ບາງບົດຮຽນວຽກງານແນວຄິດຂອງພັກ ຕອນທີ 3

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 13/05/2020 10:08:56 ຈຳ​ນວນ​​ຢ້ຽມ​ຊົມ 320 ຄັ້ງ

(ຕໍ່​ຈາກ​ສະ​ບັບ​ກ່ອນ)

ຂ. ປະຕິບັດ​ປະຊາ​ທິ​ປະ ໄຕ ແມ່ນ​ທິດນຳ​ພື້ນຖານ​ຂອງ​ວຽກ​ງານ​ແນວ​ຄິດ ປະທານ ໄກສອນ ພົມວິຫານ ເວົ້າ​ວ່າ: ລະບອບ​ໃໝ່ ຂອງ​ພວກ​ເຮົາ ແມ່ນ​ລະບອບ​ປະຊາທິປະໄຕ, ແນວ​ຄິດ​ຕ້ອງ​ມີ​ເສລີ​ພາບ. ເສ ລີພາບແມ່ນ​ແນວໃດ? ຕໍ່​ກັບ​ທຸກ​ບັນຫາ, ທຸກ​ຄົນ​ເສລີພາບ ສະແດງ​ຄວາມ​ເຫັນ​ຂອງ​ຕົນ, ປະກອບສ່ວນ​ຊອກຫາ​ສັດຈະ​ທຳ.  ນັ້ນ​ແມ່ນ​ສິດຜົນປະໂຫຍດ ແລະ ກໍ​ແມ່ນ​ພັນທະ​ຂອງ​ທຸກ​ຄົນ. ໃນ​ເມື່ອ​ທຸກ​ຄົນ​ໄດ້​ມີ​ຄວາມ​ເຫັນ, ໄດ້ຊອກ​ເຫັນ​ສັດຈະທຳ, ເວລາ​ນັ້ນສິດ​ເສ ລີພາບແນວ​ຄິດໄດ້​ຫັນ​ສິດ​ເສລີພາບ​ຮັບ​ໃຊ້​ສັດຈະທຳ. ດັ່ງນັ້ນ, ບັນດາ​ບັນຫາ​ແນວ​ຄິດ, ບໍ່​ສາມາດ​ຈຳກັດ​ຮັດ​ແຄບ. ເສັ້ນທາງຈາກ ​ລະບອບປະ​ຊາ​ທິ​ປະ​ໄຕ​ ປະຊາຊົນ ກ້າວ​ຂຶ້ນສັງ ຄົມນິຍົມ ແມ່ນ​ເສັ້ນທາງ​ທີ່​ໃໝ່​ອ່ຽມ, ເຕັມ​ໄປ​ດ້ວຍການ​ທ້າ ທາຍ, ຮຽກຮ້ອງ​ຕ້ອງ​ມີ​ການ​ ຊອກຮູ້, ຂຸດ​ຄົ້ນ, ປະດິດສ້າງ. ໃນ​ສະພາບ​ແວດລ້ອມ​ອັນ ໃໝ່, ພວກ​ເຮົາ​ຊໍ້າ​ພັດ​ມີ​ຫຼາຍ ​ເງື່ອນໄຂ ເພື່ອ​ຮັບ​ເອົາ​ຂໍ້​ມູນ​ຂ່າວສານ, ຮັບ​ເອົາບັນດາ​ຜົນ ສຳເລັດ​ໃໝ່​ດ້ານ​ທິດ​ສະ​ດີ, ຄວາມຮູ້​ຂອງ​ມວນ​ມະນຸດ, ຄຽງ​ ຂ້າງ​ດັ່ງກ່າວ​ນັ້ນ ກໍ ມີ​ຫຼາຍ​ຂໍ້​ມູນ​ຂ່າວສານ​ບໍ່​ຖືກຕ້ອງ, ທິດ​ສະ​ດີ​ກຸ່ມຄົນ​ບໍ່​ຫວັງ​ດີ​ເຊື່ອມ​ເຂົ້າ​ມາ​ດ້ວຍ​ຫຼາຍ​ວິທີຫຼາຍເສັ້ນທາງ, ຍິ່ງ​ກວ່າ​ນັ້ນພຶດຕິ​ກຳ​ພາຍ​ໃນ​ປະເທດ ແລະ ໃນ​ໂລກຊໍ້າ​ພັດ​ອຸດົມສົມບູນ, ສັບສົນ. ບົນ​ເສັ້ນ ທາງ​ຮັບເອົາ​ຂ່າວສານ, ຊອກ​ຮູ້, ຂຸດ​ຄົ້ນ ແນ່ນອນ​ຈະ​ເກີດ​ມີ​ຫຼາຍ​ຄຳ​ຄິດ​ເຫັນຕ່າງ​ກັນ ດ້ານ​ທິດ​ສະ​ດີ ແລະ ພຶດຕິ​ກຳ. ດັ່ງນັ້ນ, ຄວນ​ປະຕິບັດ​ປະຊາທິປະໄຕ ໃນ​ວຽກ​ງານແນວ​ຄິດ ຊຶ່ງ​ກ່ອນ​ອື່ນ​ໝົດ​ແມ່ນ​ວຽກ​ງານ​ຄົ້ນຄວ້າ​ທິດ​ສະ​ດີ ຄວນ​ມີ​ກົນ​ໄກ​ກະຕຸກ​ຊຸກຍູ້​ຂະ ຫຍາ​ຍ​ເສລີພາບ​ແນວ​ຄິດ, ຫຼີກ​ຈາກ​ສຸບ​ໝວກ, ຕາຍ​ຕົວ, ສ້າງ​ສະພາບ​ແວດ​ລ້ອມ​ຄົ້ນຄວ້າປະຊາທິປະໄຕ, ຖົກ​ຖຽງ ເພື່ອ​ຊອກ​ຫາ​ສັດຈະ​ທຳ​ພາວະ​ວິໄສ, ຫຼີກ​ຈາກ​ການ​ສະ ຫຼຸບ​ອັດຕະ​ວິໄສ​ດ້ານ​ດຽວ, ພ້ອມ ​ກັນ​ນັ້ນ ກໍ​ຮັບປະກັນການນຳ ພາ​ຂອງ​ພັກ, ປົກ​ປ້ອງ ແລະ ຂະຫຍາ​ຍ​ລັດທິ​ມາກ​-​ເລ​ນິນ, ແນວ​ຄິດ ໄກສອນ ພົມວິຫານ, ຕ້ານບັນດາ​ທິດ​ສະ​ດີ​ອື່ນໆ ແລະ ບັນດາ​ທັດສະນະ​ທີ່​ຜິດ​ພາດ. ປະຕິບັດ​ການ​ເປີດ​ກວ້າງ​ຂໍ້​ມູນ ​-​ ຂ່າວສານ, ຮັບປະກັນ​ສິດ​ໄດ້​ຮັບ​ຂໍ້​ມູນ​-​ຂ່າວສານ ຂອງ​ພະນັກງານ, ສະມາຊິກ​ພັກ ແລະ ປະຊາ ຊົນ. ຂ່າວສານ​ທັນ​ເວລາ​ມີ​ການ​ກຳນົດ​ທິດ​ແມ່ນ ສຳຄັນ ເພື່ອ​ຍົກ​ສູງ​ປັນຍາ​ຄວາມ​ຮູ້​ຂອງ​ປະ ຊາ​ຊົນ, ແນະ​ນໍາ​ຫາງ​ສຽງ, ສຶກສາ​ອົບຮົມການ​ເມືອງ​-​ແນວ​ຄິດ, ເປັນ​ເຈົ້າ​ການ​ສະກັດ​ກັ້ນ ແລະ ຕໍ່ສູ້​ກັບ​ ທຸກ​ແຫຼ່ງ​ຂໍ້​ມູນ​-​ຂ່າວສານ ບໍ່​ຖືກຕ້ອງ, ບັນ ດາ​ຖ້ອຍ​ທຳນອງ​ບິດ​ເບືອນ, ຂ່າວສານ​ຕ້ອງຫຼາຍຮູບ ເພື່ອ​ຕອບ​ສະໜອງ​ຄວາມຕ້ອງການ​ຫຼາຍ​ດ້ານ​ຂອງ​ປະຊາຊົນແຕ່​ຕ້ອງຕ້ານ​ທ່າ​ອ່ຽງ​ຫັນ​ເປັນ​ການ​ຄ້າ​ແລ່ນ​ຕາມ​ຄວາມມັກ​ບໍ່​ຖືກ​ຕ້ອງ. 
7). ເພີ່ມ​ທະວີ​ບົດບາດ​ການ​ນຳພາ​ຂອງ ພັກ, ປ່ຽນແປງ​ໃໝ່​ແບບແຜນ​ວິທີ​ນຳພາ, ຂະ ຫຍາ​ຍ​ກຳລັງ​ແຮງ​ສັງ​ລວມ​ໃນ​ວຽກ​ງານ​ແນວ ຄິດ. 
ໄຊຊະນະ​ຂອງ​ການ​ປະ ຕິວັດ​ປະເທດເຮົາ ແມ່ນ​ໝາກ ຜົນ​ສັງ​ລວມ​ຂອງ​ບັນດາ​ປັດ​ໄຈ ແຕ່​ປັດ​ໄຈ​ຕັດສິນ​ກວ່າ​ໝູ່ ແມ່ນ​ການ​ນຳພາ ຂອງ​ພັກ. 
ໃນ​ສະໜາມຮົບ​ວຽກ​ງານ​ແນວ​ຄິດ, ຈາກບັນດາ​ບົດຮຽນ​ປະຫວັດສາດ, ພວກ​ເຮົາ​ໄດ້ ເຫັນ​ວ່າຕ້ອງ​ເພີ່ມ​ທະວີ​ບົດບາດ​ການ​ນຳພາຂອງ​ພັກ ຕໍ່​ວຽກ​ງານ​ແນວ​ຄິດ​ໃນ​ທຸກ​ດ້ານ ດັ່ງນີ້: 
- ເພີ່ມ​ທະວີ​ການ​ຊີ້​ນຳ​ວຽກ​ຄົ້ນຄວ້າ​ທິດສະ​ດີ, ຄົ້ນຄວ້າ​ບັນດາ​ວິຊາ​ວິທະຍາສາດ​ສັງ ຄົມ ແລະ ມະນຸດສະທຳ, ສະຫຼຸບ​ບົດຮຽນ, ຊີ້ນຳ​ບັນດາ​ຂົງເຂດ​ວຽກ​ງານ ເພື່ອ​ແກ້​ໄຂ​ຄວາມ ຊັກ​ຊ້າ​ດ້ານ​ທິດ​ສະ​ດີ, ປົກ​ປ້ອງ ແລະ ຂະຫຍາຍ ລັດທິ​ມາກ​-​ເລ​ນິນ ແລະ ແນວ​ຄິດ ໄກສອນ ພົມວິຫານ, ເປັນ​ບ່ອນ​ອີງ​ໃຫ້​ແກ່​ວຽກ​ສັງຄົມ ແລະ ເຮັດ​ໃຫ້​ແນວທາງ, ນະໂຍບາຍ​ຄົບ​ຖ້ວນ, ຍົກ​ສູງ​ຄຸນ​ນະ​ພາບ ແລະ ປະສິດ​ທິ​ຜົນ ຂອງວຽກ​ງານ​ແນວ​ຄິດ. ໃນ​ສະພາບ​ການ​ໃໝ່, ຄວນຖື​ພິເສດ​ວຽກ​ງານ​ສະຫຼຸບ​ພຶດຕິ​ກຳ, ບົນ​ພື້ນຖານ​ດັ່ງກ່າວ ເພື່ອ​ຂະຫຍາຍ​ທິດ​ສະ​ດີ​ປະຕິວັດໃຫ້​ເໝາະ​ສົມ​ກັບ ສະພາບ​ການ​ຂອງ​ປະເທດ. ຕ້ອງ​ເສີມ​ຂະຫຍາຍ​ບົດບາດ ແລະ ຄວາມສາມາດຂອງ​ຖັນ​ແຖວ​ພະນັກງານ​ດ້ານ​ທິດ​ສະ ດີ, ພະນັກງານວິທະຍາສາດ​ສັງຄົມ, ພະນັກງານ​ມີ​ບົດຮຽນ​ເຄື່ອນ​ໄຫວ​ພຶດຕິ​ກຳ​ເຂົ້າ​ໃນ ວຽກ​ດັ່ງກ່າວ ເພື່ອ​ປະຕິບັດ​ໂຄງການ​ຄົ້ນຄວ້າອັນ​ຈຳເປັນ​ຮັບ​ໃຊ້​ໃຫ້​ແກ່​ຄວາມ​ຕ້ອງການ​ຂອງ ການ​ປະຕິ​ວັດ. 
- ກໍາ​ນົດ​ທິດ​ການ​ເມືອງ​-​ແນວ​ຄິດຖືກຕ້ອງ ແລະ ທັນ​ການ, ຜ່ານ​ວຽກ​ງານ​ກຳນົດ​ທິດທາງ​ໜ້າທີ່​ວຽກ​ງານ​ແນວ​ຄິດ​ແຕ່​ລະ​ໄລຍະ, ໃນ​ບັນດາ​ຂົງເຂດ​ວຽກ​ງານ​ສຳຄັນ ແລະ ຕໍ່ ບັນດາ​ການ​ຫັນປ່ຽນ​ທີ່​ສັບສົນ​ພາຍ​ໃນ​ປະເທດ, ພາກ​ພື້ນ ແລະ ສາກົນ, ພິເສດ​ແມ່ນໃນ​ເມື່ອ​ມີ​ບາດ​ລ້ຽວ​ຂອງ​ການ​ປະຕິ​ວັດ. ທັງ ບັນດາ​ຄຳ​ຄິດ​ເຫັນ​ຕ່າງ​ກັນ, ຮັບ​ເອົາ​ບັນຫາທີ່​ເໝາະ​ສົມ, ແລກປ່ຽນ​ຄຳ​ເຫັນ​ຢ່າງ​ຊື່​ຕົງຕໍ່ຜູ້​ມີ​ທັດສະນະ​ບໍ່​ຖືກຕ້ອງ, ກໍາ​ການ​ຫັນປ່ຽນດ້ານ​ແນວຄິດ​ ຢ່າງ​ທັນ​ເວລາ, ຮັບປະກັນ​ທັດ ສະ​ນະ​ວິທະຍາສາດ ແລະ ລະ ດັບ​ຄວາມ​ເຊື່ອ​ໝັ້ນ ໃນການ​ ກວດກາ​ຫາງ​ສຽງ​ສັງຄົມ, ຍົກ​ສູງຄວາມ​ສາມາດຄາດ​ຄະເນ​ ບັນດາ​ທ່າ​ອ່ຽງ​ຂະຫຍາ​ຍ​ຕົວ, ຕໍ່ສູ້​ຢ່າງ​ແຫຼມ​ຄົມກັບ​ບັນດາ ​ຖ້ອຍທຳນອງ​ສົງຄາມ​ຈິດຕະ ສາດຂອງ​ບັນດາ​ອິດທິ​ກຳລັງ​ປໍ​ລະ​ປັກ. 
- ຊີ້​ນຳ​ວຽກ​ງານ​ໂຄສະນາ ແນວທາງ, ນະໂຍ​ບາຍ, ມະຕິ, ທັດສະນະຂອງ​ພັກ, ກົດໝາຍ ຂອງ​ລັດໃນ​ທຸກ​ຂົງເຂດກ່ອນ​ອື່ນ​ໝົດ​ໃນ ຖັນ​ແຖວ​ພະນັກງານ​ຮັບຜິດຊອບ​ແຕ່​ລະ​ຂັ້ນ, ແຕ່​ລະ​ຂະແໜງການ, ຕ້ານ​ບັນດາ​ທ່າ​ອ່ຽງ​ບໍ່ ຖືກ​ຕ້ອງ. 
- ເພີ່ມ​ທະວີ​ວຽກ​ສຶກສາ​ອົບຮົມ​ອຸດົມການ, ທາດ​ແທ້​ຄຸນສົມບັດ, ສິນ​ທຳ​ປະຕິວັດ ໃຫ້​ແກ່​ພະນັກງານ, ສະມາຊິກ​ພັກ, ພ້ອມ​ກັນນັ້ນ ກໍ​ສຶກສາ​ອົບຮົມ​ມາດຖານ​ດ້ານ​ຄຸນສົມບັດ ແລະ ແບບແຜນ​ດຳລົງ​ຊີວິດ ໃນ​ເງື່ອນໄຂປະຕິບັດ​ກົນ​ໄກຕະ ຫຼາດ ແລະ ເປີດ​ກວ້າງການ ​ພົວພັນ​ກັບ​ສາ​ກົນ. ການ​ສຶກສາ​ອົບຮົມ​ອຸດົມ​ການ, ທາດ​ແທ້​ຄຸນ ສົມບັດ​ປະຕິວັດ ຕ້ອງ​ໄປ ຄຽງ​ຄູ່​ກັບ​ບັນດາ​ວິທີ​ການ​ເສດຖະກິດ, ການ​ຈັດ ຕັ້ງ, ການ​ບໍລິຫານ, ຕິດ​ພັນ​ກັບ​ການ​ສຶກສາ ອົບຮົມ ກັບ​ການ​ຝຶກ​ຝົນ​ໃນ​ຂະບວນ​ການ​ມະຫາ​ຊົນ ກໍ່ສ້າງ ແລະ ປົກ​ປັກ​ຮັກສາ​ປະ​ເທດ. 
- ກໍ່​ສ້າງ​ຖັນ​ແຖວ​ພະນັກ ງານ ຮັບ​ຜິດຊອບ​ວຽກ​ງານ​ແນວ​ຄິດ (ພະນັກງານ​ດ້ານ​ທິດ ສະ​ດີ, ຜູ້​ສິດສອນ, ໜັງສືພິມ, ການ​ພິມ ຈຳໜ່າຍ, ພະນັກງານ​ຄຸ້ມ​ຄອງ ແລະ ເສນາທິ​ການ​ວຽກ​ງານ​ແນວ​ຄິດ...) ບໍາ​ລຸງ​ສ້າງ ແລະ ເປີດ​ກວ້າງ​ຖັນ​ແຖວ​ພະນັກງານ ທີ່​ບໍ່​ມີ​ຄວາມຮັບຜິດຊອບ​ວຽກ​ງານ​ແນວ​ຄິດ​ໂດຍ​ກົງ. 
ໄປ​ຄຽງຄູ່​ກັບ​ການ​ເພີ່ມ​ທະວີ​ບົດບາດ ການ​ນຳພາ​ຂອງ​ພັກ, ຕ້ອງ​ດັດແປງ​ແບບແຜນ ວິທີ​ນຳພາ, ເສີມ​ຂະຫຍາຍ​ກຳ ລັງ​ແຮງ​ສັງ​ລວມຂອງ​ວຽກ​ງານ​ແນວ​ຄິດ. ໃນ​ເງື່ອນໄຂ​ພັກ​ກຳ ອຳນາດ, ເນື້ອ​ໃນ​ນຳພາ​ດັ່ງ ກ່າວຕ້ອງ​ຄວນເອົາໃຈໃສ່​ບາງ​ດ້ານ​ຄື: 
+ ຊີ້​ນຳ​ຢ່າງ​ໃກ້​ຊິດ ໃນ​ການ​ກຳນົດ​ທິດ ທາງ​ການ​ເມືອງ​-​ແນວ​ຄິດ, ຜັນ​ຂະຫຍາຍ​ການ ປະຕິບັດ​ວຽກ​ງານ​ແນວ​ຄິດ ຜ່ານ​ບັນດາ​ຄະນະ ພັກ, ບັນດາ​ການຈັດຕັ້ງ​ພັກ, ປຸກລະດົມ ແລະ ສົມທົບ​ກຳລັງ​ທົ່ວ​ພັກ ແລະ ທົ່ວ​ລະບົບການເມືອງ ເຮັດ​ວຽກ​ງານ​ແນວ​ຄິດ (ບັນດາ ອົງການ​ແຫ່ງ​ລັດ, ແນວ​ໂຮມ, ອົງການ ມະຫາຊົນ, ກຳລັງ​ປະກອບ​ອາ​ວຸດ...) ສົມທົບກັບ​ຄວາມ​ຮັບຜິດຊອບ, ເສີມ​ຂະ ຫຍາຍ​ກຳລັງ ແຮງ​ສັງ​ລວມ​ທັງ​ໝົດ​ລະບົບ​ການເມືອງ ແລະ ທຸກ​ພາຫະນະ​ຂອງ​ວຽກ​ງານ​ແນວ​ຄິດ. 
+ ເສີມ​ຂະຫຍາຍ​ບົດບາດ, ສິດ​ອຳນາດຄຸ້ມ​ຄອງ, ບັນຊາ​ຂອງ​ລັດໃນ​ຂົງເຂດ​ແນວຄິດ. ບັນດາ​ອົງການ​ຄຸ້ມ​ຄອງ​ແຫ່ງ​ລັດ​ໃນ​ຂົງເຂດ​ດັ່ງກ່າວ ຕ້ອງ ຫັນ​ບັນດາ​ມະຕິ​ຂອງ​ພັກ​ໃຫ້ ເປັນ​ລະບຽບ​ກົດໝາຍຢ່າງ​ທັນ​ການ, ມີ​ນະ​ໂຍບາຍ​ທີ່​ເໝາະ​ ສົມ ເພື່ອ​ຊຸກຍູ້​ຂະຫຍາຍ​ບັນ ດາການເຄື່ອນໄຫວ​ແນວຄິດ, ວັດທະນະທຳ, ມີການ​ລົງທຶນ​ ພື້ນຖານ​ວັດຖຸ​ທີ່​ຈຳ​ເປັນ. ສະ ກັດກັ້ນ ແລະ ແກ້​ໄຂການ ເຄື່ອນໄຫວ​ທີ່​ລ່ວງລະເມີດ​ລະ ບຽບ​ກົດ​ໝາຍ. ວຽກ​ງານ​ແນວ​ຄິດ ຕ້ອງ​ຫັນ​ສູ່​ຮາກ​ຖານ ຢ່າງ​ແຂງແຮງ, ຕິດ​ພັນ​ກັບ​ຕົວ​ຈິງ​ຢູ່​ຮາກ​ຖານ. ຕ້ອງ​ຖື​ເປັນ​ສຳຄັນ​ການ​ເປີດ​ກວ້າງ​ປະຊາ​ທິ​ປະ ໄຕ, ເພີ່ມ​ການ​ສົນທະນາ​ກັບ​ພະນັກງານ, ສະ​ມາຊິກ​ພັກ ແລະ ປະຊາຊົນ ຢູ່​ຮາກ​ຖານ. ຕ້ອງ​ກໍ່ ສ້າງ ແລະ ປັບປຸງ​ກົງຈັກ​ໂຄສະນາ​ອົບຮົມ ຢູ່ ຮາກ​ຖານ, ຊ່ວຍ​ຄະນະ​ພັກ​ຮາກ​ຖານ​ຊີ້​ນຳ ສົມທົບ​ບັນດາ​ກຳລັງ​ເຮັດ​ວຽກ​ງານ​ແນວ​ຄິດ. ໝາກຜົນ​ແມ່ນ​ເຮັດ​ໃຫ້​ປະຊາຊົນ ສາມາດເຂົ້າ ໃຈ​ສະພາບ​ການ, ໜ້າທີ່, ກໍາ​ໄດ້​ແຜນ​ນະ​ໂຍ ບາຍ, ນະໂຍບາຍ, ຕື່ນ​ຕົວ​ປະຕິບັດ​ຢ່າງ​ມີ​ປະ ສິດທິ​ຜົນ, ພ້ອມ​ກັນ​ນັ້ນ ກໍ​ເຮັດ​ໃຫ້​ເຂົາເຈົ້າ​ມີຄວາມ​ສາມາດ​ຕິດ ຕາມ​ກວດກາ, ການ​ຊີ້​ນຳຈັດ​ຕັ້ງ​ປະຕິບັດ​ຂອງ​ພະນັກງານ, ປະກອບຄຳ​ເຫັນ​ໃຫ້​ຂັ້ນ​ເທິງ ກ່ຽວ​ກັບ​ແຜນ​ນະໂຍບາຍ, ນະ ໂຍບາຍ ເພື່ອ​ຖອດ​ຖອນ​ບົດ ຮຽນ ແລະ ຂະຫຍາ​ຍ​ໄປ​ສູ່​ທຸກ​ທ້ອງ​ຖິ່ນ.

ໂດຍ: ກ.ອໍ​ລະ​ບູນ

(ຄັດຈາກວາ​ລະ​ສານ​ອາ​ລຸນ​ໃໝ່ ສະ​ບັບ 12/2019)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110