Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ຍ້ອນພັກ ແລະ ລັດຖະບານເຮົາມີຄວາມສະດຸ້ງໄວ ໃນການຕ້ານກັບພະຍາດໂຄວິດ-19 ຈ່ຶງສາມາດຄວບຄຸມພະຍາດໄດ້ໃນລະດັບດີ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 28/04/2020 08:38:58 ຈຳ​ນວນ​ຜູ້​ເຂົ້າ​ຢ້ຽມ​ຊົມ 138 ຄັ້ງ

ໂດຍ : ລູກ​ເຂົ້າ​ໜຽວ

ອ​ີງ​ໃສ່​ບົ​ດ​ລາຍ​ງານ​ຜົນ ຄົ້ນ​ຄວ້າ​ການ​ແຜ່​ລະ​ບາດ​ຂອງ ພະ​ຍາດ​ໂຄວິດ-19; ຜົນ​ກະ​ທົບ ບາງ​ດ້ານ​ເສດ​ຖະ​ກິດ ແລະ ຂໍ້ ສະ​ເໜີ ແລະ ບາງ​ມາດ​ຕະ​ການ ສ​ຳ​ລັບ​ໄລ​ຍະ​ສັ້ນ, ກາງ ແລະ ຍາວ​ຂອງ​ສະ​ຖາ​ບັນ​ຄົ້ນ​ຄວ້າ​ເສດ​ຖະ​ກິດ​ແຫ່ງ​ຊາດ ສະ​ບັບ ເລກ​ທີ 005/ສ​ຄ​ສ​ຊ ລົງ​ວັນ​ທີ 19 ເມ​ສາ 2020 ໄດ້​ກ່າວໄວ້ວ່າ: ພາຍຫຼັງ​ທີ່​ມີ​ການ​ແຜ່​ລະບາດ​ພະຍາດ COVID-19 ຢູ່​ ສປ ຈີນ, ພັກ ແລະ ລັດຖະບານລາວໄດ້​ມີ​ຄວາມສະດຸ້ງ​ໄວ ​ໃນ​ການຊີ້ນໍາ​ ວາງ​ນະໂຍບາຍ ແລະ ວາງມາດ ​ຕະການ​ແຕ່​ຫົວທີ, ທີ່​ສໍາ​ຄັນ​ ໄດ້​ມີ​ຄຳ​ສັ່ງ​ແນະນຳ, ແຈ້ງການ, ຂໍ້​ຕົກລົງ​ຂອງ​ພັກ ແລະ ລັດຖະ ບານ​ອອກ​ທັນ​ການ​ເປັນຕົ້ນ​ແມ່ນຄໍາ​ສັ່ງຂອງຄະນະເລຂາທິ ການ​ສູນ​ກາງ​ພັກ​ ວ່າດ້ວຍເພີ່ມ​ທະວີ​ການ​ນໍາ​ພາ​ຊີ້​ນໍາຕໍ່​ການ​ປ້ອງ​ກັນ,  ສະກັດ​ກັ້ນ  ແລະ ແກ້​ ໄຂ​ການ​ລະບາດ​ຂອງເຊື້ອພະ ຍາດ​ຈຸ​ລະໂ​ຣກ​ອັກເສບປອດສາຍ ພັນ​ໃໝ່ໂຄ​ວິດ-19,  ສະບັບ​ເລກທີ 07/ຄລສພ,  ລົງ​ວັນ​ທີ  6 ເມສາ  2020.   ຂໍ້​ຕົກລົງ​ຂອງນາ ຍົກລັດຖະມົນຕີ​ ວ່າ​ດ້ວຍ​ການ​ແຕ່ງຕັ້ງ​ຄະນະ​ສະເພາະ​ກິດ  ​ເພື່ອ​ປ້ອງ​ກັນ,  ຄວບ​ຄຸມ  ແລະ  ແກ້​ໄຂ​ການ​ລະບາດ​ຂອງ​ພະຍາດ COVID-19,  ສະບັບ​ເລກ​ທີ  09/ນຍ, 03 ກຸມພາ 2020.  ຄໍາ​ ສັ່ງ​ຂອງ​ນາຍົກລັດຖະມົນຕີ​ສະ ບັບ​ເລກ​ທີ 06/ນຍ, ລົງ​ວັນ​ທີ 29 ມີນາ 2020, ວ່າ​ດ້ວຍ​ການເພີ່ມ​ ທະວີມາດ​ຕະການ​ສະກັດ​ກັ້ນ, ກັນ​ການ​ລະບາດ, ຄວບ​ຄຸມ ແລະ ກຽມຄວາມພ້ອມ​  ເພື່ອຕ້ານພະ ຍາດ COVID-19, ຂໍ້ຕົກລົງ ຂອງ​ນາຍົກລັດຖະມົນຕີ​ສະບັບ ເລກ​ທີ 31/ນຍ, ລົງ​ວັນທີ 2 ເມ ສາ 2020, ວ່າ​ດ້ວຍ​ການກໍານົດ​ ນະໂຍ​ບາຍ ແລະ ມາດ​ຕະການ ​ເພື່ອ​ຫຼຸດຜ່ອນຜົນ​ກະທົບ​ຈາກ​ການ​ລະບາດຂອງ​ພະຍາດ COVID-19 ຕໍ່ເສດຖະກິດ​ຂອງ ສປປ ລາວ.  ຂໍ້​ຕົກລົງ​ຂອງ​ນາຍົກລັດຖະມົນຕີ​ ສະບັບ​ເລກ​ທີ 32/ນຍ, ລົງ​ວັນ​ທີ 3 ເມສາ 2020  ວ່າ​ດ້ວຍ​ການ​ແຕ່ງຕັ້ງ​ຄະ ນະ​ສະເພາະ​ກິດ​ຮັບຜິດຊອບ​ຕິດຕາມ​ຜົນ​ກະທົບ ແລະ ຜັນຂະ ຫຍາຍນະໂຍບາຍ ແລະ ມາດ​ ຕະການ​   ເພື່ອຫຼຸດຜ່ອນ​ຜົນ​ກະ ທົບ​ຈາກ​ການ​ລະບາດຂອງພະ ຍາດ COVID-19 ຕໍ່ເສດຖະ ກິດ​ຂອງ ສປປ ລາວ.
ໂດຍ​ອີງ​ໃສ່​ນະໂຍບາຍ ແລະ  ມາດ​ຕະການ​ດັ່ງກ່າວ, ບັນ ດາ​ຂະແໜງການ​ສູນ​ກາງ  ແລະ ທ້ອງຖິ່ນ​ໄດ້ມີ​ການແຕ່ງຕັ້ງຄະ ນະ​ສະເພາະ​ກິດ​ຂອງ​ຕົນ  ແລະ ໄດ້​ຜັນ​ຂະຫຍາຍ​ເປັນ​ນະໂຍບາຍ ແລະ ມາດ​ຕະການ​ລະອຽດ ໂດຍ​ ພື້ນຖານແບ່ງ​ເປັນ 2 ກຸ່ມ​ນະໂຍ ບາຍ ແລະ ມາດ​ຕະການຕົ້ນຕໍ​ຄື:
1).  ກຸ່ມ​ມາດ​ຕະການ ​ເພື່ອ​ປ້ອງ​ກັນ,  ຄວບ​ຄຸມ  ແລະ  ແກ້​ໄຂ​ການ​ລະບາດ​ຂອງ​ພະຍາດ COVID-19.
2).  ກຸ່ມ​ມາດ​ຕະການຮັບ​ມື​ ຜົນ​ກະທົບ​ຈາກ​ການ​ລະບາດ​ ຂອງ​ພະຍາດ COVID-19 ຕໍ່​ເສດຖະກິດ​ຂອງ ສປປ ລາວ, ລະອຽດ​ດັ່ງ​ຕໍ່​ໄປ​ນີ້: 
1).  ນະໂຍ ບາຍ  ແລະ  ມາດ ຕະການ ​ເພື່ອ​ປ້ອງ​ກັນ, ຄວບ​ ຄຸມ ແລະ ແກ້​ໄຂ​ການລະບາດ ​ຂອງພະຍາດ COVID-19
ກວມ​ມີ: 
- ເຂັ້ມ​ງວດ​ການ​ກວດກາ​ຄົນ​ເຂົ້າ​-ອອກ​ຢູ່​ບັນດາ​ຈຸດ​ຜ່ານ​ດ່ານ​ສາກົນ  ​ໃນ​ທົ່ວ​ປະເທດ ແລະ ປະຕິບັດ​ການ​ປີດ​ດ່ານ
+ ຈັດ​ຕັ້ງ​ການ​ກວດ​ວັດ​ອຸນຫະພູມ​ຮ່າງກາຍ​ຂອງ​ຜູ້ໂດຍ ສານ​ຜ່ານ​ດ່ານ   ສໍາ​ລັບ​ແຮງງານ​ ລາວ​ທີ່​ເຂົ້າ​ມາ​ໃໝ່​ແມ່ນ​ໄດ້​ສົ່ງ​ ໄປ​ຕິດຕາມ​ຢູ່​ສູນ​ຈໍາ​ກັດ​ບໍລິເວນ ທີ່​ໄດ້​ກໍາ​ນົດ​ໄວ້​ໃຫ້​ຄົບ 14 ວັນ. 
+ ປິດ​ດ່ານ​ປະເພນີ, ດ່ານ​ທ້ອງຖິ່ນ ແລະ ດ່ານ​ສາກົນ, ຍົກ ເວັ້ນ​ການ​ນໍາ​ເຂົ້າ​-​ສົ່ງ​ອອກ​ສິນ ຄ້າ​ທີ່​ຈໍາ​ເປັນ. 
- ປິດ​ໂຮງຮຽນ​ໃນ​ທຸກ​ລະດັບ. 
- ຢຸດ​ການ​ທໍາ​ງານ​ຂອງ​ພະ ນັກງານ​ລັດ ແຕ່​ວັນ​ທີ 1 ເມສາ ຫາວັນທີ 3 ພຶດສະພາ. 
- ໃຫ້​ທຸກ​ຄົນ​ຢູ່​ແຕ່​ເຮືອນ, ຫ້າມ​ເດີນ​ທາງ​ໄປ​ທ້ອງ​ຖິ່ນ​ອື່ນໆ, ຍົກເວັ້ນ​ໃນ​ກໍລະນີ​ທີ່​ຈໍາ​ເປັນ.
- ປິດ​ການເຄື່ອນໄຫວ​ຂອງ​ ຫົວໜ່ວຍ​ທຸລະ​ກິດ​ທີ່​ມີ​ຄວາມ​ສ່ຽງ. 
+ ຮ້ານ​ບັນ​ເທີງ, ໂຮງງານ​ຕັດຫຍິບ, ໂຄງການ​ໃຫຍ່​ທີ່​ມີ​ຄວາມ​ສ່ຽງ, ຮ້ານ​ຂາຍ​ສິນຄ້າ​ທົ່ວ​ ໄປ ນອກຈາກ​ສະບຽງ​ອາຫານ, ຮ້ານ​ຂາຍ, ປ້ໍານ້ໍາ​ມັນ.
-  ຫ້າມ​ຊຸມນຸມ​ຫຼາຍ​ກ່​ວາ 10 ຄົນ.
- ອອກ​ນອກ​ເຮືອນ​ໃຫ້​ໃຊ້​ຜ້າ​ອັດ​ປາກ​-​ດັງ ແລະ ນ້ໍາ​ເຈ​ວ​ລ້າງ​ມື. 
ຜ່ານ​ການ​ວາງ​ນະໂຍບາຍ ແລະ ມາດ​ຕະການ​ຮັບ​ມື​ກັບ​ພະ ຍາດ COVID-19 ຢ່າງຈິງຈັງ​ ຂອງ​ລັດຖະບານເຫັນ​ວ່າມີລັກສະ ນະ​ຮອບດ້ານ ແລະ ການຈັດຕັ້ງ​ ປະຕິບັດຕົວຈິງມີ​ປະສິດທິ ພາບ​ດີ​ພໍ​ສົມຄວນ   ​ເມື່ອ​ທຽບກັບປະ ເທດ​ອື່ນ ຍ້ອນ​ເຫດຜົນ​ດັ່ງກ່າວ, ມະຫາວິທະຍາໄລ  Oxford ໄດ້​ ຈັດ​ອັນ​ດັບໃຫ້ ສປປ ລາວ ແລະ ສສ ຫວຽດນາມຢູ່​ໃນອັນດັບນໍາ ໜ້າທີ່​ໄດ້​ຄະແນນ​ດີທີ່​ສຸດ​ ໃນ​ການ​ຄວບ​ຄຸມ ແລະ ວາງ​ມາດ​ຕະການ ເພື່ອ​ປ້ອງ​ກັນການແຜ່​ ລະບາດ​ຂອງໂຄ​ວິດ-19 ໂດຍ ອີງໃສ່ 11 ຕົວ​ຊີ້​ວັດ. ເຖິງແມ່ນ ວ່າ​ຈໍາ​ນວນຜູ້ຕິດເຊື້ອຈະຍັງ​ມີ​ໜ້ອຍທຽບ​ກັບ​ຫຼາຍ​ປະເທດ, ແຕ່​ຄວາມ​ສ່ຽງ​ຂອງ​ການ​ແຜ່ລະ ບາດ​ຂອງ​ພະຍາດ COVID-19 ແມ່ນ​ຍັງ​ມີ​ສູງ.
2). ນະໂຍບາຍ ແລະ ມາດ​ຕະການ​ຮັບ​ມື​ກັບ​ຜົນ​ກະທົບ​ຈາກ​ການ​ລະບາດ​ຂອງ​ພະຍາດ COVID-19 ຕໍ່ເສດຖະກິດ​ຂອງ ສປປ ລາວ
ເພື່ອ​ຮັບ​ມື​ກັບ​ຜົນ​ກະທົບ​ຈາກ​ການ​ລະບາດ​ຂອງ​ພະຍາດ COVID-19 ຕໍ່​ເສດຖະກິດ​ຂອງ ສປປ  ລາວ,   ລັດ​ຖະບານໄດ້​  ອອກຂໍ້​ຕົກລົງ​ເລກ​ທີ 31/ນຍ (2/ 4/ 2020)  ວ່າ​ດ້ວຍການກໍາ​ນົດ​ນະໂຍບາຍ  ແລະ  ມາດ​ຕະການ  ເພື່ອ​ຫຼຸດຜ່ອນຜົນກະທົບຈາກ ການລະບາດ​ຂອງ​ພະຍາດ COVID-19  ຕໍ່​ເສດຖະກິດ​ຂອງ​ລາວ ແລະ ຂໍ້​ຕົກລົງ​ຂອງ​ນາຍົກລັດຖະມົນຕີ​ສະບັບ​ເລກ​ທີ 001/ນຍ (8 ເມສາ 2020) ວ່າ​ດ້ວຍ​ການ​ແຕ່ງຕັ້ງ​ຄະນະ​ສະເພາະ​ກິດ​ຮັບຜິດຊອບ​ຕິດ ຕາມ​ຜົນ​ກະທົບ ແລະ ຜັນຂະ ຫຍາຍນະໂຍບາຍ ແລະ ມາດ ​ຕະການ  ​ເພື່ອ​ຫຼຸດຜ່ອນ​ຜົນ​ກະ ທົບ​ຈາກ​ການ​ລະບາດ​ຂອງ​ພະ ຍາດ  COVID-19   ຕໍ່ເສດຖະ ກິດຂອງ ສປປ ລາວ.
 ໂດຍ​ອີງ​ໃສ່​ຄໍາ​ສັ່ງ  ແລະ  ຂໍ້​ ຕົກລົງ​ດັ່ງກ່າວ,  ແຕ່​ລະ​ພາກ ສ່ວນ​  ໂດຍ​ສະເພາະຂະແໜງ​ ເສດຖະກິດ​ກໍໄດ້​ຜັນ​ຂະຫຍາຍ ອອກ​ເປັນ​ນິຕິ​ກໍາ​ລະອຽດ​ຂອງ​ຕົນ.
ສາເຫດ​ຕົ້ນຕໍ​ຂອງ​ຜົນ​ກະທົບ
 ຜົນ​ກະທົບ​ຂອງ​ການແຜ່​ ລະບາດ​ຕໍ່​ເສດ​ຖະ​ກິດ​-ສັງຄົມ​ ຂອງ ສປປ ລາວ ຕົ້ນຕໍ​ແມ່ນມາ​ ຈາກ 2 ປັດໄຈ (ສາເຫດ) ຄື: ປະ ເທດ​ຄູ່​ການ​ຄ້າ, ຄູ່​ການລົງທຶນ ​ຂອງ ສປປ ລາວ ປະຕິບັດມາດ ​ຕະ​ການ​ຈໍາ​ກັດ​ການ​ພົວພັນ​ທາງ​ເສດຖະກິດ​ກັບ ສປປ ລາວ ເພື່ອ​ຫຼີກເວັ້ນ​ການ​ແຜ່ລະບາດ​ຂອງ​ພະຍາດ COVID-19 ຢູ່​ປະເທດ​ຂອງ​ເຂົາ​ເຈົ້າ.  ການ​ກໍາ​ ນົດ​ນະໂຍບາຍ ແລະ ມາດ​ຕະ ການ​ຮັບ​ມື​ກັບ​ການແຜ່ລະ ບາດ​ພະຍາດ COVID-19 ຢູ່ປະ ເທດ​ເຮົາໂດຍ​ການຈໍາກັດການ​ພົວພັນ​ຂອງຄົນພາຍ​ໃນ​ປະ ເທດ,  ຈໍາ​ກັດ​ການເຄື່ອນໄຫວ ​ທາງ​ການ,  ການ​ດໍາ​ເນີນ​ທຸລະ​ກິດ, ການ​ຊຸມນຸມ, ການໄປມາ ຫາສູ່​ກັນ... 
ຜົນ​ກະທົບ​ຕໍ່​ພາກ​ທຸລະ​ກິດ
1). ທຸລະ​ກິດ​ທ່ອງ​ທ່ຽວ:
+ ຂະແໜງ​ທຸລະ​ກິດ​ທ່ອງ​ທ່ຽວ​ເປັນ​ຂະແໜງ​ທີ່​ໄດ້​ຮັບຜົນ ​ກະ​ທົບ​ທໍາ​ອິດ ແລະ ໜັກ​ໜ່ວງ​ກໍວ່າ​ຂະແ​ໜງການອື່ນ,  ໄດ້​ສູນ​ເສຍ​ລາຍ​ຮັບ​ໄປ​ແລ້ວ ​ສໍາລັບ 2 ເດືອນ​ທໍາ​ອິດ​ຂອງ​ປີ 2020 ປະ ມານ 452.000 ໂດລາ  ເພາະ ​ມີ​ຈໍານວນນັກທ່ອງທ່ຽວຈາກຈີນ ແລະ ໄທ ເຂົ້າ​ມາ​ລາວ ຫຼຸດ​ລົງ -16 % ແລະ -5% ຫຼື - 14.417 ແລະ - 21.791 ເທື່ອຄົນ  ຖ້າທຽບ ໃສ່ໄລຍະດຽວກັນ​  ໃນ​ປີ​ຜ່ານ​ມາ. ສ່ວນ​ຈໍາ​ນວນ​ນັກ​ທ່ອງທ່ຽວ​ ຈາກ​ເກົາຫຼີ ແລະ ເອີ​ຣົບຍັງ​ຂະ ຫຍາຍຕົວ​ໃນ 2 ເດືອນ​ທໍາ​ອິດ​ຂອງ​ປີ​ນີ້   ເຮັດໃຫ້ມີຈໍາ​ນວນນັກ​ ທ່ອງ​ທ່ຽວ​ທັງ​ໝົດ​ທີ່ເຂົ້າ​ມາລາວ ໃນ 2 ເດືອນ​ມີ  697.004  ເທື່ອ ​ຄົນ  ເພີ່ມ​ຂຶ້ນ  4% ຖ້າທຽບໃສ່ ໄລຍະດຽວກັນໃນປີ 2019 ຫຼື 14,5% ຂອງ​ນັກທ່ອງທ່ຽວທັງ ໝົດ​ໃນ​ປີ 2019. ຖ້າ​ເບິ່ງ​ສະ ພາບ​ຮອດ​ເດືອນກຸມພາເຫັນ ວ່າຜົນ​ກະທົບ​ຕໍ່​ຂະແ​ໜງການ​ທ່ອງທ່ຽວຍັງ​ບໍ່​ຫຼາຍ​ເທົ່າ​ທີ່ຄວນ.  ເຖິງ​ຢ່າງໃດ​ກໍຕາມ,  ຮອດປັດ ຈຸ​ບັນເດືອນ​ເມສາ  (ທຸກ​ການ ເຄື່ອນໄຫວ​ເຂົ້າ​ມາ​ທ່ອງທ່ຽວ​ບໍ່​ວ່າ​ຈະ​ມາ​ຈາກ​ປະເທດ​ໃດແມ່ນ​ຖືກ​ຈໍາ​ກັດ​ໃນ​ລະດັບ​ສູງ​ສຸດຈໍາ​ນວນ​ນັກ​ທ່ອງ​ທ່ຽວ​ທີ່​ຈະ​ເຂົ້າ​ມາ​ເພີ່ມ​  ຈຶ່ງ​ຖືວ່າ​ເກືອບ​ຈະ​ບໍ່​ມີ) ເຖິງ​ແມ່ນ​ວ່າ​ຈະ​ຍັງ​ບໍ່​ທັນ​ມີ​ໂຕ​ເລກ​ສະຖິຕິ​ລາຍ​ງານ​ຢ່າງ​ເປັນ​ທາງ​ການ (ຊຶ່ງ​ສະພາບ​ດັ່ງກ່າວ ຄາດ​ວ່າ​ອາດ​ແກ່ຍາວ​ຮອດ 12 ເດືອນ ເພາະ​ຫຼາຍ​ປະເທດ​ຍັງ​ບໍ່​ສາມາດ​ຄວບ​ຄຸມ​ສະຖານະ​ການ​ໄດ້ ແລະ ເຖິງ​ຈະເຮັດ​ໄດ້​ກໍຍັງ​ມີ​ຄວາມ​ກັງວົນ​ດ້ານ​ການ​ເດີນທາງ ແລະ ໂອກາດ​ທີ່​ເຊື້ອ​ພະຍາດ​ຈະ​ກັບ​ມາ​ລະບາດ​ອີກ.
+ ວິ​ສາ​ຫະ​ກິດ​ທີ່​ຕິດ​ພັນ​ກັບ​ວຽກ​ງານ​ທ່ອງ​ທ່ຽວ​ ແລະ​ ບໍ ລິການ​ກວມ​ມີ: ວິ​ສາ​ຫະ​ກິດ​ທ່ອງ​ທ່ຽວ, ທີ່​ພັກ​ອາໄສ, ຮ້ານ​ອາຫານ ແລະ ເຄື່ອງ​ດື່ມ, ການບັນເທີງ, ການ​ຂົນສົ່ງ​ໂດຍສານ, ການ​ສຶກສາ ແລະ  ການ​ບໍລິການ​ອື່ນໆ​  ຊຶ່ງ​ຖືກກະທົບ​ໂດຍກົງຈາກ ​ມາດ​ຕະການ​ປະເທດ​ຄູ່​ການ ​ຄ້າ ແລະ ມາດ​ຕະການ​ພາຍໃນ ​ປະ​ເທດ. ໃນ​ນັ້ນ, ແຂວງ​ທີ່ໄດ້ຮັບ ຜົນ​ກະທົບ​ຫຼາຍກວ່າໝູ່ແມ່ນ​ ນະຄອນຫຼວງ​ວຽງ​ຈັນ  ແລະ ນະ ຄອນຫຼວງພະບາງທີ່ມີຈໍານວນ ວິ​ສາ​ຫະ​ກິດ​ຢູ່ໃນຫຼາຍກວ່າ 5.000 ວິ​ສາ​ຫະ​ກິດ 2 ແຂວງ ດັ່ງກ່າວ​ເປັນ​ຈຸດ​ສູນ​ກາງການ ທ່ອງທ່ຽວ, ມີ​ຖ້ຽວ​ບິນ​ຈາກຕ່າງ ປະເທດຈໍາ​ນວນຫຼາຍ ​ ແລະ ເປັນ 2 ແຂວງ​ທໍາ​ອິດ​ໃນ​ລາວ​ທີ່​ພົບ​ຜູ້​ຕິດ​ເຊື້ອ. 
+ ສໍາ​ລັບ 11 ແຂວງ​ທີ່ຖືກຜົນ ​ກະທົບ​ໃນ​ລະດັບ​ທີ 2 ຈໍາ​ນວນ 1.000-5.000 ວິສາ​ຫະກິດ ເກືອບ​ທັງ​ໝົດແມ່ນແຂວງທີ່ຕິດ​ລຽບ​ຊາຍ​ແດນແມ່​ນ້ໍາ​ຂອງ​ທີ່​ມີ​ການ​ເດີນທາງ​ເຂົ້າ​-ອອກ​ຂອງ​ນັກ​ທ່ອງ​ທ່ຽວ ແລະ ການ​ຂົນສົ່ງ ສິນ​ຄ້າ. 
+ ອີກ 5 ແຂວງ​ ແມ່ນຖືກ ຜົນ​ກະທົບ​ໃນ​ລະດັບ​ທີ 3 ຕໍ່າ​ກວ່າ 1.000 ວິ​ສາ​ຫະ​ກິດ. ຕົວ ຢ່າງ,  ອີງ​ຕາມ​ການ​ປະເມີນ​ເບື້ອງ​ຕົ້ນຂອງ​ສະພາ​ການ​ຄ້າ ແລະ ອຸດ​ສາ​ຫະ​ກໍາ​ແຫ່ງ​ຊາດ​ລາວ ໄດ້​ໃຫ້ຮູ້ວ່າອັດຕາ​ການຍົກ ເລີກ​ການ​ຈອງໂຮງແຮມໃນ ເດືອນມີນາ 2020 ສູງ​ກວ່າ 70% (ສໍາ​ຫຼວດ​ຈາກ​ໂຮງແຮມໃຫຍ່​ຈໍາ​ນວນ​ໜຶ່ງ​ໃນ​ນະຄອນຫຼວງ ວຽງ​ຈັນ, ແຂວງ​ວຽງຈັນ, ຫຼວງ​ພະ​ບາງ​ ແລະ ​ຈໍາ​ປາ​ສັກ). ສ່ວນ​ ບໍລິສັດ​ການບິນ​ລາວທີ່ໄດ້​ປະ ກາດ​ຢຸດ​ບໍລິການ  ຖ້ຽວ​ບິນ​ໃນ​ເດືອນກຸມພາ 2020 ເຮັດ​ໃຫ້​ສູນ​ເສຍ​ລາຍ​ຮັບ​ຫຼາຍ​ກວ່າ  2 ລ້ານ​ໂດລາ. 
+ ຈາກ​ຜົນ​ກະທົບ​ໃນຂະ ແໜງການ​ດັ່ງກ່າວ ຄາດວ່າ  ສປປ ລາວ ຈະ​ສູນ​ເສຍລາຍ​ຮັບ​ຈາກ​ການທ່ອງທ່ຽວບໍ່ຫຼຸດ 350 ລ້ານ​ໂດ​ລາ  ຫຼື  ປະມານ  3.111,5  ຕື້​ກີບ ແລະ ຂະແໜງ ການທ່ອງທ່ຽວ​ຂະແ​ໜງ​ດຽວ  ອາດ​ເຮັດ​ໃຫ້  GDP  ຂະຫຍາຍ ຕົວ​ຊ້າ​ລົງ​ໄດ້​ເກືອບ -2%.
2).  ທຸລະ​ກິດ​ໃນ​ຂະແໜງ​ອຸດ​ສາ​ຫະ​ກໍາ:
+ ການ​ຫຼຸດ​ລົງ​ຂອງ​ຄວາມ​ຕ້ອງການ​ຂອງ​ປະເທດ​ຄູ່​ການ​ຄ້າ​ຂອງ ສປປ ລາວ ບວກ​ກັບ​ການຈັດຕັ້ງ​ປະຕິບັດ​ແຈ້ງການ​ເລກ​ທີ 0348/ອຄ.ກອຫ, ລົງວັນ ​ທີ 31/3/2020 ໃນ​ການ​ປິດການ ​ດໍາເນີນກິດຈະການໂຮງງານ ອຸດ​ສາ​ຫະກໍາ​ຊົ່ວຄາວ​  ແລະ​ແຈ້ງ​ການ​ເລກ​ທີ  0432/ພນ, ລົງ​ວັນ​ທີ 5/4/2020 ໃນ​ການ​ປິດ​ການ​ດໍາ​ເນີນ​ກິດຈະການ ໂຮງງານ​ຂຸດ​ຄົ້ນ​ປຸງ​ແຕ່ງ​ແຮ່​ທາດ ​ແລະ ​ໂຄງການ​ກໍ່ສ້າງ​ເຂື່ອນ​ໄຟ​ຟ້າ​ນ້ໍາ​ຕົກ​ ໃນ​ຂອບ​ເຂດ​ທົ່ວ​ປະເທດ, ຈະ​ກະທົບ​ຫຼາຍ​ກວ່າ 9.000 ວິ​ສາ​ຫະ​ກິດ ໃນ​ທົ່ວ​ປະ​ເທດ.
3). ການ​ຄ້າ​ຕ່າງ​ປະ​ເທດ:
+ ສໍາ​ລັບ​ການ​ສົ່ງ​ອອກ, ຄາດ​ວ່າ ສປປ ລາວ ຈະ​ສູນ​ເສຍ​ລາຍ​ຮັບ​ຈາກ​ການ​ສົ່ງ​ອອກ​ປະມານ 483,3 ລ້ານ​ໂດ​ລາ ຫຼື ປະມານ 4.294,3 ຕື້​ກີບ, ຄິດ​ເປັນ​ປະມານ  8,4% ຂອງ​ມູນ​ຄ່າ​ການ​ສົ່ງ​ອອກ​ໃນ​ປີ 2019 ຍ້ອນ​ການ​ຂະ​ຫຍາຍຕົວຊ້າຂອງ​ ເສດຖະກິດ  ແລະ  ຄວາມ​ຕ້ອງ ການ​ທີ່​ຫຼຸດ​ລົງ​ຂອງ​ປະເທດ​ຄູ່​ຄ້າ​ຕ່າງໆ​ຂອງ​ລາວ.  ໂຕ​ເລກ​ການ​ສົ່ງ​ອອກ​  ໃນໄລຍະ 3 ເດືອນທໍາ​ອິດຂອງ​ປີ  2020 ໄດ້​ເລີ່ມ​ມີ​ທ່າ​ອ່ຽງ​ຫຼຸດ​ລົງ​ຈາກ 410  ລ້ານ​ໂດ​ລາ   ໃນ​ເດືອນ​ມັງ ກອນເປັນ 391  ລ້ານໂດລາ ໃນ ເດືອນກຸມພາ ແລະ 343 ລ້ານ ໂດ​ລາ​ໃນເດືອນ​ມີ​ນາ  ໃນດ້ານ​ການສະໜອງ” ເຫັນ​ວ່າ​ມີ​ຈໍາ​ກັດ​ຫຼາຍ ​ໂດຍ​ສະເພາະ​ໃນ​ໄລຍະ​ຈັດ​ຕັ້ງ​ປະຕິ​ບັດ​ຄໍາ​ສັ່ງ​ເລກ​ທີ 06/ນຍ ທີ່​ໃຫ້​ມີ​ການ​ຢຸດຕິ​ຫຼາຍ​ກິດຈະການ​ຊົ່ວຄາວລວມທັງ ​ໂຮງງານ​ຜະລິດ ​ເພື່ອ​ສົ່ງ​ອອກ ເຊັ່ນ: ໂຮງງານ​ຕັດຫຍິບ 23 ແຫ່ງ, ໂຮງ​ງານ​ປ​ລາ​ສະຕິກ, ຊີ ມັງ, ຢາສູບ, ປະກອບ​ລົດ, ເຈ້ຍ ແລະ ປຸງ​ແຕ່ງ​ໄມ້, ນອກຈາກ​ນີ້, ການ​ສົ່ງ​ອອກ​ສິນຄ້າ​ປະເພດ ​ກະ​ສິ​ກຳ​ອາດ​ໄດ້​ຮັບຜົນກະທົບ​ ໃນ​ໄລຍະ​ສັ້ນ ຫຼື ຊົ່ວຄາວ​ຍ້ອນ​ມີ​ການ​ປິດ​ດ່ານ​ທ້ອງຖິ່ນ  ແລະ ມາດ​ຕະ​ການ​ຈໍາ​ກັດ​ຄົນ​ເຂົ້າ​ປະເທດ​ຢ່າງເຂັ້ມ​ງວດ. ເຖິງ ​ຢ່າງໃດ​ກໍຕາມ,  ການ​ນໍາເຂົ້າສິນ ຄ້າ​ຂອງ​ລາວ  ຄາດ​ວ່າ​ຈະ​ຫຼຸດ​ລົງ​ເຊັ່ນ​ດຽວ​ກັນ  ໂດຍ​ອາດ​ຫຼຸດ​ລົງປະມານ  347   ລ້ານໂດລາ  ຫຼື  3.084,5  ຕື້​ກີບ  ຍ້ອນການ​ຂະ​ຫຍາຍຕົວຊ້າຂອງ​ການຊົມໃຊ້​ພາຍ​ໃນ  ແລະ ໂຄງການລົງ ທຶນ​ຕ່າງໆ​ທີ່​ປະຕິບັດ​ການ​ນໍາ​ເຂົ້າ​ໄດ້​ລ້າ​ຊ້າ  ຫຼື  ເລື່ອນ​ການປະຕິ ບັດ  ໃນ​ໄລຍະ​ທີ່​ມີ​ການ​ປິດ ດ່ານ.
4). ການ​ລົງທຶນ:
+ ໄດ້​ຮັບ​ຜົນ​ກະທົບ​ດ້ານ​ຄວາມ​ລ້າ​ຊ້າ  ໃນ​ການ​ຂະຫຍາຍ​ການ​ຜະລິດ ຫຼື ການ​ເລື່ອນ​ເວລາ​ໃນ​ການ​ດໍາ​ເນີນ​ກິດຈະ​ກໍາ​ການ​ຜະລິດ​ອອກ​ໄປ  ຍ້ອນ​ຄວາມ​ເຂັ້ມ​ງວດ​ໃນ​ການ​ປະຕິບັດ​ມາດ​ຕະການ​ຕ້ານ​ການ​ລະບາດ​ຂອງ​ພະຍາດ ແລະ ມີ​ຂໍ້​ຈໍາ​ກັດ​ໃນ​ການ​ເຄື່ອນ​ຍ້າຍ​ແຮງ​ງານ ຊຶ່ງ​ນໍາ​ໄປ​ສູ່​ບັນຫາ​ຂາດແຄນ​ແຮງ​ງານ​ໃນ​ຫຼາຍ​ໂຄງການ​ລົງທຶນ​ຂອງ ນັກ​ລົງທຶນ​ຈີນ.  (ນອກຈາກ​ນີ້,  ຄວາມ​ບໍ່​ແນ່ນອນ​ຂອງ​ການ​ລະບາດ​ຂອງ​ພະຍາດ  ເຮັດ​ໃຫ້​ນັກ​ລົງທຶນ​ປະເທດ​ຕ່າງໆມີ​ຄວາມ​ລັງ​ເລ ​ໃນ​ການ​ເຂົ້າ​ມາ​ລົງທຶນ​ໃໝ່ ແລະ ກະທົບ​ບໍ່​ຫຼາຍ​ກໍໜ້ອຍ​ຕໍ່​ການ​ດຶງ​ດູດ​ການ​ລົງ ທຶນ​ໂດຍ​ກົງ​ຈາກຕ່າງ​ປະ​ເທດ. ສໍາ​ລັບ​ນັກ​ລົງທຶນ​ທີ່​ມີ​ແຜນ​ຈະ​ມາ​ແລ້ວ ກໍບໍ່​ສາມາດ​ປະຕິບັດ​ໄດ້​ຍ້ອນ​ຂໍ້​ຈໍາ​ກັດ​ດ້ານ​ການ​ຂົນ ສົ່ງ  ແລະ  ຂອດ​ການ​ບໍລິການ​ຕ່າງໆ​ທີ່​ຕ້ອງ​ໄດ້​ຢຸດ​ຊົ່ວຄາວ​ເພື່ອ​ສະກັດ​ກັ້ນ​ການ​ແຜ່​ລະ​ບາດ. ສະນັ້ນ, ຈາກ​ການ​ປະ​ເມີນ​ເບື້ອງຕົ້ນ,  ຖ້າ FDI ລວມ​ຫຼຸດ​ລົງ  10%  ຈະ​ເຮັດ​ໃຫ້ການ​ເຕີບ​ໂຕ​ ໃນ​ປີ 2020 ທີ່​ຄາດ​ໄວ້​ຫຼຸດ​ລົງ​ໄປ​ໄດ້​ອີກ  0,4%  ຫຼື ປະມານ  539  ຕື້​ກີບ.  ນອກຈາກ​ນີ້, ນະໂຍບາຍ​ຂອງ​ລັດຖະບານ​ໃນ​ການ​ເລື່ອນ​ຈ່າຍ ຫຼື ເລື່ອນ​ຊໍາ​ລະໂຄງການລົງທຶນ​ຂອງ​ລັດ​ທີ່​ບໍ່​ຈໍາ​ເປັນ ແລະ ມີ​ຄວາມສ່ຽງ ອອກ​ໄປ​ໃນ​ປີ 2021 ກໍຈະ​ເຮັດ​ໃຫ້​ມູນ​ຄ່າ​ການ​ລົງທຶນ​ລວມ​ຂອງ​ລັດ​ຫຼຸດ​ລົງ​ໄດ້​ອີກ. 
5). ທຸລະ​ກິດ​ການ​ເງິນ​-​ການ​ທະນາຄານ:
+ ສະພາບ​ຄ່ອງ​ຂອງ​ລະ ບົບ​ທະນາຄານ ອາດ​ໄດ້​ຮັບ​ຜົນ​ກະທົບ​ຈາກ​ການ​ສະ​ລໍ​ຕົວ​ຂອງ​ເສດຖະກິດ ແລະ ການ​ຟື້ນຕົວ​ຊ້າ​ຂອງ​ທຸລະ​ກິດ​ເອກະ​ຊົນ​ໂດຍ​ສະເພາະ​ທຸລະ​ກິດ​ໃນ​ກຸ່ມ​ທ່ອງ​ທ່ຽວ   ແລະ  ບໍລິການ​ທີ່​ໄດ້​ຮັບ​ຜົນ​ກະທົບ  ແລະ  ໄດ້​ກູ້​ຢືມ​ເງິນ​ຈາກ​ລະບົບ​ທະນາຄານ​ໃນ​ໄລຍະ​ກາງ  ຊຶ່ງ​ຈະ​ມີ​ຄວາມ​ສ່ຽງ​ເຮັດ​ໃຫ້​ເກີດ​ມີ​ໜີ້​ເສຍ) NPL) ເພີ່ມ​ຂຶ້ນ ພາຍຫຼັງ​ໄລຍະ​ຜ່ອນຜັນ​ການ​ຈ່າຍ​ຄືນ​ດອກ​ເບ້ຍ ແລະ ຕົ້ນ​ທຶນ ໃນ​ປີ 2020 , ອີງ​ຕາມ​ການ​ສໍາ​ຫຼວດ​ຫົວໜ່ວຍ ທຸລະ​ກິດ​ບໍລິການຂອງ​ສະພາ​ອຸດ​ສາ​ຫະ​ກໍາ ແລະ ການ​ຄ້າອີ​ຢູ ປະ​ຈໍາ​ລາວ ໃຫ້​ຮູ້​ວ່າ: ຫຼາຍ​ກວ່າ 70% ຂອງ​ຫົວໜ່ວຍ​ທຸລະ​ກິດ​ທີ່​ຖືກ​ສອບ​ຖາມ  56  ຫົວໜ່ວຍ (ຄາດ​ວ່າ​ຈະ​ສູນ​ເສຍ​ລາຍ​ຮັບ​ຫຼາຍ​ກວ່າ  50%  ຂອງ​ລາຍຮັບ ທັງໝົດ). ສະນັ້ນ,ບັນຫາ​ດັ່ງກ່າວ  ຄາດ​ວ່າ​ຈະ​ຈໍາກັດຄວາມສາ ມາດ​ ໃນ​ການ​ປ່ອຍກູ້​ຂອງທະ ນາຄານ​ພາຍ​ໃນ 1 ຫຼື 2 ປີ​ຕໍ່ ໜ້າ, ນອກຈາກ​ນີ້, ອີງ​ຕາມການ​ ສໍາ​ຫຼວດ​ຂອງ​ສະພາ​ການຄ້າ  ແລະ  ອຸດ​ສາ​ຫະ​ກໍາແຫ່ງຊາດ ໃຫ້​ຮູ້​ວ່າ:  ໜຶ່ງ​ໃນຄວາມສ່ຽງທີ່​ ຈະ​ເກີດ​ຂຶ້ນ​ຍ້ອນ​ຜົນກະທົບ​ຈາກ COVID-19 ແມ່ນຫົວ ໜ່ວຍ​ທຸລະ​ກິດ​ຈະ​ບໍ່​ສາມາດ​ຈ່າຍ​ຕົ້ນ​ທຶນ ແລະ ດອກເບ້ຍ. ບັນຫາ​ດັ່ງກ່າວ​ນີ້ຍັງ​ຈະ​ກະທົບ​ຕໍ່​ສະພາບ​ຄ່ອງ​ຂອງ​ລະບົບ​ທະ ນາຄານ​ທຸລະ​ກິດ ຊຶ່ງ​ຈະ​ຈໍາກັດ​ຄວາມ​ສາມາດ​ໃນ​ການ​ປ່ອຍ​ກູ້​ຂອງ​ທະນາຄານ​ ໃນ​ໄລຍະ 1 ປີ​ຕໍ່​ໜ້າ.  ເຖິງ​ຢ່າງໃດ​ກໍຕາມ, ທະນາຄານ​ແຫ່ງ ສປປ ລາວ ໄດ້​ມີ​ບາງ​ນະໂຍບາຍ​ເສີມ​ສະພາບ​ຄ່ອງ​ໃຫ້​ແກ່​ລະບົບ​ທະນາຄານ​ທຸລະ​ກິດ​ເຊັ່ນ:  ຫຼຸດ​ດອກ​ເບ້ຍ​ພື້ນ ຖານ​ຂອງ​ທະນາຄານ​ກາງ  1% ແລະ ຫຼຸດ​ອັດຕາ​ເງິນ​ແຮ​ຝາກ​ບັງຄັບ 1% ສໍາ​ລັບ​ເງິນ​ກີບ ແລະ  2%  ສໍາ​ລັບ​ເງິນຕາຕ່າງ​ປະ​ເທດ. ຕາມ​ການ​ປະ​ເມີນ​ເບື້ອງ​ຕົ້ນ, ການ​ປະຕິບັດ​ຫຼຸດ​ອັດຕາ​ເງິນ​ແຮ​ຝາກ​ບັງຄັບ ຄາດ​ວ່າ​ຈະ​ສາມາດ​ສ້າງສະພາບ​ຄ່ອງ​ໃຫ້​ແກ່​ທະນາຄານ​ທຸລະ​ກິດລວມ​ມູນ​ຄ່າ​ປະມານ 965 ຕື້​ກີບ.

6. ຜົນ​ກະທົບ​ຕໍ່​ລາຍ​ຮັບ​ງົບປະມານ​ລັດ  ແລະ  ການຊ່ວຍ ເຫຼືອ​:
+  ລາຍ​ຮັບ​ຂອງ​ລັດຖະບານ ​ທີ່​ຕິດ​ພັນ​ກັບ​ການທ່ອງ​ທ່ຽວ ເປັນຕົ້ນ​ແມ່ນການບິນ, ຄ່າ​ບິນ​ຜ່ານ  ແລະ  ລາຍຮັບຄ່າທໍານຽມ ​ຄ່າ​ວີຊາ  ແລະ  ອື່ນໆຈະໄດ້ຮັບ​ຜົນ​ກະທົບ​ຢ່າງ​ຫຼີກລ່ຽງ​ບໍ່​ໄດ້.  ອີງ ​ຕາມ​ການ​ຄາດຄະເນຂອງກະ ຊວງ​ການເງິນ,  ລັດຖະບານອາດ ​ຈະ​ສູນ​ເສຍ​ລາຍ​ຮັບ​ປະມານ 6.000  ຕື້​ກວ່າ​ກີບ ໃນ​ນັ້ນ,  ການ​ສູນ​ເສຍ​ລາຍ​ຮັບງົບປະມານ ຈາກ​ການ​ເກັບ​ຄ່າທໍາ​ນຽມຈາກ​ ພາຫະນະ ແລະ ຄົນ​ເຂົ້າ​ອອກ ປະມານ  41,2  ຕື້​ກີບ ໃນໄລຍະ 4 ເດືອນ,  ການ​ເກັບອາກອນບໍ່​ ຕ່ໍາ​ກວ່າ 1.000 ຕື້ກີບ ແລະ ການ​ບໍລິການ​ຜ່ານການບິນ,  ຄ່າ​ສໍາ​ປະທານ​ທີ່​ດິນ, ພາສີ ແລະ ອື່ນໆ. 
+ ເນື່ອງ​ຈາກ​ບັນດາ​ປະເທດ​ຄູ່​ຮ່ວມພັດທະນາ​ຂອງ  ສປປ  ລາວ ກໍປະເຊີນ​ກັບ​ບັນຫາ​ການ​ແຜ່​ລະບາດພະຍາດ COVID-19 ໃນໄລຍະສັ້ນ​ພວກ​ເຮົາ​ອາດພົບ ​ຄວາມຫຍຸ້ງຍາກໃນ​ການໄດ້​ ຮັບ​ການ​ຊ່ວຍ​ເຫຼື​ອ.  ເຖິງ​ຢ່າງ ໃດກໍຕາມ, ລັດ​ຖະບານ​ຍັງຈະ ​ໄດ້​ຮັບ​ທຶນ​ຊ່ວຍເຫຼືອຈາກ​ປະ ເທດ​ເພື່ອນ​ບ້ານ ແລະ  ເງິນກູ້ຢືມ ​ຈຳ​ນວນ​ໜຶ່ງເຊັ່ນ:  ຈີນ​ຊ່ວຍ  7 ຕື້ກວ່າກີບ,  ຫວຽດນາມ  3  ແສນ​ໂດ​ລາ ແລະ  ເງິນ​ກູ້​ທະນາຄານ​ໂລກ 18  ລ້ານ​ໂດ​ລາ  ລວມ​ເປັນ ​ມູນຄ່າ​ປະມານ 188 ຕື້​ກີບ.
7). ຜົນ​ກະທົບ​ຕໍ່​ແຮງ​ງານ:
+ ໃນ​ໄລຍະ​ສັ້ນ, ການປະ ຕິ​ບັດ​ຄໍາ​ສັ່ງ​ຂອງ​ນາຍົກລັດຖະ ມົນຕີ​ສະບັບ​ເລກ​ທີ 06/ນຍ,     ລົງ​ວັນ​ທີ 6 ມີນາ 2020 ວ່າ​ດ້ວຍ​ການ​ເພີ່ມ​ທະວີ​ມາດ​ຕະການສະ ກັດ​ກັ້ນ,  ກັນ​ການ​ລະບາດ, ຄວບ​ຄຸມ ແລະ ກຽມ​ຄວາມ​ພ້ອມ ​ເພື່ອ​ຕ້ານພະຍາດ COVID-19 ຊຶ່ງ​ເປັນ​ມາດ​ຕະການເຂັ້ມ​ງວດຂັ້ນ​ ສູງ​ສຸດ  ເພື່ອ​ຢຸດຕິ​ການ​ແຜ່​ລະ ບາດ​ພະຍາດ  COVID-19 ດ້ວຍ​ ການ​ຈໍາ​ກັດ​ການ​ເດີນທາງອອກ​ ນອກ​ເຮືອນ  ແລະ  ເຄື່ອນໄຫວທຸ ລະ​ກິດສ່ວນ​ໃຫຍ່​ ໃນ​ທົ່ວປະ ເທດ  (Lockdown)  ໄດ້ມີຜົນກະ ທົບ​ຕໍ່​ຫຼາຍ​ຫົວໜ່ວຍ​ທຸລະ​ກິດ​ທັງ​ໃນ​ລະບົບ ແລະ ນອກ​ລະບົບ ໂດຍສະເພາະ​ແມ່ນ​ລາຍຮັບ​ຂອງ​ແຮງ​ງານ  ​ໃນ​ທຸລະ​ກິດ  SMEs,  ຮ້ານ​ນວດ, ບໍລິການ ຂົນ ສົ່ງ, ໂຮງແຮມ, ຮ້ານ​ອາຫານ  ​ສໍາຫຼວດ​ຫົວໜ່ວຍ​ທຸລະ​ກິດ​   ຊຶ່ງ​ສ່ວນ​ໃຫຍ່​ແມ່ນຢູ່ໃນທຸລະກິດ​ບໍລິການ  ໃນ​ລະຫວ່າງ​ວັນ​ທີ 6-10 ເມສາ 2020, ເຫັນ​ວ່າ​ປະ ມານ 13% ຂອງຜູ້ຕອບ​ແບບ ​ສອບ​ຖາມ  211  ຄົນ  (ຕອບວ່າ​ ມີ​ຄວາມສ່ຽງທີ່​ຈະປົດພະນັກ ງານ  ແລະ  ປະມານ 24%   ບໍ່ ສາມາດ​ຈ່າຍ​ເງິນເດືອນພະນັກ ງານ). ດັ່ງນັ້ນ, ຖ້າ​ມີ​ການປົດ ຫຼື ຢຸດ​ເຊົາ​ການເຮັດວຽກຂອງ ພະນັກງານ​  ໂດຍ​ບໍ່​ຈ່າຍ​ເງິນ ເດືອນ​ປະມານ 10% ຂອງແຮງ​ງານ​ທັງ​​ໝົດໃນຂະແໜງການ​ບໍລິການ  (ບໍ່​ລວມພະນັກງານ​ລັດ) ໃນ​ໄລຍະ 3 ເດືອນ ຈະ​ເຮັດ​ໃຫ້​ແຮງ​ງານ​ປະມານ 70.584  ຄົນ  ໄດ້​ຮັບ​ຜົນ​ກະທົບ  ແລະ ເຮັດ ​ໃຫ້​ເຂົາເຈົ້າ​ສູນ​ເສຍລາຍຮັບ​ ປະມານ 4.670 ຕື້​ກີບ ຫຼື 6,6 ລ້ານ​ກີບ​ຕໍ່​ຄົນ,  ສ່ວນຂະແ​ໜງ​ ອຸດ​ສາ​ຫະ​ກໍາ,  ປັດຈຸບັນໂຮງ ງານ​ສ່ວນໃຫຍ່ແມ່ນ​ປີດຊົ່ວຄາວ​ຕາມ​ຄໍາ​ສັ່ງ  06/ນຍ ແລະ ແຈ້ງ​ການ  ຊຶ່ງ​ຈະເປີດການຜະລິດ​ເປັນ​ປົກກະຕິ​ພາຍ​ຫຼັງ​ຄໍາສັ່ງ​ໄດ້​ສິ້ນ​ສຸດ,   ແຕ່​ຖ້າ​ສະຖານະ​ການ​ແກ່ຍາວ​ຈະ​ກະທົບ​ຕໍ່​ບັນຫາ​ການ​ວ່າງ​ງານ​ຫຼາຍ​ຂຶ້ນ​ຕື່ມ. 
8).  ຜົນ​ກະທົບ​ຕໍ່​ການ​ເຕີບ​ໂຕ​ຂອງ​ເສດຖະກິດ​ແຫ່ງ​ຊາດ (GDP):
ຈາກ​ຜົນ​ກະທົບ​ໂດຍ​ກົງ​ຕໍ່​ຂະແໜງການ​ທ່ອງ​ທຽວ,  ການ​ຄ້າ, ການ​ລົງທຶນ ແລະ ຂະແໜງ​ອື່ນໆ​ເຂົ້າກັນດັ່ງ​ທີ່​ໄດ້ກ່າວ​ມາ​ຂ້າງ​ເທີງ, ສະ​ຖາ​ບັນຄົ້ນຄວ້າ ​ເສດຖະກິດ​ແຫ່ງ​ຊາດຄາດ​ຄະ ເນ​ວ່າ​ເສດຖະກິດ​ແຫ່ງ​ຊາດ​ຂອງ  ສປປ ລາວ (GDP) ເຕີບ​ໂຕ​ຕໍ່າ​ລົງ​ຈາກ 6,1% ໃນ​ປີ 2019   ລົງ​ມາ​ຢູ່​ໃນ​ລະດັບ 3,3% ໃນປີ  2020   ຊຶ່ງຕ່ໍາ​ກວ່າທີ່ຄາດ​ໄວ້​ ເບື້ອງ​ຕົ້ນ (4,5%) ໃນເດືອນມີ ນາ 2020; ADB ໄດ້​ຄາດຄະ ເນການ​ເຕີບ​ໂຕ GDP ຂອງ ສປປ ລາວ  ສໍາ​ລັບ  2020 ແມ່ນ  3,5%, ທະນາຄານ​ໂລກ (World Bank) ຄາດ​ຄະເນ 3,6% (ແຕ່​ຈະ​ມີ​ການ​ປັບ​ລົງ​ຍັງ​ເຫຼືອ -2,2% ຕາມ​ການ ​ສົນທະນາ​ບໍ່ເປັນ​ທາງ​ການຂອງ ຊ່ຽວຊານ  WB),  ກອງ​ທຶນ​ສາ ກົນ (IMF) ຄາດ​ຄະເນ 0,7% ສໍາ​ລັບ​ປີ  2020,  ຖ້າ​ການ​ແຜ່ລະ ບາດຂອງ​ພະຍາດ  COVID-19 ຫາກ​ສືບຕໍ່​ແກ່ຍາວ ແລະ ມີ​ຜົນ​ກະທົບ​ຫຼາຍ​ຂຶ້ນໂດຍ​ສະເພາະ​ການ​ສົ່ງ​ອອກ​ຂອງ​ລາວ​ທີ່​ຈະ ຫຼຸດ​ລົງ​ຫຼາຍ​ກວ່າ​ທີ່​ເຄີຍ​ໄດ້​ຄາດ​ໄວ້​ເບື້ອງ​ຕົ້ນໂດຍ​ໃນ​ໄລຍະ 3 ເດືອນ​ທໍາ​ອິດຂອງ​ປີ  2020 ການ ​ສົ່ງ​ອອກ​ໄດ້​ເລີ່ມ​ມີ​ທ່າອ່ຽງ​ຫຼຸດ ​ລົງ​ຈາກ  410  ລ້ານ​ໂດ​ລາ  ໃນ​ເດືອນ​ມັງກອນເປັນ  391  ລ້ານ​ໂດ​ລາ  ໃນ​ເດືອນ​ກຸມພາ  ແລະ 343  ລ້ານໂດ​ລາ ​ ໃນເດືອນມີນາ ​ໂດຍ​ສະເພາະສົ່ງ​ສິນຄ້າອອກ ໄປ​ໄທ ແລະ ຫວຽດນາມ. ສາ ເຫດ​ຕົ້ນຕໍ​ແມ່ນ​ຍ້ອນ​ອັດຕາ​ການ​ເຕີບ​ໂຕ​ຂອງ​ປະເທດ​ຄູ່​ຄ້າ​ຂອງ ສປປ ລາວ ໄດ້​ຖືກ​ປັບ​ຫຼຸດ​ລົງ​ຫຼາຍ,   ຄວາມ​ຕ້ອງ​ການ​ນໍາ​ເຂົ້າ​ສິນຄ້າ​ຂອງ​ປະເທດ​ຄູ່​ການ​ຄ້າ​ຈາກ ສປປ ລາວ ຈະຫຼຸດ​ລົງ ຕາມ​ການ​ຄາດ​ຄະເນ​ຂອງ​ອົງ ການ  IMF, ການ​ເຕີບ​ໂຕ​ຂອງ​ໄທໄດ້​ປັບ​ຫຼຸດ​ຈາກ 3% ເປັນ- 6,7%, ຫວຽດນາມປັບຫຼຸດຈາກ 6,5% ເປັນ 2,7% ແລະ ຈີນປັບ​ຫຼຸດ​ຈາກ 5,8% ເປັນ 1,2%.
ສະຫຼຸບ​ລວມ​ແລ້ວ,  ຜົນກະ ທົບ​ທາງ​ດ້ານ​ເສດຖະກິດ ​ໃນ​ໄລຍະ​ສັ້ນ​ທີ່​ພວກ​ເຮົາ​ຈະ​ເຫັນ​ໄດ້​ຢ່າງ​ຊັດເຈນ​ແມ່ນ​ການ​ສູນ​ເສຍ​ລາຍ​ຮັບ​ໃດ​ ດ້ານ​ຕ່າງໆ​ຂອງ​ ປະເທດ  ເປັນຕົ້ນແມ່ນດ້ານ​ ການ ທ່ອງທ່ຽວ,   ການ​ສົ່ງອອກ  ແລະ ລາຍ​ຮັບ​ຕ່າງໆ​ທີ່​ລັດຖະບານ​ຄວນ​ຈະ​ໄດ້​ຮັບ​ຈາກ​ກິດ​ຈະ​ກໍາ​ທາງ​ດ້ານ​ເສດຖະກິດ​ທີ່​ມີ​ທ່າ​ອ່ຽງເຕີບ​ໂຕຊ້າ​ລົງ  ຊຶ່ງສ່ວນໜຶ່ງ​ ແມ່ນຈາກ​ການປະຕິບັດ​ມາດ ຕະການ​ປິດ​ກິ​ດຈະ​ການທຸລະ​ກິດ (Lockdown). ທັງ​ໝົດເຫຼົ່າ​ ນີ້ລ້ວນແລ້ວແຕ່​ມີຜົນເຮັດ​ໃຫ້ ການ​ເຕີບ​ໂຕຂອງ​ເສດຖະກິດ​ ໃນ​ປີ 2020 ຫົດຖອຍ​ລົງ​ຢ່າງ ຫຼີກ​ລ່ຽງ​ບໍ່​ໄດ້.   ນອກຈາກ​ນີ້, ຜົນ​ ກະທົບ​ໄລຍະ​ສັ້ນ​ທີ່ສໍາ​ຄັນ​ທີ່ສຸດ ແມ່ນ​ຜົນ​ກະທົບ​ທີ່​ມີ​ຕໍ່​ຊີວິດການ ​ເປັນຢູ່​ຂອງ​ປະຊາຊົນກໍຄືກະ ທົບ​ຕໍ່​ກະແສ​ລາຍ​ຮັບຂອງ​ຊາວ ​ຜູ້​ອອກແຮງ​ງານໃນ​ປະເທດ  ໃນ ​ສະພາບ​ທີ່​ເສດຖະກິດ​ຝືດ​ເຄືອງ, ຫົວໜ່ວຍ​ທຸລະ​ກິດ​ບໍ່​ສາ​ມາດ​ດໍາ​ເນີນ​ກິດຈະການ​ໄດ້​ເຕັມທີ່ ຫຼື ຕ້ອງ​ຢຸດ​ກິດຈະການຊົ່ວຄາວ​  ຍ້ອນ​ມາດ​ຕະການ​ປ້ອງ​ກັນ​ການ​ແຜ່​ລະບາດ​ຂອງ​ພະ​ຍາດ.   ສະ ພາບ​ດັ່ງກ່າວ, ຫາກສືບຕໍ່ແກ່ ຍາວ​ພາກທຸລະກິດອາດ​ບໍ່​ສາ ມາດ​ແບກ​ຫາບ​ພາລະ​ຕໍ່​ໄປອີກ ​ໄດ້,  ຈໍາ​ເປັນ​ຕ້ອງຢຸດຈ່າຍເງິນ ເດືອນ  ແລະ ເລີກ​ຈ້າງ. ສະນັ້ນ, ຊີວິດ​ການ​ເປັນ​ຢູ່​ຂອງ​ປະຊາຊົນ​ ຈະ​ມີ​ຄວາມ​ຫຍຸ້ງຍາກລໍາບາກ​ ຂຶ້ນ​ຫຼາຍ  ​ໂດຍ​ສະເພາະ​ແມ່ນ​ກຸ່ມ​ຄົນ​ຫາ​ເຊົ້າ​ກິນ​ຄໍ່າ, ອາໄສ​ແຮງ​ງານ​ຮັບຈ້າງ​ລາຍ​ວັນທີ່ດໍາ ລົງ​ຊີວິດ​  ໃນ​ຕົວເມືອງເຮັດໃຫ້ ເຂົາເຈົ້າຂາດລາຍຮັບບໍ່​ມີເງິນ ​ຊື້ອາຫານ,  ຄ່າ​ເຊົ່າ​ຫ້ອງຍ້ອນບໍ່ ມີ​ວຽກ​ເຮັດ,  ບໍ່​ມີ​ລາຍ​ຮັບ, ມີ​ຄວາມ​ສ່ຽງກາຍເປັນຄົນເລ່ ລ້ອນພະເນຈອນ​ອາໄສ​ນອນ ຕາມສະຖານທີ່​ຕ່າງໆ,  ເປັນ​ຄົນ​ຂໍທານ. ບັນຫາ​ດັ່ງກ່າວນີ້ແມ່ນ​ຜົນ​ກະທົບ  ແລະ  ຄວາມສ່ຽງໄລ ຍະ​ສັ້ນທີ່​ພາກ​ລັດ  ແລະ  ສັງຄົມ ຕ້ອງ​ຮີບ​ຮ້ອນ​ແກ້​ໄຂ  ເພື່ອ​ປ້ອງ ກັນ​ບັ​ນ​ຫາ​ທາງ​ສັງ​ຄົມທີ່​ອາດ​ຕາມ​ມາ  ​ເປັນຕົ້ນ​ແມ່ນບັນ​ຫາຂີ້​ ລັກ, ປຸ້ນ​ຈີ້​ເອົາ​ຂອງ, ຂໍທານ ແລະ ບັນ​ຫາ​ອື່ນໆ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110