Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ສືບຕໍ່ນຳພາການເມືອງແນວຄິດ ໃຫ້ທົ່ວສັງຄົມຮັບຮູ້ເຂົ້າໃຈໄພອັນຕະລາຍຂອງພະຍາດໂຄວິດ-19

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 29/04/2020 08:28:28 ຈຳ​ນວນ​ຜູ້​ເຂົ້າ​ຢ້ຽມ​ຊົມ 91 ຄັ້ງ

  ເລີ່ມ​ຕົ້ນ​ທົດ​ສະ​ວັດ​ໃ​ໝ່​ປີ 2020, ໂລກ​ເຮົາ​ໄດ້​ຕົກ​ຢູ່​ໃນ​ສະ­ພາບ​ຄວາມ​ຕື່ນ​ຕົກ­ໃຈ​ຕໍ່​ການ​ເກີດ​ຂຶ້ນ​ຂອງ​ເຊື້ອ​ຈຸ​ລະ​ໂຣກ​ອັກ­ເສບ​ປອດ​ສາຍ​ພັນ​ໃໝ່​ໂຄ​ວິດ-19 ຊຶ່ງ​ປັດ­ຈຸ​ບັນ​ໄດ້​ແຜ່​ລະ­ບາດ​ເປັນວົງ​ກວ້າງ​ອອກ ໄປ​ຮ້ອຍ​ກວ່າ​ປະ­ເທດ​ໃນ​ທົ່ວ​ໂລກ​ ແລະ​ ເພີ່ມ​ທະ­ວີ​ຄວາມ​ຮຸນ​ແຮງ​ຂຶ້ນ​ຢ່າງ​ຕໍ່​ເນື່ອງ​ ຊຶ່ງ​ໄດ້​ສ້າງ​ຄວາມ​ເສຍ​ຫາຍ​ຕໍ່​ຊີ­ວິດ, ຊັບ​ສິນ​ກໍ​ຄື​ສົ່ງ​ຜົນ​ກະ­ທົບ​ຕໍ່​ເສດ​ຖະ​ກິດ​-​ສັງ­ຄົມ​ຂອງ​ຫຼາຍ​ປະ­ເທດ​ ແລະ ​ສະ­ພາບ​ດັ່ງ­ກ່າວ ຍັງ​ບໍ່​ທັນ​ສາ­ມາດ​ຄາດ​ການ​ໄດ້​ຢ່າງ​ຊັດ​ເຈນ​ວ່າ​ຈະ​ສືບ­ຕໍ່​ແກ່­ຍາວ​ໄປ​ຮອດ​ເວ­ລາ​ໃດ. 
  ຢູ່​ປະ­ເທດ​ຂອງ​ພວກ​ເຮົາ ​ກໍພວມ​ປະ​ເຊີນ​​ໜ້າ​ກັບ​ສະ­ພາບ​ດັ່ງ­ກ່າວ, ນັບ​ແຕ່​ການ​ເລີ່ມ​ຕົ້ນ​ລະ­ບາດ​ຂອງ​ເຊື້ອ​ພະ­ຍາດ​ດັ່ງ­ກ່າວ​ໂດຍ​ເຫັນ​ແຈ້ງ​ໄພ​ອັນ­ຕະ­ລາຍ​ນັ້ນ​ກົມ​ການ­ເມືອງ​ສູນ​ກາງ​ພັກ​ແມ່ນ​ມີ​ຄວາມ​ເປັນ​ຫ່ວງ​ ແລະ​ ໄດ້​ຊີ້​ນໍາ​ລັດ­ຖະ­ບານ​ ກະ­ກຽມ​ຄວາມ​ພ້ອມ​ແຕ່​ຫົວ­ທີ​ເພື່ອ​ເຝົ້າ​ລະ­ວັງ, ສະ­ກັດ​ກັ້ນ, ປ້ອງ​ກັນ ​ແລະ​ ຮັບ​ມື​ແກ້​ໄຂ​ການ​ລະ­ບາດ​ທີ່​ອາດ​ຈະ​ເກີດ​ຂຶ້ນ ຊຶ່ງ​ເປັນ​ສິ່ງ​ທີ່​ບໍ່​ສາ­ມາດ​ຫຼີກ​ລ່ຽງ​ໄດ້. ຕະ­ຫຼອດ​ໄລ­ຍະ​ຂອງ​ການ​ ຕິດ­ຕາມ, ເຝົ້າ​ລະ­ວັງ, ສູນ​ກາງ​ພັກ, ລັດ­ຖະ­ບານ​ໄດ້​ມີ​ຄວາມ​ຕັດ­ສິນ​ໃຈ​ສູງ​ໃນ​ການ​ຊີ້​ນໍາ ​ແລະ​ ວາງ​ອອກ​ຫຼາຍ​ມາດ​ຕະ­ການ​ເພື່ອ​ປ້ອງ​ກັນ​ການ​ແຜ່​ລະ­ບາດ​ຂອງ​ພະ­ຍາດ​ໂຄ​ວິດ-19.
ມາ​ຮອດ​ມື້­ນີ້, ຜູ້​ຕິດ­ເຊື້ອ​ຈຳ­ນວນ 19 ຄົນ​ໄດ້​ປິ່ນ­ປົວ​ຫາຍ​ດີ​ແລ້ວ 7 ຄົນ, ຍັງ 12 ຄົນ​ມີ​ອາ­ການ​ເບົາ­ບາງ​ກຳ­ລັງ​ສືບ­ຕໍ່​ປິ່ນປົວ ​ທີ່​ໂຮງ­ໝໍ​ ແລະ ​ບໍ່​ມີ​ຈຳ­ນວນ​ຕິດ­ເຊື້ອ​ເພີ່ມ​ຂຶ້ນ. ພ້ອມ​ນັ້ນ​ຜູ້​ໃກ້ ຊິດ​ກັບ​ຜູ້​ຕິດ­ເຊື້ອ​ຈຳ­ນວນ 313 ຄົນ​ກໍໄດ້​ໝົດ​ເຂດ​ກຳ­ນົດ​ເວລາ ​ກັກ​ຕົວ​ແລ້ວ ຊຶ່ງ​ທຸກ​ຄົນ​ຜ່ານ​ການ​ກວດ​ແມ່ນ​ບໍ່​ພົບ​ຜູ້​ຕິດ​ເຊື້ອ.  ສະພາບ​ການ​ລະ­ບາດ​ຜ່ອນ­ຄາຍ​ລົງ​ຄື​ແນວ​ນີ້  ກໍຍ້ອນ​ວ່າ ປະ­ຊາ ­ຊົນ​ບັນ­ດາ­ເຜົ່າ ໄດ້​ເປັນ​ເຈົ້າ​ການ ຮ່ວມ​ໄມ້​ຮ່ວມ​ມື ໃນ​ການ­ຈັດ­ຕັ້ງ​ປະ­ຕິ­ບັດ ຄໍາ​ສັ່ງ ເລກ​ທີ 06/ນຍ,  ບໍ່​ໄດ້​ລົດ​ລະ​ມາດ​ຕະ­ການ​ເຝົ້າ​ລະ­ວັງຕິດ­ຕາມ​ຄົ້ນ​ຫາຜູ້​ສົງ­ໄສ​ທີ່​ຈະ​ຕິດ­ເຊື້ອ ​ໂດຍ​ສະ­ເພາະ​ຜູ້ທີ່​ຍັງ​ຈຳ­ກັດ​ບໍ­ລິ­ເວນ​ຕົນ​ເອງ​ຢູ່​ສູນ ແລະ ຢູ່​ເຮືອນ. ສໍາ​ລັບ​ຜູ້​ທີ່​ ຈະ​ເດີນ­ທາງ​ຜ່ານ​ຊາຍ​ແດນ​ເຂົ້າ​ມາ​ໃໝ່ ຈະ​ຕ້ອງ​ໄດ້​ປະ­ຕິ­ບັດ​ມາດ​ຕະ­ການ ເລີ່ມ​ແຕ່​ປະ­ເທດ​ຕົ້ນ​ທາງ​ເຂົ້າ​ມາ​ຜ່ານ​ຊາຍ​ແດນ ແລະ ເວ­ລາ​ເຂົ້າ​ມາ​ເຖິງ​ປະ­ເທດ​ລາວ ຢ່າງ​ຖືກ­ຕ້ອງ ແລະ ເຂັ້ມ​ງວດ ເພື່ອ​ສະ­ກັດ​ກັ້ນບໍ່​ໃຫ້​ມີ​ການ​ລະ­ບາດ​ຄືນ​ ຄັ້ງ​ທີ 2. 
  ເພື່ອ​ເປັນ​ການ​ສືບ­ຕໍ່​ເຝົ້າ​ລະ­ວັງ​ຢ່າງ​ເຂັ້ມ​ງວດ​ຕໍ່​ຜູ້​ທີ່​ຈະ​ເດີນ ­ທາງ​ເຂົ້າ​ມາ ​ສປປ​ ລາວ​ ຈາກ​ຕ່າງ­ປະ­ເທດ​ລວມ​ທັງ​ແຮງ​ງານ​ລາວ​ ທີ່​ຈະ​ມາ​ຈາກ​ປະ­ເທດ​ໄທ ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ຈຶ່ງ​ມີ​ແຈ້ງ​ການເລກ​ທີ 507/ຫສນຍ ລົງວັນ​ທີ 24 ເມ­ສາ 2020 ແລະ ແຈ້ງ​ການ​ຂອງ​ຄະ­ນະ​ສະ­ເພາະ​ກິດເລກ​ທີ 037/ສພກ, ລົງ​ວັນ​ທີ 24 ເມ­ສາ 2020 ເຖິງ​ເຈົ້າ​ຄອງ​ນະ­ຄອນ ­ຫຼວງ ແລະ ບັນ­ດາ​ເຈົ້າ­ແຂວງ​ທົ່ວ​ປະ­ເທດ ໃຫ້​ກະ­ກຽມ​ສະ­ຖານ­ທີ່ ຈຳ ­ກັດ​ບໍ­ລິ­ເວນ ຜູ້​ເດີນ­ທາງ​ມາ​ຈາກ​ຕ່າງ­ປະ­ເທດ ໃຫ້​ຖືກ­ຕ້ອງ​ຕາມ​ມາດ­ຕະ­ຖານ​ການ​ປ້ອງ​ກັນ​ການ​ແຜ່​ເຊື້ອ.ຮຽກ­ຮ້ອງ​ໃຫ້​ພໍ່​ແມ່​ປະ ­ຊາ­ຊົນ​ບັນ­ດາ­ເຜົ່າ, ອົງ­ການ​ຈັດ​ຕັ້ງ​ທຸກ​ພາກ­ສ່ວນ ຈົ່ງ​ສືບ­ຕໍ່​ຮ່ວມ​ໄມ້​ຮ່ວມ​ມື ເປັນ​ເຈົ້າ​ການ­ຈັດ­ຕັ້ງ​ປະ­ຕິ­ບັດ​ຄຳ​ສັ່ງ ເລກ​ທີ 06/ນຍ ແລະ ບັນ­ດາ​ຂໍ້​ແນະ­ນຳ​ຕ່າງໆ​ຢ່າງ​ຖືກ­ຕ້ອງ ແລະ ເຂັ້ມ​ງວດ ຈົນ​ຮອດ​ວັນ​ທີ 3 ພຶດ­ສະ­ພາ 2020. 
  ພັກ ແລະ ລັດ­ຖະ­ບານ​ຍາມ​ໃດ​ກໍ​ມີ​ຄວາມ​ເປັນ​ຫ່ວງ​ເປັນ​ໄຍ ຕໍ່​ການ​ຄວບ​ຄຸມ ແລະ ການ​ແກ້​ໄຂ​ການລະ­ບາດ​ຢູ່​ປະ­ເທດ​ຂອງ​ພວກ​ເຮົາ, ທັງໄດ້​ວາງ​ມາດ​ຕະ­ການ ແລະ ຂໍ້​ແນະ­ນຳ​ຕ່າງໆ ອອກ ຊຶ່ງ​ກໍຊາບ​ດີ​ວ່າ​ມີ​ຜົນ​ກະ­ທົບ​ຕໍ່​ການ​ດຳ­ລົງ​ຊີ­ວິດ​ປະ​ຈໍາ​ວັນ​ຂອງ​ພໍ່​ແມ່​ປະ­ຊາ­ຊົນ​ກໍຄື​ກະ­ທົບ​ຕໍ່​ການ​ດໍາເນີນ​ທຸ­ລະ​ກິດ. ແຕ່​ກໍຂໍຮຽກ­ຮ້ອງ​ມາ​ຍັງ​ບັນ­ດາ​ທ່ານ​ໃຫ້​ມີ​ຄວາມ​ອົດ­ທົນ​ພ້ອມ​ກັນ​ຜ່ານ​ຜ່າ​ວິ​ກິດ​ນີ້, ຂໍ​ໃຫ້​ພ້ອມ​ກັນ​ປ້ອງ​ກັນ​ຕົນ​ເອງ, ປ້ອງ​ກັນ​ຄອບ ­ຄົວ ແລະ ຜູ້​ທີ່​ຮັກ­ແພງ​ໃກ້­ຊິດ​ກັບ​ບັນ­ດາ​ທ່ານ​ຈາກ​ການ​ຕິດ­ເຊື້ອ​ພະຍາດ COVID-19 ຖື​ວ່າ​ແມ່ນ​ພັນ­ທະ ແລະ ຄວາມ​ຮັບ­ຜິດ ­ຊອບ​ຂອງ​ບັນ­ດາ​ທ່ານ ແລະ ເປັນ​ການ​ປະ­ກອບ­ສ່ວນ​ອັນ​ສຳ­ຄັນ​ໃຫ້​ແກ່​ປະ­ເທດ​ຊາດ. 
  ຄະ­ນະ​ພັກ, ອຳ­ນາດ​ການ​ປົກ­ຄອງ​ທຸກ​ຂັ້ນ​ຈົ່ງ​ເພີ່ມ​ທະ­ວີ​ ການ​ນໍາ​ພາ​ຊີ້​ນໍາ​ຕໍ່​ການ​ປ້ອງ​ກັນ, ສະ­ກັດ​ກັ້ນ​ ແລະ ​ແກ້​ໄຂ​ການ​ລະ­ບາດ​ຂອງ​ເຊື້ອ​ພະ­ຍາດ​ຈຸ​ລະ​ໂຣກ​ອັກ­ເສບ​ປອດ​ສາຍ​ພັນ​ໃຫມ່​ໂຄ​ວິດ-19 ຕາມ​ຄຳ​ສັ່ງ​ຂອງ​ຄະ­ນະ​ເລ­ຂາ­ທິ­ການ​ສູນ​ກາງ​ພັກ​ ສະ­ບັບ​ເລກ​ທີ 07/ຄລສພ ລົງ​ວັນ​ທີ 6 ເມ­ສາ 2020 ຢ່າງ​ເຄັ່ງ​ຄັດ, ໃນ​ນັ້ນ ໃຫ້​ຄະ­ນະ​ພັກ ແຕ່ລະ​ຂັ້ນ​ສືບ​ຕໍ່​ນໍາ​ພາ​ການ ­ເມືອງ​ແນວ​ຄິດ​ໃຫ້​ສະ­ມາ­ຊິກ​ພັກ, ພະ­ນັກ­ງານ, ທະ­ຫານ, ຕໍາ​ຫຼວດ​ ແລະ ​ປະ­ຊາ­ຊົນ​ຮັບ​ຮູ້​ເຂົ້າ­ໃຈ​ເຖິງ​ສະ­ພາບ​ຄວາມ​ເປັນ​ຈິງ​ແລະ​ ໄພ​ອັນ­ຕະ­ລາຍ​ຂອງ​ພະ­ຍາດ​ໂຄ​ວິດ-19 ແລະ ​ຕື່ນ​ຕົວ​ເປັນ​ເຈົ້າ​ການ​ປ້ອງ​ກັນ​ຕົນ​ເອງ, ຄອບ­ຄົວ ​ແລະ ​ຜູ້​ອື່ນ​ດ້ວຍ​ການ­ຈັດ­ຕັ້ງ​ປະ­ຕິ­ບັດ​ຢ່າງ​ເຂັ້ມ​ງວດ​ຕາມມາດ​ຕະ­ການ​ທີ່​ລັດຖະ­ບານ​ ກໍ​ຄື​ຄະ­ນະ​ສະ­ເພາະ​ກິດ​ວາງ​ອອກ ​ເພື່ອ​ຜ່ານ​ຜ່າ​ຄວາມ​ຫຍຸ້ງ­ຍາກ ​ແລະ ​ພ້ອມ​ກັນ​ເອົາ​ຊະ­ນະ​ພະ­ຍາດ​ດັ່ງ­ກ່າວ. ກ່ອນ​ອື່ນ​ໝົດ​ຕ້ອງ​ເລີ່ມ​ຈາກ​ສໍາ​ນັກ​ງານ,  ອົງ­ການ​ຂອງ​ພັກ​-​ລັດ  (ລວມ​ທັງ​​ໝົດ​ລະ­ບົບ​ການ­ເມືອງ) ແຕ່​ລະ​ຂັ້ນ, ແຕ່​ລະ​ຮາກ​ຖານ​ຕ້ອງ​ຮັບ­ປະ­ກັນ​ການ​ປ້ອງ​ກັນ​ ແລະ​ ຕ້ານ​ພະ­ຍາດ​ໂຄ​ວິດ-19. ສະ ­ມາ­ຊິກ​ພັກ​ແຕ່​ລະ­ສະ​ຫາຍ​ຕ້ອງ​ເປັນ​ເຈົ້າ​ການ​ ແລະ​ ເປັນ​ແບບ​ຢ່າງ​ນໍາ​ໜ້າ, ເຮັດ​ແທ້​ທໍາ​ຈິງ​ຕໍ່​ການ​ປ້ອງ​ກັນ, ສະ­ກັດ​ກັ້ນ ​ ແລະ ​ແກ້​ໄຂ​ພະ­ຍາດ​ໂຄ​ວິດ-19, ຖື​ບັນ­ຫາ​ດັ່ງ­ກ່າວ​ເປັນ​ຂະ­ບວນ​ການ​ຕົວ​ຈິງ​ໃນ​ການ​ກະ­ກຽມ​ ແລະ ​ດໍາ​ເນີນ​ກອງ​ປະ­ຊຸມ​ໃຫຍ່​ຂອງ​ຄະ­ນະ​ພັກ​ແຕ່​ລະ​ຂັ້ນ ກໍ​ຄື​ຄວາມ​ອາດ​ສາ­ມາດ​ຊີ້​ນຳ ນຳ­ພາ​ຕົວ​ຈິງ​ຂອງ​ຄະ­ນະ​ພັກ, ການ​ຄຸ້ມ​ຄອງ​-​ບໍ­ລິ­ຫານ​ຂອງ​ອົງ­ການ​ປົກ­ຄອງ​ ຢູ່​ແຕ່​ລະ​ບ່ອນ. 
  ທັງ​ໝົດ​ນັ້ນ​ແມ່ນ​ແນ­ໃສ່​ເຮັດ​ໃຫ້​ປະ­ຊາ­ຊົນ​ ແລະ ​ປະ­ເທດ​ຊາດ​ຂອງ​ພວກ​ເຮົາ​ຫ່າງ​ໄກ​ຈາກ​ພະ­ຍາດ​ໂຄ​ວິດ-19 ກໍ​ຄື​ພະ  ­ຍາດ​ອັນ­ຕະ­ລາຍ​ທັງ​ປວງ ​ແລະ ​ໃຫ້​ສະ­ພາບ​ບ້ານ​ເມືອງ​ກັບ​ຄືນ​ສູ່​ສະພາບ​ປົກ­ກະ­ຕິ​ໂດຍ​ໄວ, ປະ­ຊາ­ຊົນ​​ຈຶ່ງ​ຈະ​ມີ​ເວ­ລາ​ ແລະ ​ກຳ­ ລັງ​ໃຈ​ໃນ​ການ​ສ້າງ­ສາ​ພັດ­ທະ­ນາ​ປະ­ເທດ​ຊາດ​ຢ່າງ​ແທ້​ຈິງ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110