ໜັງສືພິມ ປະຊາຊົນ

ຖວທ ໄຊຍະບູລີ ເຊ່ືອມຊຶມເອກະສານດຳເນີນກອງປະຊຸມໃຫຍ່ຮາກຖານພັກ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 13/05/2020 10:18:13 ຈຳນວນຢ້ຽມຊົມ 1757 ຄັ້ງ

ຄະນະພັກຮາກຖານພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງໄຊຍະ ບູລີ ໄດ້ຈັດຕັ້ງເຊື່ອມຊຶມເອກະສານ ສໍາຄັນຕ່າງໆ ເພື່ອກະກຽມໃຫ້ ແກ່ກອງປະຊຸມໜ່ວຍພັກກໍຄືກອງປະຊຸມໃຫຍ່ ຄັ້ງທີ II ຂອງ ຄະນະພັກຮາກຖານພະແນກ ຖວທ ຂຶ້ນໃນວັນທີ 11 ພຶດສະ ພາຜ່ານມາ ທີ່ພະແນກ ຖວທ ແຂວງ ໂດຍໃຫ້ກຽດເຂົ້າຮ່ວມເຜີຍແຜ່ຂອງ ສະຫາຍ ນາງ ແພງຈັນ ແກ້ວມະນີວົງ ກໍາມະການພັກແຂວງ ຫົວໜ້າພະແນກ ຮສສ ແຂວງ, ສະຫາຍ ນາງ ບົວຈັນ ພັນທະວົງ ຫົວໜ້າພະແນກ ຖວທ ແຂວງ, ມີໜ່ວຍປະຕິບັດງານຂອງແຂວງ, ມີຄະນະພັກຮາກຖານ, ເລຂາໜ່ວຍພັກ ພ້ອມດ້ວຍສະມາຊິກພັກ-ລັດຖະກອນເຂົ້າຮ່ວມ.
ເອກະສານທີ່ນໍາມາເຜີຍ ແຜ່ໃນຄັ້ງນີ້ ປະກອບມີ ຄໍາສັ່ງແນະນໍາຂອງເລຂາທິການສູນກາງ ພັກສະບັບເລກທີ 04/ຄລສພ, ລົງວັນທີ 7 ພຶດສະພາ 2018 ວ່າ ດ້ວຍການກະກຽມດໍາເນີນກອງ ປະຊຸມໃຫຍ່ອົງຄະນະພັກກະ ຊວງ-ອົງການ, ແຂວງ-ນະຄອນ ຫຼວງ, ອົງຄະນະພັກເມືອງ-ນະ ຄອນ ແລະ ຮາກຖານພັກໃນຂອບເຂດທົ່ວປະເທດ, ເອກະສານຄໍາສັ່ງແນະນໍາຂອງກົມການເມືອງສູນກາງພັກ ສະບັບເລກທີ 01/ກມສພ, ລົງວັນທີ 3 ມັງກອນ 2018 ວ່າດ້ວຍການເພີ່ມທະວີການກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ. ເອກະສານອົບຮົມການເມືອງ-ນໍາພາແນວຄິດ ສໍາລັບສະມາ ຊິກພັກ-ພະນັກງານ ແລະ ເຊື່ອມ ຊຶມເອກະສານ ບາງເນື້ອໃນຂອງກົດໝາຍ ວ່າດ້ວຍການຕ້ານການສໍ້ລາດບັງຫຼວງ.
ຈຸດປະສົງກໍເພື່ອເຮັດໃຫ້ ສະມາຊິກພັກພະນັກງານເຂົ້າໃຈໃນການກະກຽມດໍາເນີນກອງ ປະຊຸມໃຫຍ່ຂອງພັກ ແຕ່ລະຂັ້ນ, ດໍາເນີນໄປຖືກຕ້ອງຕາມລະບຽບຂອງພັກຮັບປະກັນການຊີ້ນໍາ-ນໍາພາຂອງຄະນະພັກຂັ້ນ ເທິງໃຫ້ມີຄວາມໜັກແໜ້ນ, ເຂັ້ມແຂງ ເພື່ອຍົກສູງຄວາມສາມາດ ນໍາພາຂອງຄະນະພັກໃຫ້ສົມຄູ່ກັບການເລັ່ງທວງຂອງໜ້າທີ່ການເມືອງໃນໄລຍະໃໝ່, ຮັບປະກັນການເລືອກເຟັ້ນບຸກຄະ ລາກອນເຂົ້າໃນຄະນະພັກແຕ່ ລະຂັ້ນໃຫ້ຖືກຕ້ອງຕາມມາດ ຖານເງື່ອນໄຂທີ່ກໍານົດໄວ້ ແລະ ອີກດ້ານໜຶ່ງກໍເພື່ອຍົກລະດັບຄຸນນະພາບຂອງໜ່ວຍພັກ ແລະ ສະມາຊິກພັກໃຫ້ມີການປ່ຽນແປງຢ່າງຕັ້ງໜ້າ ຮັບປະກັນການສ້າງພັກປອດໃສ, ເຂັ້ມແຂງ, ໜັກແໜ້ນທາງດ້ານປະລິມານ ແລະ ຄຸນນະພາບທັງເຮັດ ໃຫ້ໜ່ວຍພັກຮູ້ນໍາພາຈັດຕັ້ງປະຕິບັດແຜນການ ແລະ ຮູ້ສະຫຼຸບຕີລາຄາການຈັດຕັ້ງປະຕິບັດ ແຜນການທີ່ໄດ້ຂຶ້ນໄວ້ຕື່ມອີກ.
(ຂ່າວ-ພາບ: ບຸນທີ)