຜົນ​ສໍາ​ເລັດ​ເທົ່າ​ທຸກ​ວັນ​ນີ້ ຊຶ່ງ​ບໍ່​ທັນ​ມີ​ຍຸກ​ໃດສະໄໝ​ໃດ ຂອງ​ປະເທດ​ຊາດ​ເຮົາ​ທີ່​ມີ​ການ​ພັດທະນາ​ຮຸ່ງເຮືອງ​ຈະເລີນ​ສີວິໄລ ຄື​ປັດ ຈຸບັນ​ນີ້.
   ພາຍ​ໃຕ້​ຮົ່ມ​ທຸງ​ຂອງ​ພັກ, ຄະນະ​ຊາວ​ໜຸ່ມ ປປ ລາວ ກໍ​ໄດ້​ຮັບ​ການ​ສ້າງຕັ້ງ​ຂຶ້ນ​ໃນ​ວັນ​ທີ 14 ເມສາ 1955, ນີ້​​ຢັ້ງຢືນ​ໄດ້​ວ່າ: ພາລະກິດ​ປະຕິວັດ​ຂອງ​ຊາວ​ໜຸ່ມ​ລາວ ຍາມ​ໃດ​ກໍຕິດ​ພັນ​ກັບ​ພາລະກິດ​ປະຕິວັດ​ຂອງ​ພັກ ປປ ລາວ ແບບ​ກາຍ​ອິນ​ຊີ.
   ເວົ້າ​ສະເພາະ​ໃນ1ປີຜ່ານ ມາ, ຊາວ​ໜຸ່ມ​ພວກ​ເຮົາ​ຍາດ​ໄດ້ຜົນ​ງານ​ຫຼາຍ​ດ້ານ​ປະກອບ​ສ່ວນ​ໃຫ້​ແກ່​ການ​ປົກ​ປັກຮັກ ສາ ​ແລະ​ ສ້າງສາ​ພັດທະນາ​ປະເທດ​ຊາດ​ຢ່າງ​ມີ​ຜົນ​ສຳ​ເລັດ.ໃນ​ນັ້ນ, ຄະນະ​ຊາວ​ໜຸ່ມ​ ປປ​ລາວ​ສົມທົບ​ກັບ​ຄະນະ​ຊາວ​ໜຸ່ມ​ແຂວງ, ນະຄອນຫຼວງ​ວຽງ​ຈັນ, ກະຊວງ​ ແລະ ​ອົງການ​ໄດ້​ເອົາໃຈໃສ່ເພີ່ມ​ທະວີ​ຕໍ່​ການ ເຄື່ອນໄຫວ​ສຶກສາ​ອົບຮົມການ ​ເມືອງ​-​ແນວ​ຄິດ​ໃຫ້​ແກ່​ຊາວ​ໜຸ່ມ​-​ເຍົາວະ​ຊົນ​ເປັນຕົ້ນ​ຄົ້ນ ຄວ້າ​ເຊື່ອມ​ຊຶມ​ທົບ​ທວນ​ຫວນ​ຄືນ​ມູນເຊື້ອ​ດ້ວຍ​ການ​ຈັດ​ກອງ​ປະຊຸມ​ເຊື່ອມ​ຊຶມ​ບັນດາ​ມະຕິ​ຂອງ​ພັກ, ຂອງ​ຊາວ​ໜຸ່ມ, ຂອງ​ສະພາ​ແຫ່ງ​ຊາດ, ປາຖະກະຖາ​ວັນ​ສະ​ຖາ​ປະ​ນາ​ ສປປ ​ລາວ​ຄົບຮອບ 45 ປີ, ວັນ​ສ້າງຕັ້ງ​ກອງທັບ​ປະຊາຊົນ​ລາວ , ຈັດ​ຖາມ​-​ຕອບ​ຄວາມ​ຮູ້​ຮອບ​ຕົວ, ແຂ່ງຂັນ​ກິດຈະກຳ, ສໍາ​ມະ​ນາ​ໃນ​ຫົວຂໍ້​ຕ່າງໆ, ໂຄສະນາ​ຜ່ານ​ລາຍການ​ວິທະຍຸ, ໂທລະພາບ​ແລະ​ ເວັບ​ໄຊ​ຂອງ​ ຄຊປປລ, ພົ້ນ​ເດັ່ນ​ທີ່​ສຸດ​ແມ່ນ​ໄດ້​ຈັດ​ເວ ທີ​ສົນທະນາ​ຄັງ​ປັນຍາ​ເພື່ອ​ຜັນ​ຂະຫຍາຍ​ທິດ​ຊີ້​ນຳ​ຂອງ​ນາຍົກລັດຖະມົນຕີ​ແຫ່ງ​ສປປ​ລາວ​ພາຍ​ໃຕ້​ຫົວຂໍ້ “ຄິດໃຫ້​ເລິກ, ເບິ່ງ​ໃຫ້​ໄກ, ໄປ​ໃຫ້​ຖືກ” ແລະ ​ຂະບວນ​ການ​ອື່ນໆ ມີ​ຜູ້​ເຂົ້າຮ່ວມ 9 ແສນ​ກວ່າ​ເທື່ອ​ຄົນ. ສຳ​ມະ​ນາ​ວິທະຍາສາດ​ແນວ​ຄິດ​ປະທານ ​ໄກສອນ​ພົມວິຫານ ​ຕໍ່​ຄົນ​ຮຸ່ນ​ໜຸ່ມ, ການ​ຜ່າ​ວົງ​ປິດ​ລ້ອມ​ສັດຕູ​ທີ່​ທົ່ງ​ໄຫ​ຫີນ​ຊຽງ​ຂວາງ​ຂອງ​ກອງພັນທີ​ ສອງ​ວິລະ​ຊົນ​ຄົບຮອບ 60 ປີ​ແລະ ​ຫົວຂໍ້​ອື່ນໆ.ດ້ານ​ວຽກ​ງານ​ປັບປຸງ​ ແລະ​ ກໍ່ສ້າງ​ການ ຈັດຕັ້ງ​ຂອງ​ຄະນະ​ຊາວໜຸ່ມ​ປະຊາຊົນ​ ປະຕິວັດ​ລາວ​ ພວກ​ເຮົາ​ໄດ້​ເອົາໃຈໃສ່​ຕັ້ງໜ້າ​ປັບ ປຸງ​ ແລະ ​ບູລະນະ​ການຈັດຕັ້ງ​ຊາວໜຸ່ມ, ເຍົາວະ​ຊົນ​ໃຫ້​ໜັກ​ແໜ້ນ​ທາງ​ດ້ານ​ອຸດົມ​ການ, ແນວຄິດ​ ແລະ​ ເຂັ້ມແຂງທາງ​ ດ້ານການຈັດຕັ້ງ ​ແລະ ​ແບບ ແຜນ​ການເຄື່ອນໄຫວ​ໃຫ້ສອດ ຄ່ອງ​ກັບ​ຍຸກ​ສະໄໝ​ ແລະ​ຄວາມ​ຮຽກຮ້ອງ​ຕ້ອງການຂອງ​ ໜ້າທີ່​ການ​ເມືອງ. ດ້ານ​ວຽກ​ງານ​ຂະບວນ​ການ​ຊາວ​ໜຸ່ມ​-​ເຍົາວະ​ຊົນ​ຂອງ​ຄະນະ​ຊາວ​ໜຸ່ມ​ລາວ​ໄດ້​ສຸມ​ໃສ່​ປູກ​ຈິດ​ສຳ ນຶກ​ຊາວ​ໜຸ່ມ​ -​ ເຍົາວະ​ຊົນ​ໃຫ້​ມີ​ນ້ຳໃຈ​ຮັກ​ຊາດ​ຕິດ​ພັນ​ກັບ​ຮັກ ​ລະບອບ​ປະຊາທິປະໄຕປະ ຊາຊົນ, ມູນເຊື້ອ, ສະຕິ​ກົດໝາຍ​ແລະ ​ຄວາມ​ຮູ້​ທົ່ວ​ໄປ​ທີ່​ມີ​ປະ​ໂຫຍ​ດ. ໄດ້​ຈັດ​ຂະບວນ​ຄາ​ຣາ​ວານ​ຫວນ​ຄືນ​ສູ່ ວຽງ​ໄຊເຂດ​ ທີ່​ໝັ້ນ​ຂອງ​ການ​ປະຕິວັດ​ລາວ, ຂະບວນ​ຄາ​ຣາ​ວານ​ຊາວ​ໜຸ່ມ​ລາວ​ທົ່ວ​ປະເທດ​ເດີນ​ຕາມ​ຮອຍ​ກອງພັນ​ທີ​ສອງໃນ​ຫົວຂໍ້: ‘’ບໍ່​ມີ​ມື້​ນັ້ນ​ບໍ່​ມີ​ວັນ​ນີ້‘’ ມີ​ຜູ້​ເຂົ້າ​ຮ່ວມ 600 ກວ່າ​ຄົນ,ຂະບວນ​ຄາ​ຣາ​ວານ​ຊາວ​ໜຸ່ມ​ຕາມ​ຮອຍ​ເຂດ​ທີ່​ໝັ້ນ​ຂອງ​ການ​ປະຕິວັດ​ພາກ​ໃຕ້ ແຂວງ​ຈຳປາ​ສັກ, ສາລະ​ວັນ, ເຊ​ກອງ​ ແລະ​ ອັດ​ຕະ​ປື​ຈາກ​ບັນດາ​ກະຊວງ, ອົງການ​ແຂວງ, ນະຄອນຫຼວງ​ວຽງ​ຈັນ, ອ້ອມ​ຂ້າງ ​ຊຶ່ງ​ເປັນ​ຕົວ​ແທນ​ໃຫ້​ແກ່​ຊາວ​ໜຸ່ມ​ລາວ​ບັນດາເຜົ່າ​ທົ່ວ​ປະເທດ​ເຂົ້າ​ຮ່ວມ​ເພື່ອ​ເປັນ​ການ​ຮຽນ​ຮູ້​ທາງ​ດ້ານ​ປະຫວັດສາດ, ການເຄື່ອນໄຫວ​ຂອງ​ການ​ນຳ​ພັກ​-​ລັດ​ໃນ​ສະໄໝ​ຕໍ່ສູ້​ກູ້​ຊາດ​ໂດຍ​ໄດ້​ຮັບ​ການ​ປະກອບສ່ວນ​ເປັນ​ວັດຖຸ​ມູນ​ຄ່າ 100 ​ລ້ານ​ກວ່າ ກີບ, ງົບປະມານ​ທັງ​ໝົດ 54 ລ້ານ​ກວ່າກີບ, ເງິນ​ສົດ  40 ລ້ານ​ກີບ. ຈັດ​ພິທີ​ເປີດ​ການ​ແຂ່ງຂັນ​ກິລາ​ບານເຕະ​ມິດຕະພາບ​ຊີງ​ຂັນ​ທ່ານ​ເລຂາ​ຄະນະ​ບໍລິຫານ​ງານ ​ສຊປລ​ ຄັ້ງ​ປະຫວັດສາດ​ມີ​ນັກ​ກິລາ​ຈາກ 19 ພາກສ່ວນ​     ມີ​ຜູ້​ເຂົ້າ​ຮ່ວມ 5.000 ກວ່າ​ຄົນ.
   ຜ່ານ​ການ​ຕິດຕາມ, ກວດ ກາ​ການຈັດຕັ້ງ​ປະຕິບັດວຽກ​ ງານ​ດັ່ງກ່າວ​ເຫັນ​ໄດ້ວ່າ​ຄະນະ​ ຊາວ​ໜຸ່ມ​ບັນດາແຂວງ, ກະ ຊວງ, ອົງການ​ ແລະ​ ນະຄອນ ຫຼວງ​ວຽງ​ຈັນ ​ໄດ້​ເອົາໃຈໃສ່​ຈັດ​ຕັ້ງ​ຜັນ​ຂະຫຍາຍ​ມະຕິ​ຂອງ​ຊາວ​ໜຸ່ມ, ມະຕິ​ກອງ​ປະຊຸມ​ໃຫຍ່​ຂອງ​ອົງຄະ​ນະ​ພັກ​ຂັ້ນ​ຂອງ​ຕົນ​ອອກ​ມາ​ເປັນ​ທິດ​ທາງ​ແຜນການ​ປະ​ຈໍາ​ເດືອນ, 3 ເດືອນ, 6 ເດືອນ ​ແລະ ​ປະ​ຈໍາ​ປີ. ຈາກ​ຜົນ​ສໍາ​ເລັດ​ດັ່ງກ່າວ​ສາ ມາດ​ປະກາດ​ ແລະ​ ຮັບຮອງ​ເປັນ​ ຄຊປປລ 4 ບຸກ​ໄດ້​ແລ້ວ 6 ແຂວງ, 15 ກະຊວງ, 14 ອົງ ການ​ ແລະ 132 ເມືອງ​ໃນ​ທົ່ວ​ປະ​ເທດ.ນອກ​ນັ້ນ​ຄະນະ​ຊາວ​ໜຸ່ມ​ຂັ້ນ​ຮາກ​ຖານ​ຢູ່​ຂັ້ນ​ແຂວງ​ຍັງ​ໄດ້​ຈັດ​ຕັ້ງ​ປະຕິບັດ​ໂຄງການ​ສຶກສາ​ອົບຮົມ​ການເມືອງ​ແນວ​ຄິດ​ຢ່າງ​ເປັນ​ປົກກະຕິ, ໄດ້​ມີ​ການ​ປັບປຸງ​ກໍ່ສ້າງ​ຄະນະ​ຊາວ​ໜຸ່ມ​ຢູ່​ໃນ​ຂັ້ນ​ຮາກ​ຖານ​ພ້ອມ​ທັງ​ສ້າງ​ຂະບວນ​ການ​ຜະລິດ​ສິນຄ້າ​ເພື່ອ​ຍົກ​ລະດັບ​ຊີວິດ​ການ​ເປັນ​ຢູ່​ຂອງ​ສະມາຊິກ​ຊາວ​ໜຸ່ມ​ ແລະ​ຄອບຄົວ​ຊາວ​ໜຸ່ມ​ນັບ​ມື້​ດີ​ຂຶ້ນ.
ໂດຍ​ລວມ​ແລ້ວ, ພາຍ​ໃຕ້​ການ​ຊີ້​ນຳ​ ແລະ ​ນຳພາຂອງ​ ພັກ, ຄະນະ​ຊາວ​ໜຸ່ມ ປປ ລາວ ໄດ້​ເພີ່ມ​ທະວີ​ການ​ນໍາ​ພາສຶກ ສາ​ອົບຮົມ, ບໍາ​ລຸງ​ສ້າງ​ຖັນ​ແຖວ​ຊາວ​ໜຸ່ມ, ເຍົາວະ​ຊົນ, ນັກຮຽນ, ນັກ​ສຶກສາ​ດ້ວຍ​ຫຼາຍ​ຮູບ​ການ ໂດຍ​ໄດ້​ສຸມ​ໃສ່​ປະຕິ​ບັດ​ຄໍາ​ຂວັນ 4 ບຸກ​ຂອງ​ຕົນ​ກໍ​ຄື​ຂະບວນ​ການ​ແຂ່ງຂັນ​ຮັກ​ຊາດ ແລະ ພັດທະນາ ໂດຍ​ສະເພາະ​ຂະບວນ​ການ​ສຶກສາ, ກິລາ, ສິລະ​ປະ​-​ວັນນະຄະດີ ກໍຄື​ການ​ສ້າງ​ຮາກ​ຖານ​ການເມືອງ, ພັດທະນາ​ຊົນນະບົດ ແລະ ແກ້​ໄຂ​ຄວາມທຸກ​ຍາກ​ຢ່າງ​ເປັນ​ຂະບວນ​ເຮັດ​ໃຫ້​ຖັນ​ແຖວ​ໄວ​ໜຸ່ມ​ລາວ​ມີ​ຄວາມ​ກະຕືລືລົ້ນ, ບຸກ​ບືນ​ສູ້​ຊົນ​ໃນ​ການ​ຄົ້ນ​ຄ້​ວາ​ຮໍ່າ​ຮຽນ, ນໍາ​ໃຊ້​ເຕັກ​ໂນ​ໂລຊີ, ການ​ປະດິດ​ຄິດ​ສ້າງ​ໃໝ່ ແລະ ໄດ້​ເຕີບ​ໃຫຍ່​ຂຶ້ນ​ໃນ​ຂະບວນ​ການ​ເຮັດ​ວຽກ​ງານ​ຕົວ​ຈິງກາຍ ເປັນ​ຕົວ​ແບບ​ການ​ຜະ​ລິດ​ -​ ທຸ ລະ​ກິດ, ເປັນ​ພະນັກງານ​ສືບ​ທອດ​ຂອງ​ຄະນະ​ພັກ ແລະ ອໍາ ​ນາດ​ການ​ປົກຄອງ​ແຕ່​ລະ​ຂັ້ນ. ຄະນະ​ຊາວ​ໜຸ່ມ ປປ ລາວ ໄດ້ ກາຍ ເປັນ​ໃຈກາງ​ເຕົ້າໂຮມຄວາມ ​ສາມັກຄີ ແລະ ເປັນ​ກໍາ​ລັງ​ແຮງ​ແຫ່ງ​ການ​ພັດທະນາ, ເຮັດໃຫ້ ການ​ຈັດ​ຕັ້ງ ແລະ ຊາວ​ໜຸ່ມ​-​ເຍົາວະ​ຊົນ​-​ອະນຸຊົນ ມີ​ຄວາມ​ໜັກແໜ້ນ ແລະ ເຂັ້ມແຂງ​ຮອບ ດ້ານ​ກາຍເປັນ​ຜູ້​ສືບທອດທີ່ຈົງ ຮັກ​ພັກດີ​ຕິດ​ພັນ​ກັບ​ຂະບວນ​ ການ​ແຂ່ງຂັນ​ຮັກ​ຊາດ, ພັດທະ ນາ, ປະຕິບັດ​ວຽກ​ງານ 3 ສ້າງ ດ້ວຍ​ຂະບວນ​ການ 4 ບຸກ​ຂອງ​ຊາວ​ໜຸ່ມ, 3 ດີ 4 ຮູ້ ຂອງເຍົາວະ​ ຊົນ​ບົນ​ຈິດໃຈ​ບຸກ​ທະລຸ​ທັງ 4 ດ້ານ​ໄປ​ພ້ອມໆ​ກັນ ເພື່ອ​ສ້າງ​ຜົນ​ງານ​ຂໍ່າ​ນັບ​ຮັບ​ຕ້ອນ​ວັນສໍາ ​ຄັນ​ຂອງ​ພັກ​ຂອງ​ຊາດ​ໃນ​ປີ 2020 ກໍ​ຄື​ວັນ​ສ້າງຕັ້ງ​ພັກ ປປ ລາວ ຄົບຮອບ 65 ປີ ແລະ ວັນສ້າງຕັ້ງ​ຊາວ​ໜຸ່ມ ປປ ລາວ ຄົບຮອບ 65 ປີ ທີ່​ຈະ​ມາ​ເຖິງ​ໃນວັນ​ທີ 14 ເມສາ 2020 ໃຫ້​ມີ ຜົນ​ສໍາ​ເລັດ​ກ້າວ​ສູ່​ກອງ​ປະຊຸມ​ໃຫຍ່ ຄັ້ງ​ທີ XI ຂອງ​ພັກ ແລະ ກອງ​ປະຊຸມ​ໃຫຍ່​ຜູ້​ແທນຊາວ ​ໜຸ່ມ​ທົ່ວ​ປະເທດ ຄັ້ງ​ທີ VIII ຢ່າງ​ສະຫງ່າ​ງາມ​ໃຫ້​ສົມ​ກັບ​ຄໍາ​ ສອນ​ຂອງ​ປະທານ ໄກສອນ  ພົມວິຫານ ທີ່​ວ່າ: ຊາວ​ໜຸ່ມ​ຈົ່ງ​ ເປັນ​ດັ່ງ​ນົກ​ອິນ​ຊີ​ທີ່​ບໍ່​ຫວັ່ນ​ກົວ​ຕໍ່​ພາຍຸ​ລົມແດງ ຈົ່ງ​ກາຍເປັນ​ສິນ​ໄຊ​ແຫ່ງ​ຍຸກ​ສະໄໝ​ຂອງ​ພວກ​ເຮົາ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110