Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ມີແຕ່ສ້າງປະຊາຄົມຮ່ວມຊາຕາກຳມວນມະນຸດ ໃນໄລຍະໃໝ່ ຈ່ຶງເອົາຊະນະພະຍາດ COVID-19

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 11/05/2020 10:44:39 ຈຳ​ນວນ​ຜູ້​ເຂົ້າ​ຢ້ຽມ​ຊົມ 60 ຄັ້ງ

ໂດຍ:  ລູກ​ເຂົ້າໜຽວ

  ເມື່ອ​ບໍ່​ດົນ​ມາ​ນີ້, ທ່ານ​ ເທ​ໂດ​ຣ​ສ  ອາ​ດາ​ນອມ  ເກ​ເບ​ຣ​ເຢຊຸສ​  ຜູ້ອຳນວຍການໃຫຍ່​ອົງການ​ອະນາໄມ​ໂລກ  ​ຫຼື WHO ໄດ້ຮຽກຮ້ອງ​ໃຫ້​ທົ່ວໂລກ ​ຈົ່ງ​ສາມັກຄີ​ກັນ ເພື່ອຕ້ານ​ກັບ​ໄວ​ຣັດ​ໂຄ​ວິດ-19,  ຄວາມສາມັກຄີ​ແມ່ນຢາ​ປົວພະຍາດ​ໂຄ​ວິດ-19. ທ່ານ ເທ​ໂດ​ຣ​ສ ​ ກ່າວ​ຕື່ມ​ວ່າ: ໄວຣັດ​ໂຄວິດ-19 ແມ່ນໄພຂົ່ມຂູ່ຮ່ວມກັນຕໍ່​ທົ່ວ​ໂລກ, ແຕ່ກໍໄດ້​ນຳ​ເອົາໂອກາດ​ໃຫ້​ທົ່ວ​ທັງໂລກ​ ໃນ​ການ​ສ້າງ​ອະນາຄົດ​ຮ່ວມ​ກັນ. ມາດຕະຖານ​ໃນ​ການ​ຊັ່ງຊາ​ວ່າພວກ​ເຮົາ​ໄດ້​ສຳເລັດ​ຜົນ​ແລ້ວ ຫຼື​ ບໍ່,  ມັນ​ສະແດງອອກ​ບໍ່​ພຽງ​ແຕ່​ຢູ່​ບ່ອນ​ວ່າພວກ​ເຮົາສາມາດ​ຄົ້ນຄວ້າ​ຜະລິດ​ພາຫະນະ​ຕ້ານ​ກັບ​ໄວ​ຣັດ​ໂຄ​ວິດ-19 ຢ່າງ​ວ່ອງ ໄວ​ເທົ່າ​ນັ້ນ, ຫາກ​ຍັງ​ຕ້ອງ​ເບິ່ງ​ອີກ​ວ່າ, ພວກ​ເຮົາ​ຈະ​ແບ່ງປັນ​ພາຫະນະ​ເຫຼົ່າ​ນີ້​ຢ່າງ​ຍຸຕິ​ທຳ​ຄື​ແນວ​ໃດ. ທຸກ​ຄົນ​ລ້ວນ​ແຕ່​ຄວນ​ໄດ້​ຮັບ​ການ​ປົກ​ປ້ອງ, ກ່ອນ​ອື່ນ​ໝົດ​ທຸກ​ຄົນ​ລ້ວນ​ແຕ່​ຕ້ອງ​ປອດ​ໄພ​ໄວ້​ກ່ອນ.
  ຄຳ​ເວົ້າ​ຂອງ​ທ່ານ​ຜູ້ອຳ ນວຍການ​ໃຫຍ່ WHO ແມ່ນ​ ສອດຄ່ອງ​ທີ່​ສຸດ​ກັບ​ຄຳ​ສະເໜີ​ຂອງ​ທ່ານ​ ສີ​ຈິ້ນ​ຜິ​ງ​ ປະທານ​ປະເທດ ​ແຫ່ງ ​ສປ​ ຈີນ​ ທີ່​ຢາກ​ໃຫ້​ມີ​ການ​ສ້າງ​ປະຊາ​ຄົມ​ຮ່ວມ​ຊາຕາກຳ​ຂອງ​ມວນ​ມະນຸດ​ໃນ​ໄລຍະ​ໃໝ່​ແມ່ນ​ຖືກຕ້ອງສອດ ຄ່ອງ​ທີ່​ສຸດ​ໃນ​ປັດຈຸ​ບັນ. ເພາະ​ພວກ​ເຮົາ​ຕ້ອງ​ອາໄສ​ໄພ​ເພິ່ງ​ຊຶ່ງ​ກັນ ​ແລະ ​ກັນ, ບໍ່​ມີ​ປະເທດໃດ​ຈະ​ຢູ່​ໂດດດ່ຽວ​ໄດ້​ໃນ​ທ່າມກາງ​ສະພາບ​ແວດລ້ອມ​ທີ່​ຕ້ອງ​ປະ​ເຊີນ​ໜ້າ​ກັບ​ສິ່ງ​ທ້າ​ທາຍ​ນາໆ ປະການ​ຂອງ​ມວນ​ມະນຸດ ຊຶ່ງ​ຮຽກຮ້ອງ​ໃຫ້​ທຸກ​ປະເທດ​ຕ້ອງ​ພ້ອມ​ກັນ​ຮັກສາ​ສັນຕິພາບ​ ແລະ​ພ້ອມ​ກັນ​ຊຸກຍູ້​ການ​ພັດທະນາ​ຂອງ​ໂລກ ໂດຍ​ສະເພາະ​ ໃນ​ສະພາບ​ມີ​ພະຍາດ​ໂຄ​ວິດ-19 ຮຸກ​ຮານ​ໂລກ​ຄື​ແນວ​ນີ້, ຍິ່ງ​ຮຽກ ຮ້ອງ​ໃຫ້​ທຸກ​ປະເທດ​ຕ້ອງ​ມີ​ຄວາມ ​ຮັບຜິດຊອບ​ເພື່ອ​ພ້ອມ​ກັນ​ເອົາ​ຊະນະ​ກັບ​ພະຍາດ​ໂຄ​ວິດ-19.
  ຢ່າງໃດ​ກໍ​ຕາມ, ຄຳສັບທີ່ວ່າ ​ໃຫ້​ມີ​ຄວາມ​ສາມັກຄີກັນ​ແມ່ນ ​ເວົ້າ​ໄດ້​ງ່າຍ, ແຕ່​ໃນ​ພາກ​ປະຕິ ບັດ​ຕົວ​ຈິງ​ແມ່ນ​ເຮັດ​ໄດ້​ຍາກ, ເພາະ​ຄວາມສາມັກຄີແມ່ນ​ຕ້ອງ​ອາ​ໄສຊຶ່ງ​ກັນ​ ແລະ ​ກັນ, ແລກປ່ຽນ​ບົດຮຽນ, ປະສົບ​ການ, ໃຫ້ການ​ຊ່ວຍເຫຼືອແບ່ງເບົາ ​ຊຶ່ງ​ກັນ ​ແລະ​ ກັນ ໂດຍສະເພາະ​ປະເທດ​ຮັ່ງມີ​ທີ່ຈະເລີນ​ແລ້ວ​ ຍິ່ງ​ຈະ​ຕ້ອງ​ໄດ້​ຊ່ວຍ​ເຫຼືອ​ປະເທດ​ທີ່​ທຸກ​ຍາກ​ຫຼາຍ​ຂຶ້ນ.  ໃນ​ທາງ​ກົງກັນຂ້າມ​ໃນ​ສະພາບ​ມີ​ໂຄ ​ວິດ-19 ລະບາດ, ຫຼາຍ​ປະເທດ ​ຮ່ວມ​ແຮງຮ່ວມໃຈກັນປະ ກອບ ​ສ່ວນ​ຊ່ວຍ​ປະເທດ​ທີ່​ທຸກ​ຍາກ, ແຕ່​ກໍ​ຍັງ​ມີ​ບາງ​ປະເທດ​ທີ່​ລ້ຳ​ລວຍ​ບໍ່​ສົນໃຈ​ປະເທດ​ອື່ນ, ຫຼ້າ​ສຸດ​ເມື່ອ​ບໍ່​ດົນ​ມາ​ນີ້​ສະຫະລັດ​ອາ​ເມ​ຣິ​ກາ​ໄດ້​ປະຕິເສດ​ການ​ອຸດ​ໜູນ​ງົບປະມານ​ໃຫ້​ແກ່​ອົງການ​ອະນາໄມ​ໂລກ, ແຕ່​ກໍ​ຍັງ​ມີ​ຫຼາຍ​ປະເທດ​ໃນ​ໂລກ​ລວມ​ທັງ​ສປ ​ຈີນ, ອັງກິດ, ຝຣັ່ງ​ເສດ​  ພ້ອມ​ຫຼາຍ​ອົງການ​ຈັດ​ຕັ້ງ​ສາກົນ​ໄດ້​ຮ່ວມ​ກັນ​ບໍລິຈາກ​ເງິນ ​ ເພື່ອ​ຄົ້ນຄວ້າ​ພັດທະນາ​ວັກ​ຊິນ​ຕ້ານ​ກັບ​ ພະຍາດ​ໂຄ​ວິດ-19 ຫຼາຍ​ເຖິງ 8 ຕື້​ໂດ​ລາ.
  ຂໍ້​ມູນ​ດັ່ງກ່າວ​ໄດ້​ຮັບ​ການ​ເປີດເຜີຍ​ຈາກ​ສຳນັກ​ຂ່າວ​ຊີ​ເອັນ​ເອັນ (CNN) ຂອງ​ສະຫະ ລັດ​ອາ​ເມ​ຣິ​ກາ ​ ເມື່ອ​ວັນ​ທີ  4 ພຶດສະພາ  2020  ຜ່ານ​ມາ​ແລະ  ​ລາຍ​ງານ​ຕື່ມ​ວ່າ: ໃນກອງ​ ປະຊຸມ​ບໍລິຈາກ​ສາກົນ ​ເພື່ອ​ຮັບ​ ມື​ກັບ​ພະຍາດ​ໂຄ​ວິດ-19 ທີ່​ລິ​ເລີ່ມ​ໂດຍ​ສະຫະພາບ​ເອີ​ຣົບ (EU) ແລະ ​ ປະເທດ​ທີ່​ກ່ຽວຂ້ອງ​ທາງໄກ​ຜ່ານ​ສື່​ສັງຄົມ​ອອນ​ລາຍ (Vedio Conference) ໂດຍ​ບໍ່​ມີ​ສະຫະລັດ​ອາ​ເມ​ຣິ​ກາ​ເຂົ້າ​ຮ່ວມ​ນັ້ນ, ກອງ​ປະຊຸມ​ສາມາດ​ບັນລຸ​ຂໍ້ຕົກລົງ​ທີ່​ເປັນ​ເອກະ​ພາບ​ກັນ​ຄື​ສືບຕໍ່​ຮ່ວມ​ກັນ​ຄົ້ນຄວ້າ​ພັດ ທະນາ​ວັກ​ຊິນ​ຕ້ານ​ພະຍາດ​ໂຄ​ວິດ-19 ໃຫ້​ສຳເລັດ​ ແລະ ​ໄດ້​ຮັບ​ເງິນ​ບໍລິຈາກ​ ໃນ​ກອງ​ປະຊຸມ​ໃນ​ເບື້ອງ​ຕົ້ນ​ສູງ​ເຖິງ  8 ຕື້​ໂດ​ລາ.
  ຕໍ່​ກໍລະນີ​ຄວາມ​ສົງ​ໄສຂອງ ​ອາ​ເມ​ຣິ​ກາ​ເຖິງ​ທີ່​ມາ​ຂອງ​ເຊື້ອ​ໂຄ​ວິດ-19, ທ່ານ​ ນາງ ມາ​ເຣຍ​ ວັນ​ເຄິ​ຮົຟ  ຫົວໜ້າ​ເຈົ້າ​ໜ້າທີ່​ ເຕັກນິກ​ຂອງ​ໂຄງການ​ສາທາ ລະນະ​ສຸກ​  ສຸກ​ເສີນ  WHO  ກ່າວ​ວ່າ:   ທຳ​ມະ​ດາ​ແລ້ວ​ເຊື້ອ​ໄວ​ຣັດ​ໂຄ​ວິດ-19  ແມ່ນ​ແຜ່​ລະບາດ​ໃນ​ຝູງ​ເຈຍ,  ປັດຈຸບັນ​ລຳດັບ​ຈຸ​ລັງ​ຂອງ​ເຊື້ອ​ໄວ​ຣັດ  15.000 ຈຸ​ລ້ວນ​ແຕ່​ສະແດງ​ໃຫ້​ເຫັນ​ວ່າ​ເຊື້ອ​ໄວ​ຣັດ​ໂຄ​ວິດ-19 ບໍ່​ແມ່ນ​ມະນຸດ​ຜະລິດ​ອອກ​ມາ, ຢ່າງໃດ​ກໍ​ຕາມ, ອົງການ​ອະນາໄມ​ໂລກ​ຈະ​ຮ່ວມ​ມື​ກັບ​ອົງການ​ທັນ​ຍາ​ຫານ​ໂລກ,  ອົງການ​ອະນາໄມ​ສັດ​ໂລກ ​ແລະ​ ພາກສ່ວນຕ່າງໆ ​ຂອງ​ຈີນ  ເພື່ອ​ຊອກ​ຄົ້ນ​ສັດກາ​ຝາກ​ຂອງ​ເຊື້ອ​ໄວ​ຣັດ​ໂຄ​ວິດ-19 ເພື່ອ​ຫຼີກ​ລ່ຽງ​ບໍ່​ໃຫ້​ແຜ່​ລະບາດ​ຈາກ​ສັດ​ໄປ​ສູ່​ຄົນ​ອີກ​ຄັ້ງ​ໜຶ່ງ.
  ໃນ​ເວລາ​ໃຫ້​ສຳພາດ​ຕໍ່​ນັກ​ຂ່າວ​ ຂ່າວສານ​ຊິນ​ຮວາ,  ທ່ານ​ ກາວ​ເຕີນ​ກາລີ​ ຜູ້ຕາງໜ້າ​ອົງ ການ​ອະນາໄມ​ໂລກ​ ຫຼື WHO ປະ​ຈຳ​ ສປ​ ຈີນ ​ກ່າວ​ເມື່ອ​ວັນທີ 5/5/2020 ວ່າ: WHO ຮູ້ວ່າຈີນ​ ກຳລັງ​ດຳເນີນ​ການຄົ້ນຄວ້າ ​ກ່ຽວ​ກັບ​ແຫຼ່ງ​ສັດ​ຂອງ​ເຊື້ອ​ພະ ຍາດ COVID-19  ທັງ​ມີ​ຄວາມ​ໝັ້ນ​ໃຈ​ຕໍ່​ຂີດ​ຄວາມ​ສາມາດ​ຂອງ​ ຈີນ​ໃນ​ດ້ານ​ນີ້. 
  ທ່ານ ກາລີ ກ່າວ​ຕື່ມວ່າ: ໄລຍະ 2 ເດືອນ​ຜ່ານ​ມາ WHO ກັບ​ຈີນ​ໄດ້​ພ້ອມ​ກັນ​ກຳນົດ​ຂົງເຂດ​ກ່ຽວ​ກັບ​ເຊື້ອ​ພະຍາດ COVID-19 ທີ່​ຕ້ອງການ​ຄົ້ນ ຄວ້າ​ຕື່ມ​ອີກ ​  ຊຶ່ງ​ລວມ​ທັງ​ບັນ ຫາ​ແຫຼ່ງ​ສັດ​ຂອງ​ເຊື້ອ​ພະຍາດ, ການ​ຄົ້ນຄວ້າ​ຂອງ​ຈີນ​ກ່ຽວ​ກັບ​ບັນຫາ​ເຫຼົ່າ​ນີ້ມີ​ຄວາມ​ໝາຍ​ສຳ ຄັນ​ຕໍ່​ການ​ປ້ອງ​ກັນ​ບໍ່​ໃຫ້​ເກີດ​ການ​ແຜ່​ລະບາດ​ຂອງ​ພະຍາດ​ຄ້າຍຄື​ກັນ​ ໃນ​ອະ​ນາ​ຄົດ.
ຂໍ້​ມູນຫຼ້າ​ສຸດ​ຂອງ​ອົງການ​ອະນາໄມ​ໂລກ​ປະຈຳ​ວັນ​ທີ 7/5/2020 ຊີ້​ໃຫ້​ເຫັນ​ວ່າ: ມາ​ຮອດ​ເວລາ  6:00  ໂມງ​ເຊົ້າຂອງ ​ວັນ​ທີ 6 ພຶດສະພາ 2020, ທົ່ວ​ໂລກ​ມີ​ການ​ລາຍງານ​ການລະ ບາດ ທັງ​ໝົດ 212 (ປະເທດ/ເຂດ),  ມີ​ການ​ຢັ້ງຢືນຜູ້​ຕິດເຊື້ອ​ພະຍາດ  COVID-19  ແມ່ນ 3,8 ລ້ານ​ກວ່າ​ຄົນ; ເສຍ​ຊີວິດ 264 ພັນ​ກວ່າ​ຄົນ  ​ກວມ​ເອົາ  6,92%  ຂອງ​ຜູ້​ຕິດເຊື້ອ​ທັງ​ໝົດ;  ປິ່ນ​ປົວ​ຫາຍ​ດີ  1,2 ລ້ານ​ກວ່າ​ຄົນ​ກວມ​ເອົາ  33,7% ຂອງ​ຜູ້​ຕິດເຊື້ອ​ທັງ​ໝົດ; ມີ​ບາງ​ປະເທດຈຳນວນ​ຜູ້​ຕິດເຊື້ອ​ມື້​ດຽວ ມີ​ເຖິງ 19 ພັນ​ກວ່າ​ຄົນ ແລະ ເສຍຊີ ວິດ 1 ພັນ​ກວ່າຄົນຕໍ່​ມື້; ອັດຕາ​ ຄວາມ​ຮ້າຍ​ແຮງ​ຂອງວັນ​ທີ 7/ 5/2020 ແມ່ນ 6,92%.
  ໃນ​ດ້ານ​ຜົນ​ກະທົບ​ຂອງ​ ພະຍາດ​ໂຄ​ວິດ​ຕໍ່​ເສດຖະກິດ, ທ່ານ​ ທຣຳ ​ປະທານາທິບໍດີ​ສະ ຫະລັດ​ອາ​ເມ​ຣິ​ກາ​ໄດ້​ຍອມຮັບ​ວ່າ​ເສດຖະກິດ​ສະຫະລັດໄດ້​ ຮັບ​ຜົນ​ກະທົບ​ຢ່າງ​ໜັກ ໂດຍ​ ໂຣກ​ລະບາດ​ໂຄ​ວິດ-19. ປະ ຊາຊົນ​ອາ​ເມ​ຣິ​​ກາ​ຫຼາຍ​ກວ່າ   30   ລ້ານ​ຄົນ​ໄດ້​ຍື່ນ​ເອກະສານ​ຂໍ​ເງິນ​ວ່າງ​ງານ.  ວິ​ກິດ​ການ​ດ້ານ​ສຸຂະພາບ​ນີ້ແມ່ນ​ຈະ​ບໍ່​ຈົບ​ລົງ​ງ່າຍ   ໃນ​ຂະນະ ​ທ່ານ​  ເຄວິນ​ແຮ​ສ​ເຊັດ​   ທີ່​ປຶກສາ​ດ້ານ​ເສດຖະກິດ​ທຳ​ນຽບ​ຂາວ​ໄດ້​ກ່າວ  ​ເມື່ອ​ບໍ່​ດົນ​ມາ​ນີ້​ຕໍ່ນັກ​ ຂ່າວ CNN ວ່າ:  ຄາດ​ວ່າ​ອັດ ຕາ​ການ​ວ່າງ​ງານ​ ສຳລັບ​ເດືອນ​ເມສາ 2020 ຈະ​ສູງ​ກວ່າ  16 ເປີເຊັນ, “ບາງເທື່ອ​ສູງ​ເຖິງ  20 ເປີ​ເຊັນ.”  “ພວກເຮົາກຳລັງ​ເບິ່ງ​ອັດຕາ​ການ​ວ່າງ​ງານ​ທີ່​ຄົງ​ຈະ​ຮ້າຍ​ແຮງ​ທີ່​ສຸດ​ ນັບ​ຕັ້ງແຕ່​ພາ ວະ​ເສດຖະກິດ​ຕົກ​ຕໍ່າ​ຄັ້ງ​ໃຫຍ່”.
  ໂຣກ​ລະບາດ​ໂຄ​ວິດ-19 ໄດ້​ເຮັດ​ໃຫ້​ເສດຖະກິດ​ໂລກ​ເກືອບ​ເສຍ​ຫາຍ​ຢ່າງ​ສິ້ນ​ເຊີງ​ ແລະ​ ປະເທດ​ຕ່າງໆ ​ໃນ​ທົ່ວ​ໂລກ​ແມ່ນ​ມີ​ຄວາມ​ກະຕືລືລົ້ນ​ທີ່​ຢາກ​ຈະ​ເປີດ​ເສດຖະກິດ​ຄືນໃໝ່ ໂດຍສະເພາະ​ບັນດາ​ປະເທດເອີ​ຣົບ​ໄດ້​ລໍຖ້າ​ໃຫ້​ໂຕເລກ​ການ​ຕິດເຊື້ອຫຼຸດ​ລົງ,   ກ່ອນ​ທີ່​ຈະຜ່ອນຄາຍ​ມາດຕະການກັກ​ບໍລິເວນ​ທີ່​ເຄັ່ງ​ຄັດ.   ບັນດາ​ປະເທດສະຫະພາບ​ເອີ​ຣົບ  (EU)   ສ່ວນຫຼາຍ​ແມ່ນ​ກຳລັງ​ເປີດ​ປະເທດ​ຄືນ,  ດ້ວຍ​ການ​ປະກາດ​ໃຊ້​ກົດ​ລະບຽບ​ກ່ຽວ​ກັບ​ການ​ປະພຶດ​ຕ່າງໆເຊັ່ນ: ໃຫ້​ສືບຕໍ່​ໃສ່​ໜ້າ​ກາກ​ອະນາໄມ​ ແລະ ​ການ​ຢູ່​ຫ່າງ​ກັນໃນສັງຄົມ​ ແມ່ນ​ໄດ້​ຖືກ​ບັງຄັບ​ໃຊ້ ໃນ​ສະຖານທີ່​ສາທາລະນະຕ່າງໆ. ຈາກປະສົບການ ​ແລະ​ ຜົນສຳເລັດ​ຂອງ​  ສປ​  ຈີນ,  ສ.ເກົາຫຼີ, ສສ ຫວຽດນາມ, ສປປ​ ລາວ ​ແລະ   ​ປະເທດ​ອື່ນໆ​ສາມາດ​ຫຼຸດ ຜ່ອນ​ການຕິດເຊື້ອ​ນີ້​ໄດ້​ແມ່ນ​ຍ້ອນ​ການ​ນຳ​ໃຊ້​ມາດ​ຕະການ​ກັກ​ບໍລິເວນ​ທີ່​ເຄັ່ງ​ຄັດ.
ສັງ​ລວມ​ແລ້ວ, ມີ​ແຕ່ທຸກ​ ປະເທດ​  ໃນ​ໂລກ​ມີ​ຄວາມສາ ມັກຄີ​ຢ່າງ​ແໜ້ນ​ແຟ້ນ,  ຊ່ວຍ​ເຫຼືອ, ແລກປ່ຽນ​ບົດຮຽນ, ປະ ສົບ​ການ​ຊຶ່ງ​ກັນ ​ແລະ ​ກັນ​ເທົ່າ​ນັ້ນ, ພວກ​ເຮົາ ​ຈຶ່ງ​ຈະ​ຜ່ານ​ຜ່າ​ວິ​ກິດ​ຈາກ​ການ​ລະບາດ​ຂອງ​ພະຍາດ​ໂຄ​ວິດ-19 ໄດ້​ຢ່າງ​ຂາດ​ຕົວ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110