ເມືອງໜອງບົກ ສຳເລັດການກ່ຽວເຂົ້ານາແຊງ 85%

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 30/04/2020 08:53:56 ຈຳ​ນວນ​​ຢ້ຽມ​ຊົມ 2591 ຄັ້ງ

(ຂປລ) ແຫຼ່ງ​ຂ່າວ​ຈາກ​ແຂວງ​ຄຳ​ມ່ວນ​ລາຍ​ງານ​ວ່າ:ມາ​ຮອດ​ປັດ­ຈຸ­ບັນ​ຊາວ​ກະ­ສິ­ກອນ​ທົ່ວ​ເມືອງ​ໜອງ​ບົກ​ແຂວງ​ຄຳ​ມວ່ນ​ໄດ້​ສຳ­ເລັດ​ການ​ກ່ຽວ​ເຂົ້າ ­ນາ­ແຊງ​ແລ້ວ 85% ແລະ​ ຄາດ​ວ່າ​ຈະ​ສຳ­ເລັດ 100% ໃນ​ທ້າຍ​ເດືອນ​​ນີ້, ໃນ​ຂະ­ນະ​ທີ່​ສະ­ມັດ ­ຖະ­ພາບ​ຜົນ​ຜະ­ລິດ​ຈະ​ບັນ­ລຸ 5,9 ໂຕນ/ເຮັກ­ຕາ. ທ່ານ​ ຄໍາ​ມອນ​ ພົມ​ພິ​ພັກ ​ຫົວ­ໜ້າ​ຫ້ອງ ­ການ​ກະ​ສິ​ກໍາ​ ແລະ ​ປ່າ­ໄມ້​ເມືອງ​ໜອງ​ບົກ​ກ່າວ​ວ່າ: ການ​ຜະ­ລິດ​ເຂົ້າ­ນາ­ແຊງ​ ປີ 2020 ຕາມ ແຜນ​ຈະ​ໃຫ້​ໄດ້  2.800  ເຮັກຕາ, ແຕ່​ຕົວ​ຈິງ​ແລ້ວ​ສາ­ມາດ​ຜະລິດ​ໄດ້​ໃນ​ເນື້ອ­ທີ່ 3.620 ກວ່າ​ເຮັກຕາ. ສ່ວນ​ການ​ປູກ​ພືດ​ອື່ນໆ ຕາມ​ແຜນ 1.770 ເຮັກ­ຕາ​ນັ້ນ, ຕົວ​ຈິງ​ບັນ­ລຸ 2.130 ເຮັກ­ຕາ​ ໂດຍ​ເດັ່ນ​ກວ່າ​ໝູ່​ແມ່ນ​ປູກ​ໝາກ­ສາ ­ລີ, ໝາ​ກ​ຖົ່ວ, ໝາກແຕງ, ໝາກ​ ເລັ່ນ ​ແລະ​ ພືດ​ຜັກ​ຕ່າງໆ​ເປັນ​ສິນ­ຄ້າ ​ຊຶ່ງ​ສາ­ມາດ​ສ້າງ​ລາຍ​ຮັບ​ໃຫ້​ແກ່​ກະ­ສິ­ກອນ​ພາຍ​ໃນ​ເມືອງ​ໄດ້​ເປັນ​ຢ່າງ​ດີ. ຫົວ­ໜ້າ​ຫ້ອງ­ການ​ກະ​ສິ​ກໍາ​ ແລະ​ປ່າ­ໄມ້​ເມືອງ​ໜອງ​ບົກ​ກ່າວ​ຕື່ມ​ວ່າ: ການ​ປູກ​ເຂົ້າ­ນາ​ປີໆ​ນີ້​ ຈະ​ສູ້​ຊົນ​ໃຫ້​ໄດ້​ໃນ​ເນື້ອ­ທີ່ 15.700 ເຮັກ ­ຕາ​ ໂດຍ​ສະ­ມັດ­ຖະ­ພາບ​ຈະ​ໃຫ້​ໄດ້ 3,9ໂຕນ/ເຮັກ­ຕາ ​ແລະ ​ພືດ​ລະ­ດູ­ຝົນ 664 ເຮັກ­ຕາ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110