ໜ່ວຍພັກ ທະນາຄານສ່ົງເສີມກະສິກຳ ຄຳມ່ວນ ໄດ້ຮັບການຢັ້ງຢືນ ເປັນໜ່ວຍພັກປອດໃສ ເຂັ້ມແຂງ ໜັກແໜ້ນ

   ພິທີ​ມອບ​ໃບຢັ້ງຢືນ​​ໜ່ວຍ​ພັກ​ທະນາຄານ​ສົ່ງເສີມ​ກະສິ ກຳ ສາຂາ​ແຂວງ​ຄຳມ່ວນເປັນ​ໜ່ວຍ​ພັກ​ປອດ​ໃສ, ເຂັ້ມແຂງ, ໜັກ​ແໜ້ນ​ປະຈຳ​ປີ  2019  ໄດ້​ຈັດ​ຂຶ້ນ​ຫວ່​າງ​ແລ້ວນີ້​ ໂດຍ​ເປັນ​ກຽດ​ເຂົ້າ​ຮ່ວມ​ຂອງ​ສະຫາຍ ແກ້ວ ວົງ​ພະຈັນ ຮອງ​ຫົວໜ້າຄະນະ ຈັດຕັ້ງແຂວງ, ມີ​ຄະນະ​ເລຂາ ໜ່ວຍ​ພັກ​ທະນາຄານ​ອ້ອມ​ຂ້າງ ຕະຫຼອດ​ເຖິງ​ສະມາຊິກ​ພັກ​ສົມ ບູນ​ເຂົ້າ​ຮ່ວມ.
   ສະຫາຍ ບຸນ​ອ້ອມ ອິນ​ທະ​ວົງສາ ເລຂາ​ໜ່ວຍ​ພັກ ຫົວ ໜ້າ​ທະນາຄານ​ສົ່ງເສີມ​ກະ​ສິ​ກຳ  ສາຂາຄຳ​ມ່ວນໄດ້​ຕີ​ລາຄາ​ການ​ກໍ່ສ້າງ​ໜ່ວຍ​ພັກ​ປອດ​ໃສ,  ເຂັ້ມແຂງ,  ໜັກ​ແໜ້ນ ປະຈຳ​ປີ   2019.  ໜ່ວຍ​ພັກທະນາຄານ​ສົ່ງເສີມ​ກະສິກຳສາຂາ​ຄຳມ່ວນ ມີ​ຄະນະ​ໜ່ວຍ​ພັກ 3 ສະຫາຍ, ມີ​ສະມາຊິກພັກທັງໝົດ 39 ສະ ຫາຍ, ປະກອບ​ມີ 4 ຂະແໜງ ຄື: ຂະແໜງ​ຈັດ​ຕັ້ງ-​ຫ້ອງການ, ກວດ​ກາ​ພາຍໃນ ແລະ ຄຸ້ມຄອງ ຄວາມ​ສ່ຽງ, ສິນເຊື່ອ ແລະ ຂະ ແໜງ​ບັນ​ຊີ​-​ໄອ​ທີ, ມີ 5 ໜ່ວຍ ​ບໍລິການຄື: ໜອງ​ບົກ, ມະຫາ​ໄຊ, ນາ​ກາຍ, ເຊບັ້ງໄຟ ແລະ ຫີນ​ ບູນ.  ການ​ຕີ​ລາຄາການນຳພາ​ທາງດ້ານການເມືອງຂອງ​ໜ່ວຍ​ພັກແມ່ນ​ໄດ້​ເອົາໃຈໃສ່​ເຊື່ອມ​ຊຶມ​ແນວທາງນະໂຍບາຍຂອງ​ ພັກ, ກົດໝາຍ​ຂອງ​ລັດ, ຂໍ້​ກຳ ນົດກົດ​ລະບຽບ​ຕ່າງໆ​ໃຫ້​ສະມາ ຊິກ​ພັກ​ຢ່າງ​ເປັນ​ປົກກະຕິ, ສຶກ ສາ​ອົບ​ຮົບການ​ເມືອງ​-​ແນວຄິດ ເຮັດໃຫ້​ພະນັກງານ​ສະມາຊິກ ພັກເພີ່ມ​ທະວີ​ການປະຕິບັດ​ໜ້າທີ່​ການເມືອງ,   ຢຶດ​ໝັ້ນຕໍ່ອຸ ດົມ​ການສັງຄົມ​ນິຍົມ​ຂອງພັກ,  ສະມາຊິກ​ພັກ​ມີ​ຄວາມ​ໜັກ​ ແໜ້ນ,  ໂປ່​ງ​ໃສ, ຍຸຕິ​ທຳ ແລະ ເປັນແບບຢ່າງທີ່ດີໃຫ້​ແກ່ມະ ຫາຊົນ,  ມີ​ສະຕິ​ເຄົາລົບ​ຕໍ່​ການ ຈັດຕັ້ງ, ປະຕິບັດ​ລະບຽບ​ຫຼັກ ການ, ກົດ​ລະບຽບ​ຂອງ​ພັກ ແລະ ກົດໝາຍ​ຂອງ​ລັດ​ຢ່າງ​ເຂັ້ມ​ງວດ, ຮັກສາ​ໄດ້​ຄວາມສາ ມັກຄີ​ພາຍ​ໃນ, ພາຍ​ນອກ​ໄດ້​ຢ່າງ​ກວ້າງ​ຂວາງ. ຈາກ​ນັ້ນ ​ສະ ຫາຍ ນິກອນ ພົມວົງສາ ຕາງໜ້າ​ຄະນະ​ຈັດ​ຕັ້ງ​ແຂວງກໍ​ໄດ້​ຜ່ານ​ຂໍ້​ຕົກລົງ​ຂອງ​ຄະນະ​ປະຈຳ​ພັກ​ແຂວງ ວ່າ​ດ້ວຍ​ການ ​ຮັບຮອງ​ເອົາ​ໜ່ວຍ​ພັກ​ທະນາຄານ​ສົ່ງ ເສີມກະ​ສິ​ກໍາ  ສາຂາ​ແຂວງ​ຄຳ​ມ່ວນ ເປັນ​ໜ່ວຍ​ພັກ​ປອດ​ໃສ, ເຂັ້ມແຂງ, ໜັກ​ແໜ້ນ ຊຶ່ງ​ເປັນ​ກຽດ​ມອບ​ໂດຍ​ສະຫາຍ ແກ້ວ ວົງ​ພະ​ຈັນ.
 (ຂ່າວ​-​ພາບ: ແຂວງ​ຄຳ​ມ່ວນ)