Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ກອງພັນທີ 2 ຕອນທີ 2 ຕໍ່ຈາກສະບັບກ່ອນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 13/05/2020 10:12:20 ຈຳ​ນວນ​ຜູ້​ເຂົ້າ​ຢ້ຽມ​ຊົມ 50 ຄັ້ງ

 (ຕໍ່​ຈາກ​ສະ​ບັບ​ກ່ອນ) 

ນາງ ຍອດ​ສີ ຕອບ​ທັນ​ທີ​ວ່າ:
- ແມ່ນ​ແທ້! ເຮົາ​ກໍ​ເຫັນ​ຄື​ໝູ່. ປະ​ຊາ​ຊົນ​ກໍ​ເຫັ​ນ​ຄື​ພວກ​ເຮົາ​ນີ້ ລະ ແຕ່​ວ່າ​ເວົ້າ​ບໍ່​ໄດ້ ງ້າວ​ຢູ່​ເໜືອ ຄໍ​ໝູ່​ເອີຍ!
ນາງ ຍອດ​ສີ ມິດ​ຢູ່​ຄາວ​ໜຶ່ງ ຈຶ່ງເວົ້າ​ຕໍ່.
ໝູ່​ເຫັນ​ບໍ? ອ້າຍ​ນ້ອງກອງ ພັນ​ທີ​ສອງ​ທີ່​ມາ​ຮ່ວມ​ພາ​ເຂົ້າ​ສາມັກ​ຄີ​ນຳ​ພວກ​ເຮົາ,  ພວກ​ເພິ່ນສຸ​ພາບ​ອ່ອນ​ໂຍນບໍ່​ສັນດິ້ນ ​ສົນໂດດ,   ບໍ່​ສັບ​ເພເຫ​ໂລ​ຄື​ພວກສາມ​ຫູ​ສີ່​ຕາບັດວ່າຟ້ອນ ລຳ​ວົງ​ຫຼາຍ​ຄົນ​ຄຶດ​ວ່າພວກ​ເພິ່ນຟ້ອນບໍ່​ເປັນ​ດອ​ກ ເພາະ​ຫາກໍອອກ​ມາ​ແຕ່​ປ່າ,  ແຕ່ພຸດ ໂທເອີຍ! ໝູ່​ເຫັນ​ບໍ? ເຮົາ​ຊິ​ວ່າ​ພວກເພິ່ນ​ຟ້ອນ​ເປັນ​ລະ​ບຽບ ແລະ  ງາມກວ່າ​ພວກ​ເຮົາ​ອີກ​ໃດ!
ນາງ ສົມ​ພອນ ຍິ້ມ​ຫົວ​ແລ້ວ ເວົ້າ​ຢອກວ່າ: 
- ບໍ່​ແມ່ນສົນ​ໃຈ​ນ​ຳ​ໃຜ​ແລ້ວ ບໍ່​ຫັ້ນ?
- ຫ້​ຸຍ ບໍ່​ຫ່ອນ​ໄວ​ປານນັ້ນ!
- ຄື​ໄດ້​ຍິນ​ວ່າ ໝູ່​ຮັບ​ຫຼົກ​ຂົນ ນົກ​ໃຫ້​ໃຜ​ຄົນ​ໜຶ່ງວ່າ​ຊັ້ນ​ເດ!
ນາງ ຍອດ​ສີ ຄວາ​ມື​ໄປກອດ ນາງ ສົມ​ພອນ ແລ​້ວ​ເວົ້າ​ທັງ ແນບ​ຂ້າງ​ນາງ ສົ​ມ​ພອນ ວ່າ:
- ໃຜ​ເວົ້າ​ສັງ​ມາ​ຮູ້​ໄວ​ແທ້?
ນາງ ສົມ​ພອນ ພະ​ຍາ​ຍາມ ປັດ​ມື​ອອກ​ພ້ອມ​ທັງ​ເວົ້າ​ວ່າ:
- ອ້າຍ ຄຳ​ແພງ ເຮົາ​ເວົ້າ​ສູ່ຟັງ,  ແຕ່ບໍ່​ທັນ​ລະ​ອຽດ​ດອກ, ເລື່ອງ​ມັນ​ເປັນ​ແນວ​ໃດ​ແທ້​ລອງ ເວົ້​າ​ສູ່​ຟັງ​ແດ່ດ​ູ?
- ໂອຍ​ໝູ່​ເອີຍ! ມື້ນັ້ນ​ແມ່ນ ວັນ​ເກີດ​ເຮົາ​ເມືອ​ຢາມ​ບ້ານ​ຢູ່ ໜອງ​ໃຕ້​ພຸ້ນ ພໍ​ດີ​ທ່ານ ກອມ​ມັງ​ດັງ  ບົວ​ຄຳ  ໄປ​ຊື້​ໄມ້​ໄຜ່ນຳພໍ່ທິດ  ສີ​ດາ,  ຫຼັງ​ຈາກ​ຕົກ​ລົງ​ກັນ​ມື້​ຈະ ເອົາ​ລົດ​ໄປ​ເອົາ​ໄມ້​ແລ້ວ  ພວກ​ເພິ່ນ​ເລີຍ​ຊວນ​ພວກ​ເຮົາ​ໄປ​ຫາ ໝູ່​ເອີ​ຍ! ໄປ​ນ​ຳ​ທ່ານ ກອມ​ມັງ​ດັງ ບົວ​ຄຳ ໃນ​ມື້ນັ້ນ​ມີອ້າຍ ຄຳ​ແພງ, ອ້າຍ ຄຳ​ໝັ້ນ ແລະ ອ້າຍ ເລົາ​ເຢີ ລູກ​ລ້ຽງ​ຂອງ​ທ່ານ​ທ້າວຕູ້ ແລະ ຫຼາຍ​ຄົນ​ອີກ​ເຮົາ​ບໍ່​ຈື່​ຊື່ ໂອຍ! ກິນ​ເຂົ້າ​ປ່າ​ນຳ​ພວກ​ເພິ່ນມື້ນັ້ນ​ຈັ່ງ​ແມ່ນ​ຊາດ​ແຊບ​ໝູ່​ເອີຍ!
- ໄປ​ຫາ​ປາ ເຮັດ​ໃດ​ໝູ່​ພັດ ຮັບ​ຫຼົກ​ຂົນ​ນົກ?
ນາງ ສົມ​ພອນ ເວົ້າ​ຂຶ້ນ​ດ້ວຍ ຄວາມ​ສົນ​ໃຈ, ນາງ ຍອດ​ສີ ຍິ້ມ ຫົ​ວ​ເປັນ​ສີ​ອາຍໆ ແລ້ວ​ເວົ້າ​ວ່າ:
 -  ເລື່ອງ​ມັນ​ເປັນ​ແນວນີ້, ອ້າຍເລົາ​ເຢີ ບໍ່​ຊຳ​ນານ​ໃນ​ການ​ຫາ​ປາ ແຕ່​ເພິ່ນ​ຍິງ​ປືນ​ແນ່​ທີ່​ສຸດ. ນົກ​ຢູ່​ສູງ​ປານ​ໃດ​ກໍ​ຍິງ​ຖືກ ມື້ນັ້ນ ເພິ່ນ​ຍິງ​ນົກ​ເຂົາ ແລະ ນົກ​ເປົ້າ ໄດ້​ຫຼາຍ​ໂຕ​ເຕີບ ພວກ​ເພິ່ນ​ເລີຍ ມອບ​ພາ​ລະ​ໃຫ້​ເຮົາ​ຫຼົກ​ຂົນ​ນົກ ຊັ້ນ​ດອກ!
- ນອກ​ຈາກ​ຫຼົກ​ຂົນ​ນົກ​ແລ້ວ ຜູ້​ເປັນ​ແຫຼ້ງ​ຍັງ​ຕ້ອງ​ຕາມ​ຫຼັງ​ພານ​ ປືນ​ໄປ​ເກັບ​ນົກ​ຕົກ​ອີກ​ບໍ?
- ຫຸ້ຍບໍ່​ດອກ!
ນາງ​ສາວ​ທັງ​ສອງກ​ຸມ​ໜິ້ງກັນ ຫົ​ວ​ສະ​ອິກ​ສະ​ອ້ອຍ​ຢູ່​ຄາວ​ໜຶ່ງ​ນາງ ຍອດ​ສີ​  ຈຶ່ງ​ຖາມ​ຂຶ້ນ​ວ່າ:
- ຈັກ​ແມ່ນ​ຫຍັງ​ນໍ  ຄືນມື້ນ​ີ້  ຄຳ​ໝັ້ນ ບໍ່​ມາ?
- ຈັກ​ວ່າ​ເພິ່ນ​ຄາ​ວຽກ​ບໍ່​ຮູ້?
-  ຊິ​ມີ​ວຽກ​ຫຍັງ,  ກາງ​ຄືນ ແນວນີ້?
- ຢ່າ​ເວົ້າ​ໃດ!  ຕາມ​ອ້າຍ      ຄ​ຳ​ແພງ  ເວົ້າ​ໃຫ້​ເຮົາ​ຮູ້​ໃນ​ເວ​ລາກາງ​ຄືນ​ອ້າຍ​ນ້ອງ​ໃນ​ກອງ​ພັນ​ທີສອງຂອງ​ແນວ​ລາວ​ຮັກ ຊາດ ພາ​ກັນ​ຮຽນ​ວັດ​ທະ​ນະ​ທຳ ກຸບ​ຢູ່​ໃດ!
- ໂອ, ສົມ​ພໍ​ດອກ ອ້າຍ​ເລົາ ເຢີ ຈຶ່ງ​ຂໍ​ຢືມ​ປຶ້ມ​ເລ​ຂາ​ຄະ​ນິດ​ນຳເຮົາ.
- ໝູ່​ເອົາ​ໃຫ້​ຢືມ​ແລ້ວ​ບໍ?
- ເຮົາ​ໄດ້​ເອົາ​ໃຫ້​ເພິ່ນ​ຢືມ​ ແຕ່ມື້ນັ້ນ​ພຸ້ນ!
- ເອີ!  ການ​ຮຽນ​ພາ​ສາ​ອັງກິດ ຂອງ​ໝູ່​ເປັນ​ແນວ​ໃດ?  ແລະ  ເວ​ ລານີ້​ໝູ່​ມີ​ປຶ້ມ​ຫຍັງ​ອ່ານ​ແດ່ບໍ?
- ເວົ້າ​ເຖິງ​ເລື່ອງນີ້ ເຮົາ​ອຸກ ໃຈ​ເວ​ລາ​ມີ​ໜ້ອຍ. ປຶ້ມ​ດີ​ຈະ​ອ່ານ ກໍ​ຫາ​ຍາກ.
ເຂົາ​ທັງ​ສອງ​ພາ​ກັນ​ນັ່ງ​ມິດ​ຢູ່ ພາຍ​ໃຕ້​ແສງຈັນ ແລ້ວ​ຕ່າງ​ຄົນ ຕ່າງ​ກໍ​ປ່ອຍ​ອາ​ລົມ​ຂອງ​ໃຜ​ລາວ ໄປ​ຕາມ​ວິ​ມານ​ແຫ່ງ​ຄວາມ​ລະ ເມີ​ຂອງ​ໄວ​ໜຸ່ມ ຊຶ່ງ​ຍາມ​ໃດ​ກໍ ເຫັນ​ຊີ​ວິດ​ສຸດ​ທີ່​ສວຍ​ງາມ ແຕ່ບໍ່ ພໍ​ໃຈ​ຕໍ່​ຄວາມ​ເປັນ​ຢູ່​ໃນ​ປັດ​ຈຸ​ບັນ. ໄວ​ໜຸ່ມ​ຍາມ​ໃດ​ກໍ​ມອງ​ໃບ​ໜ້າ​ຢາກ​ກ້າວ​ໄປ​ໄວ ແລະ ເປົ້າ ໝາຍ​ແຫ່ງ​ຄວາມ​ມຸ່ງ​ຫວັງ​ບຸກ​ບືນ​ຂອງ​ເຂົາ​ເຈົ້າ​ນັ້ນ  ກ້າວ​ຂຶ້ນ​ໜ້າ​ໄປ​ຢ່າງບໍ່​ຢຸດຢັ້ງ ແລະ ບໍ່​ມີ ບ່ອນ​ສິ້ນ​ສຸດ.

ໝໍ ອ່ອນ​ຈັນ ຂັບ​ລົດ​ລ້ຽວໄປ ຫາ​ຄ້າ​ຍ​ຂອງ​ມັນ  ທີ່​ທາງ​ເດີ່ນ ຍົນ​ດ້ວຍ​ຈຸດ​ປະ​ສົງ​ເອົາ​ທະ​ຫານ ໄປ​ນຳ​ຈຸ​ໜຶ່ງ ແລ້ວ​ມັນ​ຈ​ະ​ສ້າງ ຟ້າ​ສ້າງ​ໄຟ​ຂຶ້ນ​ໃຫ້​ສົມ​ຄວາມ​ ແຄ້ນ ກ່ອນ​ອື່ນ​ໝົດ​ມັນ​ຈະ​ສັ່ງ​ໃຫ້​ປິດ​ການ​ລຳ​ວົງ ໄລ່​ຮະ​ພວກ ຜູ້​ສ​າວ​ເມືອ​ບ້ານ ມອບ​ສິດ​ເຕັມ ທີ່​ໃຫ້​ລູກ​ນ້ອງ​ຂອງ​ມັນ​ເຮັດ​ຕາມ ໃຈ​ຊອບ  ສ່ວນ​ມັນ​ຈະ​ເຮັດ​ຕິ​​ເປັນ​ຄົນ​ດີເຊີນ​ນາງ ສົມ​ພອນ ຂຶ້ນ​ລົດ ເພື່​ອ​ເອົາ​ເມືອ​ສົ່ງ​ທີ່​ບ້ານ ບັດ​ຮອດ​ກາງ​ທາງ​ມັນ​ໄອ​ອະ ແຮມ​ບາດ​ໜຶ່ງ   ມັນ​ກໍ​ເປັນ​ຂອງ ທຳ​ມະ​ດາ​ແລ້ວ​ເວິ​ຍ! ຊິ​ເອົາໄວ້ ເຮັດ​ຫຍັງເຊີ​ວ່າ​ແມ່ມັນ​ກືນນ້ຳ ລາຍ​ອີກ​ບາດ​ໜຶ່ງ​ຄິດ​ວ່າ​ຊິບ​ລວຍ ​ເທື່ອນີ້​ລະ! ແຕ່​ພໍ​ໝໍ​ ອ່ອນຈັນ   ກ້າ​ວເຂົ້າຫ້ອງການຂອງ​ມັນ,  ມັນ​ ໄດ້ຕົກ​ສະ​ເງີ້​ຢູ່​ເຫິງ​ເຕີບ  ເພາະໝໍ  ຄຳ​ສຸກ  ແລະ  ໝໍ​ເກນ   ໄດ້​ມານັ່ງ​ຄົກ​ມົກ​ຖ້າ​ຢູ່ນີ້​ແລ້ວ.
 ໝໍ  ຄຳ​ສຸກ  ເປ​ັ​ນ​ຜູ້​ເວົ້າ​ຂຶ້ນ ກ່ອນ​ວ່າ:
- ໂຕ​ໄປ​ໃສ​ມາ​ຫຶ ອ່ອນ​ຈັນ?
ໝໍ​ອ່ອນ​ຈັນ ຍິກ​ຮິມ​ສົບ​ກ້ຳ ຊ້າຍ​ຂຶ້​ນ​ເລັກ​ນ້ອຍ, ມັນ​ມີ​ນິດ​ໄສເຮັດ​ແນວນັ້ນ ເພື່ອ​ໃຫ້​ຄົນ ອື່ນ​ເຫັນ​ແຂ້ວ​ຄຳ ຊຶ່ງ​ມັນ​ຖື​ເປັນ ເຄື່ອງ​ເອ້​ສຳ​ຄັນ​ອັນ​ໜຶ່ງ ສຳລັບ ມັນ  ແລ້ວ​ມັນ​ຂົ່ມ​ໃຈ​ຍິ້ມ ແຕ່ຮອຍ ຍິ້ມ​ຂອງ​ມັນ​ບູດ​ປານ​ແກງໜໍ່​ສົ້ມ​ແຮມ​ຄືນ ແລ້ວ​ມັນ​ຕອບວ່າ:
- ມາ​ແຕ່​ໄປ​ເບີຍ​ລົມ ມັນ​ອ​ວ່າຍ​ ໜ​້າ​ຫາ​ລູກ​ນ້ອງ​ຂອງ​ມັນທີ່​ພວມ ຍົກ​ໝວກ​ແກັ​ບ​ປີ່​ທີ່​ປີ້ນ​ປໍ້​ໍ​ຍໍ້​ແຍ້ ແລະ ເກືອກ​ຂີ້​ຕົມ​ອອກ​ລອກຢູ່ ນັ້ນ​ໃຫ້​ມັນ​ຈັບ​ໝວກ​ແກ່ວງ​ຄືນ ໄປ​ຫາ​ລົດ  ພ້ອມ​ທັງ​ຮ້າ​ຍ​ໃຫ້​ວ່າ: ມຶງ​ບໍ່​ເຫັນ​ທ່ານ  ໂກ​ໂລ​ແນນ ເພິ່ນນັ່ງ​ຢູ່ນັ້ນ​ບໍ?   ຕາ​ແຕກ​ມຶງ​ຢູ່ ໃສ? ຂາໍ່​ນັບ​ເພິ່ນ​ທະ​ແມ້ ບະ ບັກ​ນີ້! ຮີບ​ໄປ​ໄຂ​ເອົາ​ເຫຼົ້າ​ວິດ​ສະ​ກີ ແລະ ໂຊ​ຊີ​ຊົງ​ອອກ​ມາ​ໃຫ້​ກູ​ໄວ!
 ໝໍເກນ ທີ່​ນັ່ງ​ເຄົ້າ​ເມົ້າ​ເຮັດ ໜ້າ​ມືດອື້​ຄື້​ຢູ່  ກໍ​ຄິດ​ໃນ​ໃຈ​ວ່າມື້ ນີ້​ກູ​ຊິ​ເວົ້າ​ກະ​ແທກ​ໃສ່​ໜ້າ​ມຶງ ໃຫ້​ສົມ​ຄວາມ​ແຄ້ນ, ພໍ​ໄດ້​ຍິນ ໝໍ​ອ່ອນ​ຈັນ ເວົ້າ​ເຖິງ​ວິ​ດ​ສະ​ກີ ມັນ​ກໍ​ຟ້າວ​ລຸກ​ຂຶ້ນກວັກ​ມື​ຫ້າມ​ພ້ອມ​ທັງ​ເວົ້າ​ວ່າ:
- ເຊົາ! ເຊົາ! ພວກ​ເຮົາ​ດື່ມ ມາ​ພໍ​ແຮງ​ແລ້ວ​ລະ.
ໝ​ໍ​ເກນ ຍ່າງ​ອອກ​ໄປ​ອັດ​ປະ ຕູ​ເອົາ​ເອງ ແລ້ວ​ກັບ​ມາ​ນັ່ງ​ຢູ່ ບ່ອນ​ເກົ່າ​ເອົາ​ຂາ​ຂຶ້ນ​ຫ້າງສັ່ນຂາ ຢືກໆຢູ່​ດ້ວຍ​ທ່າ​ທີບໍ່​ຫ່ວງ​ໂລກ. ໝໍ​ອ່ອນ​ຈັນ ເຫັນ​ທ່າ​ທີ​ໝໍ ເກນ ແນວນັ້ນ​ກໍ​ເຂົ້າ​ໃຈ​ໂລດ​ວ່າ ພວກ ນີ້​ຕ້ອງ​ການ​ມີ​ເລື່ອງ​ກັບ​ມັນບໍ່​ກໍ​ໜ້ອຍ  ໝໍ​ອ່ອນ​ຈັນ  ແກ້ໝາກກະ ​ດຸມ​ເສື້ອ​ສອງ​ສາມ​ໜ່ວຍ​ອອກ ເພື່ອ​ລະ​ບາຍ​ຄວາມຮ້ອນ​ເອົ້າ​ພາຍ​ໃນ​ຮ່າງ​ຄີງ  ພ້ອມທັງ​ຖິ້ມ ​ແສງ​ຕາ​ໃສ່​ໝໍ   ຄຳ​ສຸກ  ​ ໃນທຳ ນອງ​ທ້າ​ທາຍ​ວ່າ: ແນວນັ້ນ​ນໍ, ພວກ​ເຈົ້າ​ມາ​ຫຼິ້ນ​ເຮືອນ​ຂ້ອຍ ລະ​ວັງ​ຂ້ອຍ​ໃຈ​ຮ້​າຍ​ໃດ ຈັກໜ້ອຍ​ຂ້ອຍ​ເກີດ​ໝົກ​ເຫັດ​ຂຶ້ນ​ໂຮງ​ສີ​ເຂົ້າ​ຂອງ​ພວກ​ເຈົ້າ​ພັດ​ຊິ​ໄດ້​ຖືກ​ຍ້າຍ​ໃດ​ຫັ້ນ!
ໝໍ ຄຳ​ສຸກ ຮູ້​ຈັກ​ນິດ​ໄສ​ຂອງ ໝໍ​ອ່ອນ​ຈັນ ດີ​ຖ້າ​ມັນ​ຮ້າຍ​ຂຶ້ນ ແລ້ວ ບໍ່​ຈັກ​ຕ່ອນ​ບຸນ​ອົງ​ໃດ​ຈະ​ມາ​ຫ້າມ​ມັນ​ໄດ້ ແລະ ມັນ​ກໍ​ຮູ້​ດີ​ວ່າ​ລະ​ຫວ່າງ​ໝໍ​ອ່ອນ​ຈັນ ກັບ ໝໍ ເກນ ຜິດ​ແຂ​ກັນ​ມາ​ແຕ່​ດົນ​ແລ້ວ  ຖ້າ​ປ່ອຍ​ໃຫ້​ກັກ​ກັ້ນ​ກໍ​ມີ​ຄວາມຫຍຸ້ງ​ຍາກ ສະ​ນັ້ນ ໝໍ​ຄຳ​ສຸກ  ຈຶ່ງ​ເວົ້າ​ຂຶ້ນ​ດ້ວ​ຍ​ສີ​ໜ້​າຍິ້ມ​ແຍ້ມວ່າ:
- ເຫັນ​ເດືອນ​ແຈ້ງ​ສະ​ຫວ່າງ​ດີ ຄິດ​ຢາກ​ມາ​ຊວນ​ເຖົ້າ​ໄປ​ຫຼິ້ນ ເລີຍ​ໄດ້​ຍິນ​ສຽງ​ກອງ​ລຳ​ວົງ​ຢູ່​ ບ້ານ​ອ່າງເລີຍ​ແວ່​ຖາມປະຊາ ຊົນ​ຢູ່​ລາດ​ຖໍ​້າ​ເຂົາບອກວ່າ ປະ​ ຊາ​ຊົນ​ບ້ານ​ອ່າງຈັດ​ງານລ້ຽງ ກອງ​ ພັນ​ທີ​ສອງວ່າ​ຊັ້ນ, ເລື່ອງນີ້ເຖົ້າ​ຮູ້​ແລ້ວ​ແມ່ນ​ບໍ?
ໝໍ​ອ່ອນ​ຈັນ ຈົກ​ແພ​ມົນ​ອອກ ມາ​ເຊັດ​ນ້ຳ​ເຫື່ອ ແລ້ວ​ເວົ້າ​ທັງ ແກ່ວງ​ຫົວ​ວ່າ:
- ເຮົາ​ບໍ່​ຮູ້​ໃດ.
 ໝໍ​ເກນ  ຫົວ​ແບບ​ທ້າ​ທາຍ ແລ້ວ​ເວົ້າ​ຂຶ້ນ​ດ້ວຍ​ສຽງ​ເຄິ່ງ​ເວົ້າ ແທ້​ເຄິ່ງ​ເວົ້າຢອກວ່າ: 
- ໂຕ​ໄດ້​ຍິນ​ສຽງ​ລຳ​ວົງ​ເປີດ​ຢູ່ນັ້ນ​ຕິ?
- ໂອ ສຽງ​ກອງນັ້ນ​ຫວະ? ໄດ້ ຍິນ​ລະ​ບໍ.
 ໝໍ ເກນ ເບະ​ສົບ​ດ້ວຍ​ທ່າທີລັງ ​ກຽດ ແລ້ວ​ເວົ້າ​ແບບ​ແຍ່​ຮ​ັງຕໍ່ວ່າ:
- ໃສວ່າ​ແຜນ​ການ​ປິດ​ລ້ອມ ຄັກ​ແທ້? ກອງ​ພັນ​ທີ​ສອງ ບໍ່​ສະ  ເພາະ​ແຕ່​ຕິດ​ຕ​ໍ່​ປະ​ຊາ​ຊົນ​ໄດ້​ທໍ່ ນັ້ນ​​ໃດ  ປະ​ຊາ​ຊົນ​ຍັງ​ຈັດ​ງານລ​້ຽງ​ ພວກ​ເຂົາ​ອີກ​ຊ້​ຳ! ຫວ່າງ​ຢູ່​ບ້ານ ອ່າງ​ຄັງ​ໄຂ  ນຳ​ພວກ​ເຮົາ​ບໍ່​ມີ​ໃຜ ຈັດ​ງານ​ລ້ຽງ​ພວກ​ເຂົາ​ຄື​ແນວນີ້ ໃດ  ເຮົາ​ເວົ້າ​ແລ້ວຢ່າອວດ​ດີຫຼາຍ​ ສາໍ່​ຄົນ​ຄືກັ​ນນີ້,  ບັດ​ນີ້​ເຫັນ​ແລ​້ວ​ ບໍໂຕ​ແມ່​ເປັ້ງ​ຂອງມັ​ນ?
ໝໍ​ອ່ອນ​ຈັນ ໄດ້​ຍິນ​ແນວນັ້ນ ໜ້າ​ແຫຼ​້​ເຂົ້າ ດ້ວຍ​ຄວາມ​ຮ້າຍ, ເອົາ​ສາ​ບໍ? ໃຫ້​ມັນ​ເຫັນ​ໂຕ​ແມ່ ເປັ້ງ​ຄື​ມັນ​ເວົ້າ​ຫານັ້ນ​ສາບໍ?
ເສັ້ນ​ປະ​ສາດ​ທົ່ວ​ຕົວ​ຂອງໝໍ ອ່ອນ​ຈັນ   ເຄັ່ງ​ຈົນ​ເກືອບ​ຂາດພຸ້ນ ລະ, ແຕ່​ກໍ​ເປັນ​ໜ້າ​ແປກ​ຢູ່ໝໍ​ອ່ອນຈ​ັນ   ອົດ​ກັ້ນ​ໄວ້​ໄດ້ມັນເວົ້າ​ຕອບ​ດ້ວຍ​ສີ​ໜ້າ​ເສີຍ​ເມີຍວ່າ:
 ສຽງ​ກອງ​ລຳ​ວົງທີ່​ດັງ​ເປີດ​ຢູ່ ນັ້ນ​ ຄື​ວ່າ​ດັງ​ມ​າ​ແຕ່​ແຄມ​ຄ້າຍ ຂອງ​ໝໍ ຄຳ​ສຸກ ແລະ ທ່ານ ວາງ ປາ​ວ  ພຸ້ນ​ໃດນໍ?  ຢູ່​ທາ​ງ​ເດີ່ນ​ຍົນ​ພີ່​ຄືບໍ່​ໄດ້​ຍິນ​ສັງ​ນ່າ ຫຼື ວ່າ​ພວກ ໂຕ​ໄດ້​ຍິນ​ຊັ້ນ​ບໍ? ມິດ​ຢູ່​ຄາວ​ໜຶ່ງ  ໝໍ​ອ່ອນ​ຈັນ ອວ່າ​ຍ​ໜ້າ​ໄປ​ຫາ​ໝໍ ເກນ ແລ້ວ​ເວົ້າ​ວ່າ: ການ​ຮັກ​ສາ ບັນ​ດາ​ກອງ​ຮ້ອຍ​ຂອງກອງພັນ​ ທີ​ສອງ​ໄດ​້​ແບ່ງ​ປັນ​ກັນ​ລະ​ອຽດຖີ່ ຖ້ວນ​ແລ້​ວ​ເດ ຄວາມ​ຊົງ​ຈ​ຳ​ຂອງ ໂຕ​ສັງ​ມາ​ດີ​ແທ້?
  ໝໍ​ເກນ ປາກ​ປູ້​ໄປ ເພາະ​ຄວາມ​ຈິງ​ແລ້ວ   ພວກ​ມັນ​ໄດ້​ແບ່ງປັ​ນ​ໜ​້າ​ທີ່​ໃຫ້​ກັນ​ຢ່າງ​ຄັກ ແນ່​ແລ້ວ ໝໍ ຄຳ​ສຸກ ເຫ​ັນ​ທີບໍ່​ດີ ເລີຍ​ເວົ້າ​ຂຶ້ນ​ວ່າ:
- ພວກ​ເຮົາ​ມານີ້ ບໍ່​ແມ່ນ​ເພື່ອ ສຳ​ຫຼວດກວດ​ກາ​ວຽກ​ງານ​ຂອງ​ຜູ້ນັ້ນ ຜູ້ນີ້ດອກ ພວກ​ເຮົາ​ມາ​ແວ່ ຢາມ​ໂຕ​ຊື່ໆ ນີ້​ລະ​ແມ່ນ​ບໍ ເກນ?
ພ້ອມ​ກັນ​ນັ້ນ​ກໍ​ຢາກ​ຂ່າວ​ໃຫ້ ໂຕ​ຮູ້​ແດ່ ຂ່າວ​ດີ​ໃດເດີ!
- ຂ​່າວ​ອັນ​ໃດ?  ລອງ​ເວົ້າ​ສູ່​ຟັງແດ່​ດູ.
ໝໍ ຄ​ຳ​ສຸກ ມິດ​ຢູ່​ຄາວ​ໜຶ່ງ ແລ​້ວ​ ເວົ້າ​ຊ້າໆ ວ່າ: 
- ຂ່າວນີ້ບໍ່​ເປັນ​ທາງ​ການ​ເທື່ອ ແຕ່​ເຮົາ​ຮູ້​ກ່ອນ​ວ່າ​ໂຕ​ຊິ​ຖືກ​ຍ້າຍ ອອກ​ຈາກ​ທົ່ງ​ໄຫ​ຫີນ ລົງ​ໄປ​ພາກ​ ໃຕ້​ຕາມ​ຄວາມ​ຮ້ອງ​ຂໍຂອງໂຕ ວ່າ​ຊັ້ນໃດ!
ໝໍ ອ່ອນ​ຈັນ ຜູ​ດ​ລຸກ​ຂຶ້​ນ​ດ້​ວຍ ຄວ​າມ​ດີ​ໃຈ ພ້ອມ​ທັງ​ເວົ້າ​ວ່າ: 
- ຊັ້ນ​ຫວະ? ໂອຍ​ກໍ​ດີ​ລະ​ບໍ! ຮວ້າຍ​ມາ​ຫຼິ້ນ​ເຮືອນ​ເຮົາ​ບໍ່​ເປັນ ເຫຼົ້າ​ວິດ​ສະ​ກີ​ແກ້ມ​ໂຊ​ຊີ​ຊົງ​ຈັກ ໜ້ອຍບໍ່​ເປັນ​ຕີ?  ມັນ​ອວ່າຍ​ໜ້າ ອອກ​ໄປ​ຫາ​ຫ້ອງ​ຂ້າງນອກ ແລ້ວຮ້ອງ​ຂຶ້ນ​ວ່າ: ບັກ​ໂກກ! ເອົາ​ວິດ​ສະ​ກີ  ແລະ  ໂຊ​ຊີ​ຊົງ  ທີ່​ກູ​ຝາກ​ ຊື້​ມາ​ແຕ່​ວຽງ​ຈັນ  ນັ້ນ​ມາ​ໃຫ້​ກູ​ໄວ!  ພວກ​ເຮົາ​ບໍ່​ຫຼິ້ນ​ແລດສະຕົບ​ ກັນ​ຈັກ​ເມມ​ບໍ?
ໝໍ ຄຳ​ສຸກ ອວ່າຍ​ໜ້າ​ໄປ​ຫາ ໝໍ​ເກນ ລັກ​ສະ​ນະ​ຍິບ​ຕາ​ໃສ​່​ກັນ ທີ່​ມີ​ຄ​ວາມ​ໝາຍ​ວ່າ ເຂົ້າ​ຂາ​ກັນ ກິນ​ເງິນ  ໝໍ​ອ່ອນ​ຈັນ  ກ່ອນ​ນໍ, ແລ້ວ ໝໍ​ຄຳ​ສຸກ ອວ່າຍ​ໜ້າ​ໄປ​ຫາ  ໝໍ​ອ່ອນ​ຈັນ  ທີ່​ພວມ​ແປງ​ໂຕະ​ແປງ​ຕັ່ງ​ຢູ່​ພ້ອມ​ເວົ້າ​ວ່າ:
- ຫຼິ້ນ​ກໍ​ຫຼິ້ນ​ລະ​ບໍ ແຕ່ງ​ຄົນ​ໄປ ເອີ້ນ​ເອົາ ໝໍ​ເກດ​ສະ​ໜາ ຕື່ມ​ໃຫ້ ມັນ​ຄົບ​ຂາ​ຄົບ​ແຄ່ງ​ລະ​ບໍ​!

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110