Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ສຳເລັດກອງປະຊຸມ ໜ່ວຍພັກ ກົມການຂ່າວ ກະຊວງການຕ່າງປະເທດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 30/03/2020 09:12:52 ຈຳ​ນວນ​ຜູ້​ເຂົ້າ​ຢ້ຽມ​ຊົມ 786 ຄັ້ງ

   ກອງ​ປະຊຸມ​ໃຫຍ່  ຄັ້ງ​ທີ  IV  ຂອງ​ໜ່ວຍ​ພັກ​ກົມ​ການ​ຂ່າວ ກະຊວງ​ການ​ຕ່າງປະເທດ​ໄດ້​ຈັດ​ຂຶ້ນ​ເມື່ອບໍ່​ດົນ​ຜ່ານ​ມາ   ທີ່​ກະຊວງ​ການ​ຕ່າງປະເທດ ໂດຍ​ໃຫ້​ກຽດ​ເຂົ້າ​ຮ່ວມ​ຂອງສະຫາຍ ສະເຫຼີມ​ໄຊ  ກົມ​ມະ​ສິດ  ກໍາມະ ​ການ​ສູນ​ກາງ​ພັກ ເລຂາ​ຄະນະ​ ບໍລິຫານ​ງານ​ພັກ​ກະຊວງ​ການ ​ຕ່າງປະເທດ, ມີ​ບັນດາ​ສະຫາຍ​ເລຂາ,  ຮອງ​ເລຂາ  ແລະ  ພາກ ສ່ວນ​ກ່ຽວຂ້ອງ​ເຂົ້າ​ຮ່ວມ.
   ໃນ​ກອງ​ປະຊຸມ,  ສະຫາຍ ບົວ​ແກ້ວ ພູມ​ວົງ​ໄຊ ເລຂາ​ໜ່ວຍ ​ພັກ​ກົມ​ການ​ຂ່າວ  ກະຊວງການ ​ຕ່າງປະເທດ ໄດ້​ຜ່ານ​ບົດ​ລາຍ​ງານ​ການເມືອງ ແລະ ບົດ​ສຳ ຫຼວດ​ການ​ນຳພາ​ລວມ​ຂອງ​ຄະ ນະ​ໜ່ວຍ​ພັກ  ​ໃນ​ໄລຍະ  5  ປີ ຜ່ານມາ  ຊຶ່ງ​ສາມາດ​ສັງເກດ​ຕີ​ລາຄາ​ຜົນສຳເລັດ,  ຂໍ້​ຫຍຸ້ງຍາກ ແລະ ບາງ​ບົດຮຽນ​ທີ່​ຖອດຖອນ ​ໄດ້​ຂອງ​ໜ່ວຍ​ພັກ ​ນັບ​ທັງ​ການ​ຊີ້​ນຳ​-​ນຳພາ​ຂອງ​ຄະນະ​ໜ່ວຍ​ພັກ  ພ້ອມ​ດຽວ​ກັນ​ນີ້, ກໍ​ໄດ້ກຳ ນົດທິດ​ທາງ​ແຜນການ  ແລະ ວຽກງານ​ຈຸດ​ສຸມ​ສຳລັບ​ປີ 2020 -2025 ໂດຍ​ຈະ​ໄດ້​ສຸມ​ໃສ່: ວຽກ​ງານ​ກໍ່ສ້າງ​ພັກ​-​ພະນັກງານ, ຂະຫຍາຍພັກ​ຢ່າງ​ມີ​ຈຸດ​ສຸມ ແລະ ມີ​ຄຸນ​ນະ​ພາບເອົາໃຈ ໃສ່ ສຶກສາ​ອົບຮົມ​ທາງ​ດ້ານ​ການ ເມືອງ​ແນວ​ຄິດ​ໃຫ້​ແກ່​ສະມາຊິກ​ພັກ​ກົມ​ການ​ຂ່າວ, ຍົກ​ສູງ​ຄຸນ​ນະ​ພາບ​ໃນການ​ເປັນ​ເສນາ​ທິ​ການ​ໃນ​ການ​ປະຕິບັດ​ໜ້າທີ່​ວຽກ​ງານ​ວິຊາ​ສະເພາະ, ເພີ່ມ​ທະວີ​ການ​ຊີ້​ນຳ​ນຳພາ ແລະ ເສີມ​ຂະຫຍາຍ​ບົດບາດ​ຂອງ 3 ອົງການ​ຈັດ​ຕັ້ງ​ມະຫາຊົນ​ພາຍ​ໃນ​ກົມ​ການ​ຂ່າວ ພ້ອມ​ທັງ​ວິທີ​ການຈັດຕັ້ງ​ປະຕິບັດ​ທິດ​ທາງ​ແຜນການ​ທີ່​ໄດ້​ກໍາ​ນົດ​ໄວ້​ໃຫ້​ປະກົດ​ຜົນ​ເປັນ​ຈິງ.
   ໜ່ວຍ​ພັກ ກົມ​ການ​ຂ່າວ, ກະຊວງ​ການ​ຕ່າງປະເທດ ມີ​ສະມາຊິກ​ພັກ​ທັງ​ໝົດ 18 ສະ ຫາຍ, ຍິງ 5 ສະຫາຍ, ໃນ​ນີ້​ ມີ​ສະມາຊິກ​ພັກ​ສໍາ​ຮອງ 3 ສະ ຫາຍ, ຍິງ 2 ສະ​ຫາຍ. ໃນ​ໄລຍະ 5 ປີ ຜ່ານ​ມາ, ກົມ​ການ​ຂ່າວ ໄດ້​ເສີມ​ຂະຫຍາຍ​ບົດບາດ​ຊີ້​ນຳ​ນຳພາ​ຂອງ​ຕົນ ແລະ ສາມາດ​ຍາດ​ໄດ້ຜົນ​ງານ​ທີ່​ພົ້ນ​ເດັ່ນ​ຫຼາຍ​ດ້ານເປັນຕົ້ນ​ແມ່ນ​ການ​ກໍ່ສ້າງ​ພັກ​-​ພະນັກງານ ຊຶ່ງ​ມາ​ຮອດ​ປັດຈຸບັນ ໄດ້​ມີ​ສະມາຊິກ​ພັກ​-​ພະນັກງານ ສໍາ​ເລັດ​ການ​ສຶກສາ​ດ້ານ​ວິຊາ​ສະເພາະ ລະດັບ​ປະລິນຍາ​ໂທ ຢູ່​ພາຍ​ໃນ ແລະ ຕ່າງປະເທດ 8 ສະຫາຍ, ສໍາ​ເລັດ​ການ​ບໍາ​ລຸງ​ທິດ​ສະ​ດີ​ການ ເມືອງ ແລະ ການ​ປົກຄອງລະ ບົບ 45 ວັນ 8 ສະຫາຍ ແລະ ສຳເລັດ​ການ​ຝຶກ​ອົບຮົມ​ພາສາ​ຕ່າງປະເທດ​ອີກ​ຈຳນວນ​ໜຶ່ງ.
   ນອກ​ນັ້ນ, ຍັງ​ຈະ​ໄດ້​ເອົາ ໃຈໃສ່​ຍົກ​ສູງ​ຄຸນ​ນະ​ພາບ​ການ​ເປັນ​ເສນາ​ທິ​ການ​ດ້ານ​ວຽກ​ງານ​ການ​ຂ່າວ​ໃຫ້​ແກ່​ຂັ້ນ​ເທິງ ແລະ ເປັນ​ເຈົ້າ​ການ​ນໍາ​ພາ​ການ​ປັບປຸງ​ແບບແຜນ​ວິທີ​ເຮັດ​ວຽກ​ຢ່າງ​ມີ​ວິທະຍາສາດ, ມີ​ແຜນ​ງານ, ໂຄງການ, ແຜນການ ແລະ ມີ​ຈຸດ​ສຸມ ຄວບ​ຄູ່​ກັບ​ການ​ນໍາ​ໃຊ້​ພາຫະນະ​ເຕັກນິກ​ທີ່​ທັນ​ສະໄໝ​ເຂົ້າ​ໃນ​ການ​ເຮັດ​ວຽກ ເພື່ອ​ເພີ່ມ​ປະສິດທິພາບ​ຂອງ​ວຽກ​ງານ, ພ້ອມ​ທັງ​ສືບຕໍ່​ສ້າງ, ປັບປຸງ​ນິຕິ​ກໍາ ແລະ ກົນ​ໄກ​ການເຄື່ອນໄຫວ​ວຽກ​ງານ​ການ​ຂ່າວ​ຕ່າງປະເທດ​ຢ່າງ​ເປັນ​ລະບົບ ໂດຍ​ສະເພາະ​ແມ່ນ​ຈັດ​ຕັ້ງ​ຜັນ​ຂະຫຍາຍ 5 ແຜນ​ງານ ແລະ 41 ໂຄງການ ທີ່​ໄດ້​ຖືກ​ຮັບ ຮອງ​ໃນ​ກອງ​ປະຊຸມ​ວຽກ​ງານ ການ​ຕ່າງປະເທດ ຄັ້ງ​ທີ XIV.
ຜູ້​ແທນ​ກອງ​ປະຊຸມ ໄດ້​ໃຊ້​ສິດ​ປະຊາທິປະໄຕ ປ່ອນ​ບັດ​ຄັດ​ເລືອກ​ເອົາ​ຄະນະ​ໜ່ວຍ​ພັກ​ກົມ​ການ​ຂ່າວ​ຊຸດໃໝ່ ຈຳນວນ 3 ສະຫາຍ ແລະ ໃນ​ກອງ​ປະຊຸມ​ຄັ້ງ​ປະຖົມ​ມະ​ລືກ​ຂອງ​ຄະນະ​ໜ່ວຍ​ພັກ​ຊຸດ​ໃ​ໝ່ ໄດ້​ເປັນ​ເອກະ​ພາບ​ເລືອກ​ເອົາສະຫາຍ ບົວ​ແກ້ວ ພູມ​ວົງ​ໄຊ ເປັນ​ເລຂາ​ໜ່ວຍ​ພັກ; ສະຫາຍ ນາງ ວຽງ​ສະຫວັນ ພິລາ​ວົງ, ເປັນ​ຮອງ​ເລຂາ; ແລະ ສະຫາຍ ບຸນ​ມີ ວັນ​ມະນີ,  ເປັນ​ກຳມະການ, ຮັບຜິດຊອບ​ວຽກ​ງານ​ກວດກາ ໜ່ວຍ​ພັກ​ກົມ​ການ​ຂ່າວ.
   ສະຫາຍ  ສະເຫຼີມ​ໄຊ ກົມ​ມະ​ສິດ ໄດ້​ສະແດງ​ຄວາມ​ຍ້ອງຍໍ​ຊົມເຊີຍ​ຕໍ່​ຜົນງານຂອງ ໜ່ວຍ​ພັກ​ກົມ​ການ​ຂ່າວ, ກະ ຊວງ​ການ​ຕ່າງປະເທດທີ່ຍາດ​ ມາ​ໄດ້​ໃນ​ໄລຍະ​ຜ່ານ​ມາ ແລະ ໄດ້​ໃຫ້​ທິດ​ຊີ້​ນຳ​ແກ່​ຄະນະໜ່ວຍ​ ພັກ​ກົມ​ການ​ຂ່າວ​ຊຸດ​ໃໝ່​ເອົາ ໃຈໃສ່ 5 ດ້ານ​ຄື: ເພີ່ມທະວີ​ ວຽກ​ງານ​ກໍ່ສ້າງ​ພັກ​-​ພະນັກ ງານ,  ຍົກ​ສູງ​ຫຼັກການ​ເຮັດ​ວຽກ​ງານ​ຂອງ​ພັກ​ແບບ​ລວມ​ສູນ​ປະຊາທິປະໄຕ, ຍົກ​ສູງປະ ສິດທິພາບ​ຂອງ​ການ​ຂະຫຍາຍ​ ສະມາຊິກ​ພັກ ໂດຍ​ເນັ້ນ​ເອົາ​ຄຸນ​ນະ​ພາບ​ເປັນ​ຫຼັກ, ເພີ່ມທະ ວີ​ຄວາມ​ເປັນ​ເອກະ​ພາບ ແລະ ຄວາມ​ສາມັກຄີ​ພາຍ​ໃນ​ໜ່ວຍ​ພັກ ແລະ ຍົກ​ສູງ​ຄຸນ​ນະ​ພາບ​ໃນ ​ການ​ປະຕິບັດ​ໜ້າທີ່​ວຽກ​ງານ​ວິຊາ​ສະເພາະ​ໃນ​ດ້ານ​ຕ່າງໆ ໂດຍ​ສະເພາະ​ໃຫ້​ມີ​ຄວາມ​ສະ ດຸ້ງ​ໄວ​ຕໍ່​ແຕ່​ລະ​ບັນຫາ  ແລະ ເອົາ ໃຈໃສ່​ຝຶກ​ຝົນ​ທັກ​ສະ ​ໃນ​ການ ​ວິໄຈ​ບັນຫາ​ໃຫ້​ວ່ອງໄວ, ພ້ອມ ​ກັນ​ສູ້​ຊົນ​ບຸກ​ບືນ ແລະ ເຊີດຊູ​ ຄວາມ​ເປັນ​ເຈົ້າ​ການ ແລະ ມີ​ຄວາມ​ຮັບຜິດຊອບຕໍ່ໜ້າ​ທີ່​ການ ເມືອງ​ຂອງ​ຕົນ​ໃຫ້ສາ ມາດ​ຍາດ​ໄດ້ຜົນ​ສຳເລັດ​ອັນ​ໃໝ່​ໃຫຍ່​ຫຼວງ​ກວ່າ​ເກົ່າ ໃນ​ຊຸມ​ປີ​ຕໍ່​ໜ້າ.
(ຂ່າວ: ກະຊວງ​ການ​ຕ່າງ ປະເທດ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110