ໜັງສືພິມ ປະຊາຊົນ

ຫວຽດນາມ ເນັ້ນວຽກງານພະນັກງານຕ້ອງຍົກສູງ ຈິດໃຈຄວາມຮັບຜິດຊອບ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 14/05/2020 09:36:20 ຈຳນວນຢ້ຽມຊົມ 545 ຄັ້ງ

ວິທະຍຸກະຈາຍສຽງຫວຽດ ນາມລາຍງານວ່າ: ໃນວາລະດໍາເນີນກອງປະຊຸມສູນກາງພັກກອມມູນິດ ຫວຽດນາມ ຄັ້ງທີ 12 ໃນວັນທີ 11 ພຶດສະພາຜ່ານມາ, ທ່ານ ຫງວຽນຝູຈ້ອງ ເລ ຂາທິການໃຫຍ່ພັກ ກອມມູນິດ ປະທານປະເທດ ຫວຽດນາມ ໄດ້ຢັ້ງຢືນວ່າ: ພະນັກງານຜູ້ໃດເຮັດວຽກມີ ຜົນປະໂຫຍດ ຕໍ່ປະ ເທດ, ຕໍ່ປະຊາຊົນ, ເພື່ອພາລະ ກິດສ້າງສາ, ພັດທະນາປົກປັກຮັກສາປະເທດຊາດ, ປະຊາຊົນ ມີຄວາມເຊື່ອໝັ້ນ ແມ່ນຜູ້ນັ້ນຈະໄດ້ຮັບເຂົ້າສູນກາງ.
ພ້ອມກັນນັ້ນ, ບັນ ດາພະນັກງານ, ສະມາຊິກພັກ ແລະ ປະຊາຊົນທົ່ວປະ ເທດ ຕ່າງກໍເຫັນດີ ເປັນເອກະພາບສູງກັບຄຳເຫັນຂອງທ່ານ ຫງວຽນຝູຈ້ອງ ໂດຍເນັ້ນເຖິງວຽກງານພະນັກງານ ຕ້ອງຍົກສູງ ຈິດໃຈ ຄວາມຮັບຜິດຊອບ, ຖືພາລະກິດລວມຂອງພັກ, ຂອງປະເທດ, ຂອງປະຊາຊົນເໜືອກວ່າສິ່ງໃດໝົດ. ພິເສດ, ຄວນມີຄວາມເຊື່ອໝັ້ນຕໍ່ປະ ຊາຊົນ, ອີງໃສ່ປະຊາຊົນ ເພື່ອເລືອກເອົາພະນັກງານທີ່ມີຈັນ ຍາບັນ, ມີຄວາມສາມາດຢ່າງຄົບຖ້ວນ.
ທ່ານ ຫງວຽນມິງຕ໊ວນ ຫົວໜ້າສະຖາບັນກໍ່ສ້າງພັກ, ສັງກັດສະຖາບັນການເມືອງແຫ່ງຊາດໂຮ່ຈິມິນ ຢັ້ງຢືນວ່າ: ວຽກງານບຸກຄະລາກອນ ຄະນະ ບໍລິຫານງານສູນກາງພັກຊຸດທີ 13 ຕ້ອງເລືອກເອົາຜູ້ທີ່ມີນ້ຳ ໃຈຄວາມຮັບຜິດຊອບສູງ, ມີວິໄສທັດ, ຍຸຕິທຳ, ໂປ່ງໃສຢ່າງແທ້ຈິງ, ຖືພາລະກິດລວມຂອງພັກ, ຂອງປະເທດຊາດ, ຂອງປະຊາຊົນເໜືອກວ່າສິ່ງໃດໝົດ. ທ່ານ ຫງວຽນມິງຕ໊ວນ ກ່າວວ່າ: ວຽກງານກະກຽມບຸກຄະລາກອນໃຫ້ແກ່ກອງປະຊຸມໃຫຍ່ຄັ້ງນີ້, ສູນກາງມີຄວາມລະມັດ ລະວັງທີ່ສຸດ, ຍ້ອນວ່າ ມີບັນດາບົດຮຽນທີ່ສະແດງໃຫ້ເຫັນວ່າ: ມີຜູ້ເສຍທາດຂາດຄຸນລອດເຂົ້າໃນຂັ້ນສູງ. ບັນຫາທຳອິດ ຕ້ອງເສີມຂະຫຍາຍພັກຮາກຖານ, ອົງການຈັດຕັ້ງພັກ, ຂັ້ນຄຸ້ມຄອງພະນັກງານ, ມີຄວາມຮັບຜິດຊອບ ນັບແຕ່ການຕີລາຄາຕຳນິຕິຊົມ ຕະຫຼອດຮອດການກວດກາຊີວະປະຫວັດຫຍໍ້, ແຈ້ງຊັບສົມບັດ, ແຈ້ງບັນດາເອກະ ສານຕ່າງໆ.
ຂ່າວລະບຸວ່າ: ທ່ານ ຫງວຽນຝູຈ້ອງ ມີຄວາມປາຖະ ໜາ ແລະ ຄວາມຕັດສິນໃຈ ໃນການສ້າງຕັ້ງຄະນະບໍລິຫານງານສູນກາງພັກກອມມູນິດ, ກົມການເມືອງ, ຄະນະເລຂາ ທິການໃຫ້ໝັ້ນຄົງ ເຂັ້ມແຂງ; ມີຄວາມສາມັກຄີຢ່າງແທ້ຈິງ, ມີຄວາມເຫັນດີເປັນເອກະພາບຢ່າງສູງ. ສະນັ້ນ, ວຽກງານ ພະ ນັກງານຮຽກຮ້ອງຕ້ອງການມີຄວາມລະມັດລະວັງທີ່ສຸດ, ໃນນັ້ນ ມີບົດບາດສຳຄັນຂອງ ວຽກງານ ຈັດຕັ້ງເລືອກເອົາພະນັກງານ. ພິເສດ ແມ່ນຄວນເຊື່ອໝັ້ນຕໍ່ປະຊາຊົນ, ອີງໃສ່ປະຊາ ຊົນ ເພື່ອເລືອກເອົາພະນັກງານທີ່ມີຄຸນສົມບັດ, ມີຄວາມເກັ່ງກ້າສາມາດຢ່າງຄົບຖ້ວນ.