ໜັງສືພິມ ປະຊາຊົນ

ຣັດເຊຍ-ອາເມຣິກາ ອອກຖະແຫຼງການຮ່ວມ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 28/04/2020 09:03:45 ຈຳນວນຢ້ຽມຊົມ 376 ຄັ້ງ

ວິທະຍຸກະຈາຍສຽງຫວຽດນາມລາຍງານວ່າ: ວັນທີ 25 ເມສາຜ່ານມາ, ທ່ານ ວະລາດີເມຍ ປູຕິນ ປະທານາທິບໍດີຣັດເຊຍ ແລະ ທ່ານ ໂດໂນ ທຣໍາ ປະທານາທິບໍດີອາເມຣິກາ ໄດ້ອອກຖະແຫຼງການຮ່ວມ ເນື່ອງໃນໂອກາດສະເຫຼີມສະຫຼອງ 75 ປີ ແຫ່ງການພົບປະຄັ້ງປະຫວັດສາດລະຫວ່າງ ກອງທັບໂຊວຽດ ແລະ ກອງທັບອາເມຣິກາຢູ່ແມ່ນ້ຳ Elbe ປະເທດ ເຢຍລະມັນ ໃນສົງຄາມໂລກຄັ້ງທີ 2.
ຂ່າວລາຍງານວ່າ: ຖະແຫຼງການລະບຸ, ເນື້ອໃນຈິດໃຈຂອງການພົບປະກັນຢູ່ແມ່ນ້ຳ Elbe ແມ່ນແບບຢ່າງທີ່ດີກ່ຽວກັບວິທີການ, ສອງປະເທດສາມາດລຶບລ້າງບັນດາຄວາມບໍ່ລົງລອຍກັນ, ສ້າງຄວາມໄວ້ເນື້ອເຊື່ອໃຈ ແລະ ຮ່ວມມືກັນ ເພື່ອເດີນຕາມເປົ້າໝາຍທີ່ຍິ່ງໃຫຍ່ກວ່າເກົ່າ.
ການນຳສອງປະເທດ ຣັດເຊຍ ແລະ ອາເມຣິກາ ໄດ້ອອກຖະແຫຼງການຮ່ວມ ທີ່ຫາຍາກໃນສະພາບການພົວພັນ ລະຫວ່າງ ມົດສະກູ ແລະ ວໍຊິງຕັນ ພວມເຄັ່ງຕຶງໃນໄລຍະຜ່ານມາ. ກ່ອນໜ້ານັ້ນ, ທ່ານ ທຣໍາ ໄດ້ສະແດງຄວາມຫວັງຢາກໄປຢ້ຽມຢາມ ມົດສະກູ ເພື່ອເຂົ້າຮ່ວມການສະເຫຼີມສະຫຼອງເຫດການປະຫວັດສາດນີ້ ພ້ອມທັງຢາກຊຸກຍູ້ການຮ່ວມມືກັບ ຣັດເຊຍ.